巧興麵食店

营业中

休息中

土瓜灣北京小店巧興,除幾味餃子得手之外,其炸醬麵也不錯.面頭有炸醬,仲有些青瓜絲.個炸醬夠香濃沉厚,底下的麵條亦很煙齦.唯獨附送的湯,真係啖出個鳥來.仲有擔擔麵,已經改良到連唔受得辣都受得起.有興趣可一試,當然少不了眾餃子.想香口的話,煎韭菜餃或三鮮餃係理想之選.放湯的話就白菜餃吧.在香港吃炸醬麵,你都幾難會見到,入到食店門口,店小二像巴伐洛提般,男高音去響堂,亦唔會有一些如將碗碟敲得鏗鏘有聲,製造出比Kraftwerk更機械化,但更親切的"旋律".凡事太過理想化,諗起都汗顏,吃麵吧!

no surprise...quality so so.a simple noodle + dumpling stallsdumplings taste very much 灣仔碼頭dumplings.if u really want dumplings, can pay a visit - as there are not many dumplings place in HK.Otherwise, leave it.

巧興的水餃真係好正.....本人最鍾意食的就係湯放的三鮮餃同埋煎韭菜餃! 三鮮餃好有鮮味, 食極都唔厭!其實韭菜餃湯同煎都正, 但係煎真係好香口!其他麵類也可, 特別牛楠(好香)同擔擔麵,正!最重要係價錢平....... 新年食餃團年喇!

見咁多人都讚呢度又平又好味星期六專登去試下兩個人叫左涼拌雞麵($19),三鮮餃同牛肉餃各半份(各式各樣10),豆漿($5)涼拌雞麵～一上檯時以為係麻醬,點知食落發現係帶少少酸既,唔可以話好好味,但今日有d熱熱悶悶既天氣食,又幾醒胃,配料有雞絲,紅蘿蔔同青瓜,總括黎講ok,不過又真係好扺食夾大件,兩個人share都好飽三鮮餃～即係豬肉加菜加蝦,少左dd肉,清新d,皮係正宗水餃皮,即係厚身少少既,ok啦牛肉餃～好似全部都係牛肉,如果真係要揀,我鍾意三鮮餃多d豆漿～豆味有少少,甜左dd,ok啦全部都只係ok地點又唔係太就腳如果要o係呢度附近再食我鍾意貴記多dp.s.服務可以好少少當我叫三鮮餃同牛肉餃各半份時佢都無話我知可以mix兩種餃雖然只係一蛟但感覺好似俾人呃左咁

又係我幫呢間小店講野, 今次,純悴post每一次去巧興的流程.就係咁多.自私地一廂情願諗法, 希望唔好比佢地做到發達.

北方水餃來說, 點講都好,樂民新村下安徽街的巧興,一定係我No 1.光顧已有三數年,餃子完全自家製,絕不假手於人.煎三鮮餃.吃得最多.餡料足.加埋豆辦醬,一口氣廿隻不成問題.對我黎講,無飯食唔緊要,無麵食,無餃子食,等如世界末日.其他韭菜餃,好吃過街邊檔好多.不會一口都係油,$16有10隻,可話係抵吃.牛肉餃相比少吃,食味不俗.最好放湯,煎就無咁好吃.食餃子,同飲酒一樣.係會上癮的.

親戚從楓葉國探親, 有點東西帶過來.放工後順道經過帶回家, 未取東西先行來個小吃.店子細細, 老闆娘似乎是北京人, 喊落單會操著純正的國語.北京水餃麵: 白菜仔舖在面, 有五件水餃; 麵底卷卷曲曲幾得意, 也有韌勁, 幾好味.水餃餡是韭菜, 也香, 湯底是豉油, 味道溫和, 加上點想象, 會有點點吃日本拉麵醬油湯底. =p熱豆漿沒有糖, 糖隨意加, 老闆娘的兩包剛剛好, 太甜蓋過豆味, 太少也太澀.熱熱的豆漿也令我既胃暖翌翌廿蚊經濟實惠.

8月27日去食晚飯，兩個女仔叫左一碟菜、2碟煎三鮮餃(1個係打包既)、一個湯白菜餃、一碗酸辣麵、一碟素鵝及兩杯豆漿。碟三鮮餃真係好味呀，雖然佢\煎時好油但係落去一d都唔膩，而且入面d料都好好味，而素鵝都唔錯，其他既一般，而酸辣麵唔同出面食果d，佢\只會有豆腐、冬菇、雲耳同埋火腿等，同埋個汁係杰既。而豆漿就真係飲得出係磨果d。埋單真係平到出奇，食咁多都只不過係52蚊咋！食完返番去筲箕灣…攰死呀…坐成一個鐘頭巴士先返到屋企。

做完facial同男友黎食lunch,之前食左d野,所以我地只系叫左擔擔麵+冬菇白菜餃(5隻)$22,豆漿$5擔擔麵---佢無花生同香蒜,多左既系榨菜肉絲,但仍有落花生醬,麵系上海幼麵;男友話吾多好食因似糊仔喎!但我覺得ok!冬菇白菜餃---大大隻,肉餡十分新鮮!豆漿---吾合格!吾夠凍兼有渣!埋單$27,相當抵!之前食過素餓撈麵亦吾錯!老闆服務亦周到.環境尚算光猛乾淨.

昨晚同老公行經此地，見係時候食晚飯就入來試下：北京水餃麵：水餃大大隻，落足餡料，d麵好彈牙，連d湯都好好飲tim，但實在太大碗，食剩好多麵；牛腩豬手湯麵：我老公話都幾好食，d牛腩好入味，豬手都ok，但如果有埋南乳就更正喎；油菜：係菜心，ok la；豆漿：最唔得，有陣味，應該係煲左。坐係度咁耐，見一直都有客人光顧，人流都唔差，幫襯呢度d客有住在隔離大廈的一家4口的街坊客，亦有好似我兩公婆既稀客，見d客就咁泊低架車在門外就行入來食，咪錶都慳番，呢條小斜路咁靜，唔駛驚差佬抄牌，佢地通常去左高山道gor邊hau住。

餃子($18一碗/10隻)﹕真的不錯，餡料美味之外，最突出是其餃子皮雖不是薄的那種，但一點也不覺硬，軟刃度恰到好處。熱豆漿($5)﹕用碗上，並附上獨立包裝的太古沙糖，讓客人自己調較甜度。

放工後兩口子想來一個簡單便宜的晚餐, 先來了一客擔擔麵走辣, 湯底痳醬味道香濃, 可惜麵質本身過腍, 失去了口感, 整體上不討好; 再來一客清湯三鮮餃子, 十隻雪白可愛的餃子, 餃子餡料味道鮮甜, 鮮蝦亦爽口新鮮, 餃子餃皮軟刃適中. 仍是餃子好一點.

昨晚大醉, 弄得半天沒有胃口, 正好吃一個涼麵醒一醒胃氣, 到麵店時先來了一杯涷豆漿, 味道不錯比之前試的豆味香濃了一點, 再來了一碟賣相不錯的雞絲涼麵, 配了有青瓜, 紅蘿蔔, 雞絲, 芝麻等等, 麵質粗身彈牙, 可惜醬料酸甜味道過重, 而雞肉味亦過咸, 整體上不討好. 還是餃子好一點~

和朋友尊登走來試,叫了一客湯的白菜餃,一客煎的韭菜餃,兩者份量十足(一客10隻),我喜歡白菜餃比較清甜些,韭菜餃也好但韭菜蓋了肉香,而且也比較多油.見呀姐三兩下手勢就包好一盤餃.令我想起小時候媽媽包的餃子.每一次都會有2個飴科,不同料就用不同的包法分別.真係辛苦晒母親大人.我的包餃手藝也是母親大人傳受的,曾有一次包餃子給男朋友帶回家中,不知道他有否感受到那份心情???

朋友推介我食呢間既餃子...話好好味咁話喎....我果日試左雞絲涼麵...同埋菜肉雲吞...雞絲涼麵好大份....都只係$19...最緊要係個醬....好好味.....另外要左半份菜肉雲吞....$9有4個.....好多料....啖啖肉...唔錯唔錯...遲D會試埋其他D餃...睇佢MENU見佢款式唔多....好似仲有韭菜餃...三鮮餃...同白菜冬菇餃....P.S. 間舖雖然細細間...但係好乾淨企理.....D員工落單都講普通話....真係好似去左北京D小舖咁....