影片
更多
2021-11-24
2013 浏览
2021年11月3日 星期三今日專登同老婆仲有外父外母去到觀塘食私房菜，因為聽講呢間餐廳嘅菜式好特別，而且經常都滿座，所以我已經提前左兩個星期預約雖然餐廳位於工厦裏面，不過位置唔算太難搵，由地鐵站行過去大約5分鐘就到由於我哋係食私房菜，所以一早已經訂好咗菜式，唔需要去到餐廳再諗食乜嘢，連埋加一每位都係$400左右坐低冇幾耐店員已經送上第一道菜式，係三道前菜，有本地水耕沙律菜伴芝麻醬、雙色墨魚仔同茶燻流心蛋伴黑魚子醬配厚切茄子，沙律菜好爽脆，去埋芝麻醬一齊食酸酸甜甜幾開胃，至於流心蛋真係食到濃郁嘅茶燻味，蛋黃流到落去下面既茄子又幾配合之後有原盅燉哈密瓜螺頭黑毛豚肉湯，每人都有一盅，夠晒衛生，裡面落足料，除咗有好多哈密瓜之外，仲有螺頭同黑毛豚肉添，湯底好清，完全唔覺得渾濁，亦都冇諗過哈密瓜可以用來煲湯，飲落去幾清甜同潤喉跟住有大孖頭抽鵝腸，鵝腸整得好有咬口，而且入晒味，用嚟送飯一流，頭抽既鹹可以帶出鵝腸既味道呢一個係金流黃沙獻澳洲皇帝蝦王，皇帝蝦真係好大隻，用左鹹蛋黃包住黎烹煮，食落去既彈牙又惹味，連同下面既薯蓉一齊食，感覺更加滿足到左餐廳既招牌菜式出場，茶王燻雞，黎到既時候已經聞到茶香，
今日專登同老婆仲有外父外母去到觀塘食私房菜，因為聽講呢間餐廳嘅菜式好特別，而且經常都滿座，所以我已經提前左兩個星期預約
雖然餐廳位於工厦裏面，不過位置唔算太難搵，由地鐵站行過去大約5分鐘就到
由於我哋係食私房菜，所以一早已經訂好咗菜式，唔需要去到餐廳再諗食乜嘢，連埋加一每位都係$400左右
坐低冇幾耐店員已經送上第一道菜式，係三道前菜，有本地水耕沙律菜伴芝麻醬、雙色墨魚仔同茶燻流心蛋伴黑魚子醬配厚切茄子，沙律菜好爽脆，去埋芝麻醬一齊食酸酸甜甜幾開胃，至於流心蛋真係食到濃郁嘅茶燻味，蛋黃流到落去下面既茄子又幾配合
之後有原盅燉哈密瓜螺頭黑毛豚肉湯，每人都有一盅，夠晒衛生，裡面落足料，除咗有好多哈密瓜之外，仲有螺頭同黑毛豚肉添，湯底好清，完全唔覺得渾濁，亦都冇諗過哈密瓜可以用來煲湯，飲落去幾清甜同潤喉
跟住有大孖頭抽鵝腸，鵝腸整得好有咬口，而且入晒味，用嚟送飯一流，頭抽既鹹可以帶出鵝腸既味道
呢一個係金流黃沙獻澳洲皇帝蝦王，皇帝蝦真係好大隻，用左鹹蛋黃包住黎烹煮，食落去既彈牙又惹味，連同下面既薯蓉一齊食，感覺更加滿足
到左餐廳既招牌菜式出場，茶王燻雞，黎到既時候已經聞到茶香，雞肉除咗幼嫩之外，茶既甘味更加滲透入去，加上外皮炸得香脆，果然係必食菜式之一
仲有海斑粒脆口爆米泡飯，湯底係濃郁既魚湯，飲落好甜，而且裡面真係有好多海斑粒，幾嫩滑
另外仲可以自行加脆米同其他配料既份量，全部DIY，可以自製個人化適當既口味
最後甜品有薑湯同芝麻湯圓，湯圓包滿餡料，一咬落去芝麻餡已經爆晒出嚟，食落去好滿足，為呢一餐作一個美好既完結
张贴
