影片
更多
2022-10-30
1402 浏览
開始入秋，天氣轉涼，打邊爐係約朋友嘅不二之選，今次就嚟咗方叔叔重慶老火鍋暖暖身。心思思唔知要咩湯底，叫鴛鴦就最好，一邊辣一邊唔辣，方叔叔嘅湯底絕對唔會令人失望。大骨滋補湯有適當鹹鮮，骨頭味好濃郁，最欣賞係原舊大骨放係裏面繼續滾住，而旁邊嘅粟米蘿蔔馬蹄都好鮮甜，完全唔係一般嘅煲湯料，可以當火鍋料食。另一個普通辣香氣四溢，唔同嘅香料同辣椒份量都好足，佢係會令人越食越上癮，去到最尾仲會越嚟越辣，停唔到口。一坐低已經好窩心咁送上兩碗紅棗雪耳糖水，作用係比客人食辣前打底，護胃暖胃。今次都揀咗唔少特色啲嘅野食，例如：鮮鵝腸、美國Prime牛小排、功夫萵筍片、紅糖糍粑等，好欣賞每款食物都會有建議煮食時間，而當中最推薦有幾款：桂花蚌：裏裏外外口感都超級滑溜，唔小心真係會直接瀡去喉嚨，咬落鮮味若隱若現，又有適當嘅厚度同爽度，坊間真係好少食到咁新鮮，極力推薦！手打四寶丸：當中有鹹香帶海鮮味嘅蝦丸、充滿墨魚粒有嚼頭嘅墨丸、十分紮實富蔥香嘅豬肉貢菜丸、仲有好正宗牛肉球味嘅嘅香菜牛丸，四款手打丸都各有特色，重點係粒粒都又大又彈牙，正！嫩牛肉：一放入口即刻感受到嗰種嫩滑程度，就好似棉花咁軟嫩。牛味相對較濃，帶點騷
心思思唔知要咩湯底，叫鴛鴦就最好，一邊辣一邊唔辣，方叔叔嘅湯底絕對唔會令人失望。大骨滋補湯有適當鹹鮮，骨頭味好濃郁，最欣賞係原舊大骨放係裏面繼續滾住，而旁邊嘅粟米蘿蔔馬蹄都好鮮甜，完全唔係一般嘅煲湯料，可以當火鍋料食。另一個普通辣香氣四溢，唔同嘅香料同辣椒份量都好足，佢係會令人越食越上癮，去到最尾仲會越嚟越辣，停唔到口。
一坐低已經好窩心咁送上兩碗紅棗雪耳糖水，作用係比客人食辣前打底，護胃暖胃。今次都揀咗唔少特色啲嘅野食，例如：鮮鵝腸、美國Prime牛小排、功夫萵筍片、紅糖糍粑等，好欣賞每款食物都會有建議煮食時間，而當中最推薦有幾款：
桂花蚌：裏裏外外口感都超級滑溜，唔小心真係會直接瀡去喉嚨，咬落鮮味若隱若現，又有適當嘅厚度同爽度，坊間真係好少食到咁新鮮，極力推薦！
手打四寶丸：當中有鹹香帶海鮮味嘅蝦丸、充滿墨魚粒有嚼頭嘅墨丸、十分紮實富蔥香嘅豬肉貢菜丸、仲有好正宗牛肉球味嘅嘅香菜牛丸，四款手打丸都各有特色，重點係粒粒都又大又彈牙，正！
嫩牛肉：一放入口即刻感受到嗰種嫩滑程度，就好似棉花咁軟嫩。牛味相對較濃，帶點騷味但完全唔會難接受，反而有種獨特氣息帶出，好味過牛小排，有驚喜！
現炸豆皮：雖然一大片無捲起，但係口感完全冇影響，建議時間1分鐘，滾完上水依然保留適當硬度，香氣十足，但係又唔會俾人一種好油嘅感覺。佢就好似更有咬口嘅少油版本響鈴，值得一試。
鮮滑魚麵：呢度嘅主食之一，好有特色，平時出面唔會食到。望落去同烏冬差唔多樣， 粗幼相約，滾一滾好快就食得。第一啖放入口質感好特別，有點鞋身，而咬開根本就係魚蛋魚片變咗條狀，好爽彈又有點魚鮮味，必定會回頭再叫之選。
张贴
