天天海南雞飯 (新城市廣場三期)

在新加坡係出名既米芝蓮食店，第一次已經係幾年前同爸爸新城市食，果次叫左個喇沙 成張枱咁大碗，今次同frd子過黎補生日飯，比機會佢發辨天天海南雞 (中) $169無骨雞處理得好乾淨(最怕食雞有碎骨) 雞皮肉偏白 皮薄而爽口，表面淋左一層清清薄薄的醬汁 隨附三色醬料 沾晒3隻醬一齊食更點睛雞油飯(碗) $23飯粒粒分明 油香而不膩，飯底有調味 香料味亦會一口一口咀嚼時滲出黎，好鐘意個油飯 淨食飯都夠滿足豬肉骨茶小火鍋 $159有豬/牛兩款口味 揀左個傳統豬骨，用小火鍋上枱 有點氣勢吧😆湯底帶有微微辣感同回甘 香濃惹味而唔重藥材味，肋排大大舊 燉得夠腍爽彈牙 唔會柴，仲有好多配料: 貢丸/豆卜/菇/滷蛋，另外有一碟米粉拼芽菜一齊上，料足豐富 比預期大份新加坡檸檬鳳爪 $69比平時食既辣鳳爪清新不帶刺感 多左一份輕輕的南洋香味，做開胃小菜一流，上枱時有仙氣出 睇見造型都開胃酥炸椒鹽豆腐 $49口感似一口size的臭豆腐 外鬆脆內嫩嫩的，炸得透徹乾爽唔會回滲油，加椒鹽再沾少少帶酸的醬汁一齊食 咸香回味又有食慾，小食來說是不錯的選擇龍眼冰 $29豆花恐龍美祿 $39新加坡菜必點的恐龍美祿 甜美濃郁朱古力的表面鋪一層美祿粉，啜既時候mix滑滑豆花一齊入口 是甜品級美味*茶位@$10 / 收+1服務費*以藍色為主調 半開放式店面*原來新加坡菜比想像的多元化…查看更多

呢間新加坡知名海南雞餐廳，喺香港有不少分店，今日去左位於沙田新城市嘅分店，店舖大而座位闊落，坐得都幾舒服。二人餐有必點既海南雞，主菜有肉骨茶，仲配有小食同雜菜，加埋都唔洗$400，所以我地決定要個二人餐。黃金雞脆骨 用鹹蛋黃炸雞軟骨，炸得剛剛好，皮漿亦唔會太厚，咬落香脆可口，啱晒鍾意食鹹蛋嘅我！餐廳招牌菜海南雞就咁望就以為份量好少，食食下兩個人都覺得好飽，雞肉已去骨，所以啖啖都係肉。雞肉嫩滑多汁，一定要連埋雞皮食，係超級滑！如果單食雞肉味道就偏淡，建議加埋佢嘅秘製醬汁同薑蓉，會好味啲。豬肉肉骨茶另一主菜都係新加坡特色菜—肉骨茶店員會以火爐原個奉上，保持湯嘅溫度湯底胡椒味濃郁，配料豐富，除左有三件大既豬肋條，仲有豬肉丸、豆卜、豬肚。豆漿海南雜菜煲呢個平時真係少食，豆漿煮菜味道偏清淡，食完濃味既肉骨茶，有呢個平衡下啱啱好！不過菜既份量偏少，反而粉絲有好多！幸好配料唔少，仲有雞腎、蝦乾、白玉菇。杏汁木瓜花膠燉雞湯 $69另外我地仲加左個雞湯，雖然個湯碗細咗啲，但材料都好豐富，有三四件木瓜，花膠片都唔少。雞湯一啲都唔油，味道亦唔太濃，因為杏汁既味蓋過左雞湯，當佢糖水咁食都唔錯！…查看更多

之前聽人介紹過呢間新加坡過江龍餐廳天天海南雞飯，今晚終於嚟試下啦～打開餐牌發現帶好多唔同嘅菜式，全部都好吸引，樣樣都想試下😍，下次一定要叫多幾個朋友嚟一齊食！✨ 天天燒雞燒雞外脆內嫩，加埋特有嘅香料同秘製醬汁，味道獨特香濃。✨ 参巴辣椒炒通菜通菜香口爽脆，配埋參巴醬蝦膏香辣，味道啱啱好，怕辣嘅話，點餐嘅時候可以選擇少辣，同樣惹味爽口🤤✨ 黑醬油蘿蔔糕蘿蔔糕口感豐富，外層仲有少少焦香，內裡軟嫩，仲有濃郁嘅香氣。 ✨ 雞油飯叫咗幾款小菜，梗係要叫返碗飯啦～呢度嘅雞油飯粒粒分明，吸收晒雞肉嘅鮮味，每啖都有香味🍚✨ 咖央醬炸饅頭金黃酥脆嘅炸饅頭，脆卜卜之外，中間依然鬆軟鬆化， 配上咖央醬，忍唔住食完一個又一個！…查看更多

星期六經過見到門口個午餐餐牌，99蚊有個餐好似都ok，就入左去，結果掃碼點餐時所有午餐都無，原來假日係無！我立即起身想走人，侍應立即來詢問，我話沒午餐打算走，明明大大個午餐牌係外面。佢話係外賣先有，但佢會搵經理爭取。經理過來解釋，再話做比我，但假日無湯，只有海南雞幾個可以揀，咁我就唯有揀海南雞，經理隨即就下單。我諗諗下唔對路，明明午餐又有雞又有湯又有飲品，咁佢話做比我，但又唔算真係做比我架喎？ 我再問，佢先話比埋杯菊花冰。不然我120 蚊就只有下面少少雞，我宜家食完都唔太夠飽…我無乜飲佢啲茶，又直接收左茶介10元….最搞笑係坐我右邊的明明食緊海南雞飯，我問侍應，佢話都係好似我咁爭取，我話咁都得？到我快食完，又有對夫妻坐我左邊，係度話「啲午餐全部都無嘅？」我忍唔住話假日係無架，我都係咁被個牌呃左入黎。…查看更多

依間新加坡過江龍天天海南雞每次經過都想入去食下晚餐,今日終於可以2人入坐嘆個靚晚餐,係門口見到有個星洲甄選2人餐好抵食,減價後平一大截,坐好點餐後先上二杯豆花年代咖啡,好特別杯底有豆腐花食,少少甜不錯,頭盤係新加坡檸檬鳳爪,酸辣脆口,酸甜夠晒開胃,再上個主打既天天海南雞併燒雞配油飯,滑雞既口感配一口油飯,美味!配埋個海南雞醬食,一絕,好欣賞!再上個美味小吃黃金雞脆骨,每咬一口,都會發出「卜卜脆」嘅聲響,勁香咸旦皇味,之後有碟參巴辣椒炒通菜,好香好燶味,再上埋個火焰石燒豬頸肉, 豬頸肉肉質肥美鮮嫩,我特別愛吃烤豬頸肉,再配上酸甜口味的醬汁,簡直是絕妙無比,整體個2人餐好夠食,勁飽吐囉!下次再嚟食過，回味！…查看更多

天天海南雞（中份） $169 中份兩個人食剛剛好 大黎到覺得賣相唔算吸引 點知極大驚喜🤩雞滑有雞味皮又爽 淋係雞肉上面果個汁真係靈魂！甜甜地又咸咸地但又帶到個雞味出黎！如果有得打包d汁返屋企就好！！豬肉骨茶小火鍋 $159有驚喜 有幾條骨 又有豬肚豆卜 😻勁足料 加上個爐 打卡一流之餘仲有實際用途 佢可以短時間幫keep warm👍🏻味道唔係似馬來西亞果種藥材味重果種肉骨茶 湯頭偏清 兩個人都飲得曬豆漿海南雜菜煲 $109 一上枱見到勁靚 白雪雪😍菜種類好多 仲有菇類 紅蘿蔔🥕粉絲不過我自己就飲唔出豆漿味🤣但佢係清甜既🙂‍↕️雞油飯 （窩） $69 開頭擔心一鍋會唔會好多然後兩個人食 每人一碗多d就剛剛食曬 天天海南雞飯 (沙田)沙田沙田正街2-8號新城市廣場三期3樓A363號舖…查看更多

新加坡過江龍南雞專門店 未去過新加坡 鍾意食海南雞嘅小編嚟潮聖下 果然冇失望！🇸🇬
煲煲甄選2人套餐 豐足滿足
黃金雞脆骨🐓
作為前菜 黃金雞脆骨炸得金黃酥脆 
外層蛋黃香口唔油膩 內裡保留脆骨口感
令人一粒接一粒 食唔停口🤤

天天海南雞 (中份)🐓
招牌菜果然名不虛傳 雞皮薄 雞肉嫩滑多汁😋
配有三款醬汁 薑蓉 辣醬 甜豉油

豬肉肉骨茶🥘
肉骨茶香濃中帶胡椒 入口回甘
豬肋骨炆得入味 仲有豬肚 冬菇 豆腐卜 滷蛋等 暖胃又滋補🤩

豆漿海南雜菜煲🥬
以豆漿為湯底 味道清甜 
雜菜煲有蝦乾 娃娃菜 菇類 粉絲等 配搭更顯鮮味😉

配雞油飯 (2個)🍚

另外叫左份小食同飲品
咖央醬炸饅頭 (4個) 🍞
炸饅頭外脆內軟 奶香味濃 配上香甜咖央醬 甜而不膩

凍豆花恐龍美祿🥤
以滑溜豆花為底 加入美祿粉 入口冰涼又有層次感…查看更多

講到我最鍾意食嘅新加坡菜，除咗喇沙之外就肯定係海南雞，但係海南雞要做到嫩滑都唔係一件容易嘅事，所以我要搵間專食海南雞又有質素嘅餐廳！！一碟中size嘅海南雞唔可以話貴喎，勝在雞肉真係白嫩又滑身！額外沾上海南雞醬汁，又多一份惹味同滋香，建議叫碗油飯/白飯就夠啦而蒜香酥炸䱽魚同樣好食，始終屋企真係做唔到酥炸嘅烹調方法，冇諗過份量都幾多，魚肉無話炸到好乾身，反而外脆裏面保留住肉汁，加上粒粒蒜蓉好香口。小籠包好特別，插上咗香醋，比你自己直接擠入去小籠包嘅裏面。呢份點心都幾有驚喜，內裡肉汁澎湃。…查看更多

海南雞竟然係最差的…..星期六， 兩個人只能點二人餐， 但好難食， 雞‘梅’， 湯鹹， 仲要唔出聲就加兩位茶錢， 我一定唔會再去， 上菜又為車埋來， 香港服務業真係夠自我， 佩服！…查看更多

同幾個朋友放工一齊去咗天天海南雞食飯，本來只係諗住輕鬆傾下偈，點知幾個餸真係好有水準，食到個個都話下次要再嚟。 龍眼冰，啲龍眼味好香，唔會過份甜，冰涼解渴，啲果肉帶住鮮甜，好啱夏天飲，慢慢啜落去仲有陣陣香氣。 天天燒雞一上枱就好吸引，雞皮烤到金黃微脆，肉質Juicy又嫩滑，唔會嚡，雞味好濃郁，啖啖肉都食到入味，蘸少少配醬更加突出咸香。蒜香酥炸倉魚蒜香撲鼻，魚炸到外面金黃香脆，咬落去啖啖肉，魚肉保持住嫩滑鮮甜，再加上蒜香提味，食落唔覺得乾，反而愈食愈惹味。魚腐炆絲瓜就比較清爽啲。魚腐好滑溜，口感似豆腐咁嫩滑但又帶少少魚鮮味，配合絲瓜嘅鮮甜，同啲湯汁一齊送飯啱啱好。雞油飯，粒粒飯細細分明，雞油香得嚟又唔會油膩，入口有陣溫潤香氣，單食已經好好味。…查看更多

最近同朋友去沙田新城市廣場嘅天天海南雞，點咗「星洲甄選二人餐」，真心超值！價錢合理，份量十足，兩人食到好滿足。黃金雞脆骨炸得金黃香脆，咸蛋黃調味惹味，超開胃。新加坡檸檬鳳爪酸甜微辣，軟腍入味，令人一試難忘。火焰石燒豬頸肉外脆內嫩，炭燒香濃，配特製醬汁，層次豐富。主菜天天海南雞拼燒雞，海南雞皮滑肉嫩，燒雞皮脆肉香，配三款特色醬汁，味道多變。參巴辣椒炒通菜爽脆，辣度適中，連怕辣嘅朋友都讚好。雞油飯粒粒分明，香氣濃郁，配雞肉絕配。飲品50年代豆花美祿，朱古力味濃，豆花滑嫩，冰涼解渴，完美收尾。整體而言，食物用心，味道正宗又創新，環境舒適，服務親切，絕對值得再訪，強烈推薦俾愛星馬菜嘅朋友！！！！！！！…查看更多

海南雞海南雞肉質鮮嫩，表皮滑潤，帶有淡淡的香氣，雞肉的鮮味與特製的調味醬相結合，口感滑順，讓人回味無窮黑松露蝦多士蝦仁鮮甜多汁，搭配香脆的多士，形成了絕妙的口感，黑松露的獨特香氣在每一口中散發，增添了層次感，多士的金黃酥脆與蝦肉的嫩滑相互交融，口感爽口而不油膩黑胡椒羅氏蝦粉絲煲羅氏蝦鮮嫩多汁，富有彈性，黑胡椒的香氣濃郁而獨特，為蝦肉增添了微妙的辛辣感，粉絲吸收了蝦肉和湯汁的精華，軟滑入味，與蝦的鮮味相得益彰，粉絲煲香氣撲鼻，味道濃烈卻不過於油膩斑斕汁椰奶鱈魚鱈魚肉質嫩滑，入口即化，與椰奶的醇厚風味完美結合，斑斕汁的香氣清新，帶有淡淡的草本味道，為整道菜增添了一層獨特的風味，椰奶的甜美與斑斕的微酸形成了對比，鱈魚的鮮味更加突出，味道也非常豐富…查看更多

天天海南雞飯沙田沙田正街2-8號新城市廣場三期3樓A363號舖藍色格調係佢哋店舖嘅裝修顏色 裏面個設計係半開放式 係商場嘅中央 扶手電梯隔籬就係主打新加坡菜 今日同朋友聚一聚食呢間新加坡燒雞$169嫩滑的雞肉 外皮烤至金黃酥脆內裡卻保持多汁 配以特製的醬汁甜豉油 薑鹽同埋特製酸辣醬 一碗白飯一齊食 或者可以叫油飯白咖喱香茅豬扒$129白咖喱的口感滑順，適合喜愛椰奶和柔和香料風味的人 它的辣度通常較低，適合各種年齡層 豬扒厚肉大大塊 配薯仔一齊食新加坡福建蝦麵$149一道經典的馬來西亞與新加坡料理有蝦乾同蝦肉 搭配彈牙的麵條 麵條加上特製醬汁一齊炒 唔會好油…查看更多

最近專程到訪沙田一間主打海南雞飯的專門店，目標明確，就是為了品嚐其招牌菜式。整體而言，這趟「尋雞之旅」的核心體驗確實令人滿意，但亦有部分環節未達期望。最推介：海南雞飯 - 專門店水準之作身為海南雞飯專門店，招牌菜自然不負眾望。上桌的海南雞，雞皮泛著誘人的淡黃油光，皮下脂肪處理得宜，入口爽滑不膩。雞肉本身烹煮火候掌握精準，達至骨帶微紅的完美狀態，肉質異常滑嫩，雞味亦算充足。搭配的油飯粒粒分明，充滿雞油與香料的馥郁香氣，軟硬適中，非常惹味。不可或缺的黑醬油濃稠香甜，薑蓉與辣椒醬亦新鮮夠味，三者與雞肉、油飯交融，構成地道而滿足的滋味，絕對是店家的靈魂所在，值得專程一試。不推介：豆腐 - 失色配菜可惜的是，作為小食或配菜點選的豆腐，表現卻強差人意。豆腐本身口感偏硬實，欠缺嫩滑感，外層亦未見煎香或足夠的醬汁賦味，入口淡而無奇，與主角海南雞飯的水準相距甚遠，確實不推介。其他菜式與飲品：飲品出色，其他一般至於其他嘗試的菜式，如小炒或配菜，只能以「不過不失」或「頗為普通」形容，未見驚喜，與專門店的招牌相比明顯失色。然而，店內的飲品卻有意外之喜，無論是經典的凍奶茶、凍檸茶，抑或特調飲品，均茶香濃郁、甜度適中，冰涼解渴，為整體用餐體驗加分不少。服務：繁忙時段人手緊，態度友善光顧時正值晚市繁忙時段，店內人頭湧湧，明顯感受到服務人手稍嫌不足，反應速度與上菜節奏難免受影響，需要多一點耐心等待。值得一讚的是，儘管忙碌，遇到的店員態度依然友善有禮，落單或簡單詢問時均能保持微笑，未有因繁忙而失卻待客之道。總結：為雞飯而來，專注招牌即可總括而言，這間沙田的海南雞飯專門店，確實成功守住了其招牌菜的水準。海南雞飯的整體表現亮眼，飲品亦屬上乘。然而，其他配菜如豆腐則令人失望，表現平平無奇。若專程為一碟出色的海南雞飯而來，絕對值得；但若期望其他菜式同樣精彩，則可能需要調整期望。繁忙時段光顧需預留多點時間，但店員的友善態度緩解了等待的煩躁。一句話：鎖定目標，專攻招牌海南雞飯與飲品，便是最精明的選擇！…查看更多

在沙田想品嚐正宗又高質的新加坡菜？最近發掘到一間令人驚喜的新加坡菜專門店，絕對值得大力推介！由踏進餐廳一刻，明亮整潔的環境已留下良好印象，座位舒適，感覺乾淨企理，是舒適用餐的好地方。說到食物，絕對是此店最大亮點！首推意想不到的美味 - 「菠菜番茄炒蛋」。這道看似家常的菜式，師傅竟能炒出十足「鑊氣」！雞蛋炒得蓬鬆香滑，菠菜保持翠綠爽嫩，新鮮番茄的微酸恰到好處地提鮮，三者融合得天衣無縫，鑊氣逼人，香氣撲鼻，簡單食材卻帶來驚艷滋味，真心「估唔到咁好食」！😌 絕對是白飯殺手。招牌的「海南雞」亦不遑多讓。雞肉選用上乘貨色，皮爽肉嫩，肉質極致「滑溜」，幾乎達到入口即化的境界。精髓所在的醬汁更是靈魂所在，搭配得宜的濃香黑醬油、薑蓉及酸辣醬，「醬汁好香」 且層次豐富，蘸上雞肉，將鮮味完美提升，每一口都是地道星洲風味，令人回味無窮。👍🏻另一道必試佳餚是「肉末豆腐水晶粉」。鹹香惹味的肉末碎，鋪在滑溜的豆腐與晶瑩剔透的水晶粉（類似粉絲）之上。醬汁調味恰到好處，鹹鮮中帶點微甜，肉末的香氣滲入豆腐和水晶粉中，口感豐富，味道濃郁卻不膩口，超級 「好送飯」！😙 一勺接一勺，輕易就能清光一碗白飯。不得不讚的是，這裡的「全部份量都好足」，絕非「精緻」路線，而是實實在在讓客人吃得飽足。價格合理，性價比高。「服務都幾好」，店員態度友善，有問必答。更重要的是，「上菜好快」，點餐後不需久等，熱騰騰的佳餚便陸續送上，非常適合忙碌的都市人或家庭聚餐。加上「環境又好乾淨」，整體用餐體驗相當愉快。總結而言，這家位於沙田的新加坡菜專門店，從充滿鑊氣的小炒、嫩滑的海南雞到惹味下飯的肉末豆腐水晶粉，均展現出地道風味與高水準烹調。份量慷慨、服務妥貼、上菜迅速、環境舒適，各方面都令人滿意，絕對是「值得推介」的心水之選！無論是喜愛新加坡菜的老饕，還是想嘗試星洲風味的朋友，都值得來一試，相信不會失望。…查看更多