天天海南雞飯 (新城市廣場三期)

营业中

休息中

同阿媽去一田買完野，佢一見到個招牌就話想食海南雞。結果當然唔只雞，阿媽叫左個新加坡米芝蓮2人餐，好多野食！蝦皮素肉鬆凍豆腐，豆腐凍凍嘅質感同埋素肉鬆香口嘅味道好夾，加埋少少醬油，味道幾好。其次係黑松露墨魚蝦多士，多士好香脆，餡料充滿黑松露同墨魚蝦味，一口咬落去，酥脆之餘又有豐富嘅口感，好味！鳳梨涼瓜乾貝燉排骨，排骨燉湯清澈又濃味，加埋鳳梨同涼瓜乾貝就更加豐富。一碗湯一啖飯，好屋企feel。海南雞係必叫架啦，去哂骨啖啖肉，有3種醬汁，配好香嘅油飯，個餐包埋好抵！個餐仲包括雜菜煲，同兩個飲品。奶茶同酸柑桔蜜都ok，最緊要滿足之餘又坐得舒服。