巧興麵食店

营业中

休息中

這裡的担担麵不是最好的(她的招牌是自家製上海式水餃/煎餃) 但最近天氣悶熱, 胃口不太好! 就來一碗微辣香口的刺激一下食慾。担担麵的花生麻醬香口, 幼麵軟硬適中! 但是酸菜較似咸菜, 酸味微弱。(難道我誤會了?! 但分明聽到另一食客叫担担麵多酸菜, 付老闆也重覆一次向廚房order呀) 還有幾條肉絲的肉質也是一般-_-"喜歡担担麵主要為吃醬料及麵, 配菜雖然失望, 這碗尚算合格的!

多年前在紅磡區工作,果時呢間小店已經存在,由於平,同水準好,每次經過都會幫襯,今次重遊舊地,再試一次,叫了三鮮餃,炸醬麵,豆腐,三鮮即豬肉,蝦,韮王,要了煎的,好香有肉汁,蝦同韮王味也分明,十分好味炸醬麵有大量瓜菜拌肉醬,十分野味,麵條軟硬適中,有一碗清湯送埋,唔錯豆漿就一般,豆味尚可總結店子味道二十多年不變,人情味也依舊,味道也依舊好味

我鍾意食餃子嘅程度 令我有思考過我打從骨子裡究竟係咪一個北方人哈哈企鵝帶路 去到土瓜灣安徽街覓食起地鐵關係 安徽街變咗掘頭巷午餐時段去到 估唔到咁多人要等位 仲要坐出後巷好多一家大細嚟食麵 應該唔少都係街坊後巷好乾淨光猛 無咩問題散嗌係我同企鵝嘅作風貴啲啲不過試多好多野喎聽講小店由真係由北京人打理 態度好親切啊牛肉餃 (半份)半份5隻我第一次食牛肉餃 覺得幾特別牛肉味好濃郁 而且係炸餃嘅關係 風味十足雖然唔油膩 不過炸餃始終比較熱氣 少食為妙 三鮮餃 (半份)有驚喜!!!雖然餃子皮比較厚 (湯餃特別覺) 但咬落去竟然發現有原粒蝦肉!!! (心心眼)湯只係麻油+水 唔值得飲哈哈炸醬麵雖然話係招牌菜 但我有啲失望我想像中嘅炸醬麵係辣辣地 呢款...我覺得似雞絲粉皮多啲哈哈唔啱我口味酸辣麵相反 酸辣麵就比較啱我喇重口味 夠酸 (其實唔辣)有啲似食緊碗仔翅麵質比較韌 個人嚟講幾鍾意重點: 豆漿(太口渴飲哂先醒起未影相)我唔知係咪自家磨製)但飲得出有陣木炭嘅味道 好正見到隔離枱食素鵝 賣相唔錯 不次試試! 

下午茶食多左，到晩飯時間想食啲清清地嘅嘢，於是諗起佢舖內裝修簡單樸實，冷氣充足，大熱天時入到嚟都好涼爽。水餃款式樣多，有韭菜、三鮮、菜肉、牛肉同白菜冬菇餃，仲可以香煎同上湯煮，我有啲心大心細。我問店主嬸嬸可唔可以雙拼，佢都特別整俾我，實在太好了。最後我地點左上湯三鮮餃拼牛肉餃、担担麵同時菜。三鮮餃啲蝦肉大大粒，應該係用鮮蝦做嘅，加埋肉碎同韭黃真係鮮。牛肉餃料足，自然味美，沒有其他店的味精味，餃子皮厚薄恰到好處，充滿家的味道。担担麵麵底彈牙，麵醬冶味帶層次富花生同豆味，感覺自然舒服，味道不錯。用心經營的小舖，用最好嘅材料，發揮天然嘅味道，才是家嘅味道。

去過巧興好多次 , 次次都係叫半份三鮮煎餃 , 一碗菜肉餃 + 熱豆漿三鮮煎餃,正,,鮮味及用料足. 皮又脆菜肉餃 , 淡淡的湯配好味菜肉餃 這裡店面地方唔大，經常坐滿了人，住家小店已很小, 一定要支持推介 煎餃

途經又再重預!環境依舊,食品如一.叫左:半份三鮮餃+半份白菜冬菇餃湯餃,一份煎韭菜餃三鮮湯餃,超正,有豬肉,蝦肉,韭黃,好鮮味及用料足.白菜冬菇餃,白菜清香,冬菇香口,同樣用料足.煎韭菜餃,有韭菜,豬肉,有小小美中不足是韭菜唔夠香.個豆瓣醬好好味,同外面食到嘅多一份鮮香味,唔死鹹.住家小店,很小有了.

首先，提提大家或者admin，巧興o既開鋪時間係10:00而唔係09:00，要update番。點解我會咁講呢？事緣上星六早上去開土瓜灣，searched openrice話巧興開09:00，咁啱又未食早餐，所以諗住響門口放低架車然後等開門。點知到九點，都未開大閘，於是我繞過已開o既側門問吓鋪裏面o既老闆娘問開幾點，點知佢講完「開十點鐘」之後，就叫我咗入去坐低叫嘢食！當時裏面仲係預備緊嘢食，心諗極之唔到意思，自己都仲不停同老闆娘講唔好意思，幸而對方話「唔緊要啦」。坐低後，點咗一碗北京水餃麵同埋一碗熱豆漿…… 後者仲要係剛剛整好，去埋面頭層衣就舀咗碗俾我。仲遞咗盒糖俾我自己加（其實5日之後證實唔加糖都一樣咁好飲）。食完之後，共付$36，本來叫佢收$40算（事關人地未開門就走去白撞光顧，當俾貼士啦），但佢堅持唔收多…… 細個住土瓜灣，呢間開響寶馬車行斜對面果陣已經食開，到今時今日質素仍依舊有水準。5天之後，再次光顧晚市並已吃飽，以示支持。

之前電視介紹過呢間餃子小店來試下佢堅唔堅先一入門口，差唔多坐滿拿拿聲坐低先要了半份三鮮餃放湯，半份煎韮菜餃仲有雞絲涼拌麵同豆漿半份有五隻~方便大家食其他款煎餃外脆入面好多汁，一咬"飛"出來，正！三鮮餃有家庭feel,幾好味反而豆腐同麵就不過是失啦環境都幾舒服~

因為買咗groupon的洗車打臘, 所以無啦啦走到去土瓜灣, 放低車就去醫肚, 老公問食咩, 我話唔知又唔識路. 我突然唸起, 車緊係去openrice search下啦.堅冇咩食, 只係見巧興係特別多留言和讚, 於是一試.老公點咗雞絲涼伴, 因為佢話見人人都叫. 拿! 堅係好食, 醬唔算好多"張"住個口, 雞絲唔會少少, 唔算好凍, 冬天食都OK.然後佢迫我叫咗炸醬麵, 其實我想食炸菜肉絲麵, 結果佢冇食我果個炸醬麵, 因為麻麻地, 味道...... 有點怪, 可能我唔接受啦. 但青瓜絲好新鱗, 爽口, 加番分.再叫咗半份三鮮餃放湯, 半份牛肉餃蕉. 半份好似係6隻, 17蚊, OK. 人手包喎, 灣仔水餃都要啦. 不過注意的係佢煎既水餃其實係炸, 不過唔油, 加D醋WOW 100分. 由於太急試味, 冇影到相.我地叫埋豆漿, 佢一放上枱勁開心, 因為用碗, 坊間已經好少咁做, 好正忠既北方做法. 可惜放水太多, 冇咩豆味.我地咁樣食法都只係93蚊, 不得了. 有圖有証据.

我是一個愛餃之人，在這裡我找到兒時吃餃的味道。這裡店面地方不多，但總是坐滿了人，深受街坊及外區食客的支持。這裡的食物首選推餃子。湯餃之中覺得三鮮餃及菜肉雲吞較好，而煎餃方面我的心水是牛肉餃，肉汁豐富。他們的麵也不錯，相當好咬口。其他小食則普普通通。

［第二集因為手機 App 的問題所以提早發文了，現在補回第一篇。］來到這一個區份工作已經有一個月了，土瓜灣對我來說還是一個未知之地（往往就只是乘車經過卻沒有真正到過），趁上班前有一點空檔便走來探索一下。上來這裡找找，這家巧興原來是土瓜灣區排行第一的店，所以這個土瓜灣首發便決定給它了。只是由於天生方向感缺乏，尋尋覓覓，幾乎要淒淒慘慘戚戚才找到來。店內人不多，阿姐們正在努力包餃子。要了一半韭菜餃，一半白菜冬菇餃。看食評知道這裡有內有蒜頭的臘八醋供應的，所以我就用半鹹淡普通話問阿姐要了。（應該是太重口味所以就沒有放在桌上供人取用吧。）嗯，這個醋的味道很熟悉...因為家母常常在家浸蒜頭醋然後要我吃，這個臘八醋就正正是這個味道了。可能是那個蒜頭泡得不夠久，不然就更有風味。馳名的韭菜餃就是這個了，餃皮厚薄適中，餡料也香，不過一時忘了原來這個是有肉餡的，不過正所謂煮到來就食，都幾好味吖。白菜冬菇餃同理，味道清一點，當然也相對比較好肉地。買單時阿姐收了我 $28，我望著牆上的餐牌計了計數，應該沒有這麼便宜的吧？

因為友人跟開的髮型師搬到土瓜灣馬頭涌道，所以剪開頭髮，又到這區發掘新口味了。連忙上openrice 找找吃什麼。這小小餃子店在安徽街一個比較不就腳的角落，以正宗北京餃子打正旗號，原來在土瓜灣區打滾了20年了。牆上的「餐牌」寫著有排骨麵、雞絲涼麵、擔擔麵、炸醬麵等二十款選擇，餃子就有五款:韮菜$26（10隻）$16半份，白菜冬菇$28（10隻）$17半份，三鮮餃、牛肉餃、菜肉雲吞，與白菜餃同價。選了其他食店比較少有的牛肉餃和三鮮餃（煎餃），餃子煎得相當有心機，三面皆煎得金黃色，咬下去十分香脆，可見是慢工出細貨。牛肉餡加入了炒香的洋蔥，多了一份甜味和口感；而三鮮餃是蝦、韮王、豬肉，這個配搭令我想起了媽咪包的雲吞，正好是這樣搭配，不過再要加入雞蛋，人大了就懷念從前，而家已經很難吃到媽咪包的雲吞了，但總覺得是獨一無二的味道。這裡的三鮮餃味道也不錯，味道清爽而不油膩，有種天然的鮮味。老闆娘說三鮮餃是最好賣的，每日也是最早賣光的。再來半份三鮮餃，嚐嚐湯煮的，這次吃到皮比較厚，或許正宗北京餃子的皮比較厚，所以適合做煎餃多些。這裡還有一寶是【臘八醋】是用來蘸餃子，是要特別問老闆娘拿的，這以荔枝醋浸原粒

當天起床，突然想起餃子來！好像許久沒嚐過對口味的餃子了，加上天氣炎熱，如果能嚐到餃子的同時，又能嚐到涼麵便更合意了！講求手工製作的餃子與涼麵，利錢不高，在租金昂貴的鬧市似乎已絕跡了，只有舊區租金相對合理，餃子與涼麵的食店方有機會生存。於是立即起床，在 OpenRice 網址上輸入土瓜灣區來搜尋，豈料真找到一家目標店。甫進門，巧興的面積一眼盡見，而食客也坐得滿滿，幸好遇上剛剛結帳離開的食客，我和老公才可佔上那張在大門後，僅能容納二人的桌子。當天陽光猛烈，先要來豆漿兩杯解熱。豆味不算濃郁，甜度不算過份，豆漿還可以吧！巧興除了供應湯麵、亦有冷麵和撈麵，當然還有我喜歡的餃子。貼在左邊牆上的是煎餃之款式，而右手邊玻璃窗上的就是麵類及雲吞等。雞絲涼麵份量不少，麵條上鋪有青瓜絲、紅蘿蔔絲及充滿麻醬的雞絲。雞絲肉質幼嫩、富有恰好的彈性，加上預先醃製的鹹味，雞絲的效果比預期理想。麵條帶有韌性，能將醬汁緊緊掛上。醬汁是涼麵至關重要的靈魂，沒有了出色的醬汁，涼麵頓時變得無味。巧興涼麵的醬汁，酸味最為搶鏡，醋醋的味兒很溫醇，沒有半點刺喉；未能完美的是麻醬，不夠麻香，同時辣味也非常淺薄，整體不夠惹味。要了小份1

回來沒多久後，姊妹便相約來個下午茶小聚，真好。原來想要吃的是上海美華，但原來包點粢飯類只在早上供應，下午茶時段只供應炒粉類，於是便決定去同區的巧興了。由於姊妹會怎麼走的關係，很快便到了，感覺就是跟美味餃子店差不多的裝潢。豆漿：當天天氣有點熱，先來一杯凍豆漿，也真解渴，也不會過甜。牛肉餃x三鮮餃：選了煎餃，是每款五隻的雙併，煎的是比湯餃要香口得多。與其說是煎，倒不如說是炸的，早有心理準備油氣會略重，的確底部油分不少，但還是可接受的，餃子皮是很脆身的。三鮮餃餡料有雞蛋和豬肉等等，其實也豐富。牛肉餃的饀料是紥實的牛肉碎，其實也是非常不錯的。畢竟以這個價錢，還是會有合理的期望。炸醬麵：這是麵質偏腍身的麵食，但炸醬的味道調得真不錯，而且伴醬越多真越好食。在此感謝姊妹的請客，共聚真好。平均消費： $30

Honey 成日好奇想知佢去返學唔同我食晚飯, 我又唔返屋企食阿媽飯嘅時間究竟去咗邊度開餐?? 我成日都'懶神秘'話: , 其實我係想佢睇番我响Openrice呢度寫食評, 咁咪知我去食咩囉, 兔得未去就'哦'我....: 嘻嘻...今晚我就"自由萬歲" 同'抽起條筋' 要食餃子, 去咗呢度! 。。。我其中一間心愛的餃子店!以前腳步密啲, 近年少咗嚟, 但始終隔一排就會自動'蒲頭'食番次至安樂的店舖係土瓜灣'巧興', 細個成日覺得呢區呢度附近幾條街名好特別, 江西街、山西街、浙江街、安徽街呀咁, 所以好有印象! 而巧興, 十年如一日, 次次嚟都咁好食, 一次失手都無, 價錢大家街坊又負擔得起, 所以係好多人嘅飯堂之一. 我本來諗住叫十隻餃子當晚餐, 五隻煮的, 五隻煎的, 但一坐低又改變主意喇...聽到左右隔離叫麵, 我就即刻想叫, 我都真係心多多! 成日都係咁!!!!!!! 終於諗定, 柯打咗'北京炸醬麵' $21, 半份牛肉煎餃$17, (餃子其實叫全份抵好多, 28蚊就搞掂, 但我唔貪心喇, 費事又加磅啦~~) 今晚腊八醋無問佢攞, 因為我唔食佢粒蒜頭, 無H