天天海南雞飯 (新城市廣場三期)

营业中

休息中

e間係我一直想試嘅餐廳，不過其實佢d野食比較貴，所以每次望完menu就冇左件事，難得今日朋友請，問我有咩想食，我就帶左佢尼e間食海南雞！餐廳算闊落，唔會好逼，坐得幾舒服，餐具都算乾淨我地叫左個原味小籠包同黑松露小籠包，不過我淨係食左原味，肉汁比較少，不過肉入味，皮唔硬唔厚泡菜蠔烙份量夠大，蠔望落每塊都有5至6粒，唔腥冇沙，處理得幾好，不過因為始終因為煎餅，所以食落都會比較油尼天天海南雞當然要食海南雞，原本諗住淨叫海南雞，不過見佢有得拼燒雞，所以就揀左雙拼不過果然係要食海南雞，佢皮薄肉嫰，一d都唔韌，好滑口，肥肉得好少好少，怕肥嘅朋友可以放心食燒雞食落雖然唔韌，但肉質冇海南雞咁嫰咁滑口，不過燒雞嘅皮都算脆，係比海南雞吸引

2:00 後入座，不算人多，點餐後20分鐘送上湯😡，催了2次，超過30分鐘才來😡，態度不佳，雞無味，前菜漏左，唔會再有下次。收得呢個價，比荼餐廳的服務還要差🤬

之前都去過新加坡天天食過海南雞飯，一試難忘。疫情最嚴重時亦叫過外賣天天外賣幾次，都覺得味道出奇地好，而且花款甚多。今日又經過沙田天天，見到門口款式比外賣更吸引，所以就決定入去試試。由於平日而且時間尚早，之前六日都見多人，唔洗排隊，而我同媽咪都鍾意試另類野，今次就唔試之前食過或者人人都試既海南雞啦。我地叫左黑松露墨魚蝦多士$89好香黑松露味，中間仲好多墨魚蝦，仲炸得好好一d都唔油海苔墨魚卷$79d汁辣辣地好開胃金香雞油脆米叉燒$88义燒唔太肥唔太瘦，肉質好juicy,甜甜既义燒醬夾埋脆米食，好好味海鮮喇沙水晶粉 $159好貼心，嚟到後有一個小火爐熱住，唔怕之後會凍。喇沙湯底好香椰汁味少少辣，全煲飲晒，一滴不留。海鮮了亦都好足，大大隻蝦同青口。甜品係原味豆花加美祿$29之前冇諗過可以咁樣Mix 又出奇地夾。滑滑嘅豆腐花，滑到好似液體咁，加上美祿粉，味道好rich，一定要試。餐牌仲有好多其他食物都想試，下次一定要同多d人黎試埋佢。順帶一提，佢啲茶都好甘香，記住飲多杯👍👍

週日午餐，等3張枱，叫了一客正宗海南雞拼燒雞和黑松露墨魚蝦多士，另外白飯 一煲。 然後斟水，發覺啲餐具唔乾淨， 特別係水杯特別污糟，兩隻杯都有白色飯末，基於疫情緊張唯有自行清洗所有餐具。不久上菜了，雞先到，賣相OK，很多芫茜鋪著，雞片切得非常細，很多皮但肉少，而且下面是青瓜，原來只得兩隻雞翼有冇搞錯， $299食兩隻雞翼（仲未計加一），雖然上中尖翼都在， 未試過食咁貴嘅雞翼，性價比非常低。蝦多士過得去，其他不予置評。

不嬲都好中意食天天海南雞, 見佢出左外賣有8折梗係要試下佢! 抗疫餐有12道, 外賣有8折, 而個餐就有主菜,飯,小食同野飲,份量都唔少, 平至60貴至90有找都有~ 佢既主餐牌都有8折~ 因為同全家都懶得煮既關係我地買左4人份量番去慢慢食, 我地叫左小炒皇, 臘味炒飯, 中份海南雞, 酸菜石斑同埋黑松露蝦多士~ 價錢大約4百零蚊, 其實如果叫哂抗疫餐會再平好多, 不過屋企人想食海南雞同酸菜魚所以就叫左D 散叫~ 真係要讚下佢個臘味炒飯, 食落勁香, 同埋有超多臘腸同潤腸,估佢唔到有咁多料, 我地真係食到係咁食D 飯! 勁香好有獲氣! 黑松露蝦多士勁香黑松露味, 同埋炸得好香脆,拎到番屋企都唔會淋, 粒蝦勁大粒! 抵食! 海南雞好食盲唔駛講啦,呢度招牌菜, 小炒皇同埋酸菜石斑都唔錯, 我發覺佢既炒野都好出色! 酸菜石斑數數埋埋都有唔少魚, 仲要幾大舊下! 係呢D 咁艱難既時候, 仲有咁好食同抵食既野食食到, 真係要幫襯多D!

放工同同事食飯，同事介紹左e間海南雞好食嘅餐廳，佢話海南雞必食正宗海南雞拼燒雞加雞油飯海南雞肉質嫰滑，唔會老唔韌，配有醬汁，但唔點都已經好有味，反而食番佢原本的味道更好燒雞肉質冇海南雞咁嫰滑，不過唔韌，比出面嘅燒雞已經好，皮就唔脆兩者份量都大黃金軟骨一尼到鹹蛋味已經好香，食落唔會好鹹，但味道好出，脆卜卜嘅口感又熱辣辣加上香濃嘅鹹蛋味真係唔錯泡菜蠔烙蠔餅大份，total有6大塊，泡菜味唔係好出，蠔都算多，唔腥，冇沙，表皮脆身，入面的麵餅半熟，口感唔錯黑松露小籠包一籠只有兩粒滴管入面果d應係醋，大家因住自己份量加喇雖然係黑松露小籠包，但黑松露味唔算好出，入面嘅餡望落同普通小籠包差唔多，食落其實都係差唔多

經過新城市廣場見到係圓方想食好耐天天海南雞，原來沙田都有分店咁方便梗係即刻去食啦!門口就見到好大隻雞隊長企係度🐔鋪頭位於商場中間，位置開揚。餐廳整體用上感覺高雅嘅藍色，配上有格調嘅裝飾。就連餐具都十分特別，可見餐廳係環境上花咗唔小心思。我地叫嘅係新加坡米芝蓮二人餐，本身都包兩杯飲品，不過見到豆花飲品好吸引忍唔住加配。豆花奶茶唔係豆花加港式奶茶，豆花同奶茶融為一體，飲到奶茶之餘又有豆花味。豆花美祿同奶茶一樣將豆花同美祿融為一體，但係上面就保留咗滿滿嘅美祿粉，見到都開心。🍫兩杯飲品都好大杯，非常滿足!(直到見到隔離枱水果茶仲大杯)首先上枱係海南沙律，原來海南沙律同坊間其他沙律喧大分別。芭樂、無花果同士多啤梨上灑上咸咸甜甜嘅配料(唔知咩嚟)，令水果口味提昇到另一層次，第一次食芭樂嘅我食左一啖之後停唔到口，十分驚起!沙律用靚靚碟上🍍然後有鳳梨涼瓜乾貝燉龍骨，以為甜甜咸咸苦苦會唔好飲，飲落就意外地夾。鳳梨涼瓜不但無搶其他配料味道，反而燉成一盅香濃老火湯，好味到連黃豆都一粒不留。非常足料跟住上既就係黑松露墨魚蝦多士，一碟四件既多士好鬆脆，咬入口"格"一聲，脆到隔離都聽到。之後終於就到期待已久嘅主角

星期五晚搵到位冇睇食評就中入去，結果中伏。兩個人叫咗個原價6百幾嘅套餐，聲稱八折499，落單果時話飲嘢後上，竟然話要落埋，咁我企硬唔落住係咪冇得飲？主菜海南雞真係好一般，肉唔滑，份量少，冇雞味，賣相仲一般，扒咗兩啖飯，黃油飯唔香，應該分唔到兩碗。總之，呢個價香港大把海南雞飯店好食過佢地，最頂唔順係佢地為咗翻枱快，竟然只得一個鐘食飯，想邊食邊講可能已經夠鐘，話口未完伙記已遞張單畀你，咁嘅服務仲要收每位10蚊茶錢，埋單勉強三餸一湯連飲品差唔多收成六舊水，坦白講，咁嘅價錢新城市大把選擇，使乜幫襯你？離開時望見門口個車呔人，米芝連加特又如何？食一次都嫌多。

天天海南雞飯 (沙田店）沙田正街18號新城市廣場三期 3樓329及363號舖===========================🥪黑松露墨魚蝦多士 $89 呢個係佢ge招牌小食之一，個個朋友食完都介紹我一定要點佢！個擺碟好岩打卡，蝦多士非常香脆，入面ge 蝦都幾大隻，仲出奇地同黑松露味好夾！🥗辣椒炒通菜$89通菜炒得非常入味，佢吸收晒所有醬汁的精華！😍而且又唔會太辣！泡菜大蠔餅$109餅面好酥脆！仲要熱辣辣上枱，淡淡的泡菜味配上粒粒蠔，好食！火焰沙嗲串串$129佢ge 沙嗲醬入面有粗花生粒，而且鐵板好熱，長期暖住d 串燒，令到我地可以慢慢享受！沙嗲醬加串燒真係無得輸！水果茶$38叫左少甜，甜度岩岩好！仲要勁大杯！又好味又抵飲😆同朋友share 岩晒！美祿豆花$32呢個真係好正，個面舖滿美祿粉，個底係豆花，以後會好甜，又唔會wo,味道岩岩好！😆

🤎天天海南雞🤎拍拖都拍左就黎五年，所以要慶祝下，揀左一間勁有名氣嘅新加坡菜天天海南雞黎慶祝一下。我自己就未去過新加坡嘅總店，所以compare唔到同香港呢間嘅分別。值得一提係位於沙田嘅天天海南雞，仲同3間餐廳一齊經營，坐低可以叫到幾個新加坡出名嘅餐廳餸菜，包括：五十年代同老街坊我地叫左新加坡米芝蓮二人套餐，比起散嗌，佢真係超抵食，$499有成7樣野咁多！🤍前菜：蝦皮素肉鬆凍豆腐呢個凍豆腐配獨門醬汁，岩曬夏天熱辣辣食🤍小食：黑松露墨魚蝦多士我自己最鍾意呢個小食，一啲都唔油，而且佢個黑松露味好香，同埋佢唔會好似一般嘅蝦多士咁油🤍燉湯：鳳梨涼瓜干貝燉龍骨🤍天天海南雞唔使講，呢一個招牌菜真係好好食，雞超級超級嫩口，唯一略嫌呢個份量唔係話太大。同埋我另一半最後落咗青檸汁上去個海南雞度，我自己就覺得唔係好夾。佢本身配左三個醬汁都幾好食🤍海南雜菜煲🤍雞油飯（小煲）唔好睇佢話小煲，其實好大埔，應該係啱三個人食🤍50年代系列飲品*2📍 天天海南雞沙田沙田正街2-8號新城市廣場第三期三樓A363a號舖#boombu#boombu沙田————————————味道: 🤎🤎🤎🤎🤍環境: 🤎🤎🤎🤎🤍服務: 🤎🤎🤎

和朋友在馬鞍山遊走後，再轉移到沙田新城市三期shopping行到腳仔軟就醫吓五藏廟。天天海南雞飯(沙田新城市)門口很多客人輪候，店舖有見及此已安排一張小沙發方便客人。入座後店員奉上一壺清香濃茶。1.斑斕汁椰香鱈魚~鱈魚外脆内軟，略帶魚香味，再沾上斑斕椰汁又有另一種風味。😋😋2.火焰椰子冬陰湯~冬陰湯酸酸辣辣，配上菇菌，海鮮(鮮蝦，青口，魷魚...等)，再加入大量香料，飲到滿頭大汗還要喝下去，真是回味無窮👍👍3.天天海南雞~海南雞肉質香嫩滑，而且有雞味😍😍，雞皮爽脆完全没有皮下脂肪，很久沒有吃一口爽脆雞皮🤣🤣4.泡菜大餅~泡菜餅酥脆。肉大大粒餅底軟糯，餅面酥脆，微微泡菜味層次感極為豐富。👍👍是日一頓豐盛晚餐

我一向都冇特別鍾意食海南雞，但朋友極力推薦天天海南雞 ， 一試就知出事原來我唔係唔鍾意食海南雞，只係之前食過嘅海南雞唔夠出色，坐底就點左正宗海南雞&酸菜石斑， 海南雞賣相一流，配上3款醬汁、甜酸、鹹、雞蓉醬齊哂，可以單點一款醬或全部點少少食都得，雞香而滑，睇返介紹先發覺天天海南有監察貨源，確保食到嘅係健康有質素嘅雞，呢樣係值得堅持✊雞油飯好香，夠哂熱，食左2碗酸菜魚食得多，但多數用嘅係魚味較淡嘅鱸魚，而呢度用嘅係石斑，效果即刻唔同，石斑厚肉，同酸菜夾得嚟又冇掩蓋左本身嘅魚味飲品方面點左健康嘅竹蔗茅根馬啼薏米水& 凍恐龍美祿，恐龍美祿勁有驚喜，首先真係恐龍咁大杯，美祿粉同奶比例岩哂，面係大量美祿粉，食落好滿足，薏米水純天然，冇過多嘅調味

餐廳環境裝潢有特色，離遠一眼就見到🥳另外，佢供應嘅茶好香，飲落去有淡淡花香。古法肉骨茶味道:9/10真材實料，味道好足。唔係藥材味反而係淡淡的胡椒味，可以滿足一向唔鍾意飲藥材味嘅人，而且裏面有豬肚、豆卜、排骨。仲上左一啲鹹酸菜同辣椒方便你加入湯入邊。排骨如果你覺得唔夠味佢有附上醬油俾你去沾，一樣嘢食兩種味道💕天天海南雞（中份）味道：9/10佢嘅海南雞簡直係招牌菜，雞好滑一啲都唔柴。雞皮又唔油膩，雞皮同雞肉之間有一層肉汁果凍。有三種醬汁（醬油膏、薑蓉、辣椒蒜蓉），配上雞肉真係絕配。蝦醬生啫水東芥味道：8/10估唔到呢度竟然有介菜食，好香好有鍋氣。佢用豬油去爆香，介菜又唔太苦。都推薦大家可以試下💕雞油飯（1-2人）味道：8/10同海南雞好夾，雞嘅油香唔油膩。好暖笠笠，已經有少少調味，味道好唔錯❤️一定要叫，正宗「睇餸食飯」

經過沙田站新城市廣場的一田，樓上有間海南雞飯週末超多人等位，今次平日行過見到內有空位，機不可失，即刻入去食下呢間長期爆滿的食肆🙈坐低就比佢設計精美嘅菜單搞到有d眼花，樣樣都好好味咁，揀左5分鐘都唔知食咩好 haha🤣最後決定揀個新加坡米芝蓮 2人套餐，有前菜、小食、燉湯、海南雞、蔬菜、主食同埋飲品。原價$655，而家只係$499海南沙律同平時食開嘅沙律不同，以無花果、芭樂 及士多啤梨為主，酸酸(醬汁) 甜甜(水果) ，十分開胃👍斑蘭汁椰香鱈魚口感勁似雞蛋仔，餐廳將平凡的鱈魚炸成金黃脆球，食前沾上斑蘭汁，別有一番風味😝鳳梨涼瓜干貝燉龍骨足料靚湯，消脂降血糖正宗海南雞我地問侍應正宗同天天有咩分別，佢話天天係用文昌雞，食落較有咬口，但係有骨，所以我地就叫咗淡淡鮮嫩雞肉的天天海南雞了🙈🙈海南雜菜煲菜芯，花菇，大白菜……🥬🥬🥬超健康，可以平衡返大魚大肉嘅內疚感雞油飯 小煲唔好信佢小煲，至少可以裝到6碗份量，熱辣辣並帶點油香，筆者食左4碗…🤣🤣☕🥤50年系列飲品 /四季養生系列酸柑桔蜜:酸中帶甜，開胃桃膠菊花桂花雪梨茶：養生，仲可以當甜品咁飲，不會太甜👍

家人想吃炒蟹，所以去了天天海南雞叫新加坡風味的，6時半左右，可即時入座，座位都算寬闊舒適菜式多元化，不論雞、豬、牛，還是海鮮都應有盡！招牌菜之一的黑松露墨魚蝦多士（$89）賣相靚，多士上面鋪上了椰菜絲和黑松露醬夾心的墨魚蝦膠都幾足料，啖啖蝦膠，外皮香脆不油膩新加坡辣椒炒蟹（$328）唔算辣，汁帶少少甜味，多汁，汁入面有少少青豆、車厘茄和蛋白絲，汁用來送飯十分開胃肉蟹啖啖肉，仲有蟹膏！好惹味好好食！而且蟹殼在煮之前已拍開了，所以只需用鉗輕輕一鉗就已可起出蟹肉，十分易吃（只係要小心個汁有少少蟹殼）待應也主動提供濕紙巾，細心👍🏻白飯（$28二人份量）石頭鍋上，份量幾多，有2大碗，2個人都食唔晒薏米水（$26）大大支，樽裝入，方便飲唔晒可以拎走鴨屎香水檸檬茶（$28）幾特別，似是青柑桔的味道，食完炒蟹，剛好可以用來清清味蕾👍🏻最後計埋茶錢（$10/位），$600有找，普通在街市買隻肉蟹都要$200多，依家餐廳煮埋，再加飯、蝦多士、飲品，性價比幾不錯👍🏻下次再試埋海南雞先😋