天天海南雞飯 (新城市廣場三期)

营业中

休息中

呢度放工之後同屋企人去咗沙田呢間餐廳度食dinner，餐廳嘅環境幾好，就咁聽個名，都知呢度係出名食海南雞飯，但係估唔到其他菜式都一樣咁出色。打開餐牌，見到有好多好精緻嘅菜，仲有燉湯，超級引。我哋揀咗鐵觀音。黎喺度當然要食佢嘅招牌菜啦，呢度有幾款海南雞可以選擇，我哋就識咗正宗海南雞，呢款海南雞係有骨嘅，但係雞味就係最濃既，而且雞肉都幾嫩滑。點左碗飯配海南雞。小菜方面，點咗呢個蒜泥豚肉，薄薄嘅豚肉包住青瓜卷成一個圓條，加埋啲蒜泥一齊食，正！另外仲有呢個原味小籠包，佢即叫即製，新鮮熱辣，小籠包上面仲放左裝有醋嘅管仔，可以直接唧啲醋落小籠包度食，好方便。最後，重點咗我最愛嘅燉湯，分別係火焰原隻椰子八寶燉湯同埋鳳梨涼瓜燉龍骨，湯非常足料，感覺好養生。