天天海南雞飯 (新城市廣場三期)

营业中

休息中

Vivian要爆喇…個肚，因為呢餐實在太太太好味，本年度（暫時）食過最最最好味新加坡菜😋Btw，order二人套餐，連Vivian呢d大鳥胃女孩都食到肚皮脹（但太好食，理得個肚皮脹唔脹☺️）MenuOrder左新加坡米芝蓮二人套餐：豆花年代奶茶（左）豆花恐龍美祿（右）2杯飲品都好特別，係底有豆花，同上面嘅美祿/奶茶好夾，豆花好得意，滑doo doo鳳梨涼瓜干貝燉龍骨個湯好鮮甜，仲要冇味精，好好飲海南沙律好特別，第一次食番石榴沙律，同士多啤梨一齊食出奇地好食😋斑斕汁椰香鱈魚（睇個名唔知係炸物配班蘭汁）Vivian要升天了，個汁好香嘅班蘭椰香，鱈魚又炸得好香，2樣野估唔到係咁match，真係要食過先知有幾好食天天海南雞（有雞油飯）巧巧吃，雞醬同嫩滑嘅雞，唔食走寶🥹🥹連個油飯都好好食，不停食食食唔停口海南雜菜煲最後食個菜先，Vivian幾健康✌🏻份量唔少，仲要有粉絲，呢餐好抵

食出新加坡真風味剛剛走過，洽巧見到剛剛有位置， 又見到它被米芝蓮加冕，當然想入去試一試， 平時看到都需要排隊。餐廳一早已備好伯爵茶侍候， 厚厚的餐牌，令選擇困難症的我不知如何是好。 經過與服務員的商議，就叫個二人套餐吧！蝦皮碎肉鬆凍豆腐賣上相當吸引，非常精緻。 豆腐味道清新， 輕輕點上特製豉油， 這個開胃菜，認真一流。黑松露墨魚蝦多士酥炸金黃， 多士上的蝦及醬汁非常惹味， 最教人難忘的是中間有一層薄薄的墨魚滑， 令多士多了一重彈性的口感，亦增加了賣相的層次感。天天海南雞標配當然有濃濃略帶甜味的黑醬油、薑蓉以及酸辣醬汁，特別在於雞件已淋上一層薄薄的汁，令嫩滑的雞更添上的一絲細滑，雞件沒有過多肥肉， 吃得出天然的雞味。配合雞油飯， 更覺得是天生一對。脆皮豆腐粒配新加坡辣椒汁見得出廚師的刀工精巧， 每粒豆腐切得整整齊齊圓滑， 辣汁味道偏淡及稀， 這樣你就可以將豆腐的每一面均勻點上，而不會過於濃烈。整個用餐令我感覺非常舒服， 服務員殷勤有禮，環境舒適，以這個價錢來說，非常超值。

成日經過天天海南雞飯都見到好多人，今日終於有機會一試。第一次嚟就試吓二人套餐，真係抵食好多。一嚟就飲個湯先，有驚喜味道濃郁，冇諗過竟然咁足料。斑斕汁夜香鱈魚鱈魚炸得香脆，而斑斕汁真係好特別值得一試！海南雞同油飯都好好食，配合得非常好👍🏻雞肉夠滑，又好香油飯真係令人想食多幾碗🤩🤩🙏🏻辣椒炒通菜🌶通菜冇渣，惹味好食！不過見到隔籬枱海南雜菜煲都好吸引😂食物整體質素唔錯，價錢都算合理唔怪得成日見到咁多人啦！

同朋友去新城市行街，睇完戲出嚟八點左右，行咗去三期睇吓食咩，見呢度裝修幾靚，同埋天天海南雞真係好出名，以前喺新加坡食過，真係好掛住，就同個friend去食，叫咗個二人套餐，天天海南雞好滑真係幾正，最鍾意個汁，油飯勁香蒜香味，同出邊嗰啲唔同，蝦多士好香外脆內軟，雜菜煲就正常水準，重叫咗一杯水果茶同埋恐龍美祿，食埋豆腐花真係好完美😊開心走…不過到我哋係廁所出到嚟，有個着住制服嘅女人喺度講粗口，原來係門口嗰個接待員黎…我哋入嚟食嘢嗰時都覺得佢態度唔錯，唔知發生咩事，不過公司可能要教下啲同事，始終着住公司衫，成個商場都聽到佢把聲…個感覺唔係咁好食物同服務本身唔差，但係見到咁…下次未必再去…因為好得人驚

今日清明，到沙田用膳，諗住好多人，唔知有冇位。估唔到天天仲有位，就衝左入去。幾年前食過，今次再食，水準都可以，啲雞好滑，個油飯，兩個女清晒。另外，個牛助骨之前未試過，都幾好味。總括來講，呢餐飯唔錯。

一向喜歡吃海南雞，今天特意相約友人前來新加坡十分馳名的天天海南雞飯吃晚餐。餐廳以藍色格調為主，我們被安排到卡位。裝潢和環境也非常舒適和溫馨，餐廳內的裝飾設計獨具匠心，結合了中式和現代風格，讓顧客在用餐的同時也能享受到愜意的氛圍。餐廳走crossover 路線，現在新加坡米芝連二人套餐有折扣，相當抵吃呢！黑松露墨魚蝦多士$109天天海南雞的黑松露墨魚蝦多士是一道美味的小吃，口感香脆，外層裹上鮮美的黑松露醬，內裡則填滿了鮮嫩的墨魚蝦肉，每一口都讓人驚艷。這道小吃也是非常適合搭配啤酒或果汁享用，是下午茶時光的絕佳選擇。另外我們今次點了人氣爆燈的正宗海南雞$199這是一道傳統的海南菜，是海南島的代表性美食之一。海南雞雞肉嫩滑，也有雞味，雞皮也沒半點油脂，入口香滑。三個醬汁中，我最喜歡薑蓉，點上薑蓉來吃，更加惹味。而搭配特製的辣椒醬和醬油，更能突顯出海南雞的獨特風味。雞油飯入味又香，單吃也可以吃上兩碗，用石鍋載著可讓飯保持溫度呢！再加個雜菜煲及飲品，吃到很滿足的呢！

本人係好喜歡食雞，喜歡到無雞不歡又唔會有挑剔。前幾年去星加坡因為就唔啱時間就冇去試天天。上星期帶埋個女去沙田專登試正宗海南雞同油飯。結果，個女話雞肉同大家樂真係差唔多，只係想靠醬油來做出兩百蚊嘅菜？醬油唔使講係食唔出分別喇，而且鷄上面擦左嘅醬汁完全唔好食。雞味係食唔出嘅。油飯呢？完全冇飯香，冇雞味食左半碗已經成口油味食唔落去。完全唔會考慮返食性格比咁差嘅餐廳。如果餐廳買天天個名諗住香港擺上高級餐廳賺錢，唔好意思，你哋唔值。

今晚我同女朋友試左一份新加坡米芝蓮2人套餐，裡面嘅食物真係好豐富啊，而且味道不錯！❤️首先係蝦乾素肉鬆凍豆腐，凍豆腐夠彈牙，加上素肉鬆同蝦乾香味，真係一款好開胃嘅涼菜。🍲然後就有呢款黑松露墨魚蝦多士，外脆內軟，墨魚味香濃，蝦肉彈牙，再配上黑松露嘅香氣，真係一絕！🍤之後每人都有一碗鳳梨涼瓜乾貝燉龍骨，湯底清甜又健康養生，鳳梨嘅甜味配上涼瓜嘅苦味真係好夾，而且龍骨具平肝潛陽功效👍🏻海南雞一定係套餐嘅主角，呢度嘅海南雞非常出名，雞肉好滑嫩，好新鮮，好重雞味，醬汁亦都做得好好，食落真係好美味。🍗食到咁上下就上咗海南雜菜煲，種類好豐富，有菜心、娃娃菜、菇類、粉絲等等，湯底鮮甜，蔬菜清香又健康。🥦雞油飯份量夠1-2人食，每粒飯飽滿有彈牙，雞油味好香！🍚最後，餐飲叫左一杯恐龍美綠同薏米水，不錯！🍹

這間海南雞專門店歺廳，已經第二次食、之前食過覺得唔錯，所以今日約咗朋友在沙田食飯，所以再一次光顧，餐廳尚算寬敞坐得都幾舒服，整體菜式水準不錯，坐下待應送上一壺熱的伯爵茶，我個人比較喜歡，點了二人套餐499，非常豐富😋前菜點了番石榴、士多啤梨和無花果沙律，酸酸甜甜幾開胃，正宗海南雞很嫩滑，一煲油飯、油飯粒粒分明又唔會太油、好食👍炒通菜味道適中不錯，苦瓜鳳梨干貝燉排骨湯，湯夠熱、味道非常好、清新的感覺，黑松露墨魚膠蝦多士香脆可口、又唔會太油膩上面鋪了有機菜絲和黑松露醬汁，好好味😋套餐包兩杯50年代飲品 我和朋友分別點了凍美祿和酸柚子都不錯，二人套餐份量好多、所以我們食到很飽，非常滿足，特別一提侍應們很有禮貌🥰🙏🏻下次都會繼續光顧

星期六晚8點左右入坐，waiter話限時一個鐘，我有無聽錯，以為自己放緊lunch! 第一次食就試下啦，睇個格局似係高檔茶記，食個雞飯就算。睇下menu, 以為去左酒樓食小菜！一個兩人set叫價$450以上，仲有drink list, 唔通係一個鐘任食🤣 以咁既服務同裝修但個價錢就酒樓價，我唔明佢想做咩野人既生意？！食物質素係可以，但食得唔爽就食龍肉都無味。最後埋單係接近$500！五舊食間限時一粒鐘既偽親民茶記，Black list already!

天天海南雞加油飯一般嘅海南雞都會伴碟有三款醬汁，呢款偏向星馬口味嘅海南雞，雞皮同肉中間整到個種啫喱，雞肉好滑，油飯底味好重，粒粒分明，油份適中，高分！黃金軟骨炸到十分之酥脆嘅雞軟骨，如果你鐘意食雞軟骨就一定要叫，鹹蛋黃味更加香口！ 黑磨豉牛筋牛腩原本呢間野最出名係海南雞飯，但我認為呢個先係呢間野最好食嘅隱藏菜式，呢個一定要叫，牛腩牛筋炆到入口即溶，本身嘅汁已經可以送好多碗飯小炒之王呢個又係送飯嘢，啲材料多到我都懶得打哂出嚟，總之就係材料豐富，鑊氣夠！

成日睇到網上話天天海南雞好出名然後就扭計同老公講話想去試下環境闊落 坐得都舒服茶水係俾伯爵茶餐牌見款式唔算多 而且係比較新穎所以簡簡單單嗌咗大份正宗海南雞一個小煲油雞飯再加兩杯水果茶🔸天天海南雞整體雞肉嫩滑 不過雞味就冇咁重醬方面就本身有醬所以都冇另外點試咗辣醬就覺得太辣 整體都okay🔹油飯反而油飯覺得好食 唔會覺得好油飯又可以粒粒分明 係一個小驚喜🔸水果茶水果茶茶味唔多 酸得濟水果就求其放幾粒最後冇飲哂💬整體就覺得味道尚可但未去到要咁貴試過下就算

🎈天天海南雞飯天天海南雞飯係星加坡老字號海南雞飯連鎖店，以香嫩多汁的海南雞同油飯為主打餐牌仲有其他小菜、小食、燉湯同甜品，店內環境整潔舒適，店員服務態度亦十分好🎈天天海南雞 $189天天海南雞特別之處係加上店家秘製醬汁，味道微甜，口感更juicy惹味😚另外配有黑醬油、辣醬及薑蓉，食到多種唔同感覺❣️雞肉柔軟嫩滑，雞皮唔會有肥膏連皮食都唔會覺得油膩，仲好香雞味添✨深受歡迎果然係有原因🥹🎈雞油飯 (小煲) $39油飯亦係到店必試✨米飯粒粒分明帶油香油潤嘅米飯帶淡淡雞油香，撈少少薑蓉，味道更有層次🎈迷迭香火焰黑金叉燒$99餐廳的一道川創意菜品，肥瘦相間嘅叉燒烤得軟腍入味，切成厚厚一件，感覺有啲 似五花肉，有入口即溶嘅效果😚🎈參巴辣椒炒通菜 $88以鮮嫩通菜同參巴辣椒搭配而成，灑上蝦仔更添咸香🥢通菜口感脆嫩，充份吸收辣椒的香氣，香味濃郁但不會過於辛辣，適合大部分人口味🤗🎈椰絲小白兔 $29造型可愛，口感軟滑唔太甜，作為飯後甜點最適合❣️

〰️餐廳位置方便可達，半開放式座位寬敞舒適，適合一家人或與朋友晚餐聚會。〰️環境: 4/5服務: 3/5地點: 4/5〰️〰️ 🌟天天海南雞(中份) $169評分: 4/5招牌海南雞肉軟嫩，雞皮之間形成一層啫喱，好正呀😋配埋三色秘製醬汁，酸酸辣辣，夠哂惹味。去骨海南雞中份都夠兩個女仔share👍🏻〰️🌟筋腩相逢 $128評分: 4/5牛筋牛腩砂煲夠哂熱辣辣，牛腩肉質鮮嫩，牛筋亦炆到腍哂。可惜份量偏細，白飯需另加$28，性價比較低。〰️

平時見到新城市廣場有間海南雞，係新加坡米芝蓮過江龍，今日終於試左晚餐！當然要食佢個海南雞＋雞油飯！隻雞係凍雞，滑身，唔會太肥，而且雞皮都彈牙！但佢個雞油飯先最出色！唔會太油，但夠香，好食，啲飯都粒粒分明！個南洋醬汁醃花蛤，上菜昤會出煙，打卡一流！有D似重慶菜嘅醬汁，多蒜粒，味道濃味香口，都係凍食。個肉骨茶同一般嘅肉骨茶唔同，似胡椒豬肚湯多d。佢都多料，有豆卜、腐皮、豬肚、豬骨等。但真係似胡椒豬肚湯多D！