巧興麵食店

营业中

休息中

上次本來想黎呢度食不過星期二無開去左隔離新園今次黎到叫左個韭菜煎餃, 一杯豆漿韭菜煎餃-超多油, 未入口已經成口油, 餃有汁, 皮薄, 但係有幾隻穿左漏汁, 同埋北方餃子無咁薄的, 可能就左香港人鐘意皮薄?豆腐 - 過份甜, "鞋"口, 好多地方好過佢食香港唔少有餃子食既舖頭, 大陸求其一間都好食過佢地喎

遊畢九龍寨城公園後，見時間尚早，遂提議從九龍城慢慢行去土瓜灣，順道試試巧興的北京水餃，據知土瓜灣是南瓜的主場，我這個利迷就來一次作客葛迪遜！沿馬頭圍道一直走，直至見到東九龍走廊，轉右便是安徽街，大約需二十分鐘腳程。巧興是一間北京水餃小店，供應的水餃共有四款，分別是牛肉、韮菜、三鮮及菜肉雲吞 (其實我也不明白何以雲吞會當作水餃類的)。先叫三鮮餃及牛肉餃探探虛實，一共十隻，可選擇放湯、不放湯或煎餃，其實各有各好，但我家裡吃水餃都從不放湯的，這次亦然。想先在此吹吹水，我覺得水餃是一種特別的食物，北方人喜歡吃餃，是因為對家的情意結，由媽媽／姥姥親手包出來的餃子，包含了家人相互的關愛，這一點，即使坊間館子做得如何出色，也是無法代替的。說回巧興，三鮮餃的餡料包括蝦、豬肉及韮黃，大小比例恰當，餃子皮薄而不失煙韌，摺位明顯比較厚，以方便煎餃放湯兩用，味道頗有水準，唯印象卻沒有半山京香餃般深刻。牛肉餃則比較單調，女友沾醋吃，形容是美式漢堡包的味道，結果她吃了三隻就收手了，剩下兩隻由我包底，其實水準也不算差，或者她吃不慣牛肉做餡的水餃吧。由於店方沒有供應豬肉白菜水餃，而我們對另外兩款餡料的興趣不大，所以沒

有日聽收音機聽到DJ話自己屋企人北方人，香港冇地方可以食正宗北方水餃. 淨係得呢度有. 屋企人就去左買返黎自己煮.試左幾款都覺得好正, 好正宗, 皮底厚面薄. 底厚但彈牙. 粒粒都好足料. 其中菜肉雲吞尤其好味(同大粒!). 好香菜味. 韮菜豬肉餃亦好香. 真係好過好多貴價餃子! 問屋企人幾錢. 竟然30蚊20粒!! 可惜地點唔就腳, 如果唔係一定會成日買返黎煮!

從網上得知這間店舖的評語都唔錯，我和老公特地到此店試一試其食物水準‧我們叫了排骨麵，牛肉麵，半份三鮮餃，半份韮菜餃和涷豆漿，果然味道真的不錯‧牛肉麵和排骨麵同時送來，一股香味撲鼻，已經知道是好東西‧先試一試兩者的湯底，湯味都很清香兼且唔油膩，若要再比，排骨麵的湯味更好，因為多了一種肉香味‧所謂的牛肉即是牛展，味道唔錯‧至於排骨則很淋，很有肉味‧另外，麵條亦都很ok‧唯獨美中不足是一碗的份量不多，就算我們吃了餃子也不會覺得很飽‧至於餃子的味道都很好，皮不太厚，三鮮餃肉味ok，而韮菜餃的韮菜亦都很新鮮，很有香味‧最後，涷豆漿的味道亦唔差 ，有豆味及甜味，合乎我們的口味‧ 綜合而言，我們都很滿意這間店舖的食物‧

土瓜灣多特色地道小食店，但到了現在.. 因為要到土瓜灣上課才有機會試試該處的食肆。這間店子個位置比較僻，由工聯會沿著馬頭圍道行去要大約二十分鐘，在「學生勞作中心」旁。如果不是該區住客，最好帶定地圖傍身。雖然店子比較細，但勝在夠企理，同埋都幾乾淨。佢餃子有四款，包括韮菜豬肉、芹菜牛肉、三鮮餃、白菜豬肉。一份有十隻，可以叫半份。有煎餃、湯餃同淨餃選擇。叫左一份三鮮餃: 個包夠煙 'un'。包唔算簿，但夠彈牙，可以「包得住」裡面 d 餡同埋 d 肉汁。蝦肉鮮甜，和豬肉的比例恰到好處。不過，個人始終較喜歡韮菜餡，冶味 d。客人可以要求要一碗臘白醋。佢既蒜味比較辛，但蒜頭則唔夠青，所以有時都係要睇彩數。這些較地道的「出品」，在香港地已是難得一見的了。加多左杯豆槳，好濃豆味，值得推介。計埋所有野約 $25，真係幾抵食。不過，礙於地點唔係咁就腳，我諗日後都好少會再去。

大熱天時想吃清一點，最好莫過於來巧興吃一碟麻醬雞絲涼麵.....未吃涼麵之先，來一杯冰凍豆漿。勝在雪得夠冰夠涼，而且還有少許豆味，甜度亦適中，誠為消暑佳品是也....光只吃一碟涼麵好像有些到喉不到肺，始終還是要叫一碗淨湯韭菜餃才能止住心癮。湯底有點微鹹，但這些鹹應不是來自味精 (因小弟的喉嚨並沒有出現異常反應)，想是下了點鹽的緣故吧。水餃皮不算特厚，韭菜粒依舊下得夠重手，愛吃韭菜的如小弟，就算吃至口腔"香"味淋漓亦絕不介懷。肉相對上沒有韭菜下得那麼多，汁液亦不是很澎湃，但味是頗鮮的，吃得過....今天的涼麵好像雪得不夠涼，不過麵條的韌勁仍在，麻醬甜中帶些酸味，令人極開胃；青瓜絲及芝麻的加入，總是令人有種很香口清爽的感覺；雞絲份量很多，雖不是鮮拆的，但入口不覺嚡，同樣感覺令人很清新....這裡的東西，隔了不一陣就會心思思令人返轉頭去再嘗的。我想，就算日後離開此地，小弟仍會不時回來，探望來自北方的大嬸......

在九龍城遊完船河之後,意猶未盡,友人想吃北方餃子,我問:{來得九龍城,順便去埋土瓜灣巧興.}如果行路去就半小時,坐巴士去只須數分鐘.為時已晚,全店只剩下韭菜餃,既然一場來到,沒有理由掃興,如是一餃兩味,一份煎,一份走湯,北方人吃餃子,根本不會放湯上.已吃過好多次,餃子仍是皮薄餡靚,韭菜香甜.今次就扮專家,教友人點去吃餃子,點豆辦醬,或者要求店方奉上的臘八醋,連埋蒜頭一口過.但友人只呷醋,蒜頭就全部我包起.結果,食完之後,講野都要就住就住.

不知道多少年冇來過土瓜灣了，上一次來應該係中學時期來做義工。想拜訪的土瓜灣餐廳原來都有好幾間，今日就決定到訪其中兩間先，巧興係第一間。兩個人先叫了一個炸醬麵同半份三鮮餃。炸醬麵跟一般廣東改良版的不同，冇咁甜冇咁紅，但又冇正宗北京版本的深色，界乎兩者之間。炸醬其實只係一般，唔夠香濃，但用上肉碎的關係，質感不錯的。最好食的反而係個麵，小弟一向不太喜歡北方人的麵食，但依度的麵粗幼適中，食落很煙韌很有咬口。三鮮餃要了煎的，半份有五隻。話就話係煎，但其實應該係炸的。仲好，更加香脆之餘，夠乾身唔會油淋淋。個皮睇落去幾厚，咬落去...不得了，厚得來唔會成口粉，反而係好有咬口，如果只論個皮應該係我食過最好食的餃子。個餡都唔錯，有豬肉、蝦同韮王之餘仲有少少蛋係入面，好滑好多汁，但小弟覺得韮王雖然香，但有少少蓋過左D鮮味，係唯一的敗筆。太好食的關係...追加左多半份白菜冬菇餃，都係要煎。依個味道清好多，味道不是太突出，還是三鮮餃較香口。之後仲外賣左廿隻三鮮餃（$30）返屋企，但始終隔左一晚加上冇佢炸得咁的關係，都係堂食好。小店其實好有八十年代的情懷的...坐左係度包餃子的阿姐、古舊的枱凳同電風扇、食緊野的

今日約了女朋友一起打羽毛球, 在運動之前當然要先補充體力, 所以我就和她到我家附近的巧興食午餐。我們叫了一個排骨麵, 一個牛腩麵, 半份韮菜煎餃(5隻)和凍熱豆漿各一麵很快就上了, 兩個麵都有青菜數條, 兩個麵都煮得過淋了一點, 不太彈牙女友的牛腩雖然只有五六件, 而且體積頗細, 但卻煮得很入味很淋, 色水都不俗而我的排骨亦都煮得好淋好入味, 有幾件連著軟骨、帶著點點肥膏的, 放入口會自動慢慢融化, 十分不錯主角韮菜煎餃水準依舊, 餡料切得很碎, 韮菜香味濃郁雖然餃子皮有點厚, 又有點油, 但這就是巧興煎餃的特色配合著我和女友都好愛的豆辦醬和臘八醋, 五隻元寶一般的餃子眨下眼就不見了!!至於豆漿, 大家就當是普通飲料好了提外話, 以前臘八醋中的生蒜頭因為浸了在醋中一段長時間都會變成了青色, 蒜頭的辛辣味會滲進醋內, 令醋既酸既辛辣但不知道是否因為openrice太受歡迎了, 慕名而來的食客都會要求一碗臘八醋導致臘八醋供不應求, 所以醃的時間不夠, 令到蒜頭都不是青色的, 辛辣味也不夠呢!

終於食到傳說之中好好味的巧興餃子了，不過，好失望。3個人一人叫一碗麵，魚蛋麵，排骨麵和雞絲冷麵；我自己食魚蛋，係炸了已很久的黃色魚蛋，放在湯內浸住，那種皺皮，和縮細了的魚蛋，望到已經唔開胃。當然我知道係呢類舖頭食魚蛋係自己stupid，不過一陣再講我仲叫左乜嘢﹗另外，我地再叫了牛肉煎餅，生菜冬菇煎餃，各半份；再一客菜肉云舌，再加一碗菜芯。兩個煎餃，太油了，皮又厚，食落口一啖油咁，兩個餡雖然一個係牛，一個係豬，但食落去真係冇乜分別，如果唔係牛肉紅色d，真係唔知係乜？菜肉云吞都係一樣，唔得﹗一夾就散了，皮還皮，肉還肉，有點可惜。成間食店只有可樂同豆漿的飲品供應，再問吓阿姐有乜嘢飲？佢會答你：茶水都冇﹗我本身都好鐘意食餃子，但係呢間唔會係我favourite，再見﹗

由細食到大 開心的是品質冇變 '' 　一樣好味　 每次黎必點除左煎餃一份外就係豬腳面 有咬口 唔會好咸 　'' 另一推介紫菜雲吞 ！！好足料　湯甜 裡頭有D小蝦乾..好好味

今日放工順路送契媽過九龍上堂，上堂前先要差差電，想起有老友住土瓜灣，亦有泊車之便（高山道和安徽街一帶有大量咪標位），便到此來個 "輕量" 晚餐。理所當然要食此店出名的餃子，餃子的款式不多，只有韭菜餃、三鮮餃、白菜冬菇餃、牛肉餃和菜肉雲吞，我們貪心的一次過要齊了5款各半份（5隻），除了菜肉雲吞要湯上外，其餘4款要煎的。餃子皮看似略厚，但卻絲毫不硬亦不 "實"，煎餃的皮更加是出乎意料地鬆化香脆，每款餃子的餡料味道口感各有千秋，千言萬語倒不及一個 "鮮" 字能貼切地形容其美味，個人最喜歡韭菜餃和三鮮餃，前者的味道較 "搶" 較濃，而後者因有豬肉蝦肉和韭黃，味道和口感都比其他多了層次，所以我們再追加了半份湯三鮮餃6碟餃子之外，我們還要了一碗排骨併牛肉麵，排骨炆到已瑧 "化" 境，相當的腍和入味，牛肉是牛展，入味之餘亦保留咬口，麵條非常的滑溜和 al dente，湯很香濃卻不鹹不油膩（事實上是半點油也沒有！），雖然食完餃子之後大家都已經飽撐了，但仍然面不改容地食到半條麵條都不剩加埋每人一杯豆漿（豆漿都不錯，豆味濃郁不太甜，$5大大杯），埋單都只是$114，以這樣的食物質素和份量，簡直是無話可說

一直都聽過呢間野，經過土瓜灣先去食下午茶。牛肉包的餡超得，多汁又鬆軟，但係個皮就超唔得，拿上手一陣就爛晒。

2008年12月06日，13:20一心要用行動支持貴記，但下車後先到舊同事開的小店。週末中午，仍滿座，幸攝得一位。祇要水餃一碗，送上的竟是(九)菜餃。(我想吃大白菜)餃皮：正常地厚餡料：葷香菜，細滑肉碎但我仍偏愛大白菜做餡料的肉餃。

是日是土瓜灣之友的late dinner局…頭站來到巧興吃煎餃子…坐下的時候都差不多九點半了…幸好所有餃子還有…但當我們瘋狂地叫了…三鮮餃…白菜冬菇餃…牛肉餃…韮菜豬肉餃 (全部是煎的~)…還有一份菜肉雲吞之後…所有餃子的牌牌都變成沽清了…很壯觀的~….後來的客人都只能吃菜肉雲吞或其他麵類了…….煎餃真的煎得很香…雖然有點點油…但是外皮脆脆的…吃落確實是很香口…熱辣辣的煎餃再配上我最喜歡的豆瓣醬…確實一絕…煎餃當中我比較喜歡韮菜餃…因為切碎了的韮菜味道很濃…而牛肉餃也不錯…咬下去的時候更有牛肉汁濺出來呢~不過就肉餡就鞋了少許…但味道就不錯的呢…開心的食友仿效南瓜點了臘八醋…幾特別的…中間放了三粒青色的蒜頭…我沒試~但開心的食友說不錯的…而煎餃子我就比較少點醋吃的…不過試過之後發現都不錯…吃煎餃子時沒那麼熱氣…菜肉雲吞就比較一般…而且鋪在上面附送的紫菜有點乾貨味…怪怪的…看到隔鄰的幼麵似乎很好吃…下一次要試碗上海幼麵再配半份煎餃呢…