方叔叔重慶老火鍋 (新城市廣場一期)

营业中

休息中

星期日行完山，去咗新城市廣場搵嘢食，見到間“方叔叔重慶老火鍋”，心諗未試過就呢一間啦。入到去，環境唔錯，侍應服務很好，食物質素對得住個價錢，特別就係“鮮黃喉”口感（翠）爽'以前未食過，感覺新鮮！總括嚟講，方叔叔重慶老火鍋值得一試。

從以前渝味曉宇開始一直都幫親，食物算不上很好吃，感覺還是很乾淨的，香港好吃的重慶火鍋還是比較少的.但d員工的質素越來越差，特別係一些女員工，幾次都令我感覺不良好.以後唔想在光顧了.

🍲《方叔叔重慶老火鍋》@unclefonghotpothk夜晚晚食乜好，打邊爐🍲好唔好⁉️放工即去沙田新城市一期7樓嘅方叔叔重慶老火鍋醫下肚❗️環境開揚闊落，坐得好舒適❗️仲好貼心提供一次性圍裙比大家，以免大家食到件衫污糟哂❗️而每款食物都會有寫明最佳淥熟時間參考。基本收費，當然有湯底費+ 茶位醬料費❗️我地揀咗鴛鴦麻辣鍋$38/位，普通辣+皮蛋香菜湯，而茶位醬料就$20/位。嫩牛肉 $88一份Encore 之選，啲牛淥完真係好嫩滑，牛味濃。放係辣鍋到淥，味道真係一絕。十萬個真心推介大家必點桂花蚌$88半份呢個淥30秒就食得，口感以用爽脆來形容，食得出鮮味滕椒牛舌$58半份呢個上菜已聞到滕椒香，淥完仲食得到滕椒味道，醃製得好好。牛舌比平時食開嘅爽口。手打四寶丸$58半份分別有牛肉丸、豬肉丸、墨魚丸、蝦丸手打嘅丸一直都係我至愛，係有靈魂，比較彈牙、有鮮味。武隆苕粉$48一份只要湯底好味，佢就索哂湯底嘅味道，口感煙韌，超好味😋功夫萵筍片$48一份擺盤好靚，淥30秒就食得，爽脆清甜。水仙烏龍檸檬茶$58洛神花鮮橙特飲$58超級大杯，啱晒食辣野時飲。前者清香檸檬茶，淡淡烏龍水仙香，超解渴。後者酸酸味味，

難得前幾日早收工 加上天氣漸漸變凍 之前已經食過一次 覺得味道唔錯🤣朋友亦都成日推介 所以今次就帶咗👦🏻過嚟試吓呢間前身叫’渝味曉宇‘既火鍋！呢度既裝修環境好新淨 燈光明亮 座位都幾闊 叫多啲食物都唔怕冇位放💪🏻枱面亦都有即棄圍裙 Menu好多唔同種類嘅食物 可以叫半份 價錢亦都唔貴 性價比好高！Ps 值得一提 門口有部清新噴霧機 轉一轉圈 打邊爐嘅味道就冇晒啦🥰麻辣普通鍋+皮蛋香菜湯過嚟呢間火鍋店一定要試吓呢個麻辣鍋 一上枱已經聞到陣陣嘅香辣味 雖然我哋唔食得辣 但佢地地辣得真係好過癮😍而👦🏻就想食皮蛋香菜湯 湯底青得來芫荽味好香 淥完唔同嘅肉類都唔會太鹹👍🏻醬料方面有蒜蓉、蔥、辣椒、豉油同麻油等 不過佢哋嘅火鍋配料都好新鮮 完全唔需要點醬已經好好食 肉類方面叫左美國Prime牛小排同美國牛板腱 一分錢一分貨🤣新鮮又嫩滑 隨便淥一淥已經可以食！大部份食材上面都寫定左淥既時間 枱上面總會有個計時器 食物淥熟既時間啱啱好！手打魚籽蝦滑、稻田毛肚、重慶耗兒魚鮮豬心、皇帝菜、炸芋頭熟鵪鶉蛋、重慶炸酥肉、現炸豆皮今次叫咗唔同款式嘅食物😂係我平時唔會叫既🙈食材全部都好新鮮 每款都係嗌咗半份 食多

開始入秋，天氣轉涼，打邊爐係約朋友嘅不二之選，今次就嚟咗方叔叔重慶老火鍋暖暖身。心思思唔知要咩湯底，叫鴛鴦就最好，一邊辣一邊唔辣，方叔叔嘅湯底絕對唔會令人失望。大骨滋補湯有適當鹹鮮，骨頭味好濃郁，最欣賞係原舊大骨放係裏面繼續滾住，而旁邊嘅粟米蘿蔔馬蹄都好鮮甜，完全唔係一般嘅煲湯料，可以當火鍋料食。另一個普通辣香氣四溢，唔同嘅香料同辣椒份量都好足，佢係會令人越食越上癮，去到最尾仲會越嚟越辣，停唔到口。一坐低已經好窩心咁送上兩碗紅棗雪耳糖水，作用係比客人食辣前打底，護胃暖胃。今次都揀咗唔少特色啲嘅野食，例如：鮮鵝腸、美國Prime牛小排、功夫萵筍片、紅糖糍粑等，好欣賞每款食物都會有建議煮食時間，而當中最推薦有幾款：桂花蚌：裏裏外外口感都超級滑溜，唔小心真係會直接瀡去喉嚨，咬落鮮味若隱若現，又有適當嘅厚度同爽度，坊間真係好少食到咁新鮮，極力推薦！手打四寶丸：當中有鹹香帶海鮮味嘅蝦丸、充滿墨魚粒有嚼頭嘅墨丸、十分紮實富蔥香嘅豬肉貢菜丸、仲有好正宗牛肉球味嘅嘅香菜牛丸，四款手打丸都各有特色，重點係粒粒都又大又彈牙，正！嫩牛肉：一放入口即刻感受到嗰種嫩滑程度，就好似棉花咁軟嫩。牛味相對較濃，帶點騷

秋天嘅氣息，涼涼哋好想去打邊爐🍲所以最近就去咗沙田呢間——🌟 @unclefonghotpothk 🌟方叔叔重慶老火鍋🌟好多特色嘅火鍋材料，好豐富，食到好滿足呢🤩._.🌟｜湯底｜🌟🐥養生花膠雞鍋鴛鴦鍋底，另一邊就可以揀麻辣湯底🌶可以滿足大家嘅口味👍🏻養生花膠雞鍋材料好足，花膠同雞件都算多，而湯底比較清淡💛而另一邊就想刺激啲，揀咗普通麻辣鍋，呢個就香辣得好過癮🥵·🌟｜火鍋料｜🌟🐖鮮豬心🐖豬心薄砌，唔會韌，食落有啲似牛肉口感，咪道好食·🐟重慶耗兒魚🐟魚肉嫩滑，唔算多骨·🤍鮮黃喉🤍呢個平時好少機會食到，好爽口彈牙·🦐手打蝦滑🦐最愛食蝦滑，我火鍋必點嘅嘅一款食物·🧡桂花蚌🧡有提示碌30秒就食得，香甜爽口·🐦鮮鵝腸🐦口感好特別，好爽口·🐚珊瑚蚌🐚有提示碌30秒就食得，香甜爽口，平時火鍋我都會點黎食·🖤稻田毛肚🖤大大塊，數量算多，有口感·🐂嫩牛肉🐂打邊爐點少得牛肉，肉質好鮮嫩，一啲都唔鞋口👍🏻·💚霞浦海帶苗💛呢個好特別，所以點嚟試吓，我都係第一次食，口感爽脆，清爽而不膩，再索埋啲火鍋湯汁，好正·💛現炸豆皮💛大大塊炸到金黃色卜卜脆，可以當響鈴咁食，索曬啲湯汁，好正😋·🌟｜四大天王飲品｜🌟🍸衝上要霄百

嚟呢度當然一定要食麻辣鍋，我哋揀咗鴛鴦麻辣鍋，另一個湯底揀咗大骨滋補湯！呢度嘅鍋底非常抵$38/位，醬料$20/位。相對出邊嘅火鍋，呢度嘅湯底真係超值！而且非常有水準！呢度嘅麻辣鍋辣得來又夠香，而且仲可以揀唔同辣度！火鍋配料方面都有好多選擇，鍾意佢呢度可以揀半份。兩個人食唔多，就可以揀半份，又可以食多幾款唔同款式。一坐低店員就會為你送上紅棗雪耳糖水食俾你滋潤一下～牛肉我哋就叫咗一份，因為打邊爐點可以唔食牛，同埋一定要夠多先夠滿足☺️美國Prime牛小排，牛味夠香濃，而且有油脂香，呢隻牛相當唔錯！其他配料我哋全部都叫咗半份。千絲柏葉快熟而且爽口，放落麻辣湯底好好食😋長城小白豬午餐肉厚切，非常滿足！油條係食麻辣燙必點，因為可以吸晒麻辣湯嘅香辣，超正！手打魚籽蝦滑、潮汕手打牛筋丸都叫咗半份。蝦滑夠彈牙，而且仲有粒粒魚籽口感，非常鮮味。手打牛筋丸又彈牙又Juicy! 個人大推鮮滑魚麵，魚麵粗粗地非常彈牙，真係好好食😋菜類叫咗半份唐生菜及萵筍條。飲品相當抵飲超級大杯！生津止渴楊梅汁酸酸地真係好解渴！水仙烏龍檸檬茶充滿烏龍茶香，咁大杯凍飲打邊爐真係啱晒！

都試過好多唔同款嘅麻辣火鍋🥘本來呢間都幾出名嘅（原本嘅名係曉宇）而家係叫方叔叔，未改名錢其實都已經試過，但係味道都有所不同，佢地嘅麻辣味🌶️係夠嘅，但係就唔夠香，但係材料方面都多選擇，而且呢間食物方面可以揀半份或者一份，咁就唔怕食唔晒或者做大嘥鬼😎兩個人去食嘅話半份半份就可以試得多啲唔同款❕但係海鮮嘅選擇唔多，剩係得蠔，蝦🦐，其他嘅火鍋店可能會有更多嘅選擇☹️肉類方面有兩款有幾款豬肉可以揀，基本上可以滿足食肉獸🤩

無得返大陸嘅時候，哩間火鍋係可以止咳嘅好地方，好正宗嘢食又新鮮，d豬腰切得好薄，噤先好食麻辣味香濃，火鍋料如果再多款就更好，想有多d食材，整體來講，好多都好好食推薦：豬腰，萵筍片，豬肉滑，滑牛，羊肉，紅糖知巴

每次去食 都冇令我失望 食過出面好多麻辣火鍋 但總係得一部分火鍋料係好食 唯有渝味曉宇 係真心樣樣都好食 最愛鵝腸 牛骨髓 牛柏葉 黄喉 珊瑚蚌，雖然價錢係少貴 但每次食完都好滿足 👍🏻👍🏻每次有咩大日子都一定同埋老公一齊黎食 早排見佢改左名做方叔叔 🤣🤣搵到個理由俾自己 所以同埋老公兩個人又去試吓 果然淨係改左個名 水準依舊100分 ，上菜快 ，服務都好。最緊要係 佢門口新加左部好大部嘅噴霧機 ，行埋去 轉兩個圈 咩火鍋味都冇晒 正😄

♨️重慶麻辣 + 養生花膠鷄♨️推介指數 ❤️❤️❤️❤️❣️秋風起打邊爐慾望指數極高，嗜辣嘅就超級想食麻辣火鍋，心動不如行動又可以行街啦… 想買個📱case😆🍲 午市二人火鍋套餐✨ 套餐含湯底、肉類、經典配料、海鮮、菜籃、主食、甜品同飲品共14款。為食就另外加多幾樣配料，有半份及全份選擇🍲雙拼鴛鴦鍋點選經典重慶麻辣及限定養生花膠雞鍋；前者點選普通辣、辣度容易入口；後者愈滾愈鮮甜且花膠份量不少🥢套餐其他菜式點選嫩牛肉、黑豚腩肉、Q彈鴨血、爽脆鮮鵝腸、鮮甜珊瑚蚌、彈牙手打魚將蝦滑、田園菜籃含4款蔬菜、豆味濃厚包漿豆腐、爽甜乾貢菜、鮮滑魚麵🧊甜品 - 紅糖冰粉🍹飲品 - 洛神花鮮橙特飲及水仙烏龍檸檬茶，兩款飲品份量十足；前者鮮甜微酸好開胃、後者清新解膩🥢另外加配皮薄韭菜豬肉水餃、彈牙手打四寶丸同香鹵豬大腸各半份🌟套餐份量各款是半份、作為二人餐剛好、配料均有水準；麻辣湯底帶點騷味，店員解釋湯底由牛油熬製、嗜牛嘅我比較喜歡花膠雞湯底多啲

今日過開黎沙田做野🤩見呢2日開始秋風起，就同朋友食火鍋暖暖個身。揀左7樓呢間方叔叔重慶火鍋,即刻揀左個鴛鴦麻辣火鍋🍲食火鍋一定揀麻辣湯底，只要夠辣，碌D食物可以唔使再加任何調味料都可以辣得好過癮！叫左以下餸：炸豆皮 5⭐️，必須要叫，好似響鈴咁🤤可以吸曬D湯汁。稻田毛肚 5⭐️ ，夠大片，質地夠爽。美國牛小排5⭐️，肥瘦分佈均勻。豬腩片4⭐️ 腩片肥肉位偏多，不過好大片😂份量多乾貢菜4.5⭐️ ， 個口感好特別，係軟身但爽脆嘅，未食過嘅朋友可以試吓🤩桂花蚌4.5⭐️新鮮爽甜👍🏻武隆苕粉 4.5⭐️ 好似紅薯粉加闊加大版😂又係吸曬D湯汁👍🏻正手打蝦滑，5⭐️好正，口感爽彈手打香菜牛滑, 4⭐️有D似酒樓牛肉球質地每碟餸菜都有建議時間😘而且枱面有齊晒所有醬油配料，環境亦十分闊落，坐得好舒服😌麻辣湯底，夠晒辣👍🏻旁邊豬骨湯底，亦都足料濃郁！十分建議大家叫鴛鴦鍋👍🏻就快到冬天，食火鍋推介呢間方叔叔🤩

之前行過見到呢度一人火鍋先至$98，今日Friday lunch，一於嚟試吓。湯底選擇有： 蕃茄湯🍅山珍菌湯🍄芫荽皮蛋湯🌱重慶辣喎🌶我哋兩個人，啱啱好叫晒所有湯底😋本人最愛蕃茄湯底，偏酸，同所有食物都好夾。湯底冇咩味精感，唔會好口渴。👍🏻開頭見餐牌，淨係揀咗牛肉同魚麵。仲有啲驚唔夠食。但上菜見到成盤食物，好有驚喜。原來仲有兩隻蝦、午餐肉、芝士丸、牛丸、金菇、粟米、香菇、豆腐、枝竹、茼蒿、生菜等。所有食物都好好食。食完200%飽。以$98來講，性價比超高。朋友話要每個星期食一次😋😋😋

是次朋友生日，我們二人也喜歡吃辣 ，所以今次為他揀了吃渝味曉宇慶祝去到門口見到顯示屏幕話佢哋已經改名為方叔叔，但無損我哋嘅心情🌹呢度都係用QR code落單，我哋見到有一個午市二人套餐幾好，一個價錢已湯底有肉類蔬菜鴨血飲品等等 一於試下！火鍋湯底，我哋揀咗九宮格麻辣鍋 這鍋香而不會太辣而且滾滾下會越食越辣所以普通辣對我哋嚟講都足夠！豬肉片肉味濃無渣鴨血彈牙嫰滑 荀片食落清爽，不過有幾塊老了點有渣魚麵彈牙 但略嫌魚味欠奉希望呢兩款料下次來會有改善🌹乾貢菜 呢個第一次食 口感彈牙脆嫩有𡁻口幾得意羊肉係麻辣火鍋嘅絕配蝦滑彈牙爽甜 食得出的新鮮左邊係珊瑚蚌 爽口彈牙 帶海水鮮味右邊係鵝腸 不算很肥 整條都可吃 油中帶脆呢個餐每人有一罐免費飲品 我哋加咗每杯$30 朋友點咗生津止渴楊梅汁 ，味道酸甜 十分開胃 而我點了衝上雲霄百香果雞尾酒🍹清爽又帶點酒精 ，同打邊爐真係幾夾 ！而且唔會太甜 i like it!今餐生日的朋友都食得好開心 我也是🌹服務都nice 期待下次再來試多啲火鍋料