榮哥廚房私房菜

营业中

休息中

今日去觀塘個客想食中菜，去到工廠區西餐就多選擇，中菜好似冇乜，朋友介紹咗呢一間榮哥私房菜。嚟到即刻見到個私人餐牌，好高級服務嘅感覺，菜式亦都好特別有少少fusion，用嘅食材都好都好特別好新鮮。前菜黑白木耳唔錯好開胃，小食有茶燻蛋，下面有個茄子再淋上魚子醬汁，加埋一齊酸酸甜甜好香脆，配新鮮水耕菜同埋墨魚仔。朋友對佢個湯好有驚喜，一個布吉林蔘鬚雲南田七螺頭黑毛豚肉湯，用茶壺裝住熱辣辣，係呢個天氣飲好滋補。另一個哈密瓜燉湯，第一次飲哈密瓜，原來係10分清甜好滋潤一試難忘。另外每道菜都好精緻每人一碟，我最鐘意蝦球水芙蓉，係一個超級滑嘅蒸蛋白，上面有粒蝦球大大粒好彈牙，好想食多個😍最後大紅大紫炒飯，係紅菜頭加番薯炒飯，感覺好健康有益又好睇，成餐飯好滿足最啱同家人見客嚟食。