天天海南雞飯 (新城市廣場三期)

营业中

休息中

朋友之前話天天海南雞飯好食，每之經過都超多人等位，今日去完超市掃完貨都係五點半，行過見到可能啱啱落完場唔多人，就諗住食埋野先返屋企。呢度都幾開揚，座位舒服，餐具精緻，整體性價比高。我地叫左個龍蝦海鮮飯，松露蝦多，黑金叉燒，當然唔少得主角天天海南雞。龍蝦炸米海鮮飯$198材料有龍蝦湯，炸米，龍蝦肉，帶子同蝦仁。餐牌上都有解說教你點食。第一步將炸米倒入龍蝦湯中，第二步再將龍蝦肉，蝦肉同帶子倒入湯中撈勻，再等三十秒至一分鐘，等炸米吸收左龍蝦湯汁後就食得啦。仲保留少少香脆既炸米充滿龍蝦湯汁味，再配埋爽滑彈牙嘅海鮮，非常好味，記住要襯熱食。天天海南雞中份$158海南雞去晒骨，啖啖肉，份量唔少，雞皮一啲都唔油，十分爽口，雞肉用左黎自新加坡既鮮肉雞，比黃油雞更加健康。呢個海南雞有五個食法，就咁食已經好正，點原有雞汁又得，點絕密配方既特色秘制辣醬或者薑蓉亦得，而我自己就最鍾意點黑醬油。松露蝦多$68都幾大件，蝦多士上有原隻大蝦，再舖滿松露沙律醬，一上枱已經非常之香，入面釀左薄薄既墨魚汁膠，層次非常豐富，最重要係自己唔會整到。黑金叉燒$88同我地平時食既港式叉燒有啲出入，呢個用左豐富肉汁既五花豬肉配黑醬

之前到店食過南雞飯，今次再幫襯刻意選擇其他菜式，尤其是炸物，非常考功夫。沙田分店經常大排長龍，今次6點多到，揀左個靚位，但不夠半小時後已經座無虛設。炸物中黃金蝦是我其中一樣必食，賣相吸引，稍嫌不夠咸蛋味，但這碟黃金蝦令我加分的並不是主菜，而是伴菜炸翠玉瓜，外脆內有瓜汁，清清地平衡返全碟菜，是全枱第一樣清盤的食物。另一炸物是蠔餅，這個蠔餅同一般大排檔的有分別，是加入了泡菜，我本身不太愛吃泡菜，但今次卻發現同海鮮味的蠔混在一起，很夾，沒有失望。最後要提提這個米芝蓮推介第4位： 筋腩相逢，肉質很鎖汁，每舊都好juicy，而且筋腩比例非常好，用嚟撈飯絕頂。值得一讚是那杯玫瑰花茶，正正可以去除今餐的重口味，而且清香撲鼻。最後的甜品山楂丸子， 酸酸甜甜非常出色，沒想到在這裡食到咁有水準的甜品，回味無窮，下次再來要試埋榴槤味。

What a surprisingly Singapore restaurant in ST😍十分推介👍🏻The dishes are very nice 👍🏻 the tea is yummy too The decoration is beautiful and stunning 🤩 it is also very eye-catching too We ordered this chicken 🍗 ( the bbq one) with some vegetables ❤️ So yummy !!! Must give it a try 👍🏻 the sauce is perfect match too 😍And the dumplings 🥟 also fabulous !!! Love ❤️ it so much . There is some soy sauce you can put inside. Very cute ☺️ Of coz , we won’t miss this signature dish- 3.6 milk 🥛 egg white lobster🦞 😋 v

呢間餐廳由新加坡麥士威熟食中心最出名嘅「天天海南雞飯」🇸🇬連同3間新加坡米芝蓮街坊食店「老街坊」、「超好面」同「五十年代」，提供多款星洲美食🌟💗正宗海南雞($188/ 中份)選用白羽肉雞，以浸煮方式烹調，雞皮爽滑且肉厚鮮嫰，肉味香濃，可惜皮下脂肪較多。淋上秘製雞汁，令雞肉更滑溜。配以三款醬汁，包括新加坡出產黑醬油、自家製辣椒醬同薑蓉醬🐔💗雞油飯($38/ 1-2人)先炒香雞骨、黑蒜、斑蘭葉等，再加入雞湯同米煮成，令每粒米吸收哂湯嘅精華同香味，而且粒粒分明🍚💗松露蝦多 ($68/ 2件)選用原隻越南大蝦，蝦肉爽口彈牙，多士炸得金黃香脆，完全唔油膩，夾層搽上黑松露醬。面頭淋上松露沙律醬，香氣十足🥪💗黃金大蝦 ($128)蝦仁金黃酥脆，肉質爽口彈牙，特別加入翠肉瓜一齊炸。每粒掛滿鹹蛋黃醬，味道濃郁甘香，口感超級起沙🦐💗招牌超級水果茶 ($38)水果茶茶底清幽芳香，加入熱情果、香橙、蘋果、奇異果等多款鮮果，味道酸甜清新，非常解渴🍹

曾經係圓方食過呢間餐廳,難得呢日行完沙田某大超市後,見到雞隊長,決定再翻尋味😜🔸花香菜膽🌸粒粒胎菊、爽口木耳加嫩綠菜膽,簡簡單單一個浸蔬菜,食落好清新又有菊花清香,非常健康,若果份量再多啲就更……😜🔸天天燒雞🐓雞肉零肥膏,但又吾嚡加上少少皮脆。佢哋嘅自家制醬汁做得吾錯,尤其係酸甜嘅味道,好開胃,仲有去皮爽脆青瓜添！🔸黃金大蝦🍤非常邪惡嘅食物,鹹香脆口嘅蛋黃沙外皮,除咗包住爽口彈牙嘅大蝦外,仲有軟嫩翠肉瓜,減輕罪惡感😂🔸原味小籠包🥢插住細細支黑醋,賣相極吸引又方便,食之前唧入醋汁,咬一啖,小心爆汁！🔸原味豆花🥄飯後必食甜品,冰涼又滑劣劣！將所有罪惡感都洗走晒😂😂😂呢間店嘅質素同圓方嘅一樣高,揾日去試埋銅鑼灣果間先！

又來到天天海南雞啦，今次去沙田分店食。同上次銅鑼灣唔一樣，燈光比較亮，可能因為銅鑼灣主打情調😂今次有埋期間限定嘅二人套餐，鍾意食蛇羹嘅朋友可以試吓，我就唔要啦🙈再一次encore蝦多士真係食過返尋味，每一次食都覺得好正好脆口🤩呢個就巴閉啦，叫咗個龍蝦伊麵…份量超大，建議三個人食龍蝦伊麵除咗中間龍蝦之外，有原隻花甲、原隻鮮蝦、鮮魷魚、豆腐。原隻龍蝦已經開晒，拆晒肉，唔會整污糟手。而且每款海鮮份量超多、冇記錯好似係每款6件左右，伊麵就喺個底度。連個龍蝦鉗都唔細㗎，淡淡都係肉。至於伊麵個醬汁，一啲都唔肥膩，有少少似喇沙汁，好香口。朋友叫咗個金牌凍咖啡，佢話好香滑，咖啡味龍我就叫咗個西柚雪梨汁，唔酸，又唔會太甜，感覺好清新

喺新加坡冇食到，就喺香港試下呢間咁出名嘅天天海南雞飯 啲雞好滑而且唔肥，食哂啲雞皮都冇問題油飯香得黎又唔油，係辣醬相比其他地方食到嘅偏辣我仲試咗杯超級水果茶，勁大杯，有成1公升，建議大家兩個人share一杯可能會好啲

已經停左堂食🤚足足2個月，相信不少餐廳都會轉攻外賣🥡市場。抗疫不停煮，但放工都累。宜家叫個 #外賣 都價兼物美，大部分由九折至半價不等。今次介紹位於沙田新城市廣場《天天海南雞》，曾經榮獲 #米芝連 餐廳的確不容忽視。宜家外賣更有八折優惠及抵食套餐，價錢由$78-$108，有主食、小食及飲品亦都係唔錯選擇之一。🔺正宗海南雞 $188《天天海南雞》最出名莫過於 #海南雞，單點半隻足夠2-3人份量，肉質鮮嫩多汁並配上4款不同口味的醬料。有海南雞又點少 #油飯 出現🤗1-2人份量只需加$38，油飯份量十足，滿帶油香而不膩。🔺筋腩相逢 $128香港人鍾意食濃味配搭❤️ 筋腩相逢相信都是 #男人浪漫 🧍‍♂️，牛腩與牛筋個人喜歡後者，滿滿骨膠原相當入味。前者則有點羶味，並不是我喜歡的味道。🔺黃金軟骨 $68小食選擇米芝連推介十大之一😍 黃金軟骨，利用咸蛋黃炸至金黃色脆，軟骨富有口感，相信大人及小朋友都會鍾意❤️🔺子薑咕嚕肉配白飯（12道） $78外賣🥡最抵食莫過於12道💁🏻本身想點 #安格斯牛肉炒果條 ，已經到差唔多八點時間已經沽清。最後選擇最家常便飯味道「子薑咕嚕肉」，值得一讚 #咕嚕肉 醬汁分開另上

新加坡過江龍 天天海南雞飯去親沙田都見到好熱鬧 好多人食～今次就黎試下 份量幾多～雞肉幾滑下 油飯幾香口 配佢既汁好惹味都幾還原到新加坡天天 不過坐得舒服啲🤭而且仲叫咗一杯水果茶都只係30幾蚊勁大杯完全飲唔晒

原味小籠包 $28小籠包望落去賣相唔錯 非常飽滿 皮薄餡靚☺️餐廳好細心咁將啲醋用咗個飲管咁樣放落去 咁就會避免左食小籠包好狼狽嘅問題😋龍蝦炸米 $198非常推介呢個！價錢唔算話太貴 因為真係有一粒粒龍蝦肉 仲有帶子同埋鮮蝦海鮮🦞餸菜都好豐富！炸米做飯呢一個主意非常有創意💖一粒粒好有口感好似米通咁樣 加埋龍蝦湯底非常入味 個口感 好似意大利飯咁非常唔錯🤍天天海南雞 $158呢個價錢係中份 兩個人都好夠食 海南雞肉質好滑多汁鮮甜 而且聞落去油香味都好重 餐廳仲配左三種醬料🥰松露蝦多 $68小食嚟講呢個都非常精緻 松露味好濃郁 非常好 醬汁放咗喺多士上面 多士都好香脆可口 脆卜卜非常滋味～🤩招牌超級水果茶 $38必點呢一個 非常抵飲呢個價錢有1公升😂😂真係兩個人都飲唔晒呀 入邊仲有好多熱情果肉👍🏻整體餐廳嘅餸菜雖然偏貴 但係都做得好精緻質素都非常唔錯 好多菜式都新穎有趣 值得一試😃

今日同老婆去沙田行街，😽去沙田真係好方便，無論搭火車定係搭西鐵都係一陣就到，去新城市廣場行街又舒服又多嘢買，行咗一陣有啲肚餓，👍🏻即刻睇下OpenRice附近有咩好嘢食，見到一間天天海南雞飯非常之受歡迎，即刻去試吓，地址喺新城市廣場三期3樓，329號舖。食飯時間嘅關係，👍🏻舖頭已經坐滿晒人，不過餐廳都幾周到，門口有個等位嘅空間，可以好舒適咁坐喺度等。值得一讚 👍。花膠太史蛇羹 ，蛇羹味道非常鮮甜，加上花膠更加有口感，而且蛇肉嘅份量都好多，肉質都好嫩滑，加少少檸檬葉味道更加鮮。蛇王芬生炒糯米飯，糯米飯熱辣辣，味道好香，飯質煙煙靭靭，臘腸，潤腸，👍🏻花生，令到味道更加有層次。蟹粉豆苗 ，❤️豆苗顏色翠綠，蟹粉份量非常多，味道極之鮮味，入口充滿蟹嘅味道，🤗加上鮮嫩嘅豆苗，真係做得好好味。正宗海南雞，海南雞果然係依間店嘅主打菜，海南雞肉質好鮮嫩，多汁，而且雞皮仲係爽口，完全係食到新鮮嘅雞味，配上海南雞醬調一調味，味道層次更加豐富。第一次食到咁好味嘅海南雞。呢個海南雞一定要試😋無論座位同埋餐具嘅擺設都令人感到好舒適，而且每一隻碟都係好精美，食物質素又好☺️

去開沙田新城市，就睇吓有咩外賣。見到天天海南雞，有散叫、有單點，選擇非常多。打開餐牌，真係咩都想食。雞我覺得係必點！正宗海南雞拼燒雞，一次過可以食晒兩款唔同口味嘅雞。海南雞雞味唔錯，而且連埋雞皮食口感更好，雞肉夠滑。燒雞外皮燒得夠香，燒雞惹味。松露蝦多，多士卜卜脆除咗蝦，仲有好香嘅松露。前菜叫咁海蜇，脆爽口感，好食！浴火鳳凰個名好得意，其實係有椰絲、蝦同埋帶子炒飯。味蕾非常豐富！當然唔少得叫返個菜，鴛鴦菜花，份量夠多幾好食！飲品揀咗養生嘅桃膠菊花桂花雪梨茶、滋潤酸酸地嘅石榴紫背天葵山楂蜜！

由於最近成日都食雞，今晚一於唔食海南雞🤣🤣就算去到天天，就試下其他野先😚見到佢menu都好多選擇咼！特別係飲品好吸引😍好平又好似好好飲！！！不過由於我有啲想食豆腐花，就叫咗豆花恐龍美祿!!個杯超大！！上面有啲美祿粉，我係咁食哂佢🤣🤣🤣好好食！！係底嘅豆腐花亦都好滑，成個combination唔會好甜！飲落都舒服👍🏼哪吒鬧海 $148其實真係海鮮喇沙拉麵🍜佢係分開上菜嘅！湯還湯，麵還麵！好誇張好多湯底！海鮮配料亦都好高質，有青口，魷魚，八爪魚，蝦！仲有好多豆卜🤣個喇沙係偏辣個種，但係好惹味好好食！古法骨茶 $148有成4大條排骨頭！有啲根痴住舊骨，好好食✌🏻仲要吸哂啲湯嘅味！佢係偏新加坡味嘅肉骨茶，所以唔會好重藥材味！入面一樣有好多豆卜，枝竹，同豬肚！好豐富😚😋推薦👍🏼黃金軟骨 $68係鹹蛋黃加軟骨！鹹蛋味好重，而且炸得好香口好脆👍🏼不過略略覺得有小小太多炸粉了！如果唔係會更加好食喇🤣

天天海南雞新加坡返黎之後都試過香港好多唔同既海南雞飯，但硬係食唔返係新加坡食既味道。今日朋友提議食呢間新加坡過江龍，二話不説就應承咗。🤭🤭沙田呢間天天海南雞都好多人排隊，偶爾經過都會見到好多人排隊，今日避開咗晚飯時間，好快就入咗去。呢到既裝修幾靚，少少幽暗，幾舒服。😊😊黎到天天海南雞，梗係試返佢地既雞。我地叫咗個正宗海南雞拼燒雞。首先，海南雞做到同新加坡好相似既味道，皮薄而且肉質好嫩滑，啲回憶返晒黎。燒雞亦都好唔錯，皮燒得好脆口，而肉質仍然保留水份。醬汁亦要讚下，尤其是係酸辣醬，同新加坡食到既一樣味，配埋個燒雞食，非常夾。我地都加配咗個油飯(2-3)人份，飯粒粒分別，雞油味香，仲有個蓋比返客人，唔怕食到一半就凍晒。😄😄原味小籠包，餐廳都好貼心，插咗枝管比大家將醋直接擠入去小籠包入面，避免咗好多時令外皮穿咗，漏晒啲湯汁既機會。而小籠包既肉同湯都好鮮味，唔錯。👍👍😍😍最後我地叫埋個黑松露蝦多士，呢樣野真係好難抗拒。師傅處理得好好，蝦多士好燒身，冇油淋既情況。蝦膠幾彈牙，加埋濃厚既黑松露醬醬，估唔到係呢到會食到好味既蝦多士，有驚喜！😍😍☺️☺️

一直都好想試嘅天天海南雞飯終於試到啦！今日同朋友收工就去咗沙田分店試試佢必點大佬推薦第一位嘅正宗海南雞$188/中份呢個價錢佢都真係相當大份唔好睇佢好似裝唔晒成個盤咁其實係因為佢個盤真係比較大咋雞肉食落去非常之嫩滑～而且啖啖肉無乜骨點解得海南雞嘅？個飯呢？飯係要散叫㗎不過因為我哋都唔係好肚餓所以就冇叫到飯啦必試皮薄餡靚小籠包原味 $28@2隻 黑松露 $38@2隻見到佢個三色小籠包都好似好正一次過滿足我三個願望不過朋友唔食得辣，所以就冇叫到，我哋試咗原味同埋黑松露味最特別嘅係佢啲醋唔係好似平時嗰啲咁樣點嚟食，係俾你唧落去啲肉入邊！咁樣食嘅時候就會充滿醋味，但係又唔會得出面啲皮局部地酸呢個諗法真係值得一讚！無失望～皮薄餡靚原隻椰子八寶湯$88見到寫話燉足四個鐘好耐冇飲過湯嘅我就試試佢果然真係好足料啊！而且嚟到嘅時候真係原隻椰子🥥上，放左一陣先飲都仲係熱辣辣㗎！好飲有原粒栗子～螺片～雞肉～瘦肉～淮山等⋯⋯⋯⋯大推大推！誠意推介！芥末花螺$98本身都覺得小貴，但係真係超級有驚喜！！！啲花螺係超級爽口而且入味食到我停唔到口下面仲有好多青瓜～都係超級入味酸酸辣辣咁～非常適合香港呢啲天氣鍾意食醃青