榮哥廚房私房菜

📍｜隱世私房菜・驚喜體驗🍽️｜三四人聚會首選💰｜高性價比之選✨ 整體體驗：突然發現嘅私房菜！環境幽靜舒服，服務細心周到，上菜速度快，仲會等齊人先上菜，保證食材新鮮同最佳風味～絕對係同朋友慢慢傾、慢慢食嘅好地方！🍴 菜式逐一點評：**• 🥣 金銀菜煲豬肺湯湯色醇和，清甜潤喉，豬肺處理得乾淨，軟滑入味，飲完成個人暖笠笠 ❤️• 🍤 榮哥伴飯醬鮮蘆筍炒北海道帶子帶子大粒鮮甜，外香內嫩！配爽脆蘆筍同獨家醬汁，鹹香惹味，超好送飯 🍚• 🍯 蜜烤鰻鱺鰻魚外皮焦香，肉質油潤，蜜糖香甜唔膩，一串點夠喉 😋• 🐚 鹽焗花螺傳統鹽焗做法，螺肉鮮味突出，彈牙爽口！點少許醬油，鮮味更提升 👌• 🦀 雞油花雕蒸花蟹全場焦點！花蟹鮮甜，雞油同花雕酒香完美融合，蟹肉嫩滑，酒香回味無窮～• 🍗 招牌茶王燻雞雞皮燻香色澤靚，肉質嫩滑多汁，淡淡茶香滲入，食完齒頰留香 💯• 🌿 乾煸四季豆炒得乾身香口，配上鹹香肉末，微辣惹味，係一道滋味小炒！• 🌟 子薑皮蛋醬王南非鮑魚鮑魚厚身爽彈，醬王濃郁入味！配子薑同皮蛋，口感豐富，層次分明，完美壓軸 🎯📌 總結：食材新鮮，菜式有驚喜，價錢合理，服務貼心！係一個會想再encore嘅聚腳點～ …查看更多

訂咗$499 per head慶祝朋友生日 第一印象店員好nice 位置燈光昏暗 冷氣唔太夠 我哋全程自己開風扇仔頭盤最出色 所以俾咗個假希望🥺本地米耕沙律菜伴芝麻醬✅ 鍾意芝麻醬係重麻醬味 唔會好漏京滬味香伴海蜇頭 雙色墨魚仔 ✅茄燒流心蛋伴黑魚子醬配厚切茄子✅原盅燉意大利牛肝菌豬肉雞腳甘筍湯☑️ 好在熱辣辣 但卻冇任何一個味道突出溫室南瓜北海道特級帶子🤮離譜no. 1 南瓜原來只係一個裝飾 所謂北海道特級帶子 都係得一粒放喺面頭 南瓜入面將啲哈密瓜同青瓜撈埋一啲怪味醬 味道極奇怪金黃沙獻澳洲大虎蝦✅焗薯蓉鋪底夠香 士多啤梨黑豚肉排骨🤮 離譜no. 2 我哋食落口嗰下簡直感到可怕 佢係甜品嗰隻廉價士多啤梨醬就咁唧落去 極多碎骨頭 米通同佢都離奇地唔夾魚湯浸黑松菌日本百合配時令鮮蔬🤮 離譜no. 3 嗰啲放到我面前已經覺得好腥 菠菜正常 但個湯我冇辦法接受卜卜脆米海中鮮豚粒炒飯✅ 有少少脆米係幾好食嘅 此外就係一個正常嘅炒飯時令甜品☑️頹到唔想再試 木瓜雪耳糖水 朋友話okay餐廳冇壽桃亦都冇特別慶祝 都free咗四支可樂俾我哋嘅…查看更多

公司同事聚會，預先訂咗相舊位置成一個嘅枱，預訂過程非常優質，態度非常良好餐牌清晰，而且尚算選擇多選擇咗普通嘅餐單，臨場加咗豆腐同埋炸豬肺食材新鮮，加上即製，所以都係唔錯，特別鍾意宮保蝦球，可能係啱我個人口味，偏唔太辣，幾開胃，夏天好啱食不得不再讚服務真係好好，如果再聚會，會再光顧同推介…查看更多

周圍食有質素私房菜既地方唔多了榮哥廚房私房菜食評有讚到天花板 都有話 性價比 差D一於去 食左先講菜單 前菜 木耕沙律菜蕃茄仔卷青瓜 （蔬菜 堅料）雙色墨魚仔茶燻流心蛋伴黑魚子醬 厚切 茄子（我好想知道茄子點煮🤔好味唔縮唔謝皮）燉湯哈密瓜 螺頭 黑毛豚肉湯（足料）芝士焗兵庫縣生蠔（應該唔大隻 ，芝士反而拎蠔味更鮮，現今食到依個味 好難得啦）邪惡 豬油渣炒菜苗家常小菜😝黃皮黑蒜 清遠雞*例牌用鮮黃皮， 黑蒜切片**加分清遠雞出名 好肉 有雞味， 識煮嘅人不多再用鮮黃皮， 黑蒜切片**加分他鄉炒米粉每個人食炒米粉都有佢個人嘅味道我就勁愛辣醬撈埋一齊食💪絕對要 encore …查看更多

申利：本人不上深圳消費。1） 頭盤 。海蜇拼青瓜。（一般，冇乜味） 煙燻蛋，矮瓜，墨魚仔，沙律菜好味。2）湯 。蜜瓜螺頭湯冇螺頭味，味太淡 牛肝菌湯（幾好）3）金黃沙大虎蝦 （薯蓉夠細滑，蝦夠新鮮）4）南非鮑魚（鮑魚比想像中細隻，同埋韌）5）陳皮黑豚肉（有陳皮味，但豬肉太韌多筋）6）黑松菌時蔬（一般啦）7）卜卜脆炒飯 （幾得意， 都好食）8）黑芝麻湯圓 （成晚最正）$1897/3位 。 真心唔低食， 成晚仲有隻小昆蟲飛來飛去…查看更多

📌觀塘適合一家聚餐嘅私房菜雖然餐廳係喺工業大廈裏面 但係搵落都算方便～裝修主要係木色為主 俾人一種喺工廠裏面都有溫暖小菜館嘅感覺🤎🍲冰鎮爽口清酒南非鮑魚（慢煮升級版）呢款冰鎮過嘅南非鮑魚食落爽口新鮮 如果再大隻啲口感應該會再好食啲～🍲原盅燉哈密瓜螺頭黑毛豚肉湯（位上）呢款湯飲落非常鮮甜♨️其實就係爵士湯😋湯頭飲落去除咗有哈密瓜嘅香甜 亦都用咗螺頭帶出鹹鮮好難得嘅係啲豬肉都好食（想話平時我係唔會食老火湯裏面嘅肉😌）呢個值得飲！👍🏻👍🏻🍲懷舊蜆蚧鯪魚球（例）鯪魚球食落好足料好香鯪魚味🤤佢哋嘅顯解就比較重味道欣賞嘅係佢哋會放多啲薑絲蔥絲落去個蜆蚧 所以食落去都會refresh返少少🍲鹽焗海螺（例）呢個就正常質素 海螺食得出係新鮮嘅～🍲椒鹽鮮魷（例）呢度嘅椒鹽鮮魷size會比起大排檔嗰啲比較細 但係一樣咁惹味香口🔥🍲蜜香鰹魚汁烤原條大鮮魷（例）大鮮魷好香燒烤味😆甜甜嘅魚汁 再加上啱啱好嘅火候 唔會令到個燒烤得太過火 食落去係彈牙香口軟滑😍🍲九肚魚鍋貼（例）呢個係當晚最多討論嘅菜式🤫因為order菜式嘅時候唔知原來佢原來有芫荽同埋鹹魚一齊整 所以想試嘅朋友要留意啦🫣因為九肚魚本身原則偏向無味 主要食佢嘅滑 所以都好好奇佢哋係點整呢個菜式食到佢哋係用芫荽同埋鹹魚去帶出九肚魚嘅滑就覺得好合理～不過佢哋嘅魚露就偏重口味 感覺上就咁食好食啲🤣🍲洛神玫瑰茄西班牙黑毛豚咕嚕肉（例）洛神花同埋蕃茄嘅酸原來係咁夾😙本身黑毛都比較肥美 所以呢個酸甜嘅醬汁加埋就啱啱好 唔會太油膩🍲幔煮西班牙黑毛豬粉嫩叉燒（例）呢個叉燒一上枱就覺得似係西式菜式多過中式🤓雖然佢嘅菜式名係叫叉燒 但食落真係好似西式嘅煮法去烹煮豬肉～呢個叉燒係非常好食 好惹味之餘焗得好有炭香味 唔錯唔錯🍲蜜鮮鳳梨柔嫩安格斯牛里肌肉（例）起初見到呢個菜式以為係咕嚕肉 但係食落原來係牛肉呢個非常驚喜😱雖然係用咗菠蘿嘅甜酸去平衡呢個菜式但係一入口個牛肉非常鬆化 牛肉嘅脂肪香一下子就會衝擊味蕾🙌🏻呢個幾驚喜🍲招牌茶王燻雞（一隻）食落雞肉肉質嫩滑 雞胸都係咁滑🤲🏻煙熏味啱啱好 茶葉味亦唔會蓋過原本嘅雞油香🍲脆香鳳雁戀蜜配：1）懷舊片皮雞配鵝肝醬＋2) 生菜包雞鬆先講佢哋嘅片皮雞 佢哋嘅鵝肝醬配合個雞係非常非常好食💫雖然片皮雞冇片皮鴨味道咁濃郁 但廚房有精心設計過用鵝肝去帶返個濃厚嘅味道😚至於個生菜包 起初以為佢係雞肋 但食落同樣有片皮雞嘅香氣🍲脆皮BB乳鴿（2隻）脆皮乳鴿質素就同平時餐廳差唔多～🍲陳年滷水BB乳鴿（2隻）個人認為滷水版本好食啲 食得出佢哋嘅滷水係比較重藥材味 而且乳鴿食落都甜滑🍲他鄉炒米絲（24個月西班牙黑毛豬火腿配福建蒲田米粉）（例）估唔到呢個炒米粉好好食呀！！！佢哋嘅米粉好幼 初頭會以為好似新竹米粉咁會有啲嚡口但係食落好順滑 再加埋芽菜同埋Parma Ham嘅調味呢個都係必叫之一😋🍲開煲菜：特選時令配鮮枝竹手打自家製魚腐最後就以一個蔬菜菜式完結 值得一提係佢哋自家製魚腐 呢個真係食得出係佢哋手工自己做嘅 嗰種魚香味係出面食唔到😉當晚都見到比較多一家大細嘅飯聚所以如果大家有一班人想好好地坐低傾偈食飯 都可以考慮呢間～另外講講就係佢哋頭三支酒係免開瓶費 不過之後開就要再同餐廳傾吓～🍽️ 食物：🌕🌕🌕🌕🌑🥂 飲品：🌕🌕🌕🌑🌑👩🏻‍🍳 環境：🌕🌕🌕🌑🌑💯CP值：🌕🌕🌕🌗🌑✅回頭率：🌕🌕🌕🌗🌑Overall: ⭐️⭐️⭐️⭐️ (out of ⭐️⭐️⭐️⭐️⭐️)📍榮哥廚房私房菜 (觀塘)地址：觀塘觀塘道436-484號觀塘工業中心3期4樓L室…查看更多

去左觀塘一間商廈食私房菜，位於觀塘區工厦内，餐廳環境就真係麻麻，環境昏暗得嚟令人有種污污糟糟的感覺，店內面積一般不大，擺枱尚算寬敞，圓枱設計，枱與枱之間都有屏風隔開，私隱度極高，裝修充滿中國風，整餐飯都是聊著天慢慢吃，沒有旁人騷擾，十分清幽，小聚一番絕對值的再來，很適合朋友、家人聚會，試下無妨。餐前小食本地水耕沙律菜伴芝麻醬將青瓜切薄片後捲著小生菜底部，再蘸以芝麻醬汁來吃，好清涼和爽口，芝麻醬又濃又香又好食，蓋過菜味，蕃茄仔入口好清甜。榮哥自家甜酸齋甜酸齋煙靭，口感都好香滑，味如其名酸中帶甜，比例調較適中，幾好食。涼拌黑白木耳黑白雲耳中的白色雲耳比較少見，入口酸酸地幾開胃，兩者口感爽脆，可提升食慾。茶燻流心蛋伴黑魚子醬配厚切茄子流心蛋好香好滑，有茶燻味，不會太濃烈，清香宜人，少許咸味，調味得宜，熟度啱啱好，配埋黑魚子醬食，味道及層次非常豐富。最出色就是這個茄子，茄子大大嚿沾粉炸香，面頭同底部有微焦效果，不但不油，還做到外脆內軟，口感十分特別，一啖放落口好滿足。原盅燉川見陳皮海底椰鱷魚肉湯鹹香有酒味，鱷魚肉有啲似豬肉，唔覺得有咩特別。蝦球水芙蓉其實佢係一份蝦球蒸蛋白嘅菜式，下層是厚厚、滑溜溜的蛋白，在其上面是一層薄薄的甘筍汁，再配上蝦球，上面再放些炸過的薑絲作裝飾，食落爽脆彈牙，帶有一啲鮮味。整體外觀賣相十分精緻吸晴，令到成個菜式提升左。我覺得呢款蒸蛋白真係有資格叫做水芙蓉，因為佢真係整得好滑，完全見唔到有瑕疵。香煎北海道帶子海中寶自家手打蝦滑，有拳頭般大的蝦滑中間包著一顆北海道帶子，蝦滑係新鮮蝦肉，好彈牙有蝦味，帶子好嫩滑，好有鮮味，煎得恰到好處，一啖咬落去口感十分豐富！遠年新會陳皮黑豚肉排骨呢道菜幾特別，遠年新會陳皮真係唔講得少，都幾重陳皮香味，香氣撲鼻，師傅用陳皮磨成粉再炸香黑豚肉排骨，入口甘甘地，仲有陳皮嘅沉穩香味。雖然好鬆化，肉好肥膩，鹹香十足，成舊都係肥膏，略帶小小話梅同陳皮香味，可以減少排骨嘅油膩感。魚湯有機時令鮮蔬奶白色的魚湯底，魚味濃郁好鮮甜，菠菜疊成圓柱體。菠菜份量好多好翠綠，煮得好淋不澀口，吸盡鮮甜的魚湯，突顯菠菜自身的清甜，吃完菜後還可以把整碗湯喝掉。荷香蒜蓉海斑片原籠蒸紅白米飯炒飯夠晒有鑊氣，餡料豐富，炒得粒粒分明，形態飽滿，上色均勻，清香可口，令人垂涎欲滴，絕對係高質素嘅炒飯。時令甜品甜品是黑芝麻湯圓，個人覺得湯丸皮有點厚，有糯米粉嘅香味，芝麻有少少沙感，湯帶有薑味，唔算好甜，沒有甚麼特別，一般水準而已。整體食物有創意，食材同味道就有啲落差，有啲煮得唔錯！有啲就性價比叫做普通囉！我最欣賞嘅係厚切茄子，吃的主要是心思為主，收費相對亦不算便宜。…查看更多

中秋節同屋企人食飯又去觀塘食私房菜 (第三間了)😂預先經openrice book位，之後有專人whatsapp菜單詳情俾我有套餐選擇或散叫項目費事麻煩，揀咗6位 $2688套餐🙈套餐入面都仲可以揀，好flexible《前菜》擺盤精緻，用日式木盤▶️ 本地水耕沙律菜伴芝麻醬將生菜同青瓜打成一個結，配上深煎芝麻醬同少少山葵，成件事好日式▶️ 榮哥自家甜酸齌 涼伴黑白木耳甜酸齌由麵筋整成，索入酸甜醬汁涼伴黑白木耳口感爽脆，帶少少麻油味第一次見白色木耳🤍▶️ 茶燻流心蛋伴黑魚子醬配厚切茄子茶燻流心蛋味道淡啲，不過蛋黃晶凝剔透成漿狀🥚厚切茄子特別🍆上面有啲粉粉地嘅嘢，下面係甜黑魚子醬，層次豐富《足料燉湯》每人可以自選一款，唔洗「跟大隊」▶️ 原盅燉川貝陳皮海底椰鱷魚肉湯▶️ 原盅燉姬松茸淮山甘荀黑毛豚肉湯▶️ 原盅藥膳龍躉骨鮮淮山湯▶️ 原盅燉哈蜜瓜螺頭黑毛豚肉湯我揀咗呢款，材料好足有熟哈密瓜🍈龍眼、黑毛豚脊骨、淮山上枱熱辣辣，飲落清甜黑毛豚脊骨好多肉😍似食緊清燉spare ribs《主菜》▶️ 黑松露醬炒花尾躉斑球配鮮露筍花尾躉斑球大大塊🐟肉質實正唔鬆散味道新鮮，配上濃濃黑松露香配菜有香菇同大量粗身露筍，咬落清脆▶️ 金流黃沙獻大虎蝦賣相好澎湃🤯按人頭計每人一隻底部係薯蓉，薯仔味重🥔入口幼滑，面頭焗到燶燶哋，好香脆😍大虎蝦巨型到成條龍蝦咁🦐肉質爽彈外殼佈滿流沙鹹蛋黃，勁惹味連殼食都得，好似軟殼蟹屋企人最鍾意呢度餸！▶️ 醬燒爽厚豚頰肉配柳丁汁青木瓜絲青木瓜絲用柳丁汁浸泡，加入檸檬汁，食落酸酸甜甜帶果味，好開胃😮厚豚頰肉用醬燒汁調味，經過慢烤肉質粉嫩，口感似豬頸肉咁爽彈🐷菜式帶有東南亞風味🇹🇭非一般豬扒▶️ 奶油日本小南瓜麵包盒好似人哋泰式咖喱包咁，超正正方方靚仔🍞日本小南瓜切條，又蓉又甜😍伴入草菇同三色椒，食食吓覺得好似食緊pizza🍕醬汁由南瓜同忌廉整成，似西餐南瓜湯同麵包好夾🎃食落冇咁乾個麵包勁好食！外皮烘焗到香脆，入面鬆軟煙韌又索汁係我最鍾意嘅菜式，出邊冇機會食到～可惜真係好大份同飽飽地，食唔晒又打包唔走🥺▶️ 招牌茶王燻雞佢哋招牌菜之一，多肉少骨外皮薄脆🍵帶茶葉煙燻香肉質鮮嫩滑捋捋，同時附有雞油雖然起咁多道菜式入面相對冇咁驚艷，但稱得上好食🐔▶️ 有機時令鮮蔬（魚湯)時令鮮蔬係菠菜，翠綠新鮮🥬上面有杞子，魚湯清淡味道較普通，勝在健康▶️ 大紅大紫炒飯配日本櫻花蝦第一次見又紅又紫嘅炒飯💜顏色來自紅菜頭，少女心爆發配料主要係紫薯粒，少見嘅配搭🍠健康得來又好食炒得乾身唔油膩👍🏻面頭有脆脆嘅日本櫻花蝦雖然大家食到尾都已經好飽，但最後只剩返少少🤣好勁《時令甜品》唔好睇小細細一個甜品，一樣咁多功夫外面係剔透嘅桂花啫喱，入面係白雪雪奶凍 淡淡桂花味配上牛奶香🥛唔甜且滿足到甜品口癮-係一個較fusion私房菜，唔淨止得中式元素又日式又有東南亞風味由前菜到甜品都好有驚喜🎖️無可挑剔最鍾意係「奶油日本小南瓜麵包盒」同「金流黃沙獻大虎蝦」賣相精緻，近乎Fine Dining份量好足，食到超飽🤰🏻最後打包咗薯蓉同少少炒飯環境以私房菜嚟講舒服企理，俾咗間房我哋，有私隱度又闊落地理位置方便，觀塘站D4出口行幾分鐘就到服務ok，上菜有次序且快手，差唔多一次過上晒主菜，唔需要等性價比唔錯，計埋服務費，平均$450/人免三支酒水費亦冇切餅費，適合嚟開party🍷中秋節仲有每位減$50優惠，滿$2400再送張$50超市禮券非常高質嘅私房菜😌屋企人全部都大贊好食，我自己都有意外驚喜除咗我哋都仲有三四台客，推介大家同朋友話屋企人過節嚟試～…查看更多

食物一般，豬肋骨無肉味，桂花糕無桂花味，紅菜頭蕃薯炒飯，食不出有任何一款材料味道。服務並不專業，欠主動，不懂替客人換碗、碟，甜品食糕，連甜品义也沒有，叫客人用筷子食？去低、中級數中菜館都可以好很多，還有是工廈廁所太劣，若然要去食，請在餐前在外商場去完廁所才去食店。…查看更多

一家人喺觀塘想搵好小少既中菜食，估唔到喺工廈都搵到decent 既中菜！直接嗌set menu 唔使諗，見佢乜都有齊！前菜有四小款，每樣細細份好friendly,食小小開胃最鍾意佢有埋本地嘅水耕菜，新鮮清甜，又支持埋本地農業👍🏾👍🏾👍🏾個set包咗兩款燉湯，好好，可以試哂兩款，燉盅細細，但入邊勁多料呢個蝦球水芙蓉好精緻，除咗可以打卡之外，個蛋好嫩滑好香之後仲有個魚同豬，個豬用咗面頰肉嚟整，個質地同豬頸肉好似，但厚好多，個豬肉有陣新鮮嘅豬肉油香👍🏾呢個整得好好食，大家都食唔停個茶香雞係炸子雞再去熏香，隻雞炸到好脆皮又保持到好juicy再加埋個茶香味，好好食最後仲有個魚湯浸菜同埋黑蒜炒飯，個魚湯有浸我阿媽煲嘅味🤣濃得嚟有小小燶既香味，完全係屋企整魚湯嗰陣味😆最尾食埋個甜品奶凍真係超級飽👍🏾呢餐睇Menu本身以為啲嘢decent少少細細份，點知食到最尾其實超飽真係物超所值👍🏾👍🏾👍🏾…查看更多

屋企人鍾意食私房菜，菜式特別，餐廳有人情味啲。呢日近近地揀了觀塘區的榮哥廚房私房菜，同屋企人食晚餐。榮哥用有機水耕菜，幾年前門口有個水耕養殖有機菜的設備，裝修後可能搬入室内了。餐廳好有儀式感，訂位揀咗菜式會列印菜單出來，有專屬客人名字的菜單，我哋訂了”嚐味” 4人餐 $1818。🌟本地水耕沙律菜伴芝麻醬🌟榮哥自家甜酸齋 涼伴黑白木耳🌟茶燻流心蛋伴黑魚子醬配厚切茄子前菜，每人一碟3款凉菜，沙律好新鮮，賣相精緻食落爽脆。流心蛋茶燻味道好香夠晒濃郁，底下的油炸茄子並不油膩，蘸上汁酸酸地好味道。🌟原盅燉哈密瓜螺頭黑毛豚肉湯（位上）x2🌟原盅燉姬松茸淮山甘筍燉黑毛豚肉湯（位上）x2湯料好多，腸黑毛豬肉煲湯特別有肉味，哈密瓜湯清甜，姬松茸湯的菇味又香又甘甜。🌟黑松露醬炒花尾躉班球配鮮露筍黑松露包裹住龍躉塊，魚肉大塊，食落又香又厚實。🌟蝦球水芙蓉芙蓉蛋滑溜，配個白飯可以食一碗😍。🌟醬燒爽厚豚頰肉配柳丁汁青木瓜絲豬面頰肉脂肪分布均勻，食落彈牙好juicy，醬燒到外皮有焦香，切成粒狀易入口，好細心。🌟招牌茶王燻雞煙燻味道香濃，雞皮脆口，雞肉嫩滑，放上食用乾花瓣，賣相好靚。🌟魚湯有機時令鮮蔬農坊獨頭糖心黑蒜炒飯魚湯好香，煮有機菜，吸收晒魚湯精華，不用額外調味料已好好食。師傅炒飯炒得乾爽，黑蒜味道突出，食晒炒飯發現碟上一點點油都沒有👍🏻高手。🌟時令甜品最後有個清涼糕點做結尾非常滿足的一餐。私房菜都好講創意、味道同埋服務，榮哥都做到親身值得推薦。…查看更多

喺觀塘錄影之後同朋友食餐便飯上到工廈發現有間私房菜都幾好食枱同枱之間有屏風 私隱度高 菜單仲有師傅一早預備好 好有class最鍾意食蝦球水芙蓉 🪷出邊比較難食到一般都係蒸蛋白 但係呢個加上蝦球 調一調味 燉出嚟嘅蛋白水份比較多味道少少咸 甜甜的蛋白又滑啫啫肉甜彈牙 味道好特別另外佢嘅招牌茶燻雞 花茶灑喺雞表面香氣四溢 望真啲 呢隻雞係非一般 留意到佢有一對脾翼雙飛 特意起骨再起皮 成隻雞美得像一幅畫 影相打卡一流跟住要試埋佢個厚豚頰肉 呢個部位係豬最嫩嘅位置好正 好juicy 均勻脂肪肉質鬆軟加埋木瓜絲 酸酸甜甜 增加食慾桂花椰汁糕 作為甜品點綴 不會一夾就散 桂花味道亦香氣撲鼻 令人難以忘記…查看更多

觀塘工廈總有驚喜 食私房菜當然首選榮哥 入到嚟見到好多賞心悅目嘅錦鯉 仲見到師傅獲獎無數 廚藝功架毋庸置疑 👍🏻👍🏻一行四人一於食好啲 叫咗老闆寫好菜單 非常期待私房菜貴精不貴多 前菜首先有涼拌黑白爽脆木耳 入口酸酸地好開胃 再有本地水耕沙律菜伴芝麻醬 、榮哥自家甜酸齋同茶燻流心蛋伴黑魚子醬配厚切茄子水耕菜食落好新鮮多汁加埋胡麻醬 寧舍fresh 呢度嘅齋更加係自家製 唔會有油膉味！最欣賞佢個流心蛋加魚子醬 充滿流心感覺 好幸福 好tasty 而厚切茄子軟綿綿 加咗芫荽豉油醬 鹹鹹地 精緻又美味 前菜已經好吸引 主菜都唔錯😌👍🏻最鍾意飲湯嘅我揀咗 兩款唔同嘅湯 原盅燉哈密瓜螺頭黑毛豚肉湯原盅燉姬松茸淮山甘筍燉黑毛豚肉湯特別鍾意飲哈密瓜 燉出嚟嘅湯特別清甜 湯渣有唔少豬骨 多到可以慢慢噒 豬軟骨好多骨膠原 是精華所在其餘嘅菜單仲有：黑松露醬炒花尾躉班球配鮮露筍、蝦球水芙蓉、醬燒爽厚豚頰肉配柳丁汁青木瓜絲、招牌茶王燻雞同魚湯有機時令鮮蔬等 全部餸菜都好高質食完好飽加埋桂花椰汁糕凍上 椰香十足 入口解膩Q彈…查看更多

私房菜好處係可以比個人均價錢，餐廳就會諗好菜式，當日去到等食🤭餐廳位於工廈，整體環境舒適，枱與枱之間空間十足，大枱會有屏風格住，另有2間房仔。⭐️ 4位 加一後人均$500✿茶芥(每位) $15 （現金埋單💰可免茶芥)✿本地水耕沙律菜伴芝麻醬🥗✿榮哥自家甜酸齋✿涼拌黑白木耳 ✿茶燻流心蛋伴魚子醬配厚切茄子🥚🍆前菜都有4款，整體食材新鮮，🐻私心鍾意流心蛋茄子，🥚既茶燻味幾出，茄子外層脆脆地，醬汁濃味，點埋木耳都得🤭✿原盅燉哈密瓜螺頭黑毛豚肉湯🍈x2✿原盅燉姬松茸淮山甘筍燉黑毛豚肉湯🍄‍🟫x2兩款燉湯都足料，無乜油，豬骨味幾濃而肉都軟腍，🍈湯清甜，🍄‍🟫較濃味。✿黑松露醬炒花尾躉班球配鮮露筍🐟班球幾大塊，肉質嫩滑，魚味濃。露筍翠綠無渣。✿蝦球水芙蓉🦐🥚蒸蛋白上淋上甘筍汁，蛋白滑溜，甘筍汁味清淡，蝦球爽口有蝦味，✿醬燒爽厚豚頰肉配柳丁汁青木瓜絲🐷豚頰肉厚切，外層甜甜地，咬落油脂感豐富，爽滑彈牙，相影既只係2人份量，食多幾舊覺得膩，就要食酸酸地既木瓜絲解膩。✿招牌茶王燻雞🐔濃濃茶燻味，雞肉幾滑，對🐻黎講有d偏鹹。✿魚湯有機時令鮮蔬🥬🥬幾甜無渣，魚湯清淡。✿農坊獨頭糖心黑蒜炒飯🍚炒飯非常乾身，粒粒分明，🐻覺得質感硬左少少🤏🏻配料有小貝柱、翠肉瓜、🍄‍🟫。唔好望黑蒜個樣黑蚊蚊，其實甜甜地。✿時令甜品椰汁桂花糕，外層清甜，內層椰汁糕椰汁味幾香。…查看更多

榮哥廚房私房菜和老人家食飯，首選一定是吃中菜。今次經朋友介紹到觀塘試一間私房菜，餐廳位於工業大廈內，環境不過不失，鄰近觀塘地鐵站，地點非常方便！小編今次一行四人，人均消費約$500。《前菜》-本地水耕沙律菜伴芝麻醬-榮哥自家甜酸齋-涼伴黑白木耳-茶燻流心蛋伴黑魚子醬配厚切茄子沙律菜清新，甜酸齋很入味，印象最深刻是茶燻流心蛋，香濃的煙熏味，配合油炸過的茄子，再用黑魚子醬作點綴，非常惹味，一流！《燉湯》-原盅燉哈密瓜螺頭黑毛豚肉湯-原盅燉姬松茸淮山甘筍燉黑毛豚肉湯兩款燉湯都真材實料，湯料十足，姬松茸湯比較香濃，而哈密瓜螺頭湯則比較清甜，總有一款適合你！《主菜》🔥蝦球水芙蓉蝦球爽口彈牙，表面有點薑絲作點綴！水芙蓉即蒸蛋白非常嫩滑，表面有滿滿的甘筍汁，增加味道的層次感！🔥黑松露醬炒花尾躉班球配鮮露筍花尾躉班球魚味香濃，肉質彈牙，好食！🔥醬燒爽厚豚頰肉配柳丁汁青木瓜絲這道菜的擺盤非常漂亮，豬頸肉肉汁豐盈，厚切更添口感！旁邊有木瓜絲作伴，微微的酸味，可以中和油膩感！🔥招牌茶王燻雞茶王燻雞雞肉嫩滑，是比較重口味的一道菜，送白飯會比較好！🔥魚湯有機時令鮮蔬正常發揮！🔥農坊獨頭糖心黑蒜炒飯炒飯乾身有鑊氣，不錯！《甜品》🔥椰汁桂花糕非常香濃的椰汁味，不算太甜，小編非常推介！…查看更多