天天海南雞飯 (新城市廣場三期)

营业中

休息中

Blue Blue Blue藍色調子 藍裝風 係正 中間 好難見你唔到架WOR 空間幾好 夠大間隔寬落 係門口好隻大雞雞係到搶眼羅望孑鮮蝦柚子沙律🥗$79酸甜酸甜的柚子相當開胃 大隻鮮蝦彈牙似實羅望子是煮酸辣湯的必備材料，涼拌製作酸甜辣醬同柚子肉一齊食 推介推介 超級水果茶 $38椰奶黑金龜苓膏$49椰汁炸龜苓膏 講真 食過未先黑金龜真心我就唔識分 冇個殼點知是咩龜不過龜苓味幾重斑斕汁椰香鱈魚99脆卜卜鱈魚球 油份控制都ok 最怕食到成口油天天燒雞 $189 天天燒雞 多肉 三款醬 燒雞用海南雞食法配埋雞油飯 好惹味果層薄薄既雞皮層 精華所在 脆薄博 油香四溢天天海南雞飯 沙田沙田正街18號新城市廣場三期 3樓329及363號舖

去到沙田，唔知食咩，醒起上次食左呢間，都唔錯！諗住再去試下其他菜式！招牌菜是雞油飯，當然唔可以錯過呢個必試菜式雞油飯既飯粒鬆軟，香濃的雞油，正。黑椒鵝肝醬花膠黑椒鵝肝醬花膠，花膠的口感同黑椒花膠結合一齊，都幾香！加埋洋蔥同紅椒/黃椒！ 每件花膠到勁大塊！黑磨豉牛筋牛腩牛筋牛腩夠香。舊舊都好大舊！都總共有五、六舊！唔會吝嗇！牛筋要讚！好有骨膠原感覺☺️兩個餸都好細心！佢會一路用住個蠟燭，一路keep住個溫度慢慢食，佢都唔會凍！👍🏻飲品_豆花系列❤️好正！美碌 / 奶茶大大杯！茶底系有豆花，唔會死甜飲落去加埋豆花既口感好滿足👍🏻👍🏻‼️❤️餐廳既環境餐廳內部寬敞舒適，座位之間距離適中，不會覺得好擁擠。平日六七點幾都好多人

1) 假期無套餐，明既…不過等位時門口位姐姐又俾套餐牌我地睇定，入座之後先話假期唔做套餐……玩我咩……跟住開口埋口用餐一小時，我地又要重頭睇過餐，扣分。2) 跟住發現假期有個2人餐有得叫，餐飲未揀好就叫佢地落左單先啦，之後揀到餐飲，最後埋單竟然將我兩杯餐飲當左散叫，仲查都未查好大聲咁話我地前後叫左4杯野…態度加混亂，扣分。3) 太太叫野飲果陣都聽到佢問有無熱飲唔要凍，叫左一款熱飲之後竟然黎左杯凍飲，咁就即時換啦，點知送黎果位服務員話今日太忙做唔切熱飲，聽完真係無限O咀……最後堅持之下，都係換返俾我地4) 成間鋪頭都好熱，擺明無開冷氣，令我諗起星爺係"食神"裡面果返說話5) 不過最後要讚既係d雞味道唔錯，好食。總括黎講係服務員水準有待改善，以佢呢個收費完全唔合格。

天天海南雞飯 沙田今次試咗有米芝蓮推介嘅天天海南雞飯，喺沙田、尖沙咀同銅鑼灣都有分店新加坡米芝蓮2人套餐$499🥗前菜-海南沙律呢個係水果沙律，入面有番石榴無花果同士多啤梨，沙律仲加左梅粉，食落酸酸甜甜好開胃🤩🫔小食-黑松露墨魚蝦多士賣相非常吸引，蝦多士夾住墨魚滑同蝦滑，但略嫌黑松露味唔夠🥣燉湯-鳳梨涼瓜干貝燉龍骨x2燉湯有微微嘅涼瓜味，味道恰到好處，唔會太濃/苦，好滋補🐓海南雞-正宗海南雞海南雞唔使多講，好滑好味😋🍲蔬菜-海南雜菜煲清清地可以中和翻油膩感，值得一提嘅係入面除左蔬菜仲有雞腎🍚主食-雞油飯 小煲雞油飯好香，平時唔多食飯嘅都食左一大碗！！🍹飲品-酸柑桔蜜&恐龍美祿飲品方面可以自選2杯50年代飲品，都係大路嘢，勝在夠大杯黃金軟骨$79雞軟骨炸得好酥脆，外層被滿滿嘅鹹蛋包住，食落好香

香港同內地終於通關，約了冇見三年在內地居住的好友去沙田新城市廣場Shopping 後,係時候吃晚飯，發現在新城市廣場第三期有間來自新加坡引進香港的天天海南雞飯餐廳，門外擺放一隻威猛大公雞，開放式的座位和心思的佈置，令人感覺舒適。天天海南雞鎮店之寶招牌正宗海南雞；皮爽肉質鮮嫩，䕴點三款不同口味的醬料，另有一番風味😋！牡丹雖好都要綠葉扶持的油雞飯；份量十足，香滑軟熟，也不遜息👍。古法肉骨茶，湯料豐富和湯底濃郁，除了肉骨茶還帶有些胡椒粒和豬肚湯的味道😋。健康之選的海南沙律，有無花果、石榴和士多啤梨片加上秘制話梅粉增潻美味😋！香醇濃郁的金牌咖啡也是名不虛傳👍。怪不得餐廳奪了多項必吃獎項👍。

今日去咗沙田行街，順便喺一田嘅超市買餸，夜晚時段經過呢一間天天海南雞飯，仲更加係星加坡嘅米芝蓮，吸引咗我入去坐低食咗餐飯。餐牌嘅選擇都幾多，心大心細嘅我哋就直接揀咗一個新加坡米芝蓮二人餐。前菜有海南沙律，由士多啤梨、無花果、番石榴所組合，味道清新，零舍開胃。班蘭汁夜香鱈魚絕對係前所未見過嘅一道菜色，選用新加坡傳統地道嘅班蘭汁作為醬料，鱈魚粒炸金黃香脆，都幾香口😋😋食得中菜，又點可以冇湯呢，套餐包一碗鳳梨涼瓜江畔燉龍骨，湯料俾得好足，飲落去都幾清甜，如果大碗啲就更加正啦😍嚟到主菜部份，天天海南雞有三隻醬汁，雞肉嫩滑，主要靠自己調配醬料，想食咩就點咩！海南雜菜煲份量都幾多，清清淡淡：雜菇、西蘭花、粉絲、白菜仔等等。套餐亦都更配咗一個雞油飯，用嚟配晒以上嘅幾道小菜的確滋味！最後當然唔少得有滋潤薏水同杯酸柑桔🍊蜜，二人餐有咁多嘢食， $500都唔使，所以都幾推薦大家試吓！

朋友食過天天海南雞飯, 覺得唔錯, 就推介比我. 我約亞妹去試下先.裝修以藍色為主, 配以強光畫, 好突出.天花板有好多個唔同寫法嘅雞字黑松露墨魚蝦多士上面鋪滿木魚絲、 沙律菜, 下面係金黃多士, 內裏有墨魚肉、蝦肉夠爽, 仲有陣陣黑松露嘅香味街坊砂窩銀針粉, 用火 heat 住上, 保持熱度, 夠細心. 配料有炸花生、肉碎、魚仔, 加上芫茜、紅辣椒絲, 非常足料銀針粉煙靭好食, 感覺真係好街坊 斑斕汁椰香鱈魚, 鱈魚炸到香脆, 點埋斑斕汁, 好味.超級水果茶, 好大杯, 有橙、 蘋果、百花果, 好香水果味, 夠醒胃恐龍美祿, 好多美祿粉, 夠晒濃椰奶黑金龜苓膏, 可以用筷子夾嚟食嘅龜苓膏好有椰香味的一餐

上星期，放工同K先生去沙田行街，去了天天海南雞飯食晚餐。點了一個新加坡米芝蓮二人套餐，套餐很豐富，有前菜、小食、燉湯、海南雞、雞油飯、蔬菜及飲品。海南沙律前菜，我地選擇海南沙律，有幾款水果，酸酸甜甜好開胃。黑松露墨魚蝦多士多士香脆可口，夾上墨魚同蝦餡料，再配埋黑松露味道一流，K先生超鍾意食鳳梨涼瓜干貝燉龍骨燉湯非常多湯料，真材實料，好飲！天天海南雞 海南雞非常嫩滑，完全冇骨，啖啖肉，配三個醬汁一齊食，味道一流。油飯油飯非常香，很香雞油味、K先生好鐘意食。海南雜菜煲雜菜煲是熱上，煱底保持加熱，慢慢食都不怕涼咗。雜菜煲有幾款菜、有菇類、有粉絲，味道清清地，食落冇味精。酸柑桔蜜恐龍美祿

點咗套餐。 蛇羹有驚喜。 。蛇羹好多料。 香草令到件事有層次。 海南雞都好滑。 醬汁好惹味。 三隻醬汁。 另外雞油飯， 有保暖。 粒粒飯都好好味。 撈埋海南雞醬汁， 好容易 食完一碗飯

沙田天天海南雞飯，喺新城市廣場第三期，位置方便，周圍都好多嘢行，所以嗰次同朋友仔收工就嚟到呢度食飯，食完仲可以行吓街，好方便。佢而家有一個499二人餐，裏面嘢食都好豐富，就算兩個人都好大食都會夠飽，而且叫set抵食好多。個set有蝦皮肉鬆凍豆腐、黑松露墨魚蝦多士、鳳梨涼瓜乾瑤柱燉龍骨、天天海南雞、炒通菜、油飯同兩杯嘢飲。先食佢個凍豆腐，已經有啲驚艷，醬汁調得好食，蝦米仔、肉鬆、同豆腐之間嘅配合原來係好夾，食完已經想再食⼀份。黑松露墨魚蝦多士，多士香脆，墨魚蝦蛋呀，唯一要挑剔就係黑松露醬可以再多啲，但係好好食。燉湯飲得出係真材實料，唔係出面溝水嗰啲貨色，收貨。天天海南雞同正宗海南雞嘅分別就係冇骨同埋有骨，咁我哋梗係揀無骨，食到食得方便啲啦～炒通菜惹味，濃味，好食。

天天海南雞，是新加坡米芝蓮過江龍， 由新加坡天天總廚親自主理，正宗口味， 坐落於沙田新城市廣場， 佈置很特色， 座位舒適， 招牌天天海南雞， 更是讓人百吃不厭。新加坡米芝蓮二人餐/優惠價 $499蝦皮素肉鬆凍豆腐凍豆腐入口比想像中更嫩滑， 豆香誘人，加上鮮味的蝦皮提鮮味， 配上酸酸帶微辣的醬汁， 十分開胃的餐前涼拌菜。班腩汁椰香鱈魚即叫即炸起的鱈魚， 炸到金黃酥脆， 香氣十足， 入口脆卜卜之餘， 鱈魚鮮味滑溜， 再沾上濃稠 班蘭醬汁， 惹味過癮， 別有一番風味。鳳梨涼瓜乾貝燉龍骨打開燉湯蓋時，鮮香撲鼻而來，先嚐一口湯，清徹鮮甜， 涼瓜、鳳梨切成薄片，軟綿柔順， 加上鮮味的干貝、 龍骨， 夠曬清潤温補， 好適合冬天清潤湯水。天天海南雞配雞油飯招牌的海南雞， 已經去骨， 啖啖肉口感，讓人喜歡， 皮薄肉嫩，冇肥膏， 十分健康，雞皮彈牙，雞肉軟嫩滑溜， 沾上甜甜的黑醬油及惹味的薑蓉， 滋味的配搭， 跟配的雞油飯，足夠兩人份量， 粒粒分明 ，每一口油柔潤的米飯，帶淡淡雞油香味， 十分喜歡。參巴辣椒炒通菜翠綠的通菜， 入口爽甜帶微辣，充滿鑊氣， 十分惹味， 拌飯一流。豆腐花滑捋捋的豆腐花， 甜度適

情人節唔一定食西餐，今年我哋就揀左間新加坡米芝蓮餐廳食情人節飯。餐廳好多人，燈光光猛得黎柔和，環境乾淨整齊，坐位寬闊，坐得舒服。餐廳個主餐牌勁多選擇，老公見到個情人節套餐，覺得唔錯，又多嘢食，價錢合理，所以揀左呢個。清爽紅蜇頭：呢個係前菜，裡面有芥蘭、馬蹄同紅蜇頭，每樣嘢都爽口，味道酸酸地，做開胃菜係幾好。啜啜戀醉蝦：蝦算大隻，新鮮爽口，酒味濃，好食喎。鴛鴦菜花：鴛鴦菜係椰菜花同芥蘭葉，另外仲有炸左嘅白飯魚仔。有酒香味道，調味剛好。椰菜花容易炒燶，但佢炒得剛剛好，唔燶之餘又幾香，食得出有鑊氣。天天海南雞拼燒雞：一次過食齊兩款口味，每款都各半隻，加埋成隻雞。海南雞本身就有個秘製醬汁，唔駛點汁都夠味﹔燒雞燒得香脆，唔乾。另外兩款雞同樣都係瘦，無脂肪，入口真係好滑，啖啖肉，被封米芝蓮餐廳絕對認同。油飯 (細)：除左雞之外，佢哋飯都講究。米飯煮到粒粒分明，軟硬適中，又唔會太多雞油，但又有雞油香，值得讚。情人節限定甜品 - 豆腐奶凍：奶凍大大杯，唔算太甜，奶凍好滑，一人一半，夠晒甜蜜。

♣︎ 天天海南雞飯（沙田）成日放工經過新城市廣場嘅時候都會見到呢間食海南雞飯嘅新加坡餐廳！由於佢係半開放式嘅裝修，所以成日望到啲食客喺裏面食緊嘅嘢都覺得好吸引🤭而且知道佢仲係米芝蓮推介，又有好多唔同嘅分店，所以一直都好想食～今日我就放工嚟咗呢度食嘢🤭 ♥︎新加坡米芝蓮二人餐（$499）見到門口掛住大大個餐牌寫住有呢個二人餐，裏面嘅嘢多選擇之餘又好豐富，而且仲有優惠價，價錢親民實惠，係冇咩其他考慮嘅情況下我就已經決定咗要食🤩♡ 正宗海南雞雞肉好香滑，仲有秘製嘅醬汁，同雞肉嘅味道同質感都好夾，同時又唔會搶咗海南雞嘅鮮味，亦都唔會太鹹或者太重口味，仲留有少少空間可以點海南雞醬。呢份海南雞兩個人份量啱啱好♡ 雞油飯（1-2人）以前聽到雞油呢個字都有啲驚，所以即使係食海南雞飯都係會配白飯，但係自從食過雞油飯之後真係返唔到轉頭，即是罪惡咁重啲都係會忍唔住一啖一啖咁食晒入口，佢嘅雞油香真係令到你唔使夾餸都可以食晒成碗飯！♡ 鳳利涼瓜干貝燉龍骨燉湯嘅材料十分充足，湯好濃郁♡ 蝦皮素肉鬆凍豆腐豆腐本身好滑身，加埋蝦米、肉鬆，同埋啲汁就更加好食♡ 參巴辣椒炒通菜通菜炒得好香，加有少少辣椒令到成個感覺更加有風味

餐廳位於新城市三期，樓層中的一個小島🏝️。鋪面寬闊，坐得好舒服，食物質素都好好，每一碟餸都食到舔舔脷😋。個甜品仲有驚喜🤩。好多樣餸都想試，所以嗌咗二人套餐📖新加坡米芝蓮二人套餐 $499蝦皮素肉鬆凍豆腐 🦐豆腐口感好滑，表面灑上櫻花蝦同肉鬆，重點係配上香辣豉油。好開胃！黑松露墨魚蝦多士 🍤蝦多士真係值得推介！一上菜就已經聞到濃郁嘅黑松露味。蝦多士炸得金黃香脆，就算擺咗一陣都仍然脆口🤩多士中間夾咗墨魚滑，表面亦都擺咗粒粒蝦仁，每一啖都好豐富。✨✨鳳梨涼瓜干貝燉龍骨 🥣個湯好鮮甜，味道濃郁。諗到個好好足料，亦都冇落味精👍🏻雖然有落苦瓜但係飲落完全唔苦，而係甘甜。😋天天海南雞 🐓呢個係米芝連馳名海南雞，所以一定要試。雞肉肉質嫩滑，有雞味，仲要係無骨！🤩🤩食得好開心。我佢個海南雞豉油唔係一般嘅豉油，有啲似醬油膏質地濃調，好鮮味，加埋雞肉一流！🤤🤤🤤海南雜菜煲 🍲雜菜煲好足料🤟🏻，除咗蔬菜外仲有雞腎，蝦乾，菇。粉絲仲要吸晒湯汁👍🏻雞油飯 小煲 🍚飯粒粒分明，軟硬適中。金牌咖啡 ☕️咖啡果然名不虛傳！甜味來自煉奶，咖啡味好香濃，飲囉唔澀。推介！👍🏻👍🏻👍🏻👍🏻豆腐花 🍨原本諗住係普通嘅豆腐花，但係嚟到

我已經光顧這間餐廳多次，食物質素和服務都還可以。今天晚上我留意到他們用三層的餐車把食物從廚房傳遞到食客餐桌上。底層的食物沒有用蓋蓋好，眾人的鞋就在這些食物的旁邊來來去去，極不衛生，希望將來有所改善。