巧興麵食店

营业中

休息中

看見其他食家對巧興評價那麼高, 昨天放工後專程駕車到巧興吃晚餐, 兩個人點了四種餃子和一碗炸醬撈麵, ,清湯韮菜餃和牛肉餃的餃子皮略嫌不夠滑, 煎三鮮餃和白菜冬菇餃很香口, 四種餃子味道也很清, 可能是肉少菜多的關係吧, 四種餃子我還是比較喜歡味道較濃的韮菜餃和牛肉餃, 炸醬撈麵味道一般, 麵條也算爽口, 但湯很淡, 不過價錢真的很實惠

第二次來，我們是餃子狂迷，這次只想吃餃子，絕對沒有失望，只可惜要留肚，要不然一定會食盡所有不同的餃子。一客湯韭菜豬肉餃，十八元有十隻，韭菜很嫩，食得出是新鮮包的，皮薄；湯不太好，不過好像正宗的北京餃是不下湯的，不喜歡下次就走湯好了。煎牛肉餃，肉汁多，最好的是皮煎出來不會實，酥脆非常，應該是接近酥炸出來的吧。十二元有五隻，很便宜。凍豆漿，雖沒有什麼特別，但也是老老實實的，不會太甜也不缺豆味。走出店外，見到介紹巧興的文章，才知道原來有臘八醋供應，可惜沒試到，下一次一定會試一試。

想吃北京餃子,就想起土瓜灣的巧興.小弟最喜歡之北京餃子店.吃了多年,始終如一.也有一年沒有來到這間北方小店,這夜想起她們的三鮮餃,炸醬麵,又自然來到這裏.假期前夕的舊區,人流冷清清,而巧興也食客不多.在晚飯時段,只得一個客人.食物做得好,無須太多花款已經足夠,巧興的餃子種類一向不多,韭菜餃,三鮮餃,白菜冬菇餃,牛肉餃,同菜肉雲吞.想吃羊肉餃?對不起,沒有.單是餃子種類,只得五款.反而麵食這些"周邊利潤",選擇更多.來到北方小店,沒有理由還來吃碗粵式雲吞麵,牛腩麵.要吃的,當然是炸醬麵.其炸醬麵不及正宗的濃黑,但味道濃惹,炸醬質感豐厚.如果用上粗些少少的麵條就更好.巧興的麵條其實算做足本份,食落軟淋帶點煙齦,北方人吃麵條不同我們,要講求麵條彈牙的口感.麵食為副,餃子為主,好多時來吃餃,總愛要一碟煎三鮮餃.多心一點,來個雙拼.這夜是煎三鮮拼白菜餃.一向愛煎多過放湯,因為煎餃份外香口.而且北佬吃餃,係不放湯上的.三鮮餃吃了不下數十次,豬肉蝦肉等混合成餡料,味道鮮甜帶爽.而白菜餃就多一份香甜.如果想要霸道一點的香,不如來個韭菜餃.巧興的韭菜餃,又是做得很好.此店的另一樣秘密,就是要開到口才給你

本身麵店在公司附近,所以可以常常到這裡吃餃子.今日叫了菜肉雲吞排骨粗麵同凍豆漿,雲吞大隻之餘餡料調味出色,排骨炆得好"林"同入味,豆漿就保持倒水準.還有這裡的豆瓣醬也十分正,加少少落啲餃到一起食真一流.

以前一去土瓜灣做野,就會黎試過今日經開又再黎吃餃所有餃都差唔多試過晒,麵就不敢恭為了 可能前幾站太飽今日ORDER左個三鮮餃同白菜餃同兩杯豆漿都保持以前既水準,煎到脆脆地豆漿永遠都有種LOW 味,不過幾好飲老婆最愛吃,食埋今次都唔知再有下次

:第一次寫食評.住左o向巧興樓上大半年. 第一次寫就寫"你"嘞.今日放工買左個酸辣麵外賣返屋企食.有d酸, 好少辣. 材料有火腿, 豬紅, 豆腐, 菜絲. 有火腿都幾奇怪, 最奇怪係有雜菜粒.係快餐店用來拌碟果d雜菜粒.好奇怪啊.下次都係食返佢地d餃子好d. Heheheee...

今日下午又去土瓜灣, 之前專程來這裡吃餃子. 門面不大起眼, 行過了也不知道!!點了三鮮餃放湯和熱豆漿. 三鮮餃用豬肉、蝦及韮黃, 表皮較厚, 但味相也不俗. 熱豆漿沒有味道, 不過勝在夠熱. 吃完己經很飽!!

太座一直很想來，今夜終於得償所願....雖標題稱之為"全餃宴"，但事實上除了水餃外，還吃了之前沒有吃過的菜肉雲吞，故嚴格上都不能稱為完全的餃子宴...韮菜餃、三鮮餃、牛肉餃全都叫了，再加上雲吞、炸醬麵及冷熱豆漿各一，簡直是盛宴放湯的及煎的都吃了。太座比較愛吃煎的，貪其外皮較脆，吃落亦很香口。小弟就兩者皆好...始終韮菜是最好吃的，餡料啄得很幼細，皮很厚亦有咬頭，很有北方那種豪邁之風。三鮮餃內有豬肉、蝦及韮黃，味相對地清淡；牛肉餃吃來帶點羶勁，但小弟還是愛吃傳統的韮菜滋味....雲吞包得大大隻，紹菜份量足，但稍嫌餡料味道太淡，還是吃餃子保險一點...炸醬麵的麵不夠乾身，肉碎醬亦不夠濃稠，有點失望。還是吃慣吃熟的雞絲凉麵較對口味....兩口子吃至天翻地覆也只是四十多大洋一個人，抵食之至....

早兩日揸車去深水步, 無野arm 食, 跟住劈架車落巧興食, 因為從來都唔會搭車o個黎呢邊, 再加上附近有好多咪錶位, 入半個鐘就得。今日同老婆兩個人, 叫左半份煎三鮮餃$12, 半份煎白菜豬肉餃$12, 一碟北京粗炒$21, 一碗酸辣麵$18, 加可樂$ 6煎餃, 一貫水準, 夠熱, 因為即煎, 又夠脆, 粗炒, 又係每次必食, 味道如一, 好好味, 有紅腸架!!! 酸辣麵, 今次都係第一次食, 唔錯, 不太辣, 比剛剛去過元朗的北京水餃店好, 可以再試另外, 今日唔見老闆娘, 不過老闆係到啊, 仲有, 都係剛剛知道, 巧興汽水only 得可樂, 無其他架

小小的店子, 燈光同冷氣都十分強勁, 給食客一個十分乾淨的感覺.相信是一家人齊心運作的店子, 個個都操流利國語, 這更令我相信這是一間正宗的北方麵食店.一個人去幫趁, 又想試酸辣湯, 又想食餃子, 更想試拉麵, 順理成章來一個酸辣麵加餃子. 等了五分鐘左右就有得食, 麵的份量十足, 可惜腍了點, 但不失煙韌. 酸辣湯材料有豬紅, 豆腐, 冬菇為主, 不過跟上海式的酸辣湯好似沒有分別. 最好味要算是餃子, 韮菜豬肉餡, 外皮十分煙韌, 餡料的調味出色, 再加上材料亦十分新鮮, 值得一讚.見到鄰檯的煎餃子賣相十分好, 下次捉埋老婆黎食先!

n年前因在附近工作所以成日食。事隔多年，有時都會特登去食。經典之作當然係煎九菜餃，煎得非常香脆但肉餡又多汁，必食。如果食湯麵就必定要加紫菜，因為紫菜浸倒少少湯就非常好味。熱豆漿亦係我心水，因為熱豆漿要自行加糖，我可以控制甜度，做得好 !

一行兩人逛漆咸道一帶的室內設計店舖，肚仔餓搵些小食吃。選了這家店，純粹的找點東西填肚，只點了煎牛肉餃半份和菜肉雲吞餃煎得香脆，配些少豆瓣醬十分滋味菜肉雲吞湯底不錯，一碗八隻再配上一堆紫菜，抵食。很久前光顧過，舊地重遊仍保持水準。

今日同老公出去食，去咗黎間…原來佢黎過，仲話黎間啲餃子係佢係香港食過最正宗，最北方…我叫咗個炸醬麵，佢叫咗個"九"菜餃…個餃好好食，個皮係自己整…唔係一般係麵粉舖買返屋企自己包個啲…個炸醬麵又好好食，唔係紅色個啲，好特別，又惹味…好﹗

食來食去，都係覺得佢哋嘅餃子確係出色...不過在餃子之前，一定先來一碟麻醬雞絲冷麵過過口癮...未上碟已嗅到麻醬香，麵韌度適中；雞絲雖然係雪藏貨，但勝在切得夠粗，大大條，且份量又足，吃得好過癮...今次韭菜餃子要個煎嘅。皮煎得脆脆，韭菜切得夠碎，餡並不過份地多，份量剛剛好，又係吃得好過癮...好地道嘅風味，又唔貴，去邊度揾 ?

餃子最好味~有三鮮餃,9菜餃,牛肉餃, 上海雲吞餃~全部人手現場包餃,足料,新鮮健康~d湯好香芝麻油味~價錢又非常合理~!