影片
更多
2021-10-22
1576 浏览
約咗屋企人食飯，諗起呢間私房菜多年前試過好好食，就再次幫襯。今次一樣好好食，餸菜好有水準，而且有特色。埋單四位$1800幾，食得好滿意。茶燻流心蛋伴黑魚子醬配厚切茄子流心蛋充滿煙燻嘅香味，而且帶有少少茶記清香，魚子醬就其實只有幾粒做點綴性質。厚切茄子有薄薄嘅炸粉包住，外脆內軟，配上燒汁好食。本地水耕沙律菜伴芝麻醬沙律菜造型精緻，好可愛，搬上日式芝麻醬，清新好味。椒鹽豬肺呢個餸幾特別，從來未食過。通常豬肺都係用嚟煲湯，仲椒鹽炸真係幾創新，好香口惹味，豬肺洗得乾淨，冇怪味。原鼎海椰皇仔燉鷓鴣黑毛豚肉湯食完前菜就飲呢個熱湯，真材實料，舀出來嘅湯渣足足一大碟，除咗一隻鷓鴣，仲有好多海椰皇仔，加上響螺肉、黑毛豬、淮山等等，呢個湯好甜，好滋補。油浸時令海魚嗰晚條魚係馬友，油浸得條魚金黃酥脆，魚皮同埋預期嘅部份都隨筆度，然後裏面係魚油豐富嘅鮮嫩魚肉，沾上特別調製嘅醬汁，味道更加豐富。江南百花雞（半隻）呢個絕對係功夫菜，首先隻雞要起骨，然後釀入蝦滑，用慢煮嘅方法將隻雞燒熟，食起上嚟每件雞都啖啖肉，口感豐富，先係脆卜卜嘅雞皮，然後係嫩滑雞肉，最後就係彈牙嘅蝦滑，沾上嘅黑白芝麻令到呢個菜更加香口。食嘅時候
茶燻流心蛋伴黑魚子醬配厚切茄子
流心蛋充滿煙燻嘅香味，而且帶有少少茶記清香，魚子醬就其實只有幾粒做點綴性質。厚切茄子有薄薄嘅炸粉包住，外脆內軟，配上燒汁好食。
本地水耕沙律菜伴芝麻醬
沙律菜造型精緻，好可愛，搬上日式芝麻醬，清新好味。
椒鹽豬肺
呢個餸幾特別，從來未食過。通常豬肺都係用嚟煲湯，仲椒鹽炸真係幾創新，好香口惹味，豬肺洗得乾淨，冇怪味。
原鼎海椰皇仔燉鷓鴣黑毛豚肉湯
食完前菜就飲呢個熱湯，真材實料，舀出來嘅湯渣足足一大碟，除咗一隻鷓鴣，仲有好多海椰皇仔，加上響螺肉、黑毛豬、淮山等等，呢個湯好甜，好滋補。
油浸時令海魚
嗰晚條魚係馬友，油浸得條魚金黃酥脆，魚皮同埋預期嘅部份都隨筆度，然後裏面係魚油豐富嘅鮮嫩魚肉，沾上特別調製嘅醬汁，味道更加豐富。
江南百花雞（半隻）
呢個絕對係功夫菜，首先隻雞要起骨，然後釀入蝦滑，用慢煮嘅方法將隻雞燒熟，食起上嚟每件雞都啖啖肉，口感豐富，先係脆卜卜嘅雞皮，然後係嫩滑雞肉，最後就係彈牙嘅蝦滑，沾上嘅黑白芝麻令到呢個菜更加香口。食嘅時候再點埋配有嘅梅醬，可以中和油膩感。
蟹皇瑤柱時令蔬菜
我哋當晚食嘅係菠菜。呢個菜清淡得來好好味，一疏疏嘅蟹肉配上蛋白、瑤柱，用一個類似羹嘅汁撈埋一齊食，正！
他鄉炒米絲
私房菜又點會係普通一個炒米粉吖，呢個米粉落咗24個月西班牙黑毛豬火腿，米粉就用福建莆田米粉。米粉屬於幼身嘅一種，口感爽得來軟身，唔會硬。配料除咗有甘香嘅黑毛豬火腿，仲有醃蘿蔔絲、銀牙、蛋絲、紅蘿蔔絲，識落好清爽，唔油膩。
是令甜品
薑汁湯圓做得非常出色。湯圓鄙薄餡靚，芝麻餡了超級留心，一咬開裏面嘅餡了直情湧出來，超級正！糖水薑味十足，飲完好暖胃。
张贴
