天天海南雞飯 (新城市廣場三期)

营业中

休息中

呢度放工之後同屋企人去咗沙田呢間餐廳度食dinner，餐廳嘅環境幾好，就咁聽個名，都知呢度係出名食海南雞飯，但係估唔到其他菜式都一樣咁出色。打開餐牌，見到有好多好精緻嘅菜，仲有燉湯，超級引。我哋揀咗鐵觀音。黎喺度當然要食佢嘅招牌菜啦，呢度有幾款海南雞可以選擇，我哋就識咗正宗海南雞，呢款海南雞係有骨嘅，但係雞味就係最濃既，而且雞肉都幾嫩滑。點左碗飯配海南雞。小菜方面，點咗呢個蒜泥豚肉，薄薄嘅豚肉包住青瓜卷成一個圓條，加埋啲蒜泥一齊食，正！另外仲有呢個原味小籠包，佢即叫即製，新鮮熱辣，小籠包上面仲放左裝有醋嘅管仔，可以直接唧啲醋落小籠包度食，好方便。最後，重點咗我最愛嘅燉湯，分別係火焰原隻椰子八寶燉湯同埋鳳梨涼瓜燉龍骨，湯非常足料，感覺好養生。

水果茶大杯份量足，有熱情果、蘋果、橙等等係杯入面天天海南雞 中份等於平時一份例牌，雞煮得夠滑，而且冇骨嘅雞油飯 （1-2人份量）成鍋有埋蓋咁上枱，熱辣辣香噴噴，份量夠晒2個人食筋腩相逢其實係牛筋牛腩煲，牛腩一絲絲淋身但唔會痴牙，牛筋都係淋身，不過彈牙嘅，有咬口，個汁甜甜地，又係熱辣辣，送飯食一流！海南印象呢個菜煲超級大份，即使有個煲煮緊，啲菜都唔會過熟，一路食一路熱住都係啱啱好，入面仲有粉絲、菇、仲有唔同種類嘅菜黃金軟骨手指公咁大舊嘅雞軟骨都係第一次見，好似排咁骨咁大舊，一啖一粒好過癮，外面炒左咸蛋醬，金沙夠香會食唔停口！平日都好多人食，要稍稍等位，但可以接受嘅餐牌都勁靚，好似本雜誌咁，睇到花多眼亂

行開新城市呢間都好多人排隊😅今日早食飯有得試個究竟🤭睇下米芝蓮推介嘅味道😛空間夠大 位置闊落 我地兩個人可以坐遠檯都好舒適😇 staff會送上一壺earl grey 好香濃👍🏻👍🏻餐具夠精緻🍴menu夠盞鬼 整到好似本雜誌咁 除左菜式都有好多關於呢間舖嘅介紹第一次食就試左啲佢地嘅招牌😝天天海南雞（中份）🐔招牌當然要試下😆😆雞件都算嫩滑 冇肥膏 配上三款醬汁：蔥油、泰式辣汁、醬油 最鍾意配蔥油+泰式辣汁crossover🤣🤣🤣 特別得來 好惹味油飯（1-2人份）油飯全晚最佳😍😍份量超級多 兩個人都食唔曬😅好香又粒粒分明 油嘅比例合適 唔會太膩 配雞食正👍🏻黑金叉燒🐷見到好多人都有叫 用鐵板上菜😌 食落同平時嘅叉燒有啲分別 好似係半肥瘦五花肉加叉燒醬烤成 齋食瘦肉部分有啲乾 一定要成舊連肥肉一起食！好味🥹🥹好juicy又唔會太肥膩😆題外話：食唔曬啲野外賣返屋企 叮熱食 啲肉質更軟爛 連瘦肉部分都更好食😍蝦醬生菜🥬下面有個火烘住 個菜食到最後都熱嘅👍🏻蝦醬味濃 仲有爆🧄😝😝味道正正常常 唔會太多油☺️海鮮麻婆🦐唸左好耐食唔食好 個價都小貴😅最後都係試左🙈🙈味道唔錯嘅👍🏻海鮮份量算多 有帶子同蝦

❣️ 天天海南雞 中份 $158 「米之蓮推介」⭐️ - 雞很嫩滑，完全沒有肥膩感覺, 有雞肉香味仲有3款醬汁提供，唔駛點都好好食❣️ 配白飯 $28 （1-2人份量）- 食海南雞點少得熱辣辣既飯， 份量好多❣️ 黑松露蝦多士 $68 ❣ 小籠包 (原味) $28- 設計好好 支細管可以俾你支入去小籠包到 - 一咬落去好勁多肉汁，鮮甜👍🏻❣黑金叉燒 $88👍🏻 「必叫」- 係半肥瘦叉燒， 超林超入味! ❣ 超級水果茶 $38- 好大杯 足足1000ml- 食完d咁邪惡既野 飲番啖! 成個口腔即時fresh 晒❣山楂丸子 $58- 外層勁脆, 仲要碟到係無油流出黎! 👍🏻超欣賞-入面夾住d山楂溶, 酸酸甜甜咁! 好特別呀!

一向都好鍾意食海南雞飯，呢間招牌菜就係正宗海南雞，所以點都要試吓😬果然冇失望，雖然雞嘅份量唔多，但兩個人食剛剛好。雞皮薄肉嫩，有雞味。裝飯嘅碗有蓋同飯勺，好得意，同朋友share 食都衛生啲👍🏻👍🏻呈淺黃色的油香飯香氣十足，份量也足夠兩人吃。蒜泥豚肉，玻璃器皿感覺精緻高貴咗，每卷中間夾片青瓜，感覺不太膩，配合醬汁一起吃一流。松露蝦多士，有驚喜🤩 不像一般的蝦多士，因兩塊麵包中夾有松露醬，蝦又彈牙，配合來吃，原來是很好吃的👍🏻👍🏻👍🏻招牌超級水果茶，份量十足，有 1000ml，材料用新鮮水果，份量不少，好香百香果味，一邊吃一邊飲，真是good good🤤🤤🤤下次再同媽子再黎食先得呀！

之前食過天天海南雞飯嘅銅鑼灣分店覺得好滿意☺️咁岩今日行新城市見到原來沙田都有分店!就決定入去食個靚晚😎-🦞龍王豆腐 $298麻婆豆腐墊起原隻波士頓龍蝦上碟 賣相吸睛🤩麻婆豆腐軟身入味之餘辣度適中 唔會搶龍蝦風頭龍蝦肉爽口鮮甜 同麻婆豆腐出奇地超夾👍🏻-🍖石窩花膠黑磨豉豬手 $118餐廳嘅石窩菜式向來高質又性價比高之前食過牛腩煲 今次就試吓米芝蓮推介嘅花膠豬手窩餐廳用料十足 花膠有成三大塊炆得非常入味之餘亦具有彈性嚼勁😛而豬手亦好腍身 每啖都充滿骨膠原感覺黑磨鼓汁餸飯一流 記住唔好嘥啊(˶‾᷄ ⁻̫ ‾᷅˵)-🍑桃之柚柚 $38集水蜜桃、西柚、香橙同蜂蜜於一身嘅水果茶🍹大大杯份量超佛心 唔會食到中途就飲晒🤣桃味同香橙味好出 酸酸甜甜好開胃🍊

每次下班的時候，經過沙田新城市的天天海南雞飯時，都會發現有很長的人龍在等候用膳。這次，剛好早了收工，便與工作夥伴一起在此店用膳。店內燈光相對商場的較暗，令人覺得放鬆，有着完成一整天工作的感覺。枱面上有一個精緻的茶壺，本想應只是普通的紅茶，但竟然是香氣四溢的Earl Grey，頓時用餐的質素提升了一個級別。來到海南雞專門店，我們當然叫了一碟雙併雞，包括無骨海南雞及燒雞，如圖所見，份量並不少。海南雞雞肉嫩滑，並有雞味，沾上姜蓉後吃，更為美味。燒雞的皮也很脆，但若能在剛好燒好時送上，定必更好吃。吃海南雞，當然需要附上海南雞飯，這裏的飯需要另外再叫，一至兩人份量約三十多元，但物超所值。首先，該份量應足夠至少三個人吃。第二，對比其他店舖，雞飯的味道不是太鹹，合我口味，又感覺較健康！另外，朋友叫了蝦多士，他說蝦多士十分鬆脆，亦充滿黑松露的味道，不消一會，他自己已把一碟蝦多士吃清光了。最後，我們叫了一份招牌叉燒，他並不像一般在街外或燒味店吃到的叉燒，他像是用了叉燒醬醃了一片品質較高的豬扒。當然，叉燒是半肥半瘦的，這樣才好吃！

I always spotted a long queue for Tian Tian in New Town Plaza. I arrived before 7pm on a weekday night so I grabbed the chance to give it a try. Before the visit, I knew that Tian Tian is a Singaporean Michelin hawker stall that earned praise from the multi-Michelin starred celebrity chef Gordon Ramsay. Reading from the menu/ paper place mat, I further learnt that Tian Tian was introduced to Hong Kong from Singapore to Hong Kong in 2017, aiming to introduce gastronomic culture and create a good

雖然我住喺九龍區但係去沙田都非常方便因為火車直接到達一落火車出已經喺新城市廣場向着一田方向行就見到有好多美食最終我都揀咗呢間天天海南雞飯去到呢間餐廳最出名嘅係海南雞飯點可以唔食一坐低就知道已經要點😆餐廳入面望出去是同商場連貫着的，所以空間咁非常大令到地方更加闊落去到餐廳門口感覺非常整潔,所有杯杯碟碟都非常美觀正宗海南雞 188 元,海南雞份量都好多,肉質非常嫩滑,入口雞味好香濃多汁,雞皮做到滑嘟嘟,而且仲好爽口。 入口就知道海南雞非常新鮮,配上餐廳嘅秘製辣醬酸酸辣辣,味道更加豐富,難怪呢個係主打菜,真係好好食,喺其他餐廳根本冇可能食到咁好味嘅海南雞。骨香鯧魚 188 元,一整條鯧魚份量非常多,而且仲要炸到金黃色,外觀非常吸引,入口熱辣辣,魚肉仲要係好嫩滑多汁,正宗外脆內暖,魚肉味道好鮮甜,加上醬汁味道層次更加豐富,魚骨都炸到好香,食得出廚師嘅精心製作。真係好好食。小炒之王 98元 ,色香味俱全,材料非常豐富,菲菜炒到非常入味,有少少蝦乾腰果,口感同味道都 更加豐富,正 招牌超級水果茶 38 元 ,味道非常清新,奇異果,熱情果,香橙,味道酸酸甜甜,味道又清新又解渴。夠曬凍， 飲落非常舒服

食得多西餐悶悶地, 今日想試下其他野, 就試下”天天海南雞”啦, 本身都幾鍾意食海南雞, 講起海南雞, 香港真係咩地方都有海南雞,當然水準間間都差別好大, 講番呢間”天天海南雞”, 入到去先知原來香港都有幾間分店, 又係新加坡米芝蓮推介, 又贏過咩地獄廚神甘, 應該好食掛, 甘我就叫左 “天天海南雞拼燒雞”, 本來想叫”正宗海南雞拼燒雞”,想知道咩叫正宗…………不過賣晒…….甘天天海南雞拼燒雞都唔錯既,海南雞真係幾滑, 皮薄, 唔會有好多肥膏, 又唔會好紅(即係唔熟), 燒雞就無咩特別, 好似酒樓食炸子雞, 不過皮有D林, 呢個雙併都幾貴, 188元, 所以建議大家淨叫海南雞就夠了, 由於唔包飯, 所以就叫左一個飯(38元),都足夠兩個人食既, 另外叫左個肉骨茶, 份量同材料都足, 不過係味道淡左少少, 另外就叫左支意米水, 似鴻福堂個種, 總結:鍾意食海南雞既朋友可以試試, 另外要讚一讚員工幾有禮貌, 企係門口果個就例外, 可能高級掛.

次次經過呢間餐廳都排長龍，一直都想知有冇真係咁好食？好啦咁，咁啱屋企人知佢原來係米芝蓮話要去試下，於是就特登揾日去食晚飯一探究竟～首先一入到黎都會覺得啲餐具幾靚仔嘅之後梗係先點碟傳說中嘅海南雞試下先啦。我哋三個人食，所以叫咗碟大份嘅，但大份嘅份量其實都只係半隻雞，價錢$268。雞肉食落其實無乜雞味，但都算滑同無肥膏。我就覺得味道還好，驚喜就無乜有海南雞，點少得油飯。叫咗3-4人份量，HK58, 味道不過不失。另外，仲叫咗酸菜石斑，HK138，呢道菜我反而覺得ok, 魚肉滑，酸辣味够。呢道係腩筋相逢，都係米芝蓮推介，牛腩同牛筋係炆到好冧，唔差嘅，但可能因為打住米芝蓮旗號所以期望比較高，最終食落又唔係覺得有驚喜…..只能夠話期望愈大失望愈大食完飯最尾又再order呢個茄子🍆嚟試。雖然好細份但以冷盤嚟講都算好食總結而言，叫做試過食過米芝蓮級餐廳，未必會特登再去，但又唔會抗拒再去咁囉

係新加坡🇸🇬食過一次一直回味無窮😋今日接收工終於有機會試下呢間過江龍「天天海南雞」😎餐廳係正全層既中間，大大間藍色既裝修，又有隻米豬蓮🤣😆一望就見到！餐廳入面都好闊落，2個人都會安排3-4人座位，枱與枱之間有返咁上下距離，安全衛生👍🏻一坐底，好主動就會上一壺茶😊好特別地係Earl grey😮可能係迎合香港人嘅口味👌🏻我地叫左好多嘢食，因為餐牌啲食物相好吸引🙈好可惜我地食唔到佢日售一千粒‼️既榴連丸子🥲太傷心～～小食：松露蝦多主食：天天海南雞🐔（招牌必食‼️佢塊皮整到好似啫喱狀，全雞胸肉，冇骨，點酸辣汁，再加埋青檸，竟然出奇地搭🤩）雞油飯要另點，$38，大大兜，用熱石鍋上，保温👍🏻送雞食一流😆黃金大蝦🍤不是原隻大蝦，只是蝦仁，但裹個層皮好薄，黃金醬惹味，份量超多，好良心👌🏻🤣蝦醬生菜🥬有個爐熱住👍🏻味道啱啱好，消下濟食個菜，正🙌🏻飲品：豆花美祿😋😋好好飲👍🏻👍🏻枱枱都有叫一杯，又大杯，上面係美祿，好多粉慢慢食😋下層有一大杯豆腐花，好滑嘟嘟，好味喎😍（我地覺得抵過叫美祿豆花，因為用碗裝，細碗啲🤣🤣價錢又差唔多）香港分店同新加坡既差唔多～(˶‾᷄ ⁻̫ ‾᷅˵)味道呀質素、服務態度👌🏻👌🏻有機會黎沙田

當你以為黎天天海南雞一定係雞出色既時候，你錯了，佢最出色既其實係佢既雞飯。嗱，唔係佢雞唔好食，但雞飯太過出色。黎到食當然係一定有叫返個海南雞食，不過今次叫左燒雞，因為本人中意食燒雞脆脆既外皮加鮮嫩嘅雞肉，呢度都係水準之作。另外，當然食雞點可以少左雞飯，雞飯好香，一打開蓋香味撲鼻而來，食落去唔會覺得好油膩，但係味道依然令你食完一啖仲想食一啖。另外叫咗個海鮮喇沙麵，面同埋喇沙係分開上，自己將面加入喇沙入面。不過，喇沙個湯底都唔錯，面同喇沙湯底融合一齊，每一啖面都包圍着湯汁，超級滿足。而且海鮮嘅份量都好足，呢個價錢都相當相宜，可以一試！仲叫咗一個黑松露多士，不過呢個當時就有少少昂貴，但係佢嘅黑松露味道都幾出，都幾特別，鍾意食黑松露嘅朋友都可以試吓。最後叫咗個豆腐花，豆腐花嘅豆味唔重，反而食出好似燉蛋嘅味道。

依排熱辣辣，放工唔想搞咁多野，出去沙田搵間餐廳食晚餐再返屋企。黃金軟骨邪惡嘅一道菜，食左一件就忍唔住要食多幾件，雞軟骨入口爽脆，蛋黃咪勁濃郁。紅情綠意食左邪惡嘅小食，總要食返D健康沙律，裡面有大量無花果，紅肉芭樂，配埋話梅粉，酸酸甜甜，令你胃口大開。天天海南雞兩個人食唔到太多，所以點左中份，雞肉都幾嫰滑，雞肉上面鋪滿大量芫荽，夾一d再沾醬汁，味道更豐富，忍唔住要加個油飯。肉骨茶肉骨有4條，份量都幾多，裡面有一D豆卜、支竹，吸汁後更美味，而且一直有蠟燭幫助保溫，令你隨時都可以飲到暖笠笠嘅湯。

未係香港試過天天海南雞，又見佢係米芝蓮推介，於是喺沙田行街就入咗去食。星期五晚上都幾多人，等位等咗半小時，入座後服務速度都算快，店員幾勤力送餐同埋收拾碗碟。不過入座已經感覺到座位的軟墊太薄，坐落去會比條邊頂住，唔舒服。一開始，佢會比壺熱茶無，就算我轉咗做滾水，最後都收咗每位$9茶錢，其實呢間餐廳都主打飲西式飲品，我覺得冇必要收茶錢，有啲多餘。因為第一次食，就試左無骨雞海南雞細份、油飯細份。個雞份量都算OK，話晒價錢都唔平，最細分都已經是二人分，上碟時後發現，除咗汁醬以外，雞件上面會林有一個獻汁，食落其實有啲唔夾。雞的肉質一般般，冇乜肥膏，但係亦冇乜雞味。油飯係有調味過的，份量夠二人食，但是不夠香。我地仲叫左酸菜水煮魚，其實個湯同埋其他配料做得唔錯，酸辣適宜，可惜佢啲魚塊醃得過份鹹，失去左酸菜魚嘅滋味，不過其實都幾足料，所以呢個都可以一試。至於小籠包，就一盅兩件，佢有個醋插住咗喺小籠包上面，有啲新玩意，但其實食落同自己點醋冇乜分別，佢的皮過厚，所以大家都係唔使試佢。最後叫咗個美祿豆腐花咁嘅甜品，反而有驚喜，食完濃味嘅主菜，食佢做甜品也唔錯，而且價錢唔貴，推介。食完呢餐，我估我之後只會喺呢