天天海南雞飯 (新城市廣場三期)

营业中

休息中

食過好多次，水準都keep 到，其實我會形容係高質嘅快餐，因為晚市限時一個鐘。雖然上菜好快，但其實自從疫情，有段時間冇晚市，有段時間晚餐得一輪，大家都好享受食飯傾計慢活一下，不過當回恢正常軌道，香港人又開始急速起黎。講返食物，今次點咗1.海味豆腐👍🏻汁較杰較多但好好味2.石鍋蘿蔔黑磨豉豬軟骨3.天天海南雞拼燒雞👍🏻一如既往好食，食到辣嘅記得點埋佢個酸辣汁。雞嫰好滑煮得啱啱好！4.雜菜煲5.雞油飯👍🏻必點雞油飯，每次必點，油香但唔漏。6. 4杯豆花美祿👍🏻嘢飲全部大大杯，有豆花墊底嘅恐龍美祿，又係必點！環境：🔴🔴🔴🔴⭕服務：🔴🔴🔴🔴⭕衛生：🔴🔴🔴🔴⭕食物：🔴🔴🔴🔴⭕

來到沙田，有好多好嘢食，唔使擔心無嘢食嘅。知道有新城市一期，新城市三期，呢度食肆林立，但有冇新城市二期？我唔知喎，有冇人可以話我知呢？來到新城市廣場三期，行"一田"係指定動作，行完就搵食，見到天天海南雞嘅大招牌，就諗新加坡菜都有一排冇食，毫不猶豫入咗來，但見菜式多多好難揀，同朋友商量咗就揀咗呢個499蚊嘅"新加坡米芝蓮二人餐"，有沙律，有海南雞，有炸魚，有菜，有湯，有2杯飲品，超级豐富及抵食。"海南沙律"主要係生果及啲沙律菜，生果有新鮮無花果，番石榴及士多啤梨，全部都係my favourite。“斑斕汁椰香鱈魚”，班蘭蛋糕食得多，斑斕做sauce就第一次，鱈魚炸得好脆，正👍"鳳梨涼瓜乾貝燉龍骨"用料新鮮又特別，個湯零舍鮮甜。"正宗海南雞"有三種蘸料随你鍾意随你點；“雞油飯”話係2人份量，但3個人食都好足够，飯的油香真係好吸引，因為多我哋2人博命食都仲有剩；“巴參辣椒炒通菜”有很多魚仔，愛來送飯都好好味😋

沙田一向都多人食我諗大家都知，今次我就選擇去到新城市廣場一間攞咗好多次米芝蓮獎嘅天天海南雞 餐廳嘅面積都相對地大空間感亦都非常足夠亦都會非常之闊落！Menu做得幾好佢好似做到一本雜誌嘅一樣有幾版都係介紹吓佢哋餐廳原本嘅啲嘅背景，等客人可以了解多啲天天海南雞飯餐廳嘅概念其實餐牌上面嘅選擇亦都非常之多啊不過因為我今日懶啊所以我就選擇左呢係一個嘅二人套餐只係需要$500都唔使就已經可以食到好多份嘅菜式好多都係佢哋嘅招牌嚟嘅首先要介紹嘅梗係佢哋嘅招牌菜式啦！呢個就係佢哋嘅天天海南雞都算多而且好夠嫩滑，醬汁包括蔥油，泰式辣汁，同埋豉油。任君選擇！配埋油飯食就簡直係啱啱好啦份量比我想像中嘅多！兩個人完全係食唔晒！打開個蓋就聞到超級香濃嘅雞油飯味 食落去粒粒分明鳳梨涼瓜干貝燉龍骨燉湯好充料 有多嘅瘦肉同埋涼瓜但係飲落去一啲都唔苦反而係好鮮甜！呢個係蝦皮素玉肉鬆豆腐食落去涼浸浸咁樣啱晒而家天氣咁熱！豆腐係超級實淨完全唔係一夾就散開嗰啲感覺，再配上蝦皮同埋數肉鬆一齊食感覺係非常之豐富雜菜煲即係下面會有個蠟燭去咗坐熱住Keep住熱辣辣 不錯喔 裏面都有好多唔同嘅菜例如娃娃菜西蘭花菜心小棠菜等等呢個就係斑斕

近日開始多左人旅行，IG成日被洗板，最多人去新加玻/泰國，睇佢地食海南雞令我都想食，諗起新加玻最出名天天海南雞，而香港都有！一去到，乜原來平日夜晚都咁多人。見有個睇落幾抵嘅二人餐，不過我被第樣野吸引左，而放棄二人餐。🫶🏻天天海南雞先講一定要叫嘅雞先，餐廳有天天海南雞同正宗海南雞兩款，店員話天天無骨，肉質滑啲，而正宗就有骨同埋肉質結質啲。上台時個樣子唔錯，啲雞油睇落都閃令令。食落唔鞋，但無我想像中咁滑，都算偏實淨。肉味唔濃，主要都靠附送嘅三款汁醬。最愛中間橙色個款，酸酸地好送飯。🫶🏻雞油飯叫得雞一定要有油雞，揀細份量都唔少，成鍋上自己分，一人都裝到2碗。飯帶有油香，但唔算好濃，飯粒質感適中，仲有粒粒分明。🫶🏻酸菜石斑好愛酸菜魚嘅我，忍唔住黎到海南雞專門店都要叫酸菜魚。呢款有驚喜，首先酸湯調味又適中，惹味開胃；魚肉質地結實，口感唔錯。呢款成為是晚NVP!🫶🏻參巴辣椒炒通菜唔辣的，請放心。份量都唔少，味道有啲似飛天通菜。🫶🏻水果茶睇食評相都有心理準備，見到實物都係嚇親，超大杯…..好抵飲。另外叫多支石榴紫背天葵山楂蜜，唔會太甜，養下生。

今日收工約咗朋友喺沙田傾吓計食下飯，於是就嚟咗天天海南雞飯。今次嚟嘅原因主要都係俾佢個二人套餐吸引咗，因為價錢的確好實惠，只需要$499就可以叫到一個餐成個套餐會有一份前菜兩碗湯，一個小食，海南雞，一份蔬菜，一份雞油飯， 大2杯嘢飲前菜方面我哋叫咗海南沙律，嚟到嘅時候有啲驚喜，因為呢份沙律入邊大多數都係一啲生果，例如番石榴，無花果。想讚一讚呢度嘅生果係好甜，絕對係有水準嘅生果。湯方面，今次係鳳梨涼瓜燉龍骨，味道好清甜，唔會話好大浸苦瓜味炒通菜方面亦都係有蝦乾仔同瑤柱絲，小小辣好野味呢度最出名嘅海南雞亦都好亂畫，而且好有雞味，份量亦都唔少，足夠兩個人食。而且都比較鍾意佢個雞皮係好似啫喱咁樣，好意就滑咗落喉嚨另外小食方面叫咗黑松露蝦多士，下多士入面嘅蝦份量好多，每一啖都係有蝦肉另外佢瞓雞油飯都好大份，我哋兩個人一男一女都食唔晒，同時都想讚一讚個雞油飯係好有雞油香味👍🏼👍🏼果然係食海南雞飯嘅專門店，因為海南雞飯嘅精髓正正就係響個飯度飲品方面就叫咗一杯凍咖啡，一杯凍奶茶。個人覺得凍奶茶比較好飲已喺沙田新城市廣場來講， $499可以食到咁多嘢絕對係抵🤭

今天因為想去其中一間蘋果專門店查看和向店員查問一下，上一代和即將推出的新一代手機，功能差別在那裡，同時又方便朋友下班前來，所以選擇了沙田新城市廣場先吃飯，後看電子產品。友人知道我挺喜歡偶爾食兩款餸菜：海南雞、肉骨茶，所以就大力推薦這間店給我。事實上，除了讀書的年代，前後６～７年幾乎隔天就會到沙田新市廣場吃喝玩樂外，現在已對它有什麼食店已較陌生，唯有靠友人帶路。店舖是位於離沙田站較遠的一端，遠看都可以一目了然看到所有座位。由於還是有所謂疫情，故個人對座位間格非常擠逼的食店，尤其強烈要求客人搭枱的食店，異常反感。這店在門口已看到座位寬敞，全部雅座呈開放式設計，通風極為良好，所以一去到就毫不猶豫進去。今天因為天氣太炎熱，日間氣溫保持在３５度左右，所以胃口一般，即時點了我喜歡的兩款餸菜：古法肉骨茶+海南雞，另加一個湯+飯，輕食大半飽就算。最重要的是要冰凍特色飲品降降溫。古法肉骨茶湯水中有約４～５件煲至很軟的肉骨在內，肉質鬆軟。不過，湯的味道卻有薄薄的胡椒味，另湯中也發現數片豬肚切件。記憶中，和我在另一著名食店的肉骨茶，有顯著分別，該店的肉骨茶呈深啡色。個人估計，應該是新加坡製法和馬來西亞製法的

Wait time: we went there on a Thursday evening 6:30pm, No waiting yes~Environment: the place is alright, enough privacy between tables.Food: since we haven’t already tried their famous hainan chicken rice, this time we opt for other various dishes. We got the steamed fish which was very tender and lots of flavors. Very juicy inside and cooked perfectly. We also got their famous shrimp toasts, wonderful side dishes with lots of meat and black truffle sauce nice. We also had their version of oyste

想食米芝蓮，唔一定食貴野，早前食過新加坡米芝蓮天天海南雞，價錢同食物都吸引。今次黎到沙田分店。叫左個二人餐，有七五折，500蚊都唔曬，性價比高。海南沙律以木盤盛載，有無花果，草莓🍓和紅心石榴，賣相靚。無花果清甜，紅心石榴甜甜的。鳳梨凉瓜干貝燉龍骨湯入秋老火湯，滋潤之選，足料。天天海南雞份量多，已去骨，皮薄，皮下🈶層油脂，肉質嫩滑。食客可以選正宗海南雞，不過天天海南雞無骨，所以就選天天海南雞。黑松露墨魚蝦多士黑松露香味撲鼻，多士蘇脆可口。系呢度食到有驚喜呢！參巴辣椒炒通菜份量足，香辣不油膩，有鑊氣十足。雞油飯粒粒飯微帶雞肉香，香而不油膩。整體而言，食物味道，款式都滿足，套餐價錢吸引，值得舌尖再遊！

来到沙田行街，見到間鋪裝修比較靚，好乾淨甘，就入來食飯。今日特別想食燒雞，所以點了個「天天燒雞」。燒雞皮爽肉滑，雞皮脆爽不肥，有配黑豉油、薑蓉及辣醬，辣汁辣味重，爽口不膩。雞件底下有青瓜作配菜，醒胃解膩。配上雞油飯，米飯粒粒分明，香口好吃，調味恰到好處。酸菜石斑辣味正好，石斑魚片好嫩滑，夠厚有口感，魚片融合佐香濃花椒和酸菜味，湯底酸辣美味。以前都鍾意食肉骨茶，胡椒味同藥材味唔會太重，所以唔會食唔到排骨的肉香味，排骨好大塊，肉質亦都非常軟稔。煲湯仲配有腐竹和豆扑，湯的味道真係超級濃郁。仲有配紅辣椒圈、酸菜、黑豉油。朋友仔都非常喜歡，所以成煲俾我哋食晒。最後點了個桂花糕甜品，桂花糕入口不太甜，軟度適中， 糕表面有不少桂花，但吃起來也沒有渣，吃了幾件都不覺膩。覺得唔夠甜的仲可以加桂花醬，桂花香味double，超級幸福！

天天海南雞飯 (新城市廣場) (沙田)新加坡米芝蓮二人餐$499海南沙律🥗無花果、番石榴、士多啤梨、酸梅子粉好fresh😋😋有好多水果❤️❤️好甜好好食，加埋酸梅子粉味道一流⭐️⭐️黑松露墨魚蝦多士墨魚蝦多士上面放咗黑松露醬，味道好夾，黑松露醬濃郁🤩🤩仲有墨魚蝦多士炸到好香脆，仲有啖啖墨魚🦑鳳梨涼瓜干貝燉龍骨燉湯好足料，有好多排骨仲有涼瓜，味道好鮮甜😙😙天天海南雞海南雞肉質鮮嫩，入口即溶， 十分推介，必食❤️❤️仲有幾款醬汁，味道都好好食🍗🍗參巴辣椒炒通菜通菜加咗少少辣椒，好惹味😋😋食多啲蔬菜人都健康啲🥬🥬雞油飯雞油飯係用原煲上碟，好有特色，飯再撈左雞油，鮮味十足👍👍恐龍美祿🥂🍹最愛飲美祿，恐龍美祿上面仲有好多美祿粉，好正，一定要飲😊😊餐廳環境：餐廳環境舒適，有梳化位，好岩同朋友一邊傾偈一邊食晚餐😍😍地址：沙田沙田正街18號新城市廣場三期 3樓329及363號舖整體評分：5/5味道：5/5環境：5/5抵食：5/5

呢間印象中開左一段時間，不過都未食過。黎到就試佢招牌啦! 叫左個天天海南雞，仲叫左個雞油飯。海南雞好滑，無骨，份量都幾多，側邊係配有3款醬，有 新加坡黑醬油、辣椒醬同埋薑蓉，個人比較鐘意中間個辣椒醬，唔算好辣，但幾惹味。雞油飯好好食，真係每粒飯都有味，但又唔會太油。黑松露墨魚蝦多士咬落去個下已經好重黑松露味，炸到好酥脆，好好食，面仲有D沙律醬，木魚碎等等，口感就更加豐富了。本身以為泡菜大蠔餅係似大排檔個種，但原來唔係，個泡菜唔似平時韓國泡菜咁辣，酸味比較重，所以唔太食得辣都OK。個蠔餅仲炸得好靚仔，超級脆，蠔既量都好多，每夾一下都一定食到蠔，而且好好送飯。豆花恐龍美祿比一般飲到既冇咁甜，可能因為有豆花底，所以都幾鐘意。

天天海南雞飯 沙田沙田正街18號新城市廣場三期 3樓329及363號舖————————————————藍色格調 呢隻藍色睇落舒服裏面空間感大 闊落 又有特色嘅瓷磚新城市廣場翻身之後嘅呢個區域多咗嘢行又多咗嘢食喺正中央位置嘅天天海南雞飯成功吸引到我嘅眼球同朋友入去食個gathering飯榴蓮大蝦鳳梨炒飯——鳳梨乾 榴槤味嘅炒飯——連蝦肉都有榴槤味 的確幾有特色幾得意😎桂花糕——桂花蜜糖配桂花糕——甜入心 食落去都飽飽地海鮮喇沙水晶粉——海鮮喇沙 少少微辣——魷魚鮮蝦青口係齊到超級水果茶——非常之大杯🙈 健康之選水果茶 椰香卡布諾(熱）——椰子香味咖啡 係新加坡與西方嘅Crossover酸菜石斑——啖啖石斑肉配上開胃酸菜.可以準備定碗白飯🫶🏻

沙田成日行過一田上面都見到有間舖頭有句slogan好搞笑，‘’雞肉太滑請用力夾緊‘’，而且仲係米芝蓮認證，成日都諗究竟d雞會滑成點，咁啱同媽咪行過佢話想食海南雞飯，咁就一於入去會會佢先得。餐廳裝修好舒適，而且一坐底就有一壼茶預備左係到，茶味好濃，比一般酒樓更出色，令我們更期待之後嘅菜式😆新加坡米芝蓮二人套餐 $499見到佢哋而家有個二人餐做緊promo減到$499，有齊前菜，小食燉湯，海南雞，蔬菜，油飯同飲品，見有最想食嘅海南雞同雞油飯，諗都唔使諗就嗌左佢。😆前菜：蝦皮素肉鬆涷豆腐天氣咁熱當然要叫個涷豆腐前菜降降溫，一尊涷豆腐放左係個好靚嘅圓盤中間，加埋d醬汁同埋裝飾，真係成件藝術品咁，真不愧為米芝蓮餐廳，豆腐冰涷而且入口順滑，加埋素肉鬆同蝦皮一齊食，增加左唔少食趣，另外少少辣嘅醬汁都好配合尊豆腐，整體配合幾出色，夏天食呢個菜一流！🤗小食：黑松露墨魚蝦多士媽咪專登點左呢個蝦多士，話以前好多地方都有呢樣野，不過愈來愈少地方有，所以見到呢到有即刻嗌黎食，媽咪話以前蝦多士係多士中間放入蝦膠，呢到改左放墨魚膠，再放原隻蝦落去一齊炸，再係上面淋上黑松露醬，食落味道好多層次，香濃嘅黑松露醬絕對冇

一直都心思思想試天天海南雞，今次終於行動，去左沙田間分店因為乜都想試，唔知點揀好，所以最後決定叫個二人餐，由前菜到主食都有，仲有埋飲品，$499，好抵未上菜前，先試下佢啲茶。我覺得啲茶都夠濃，唔會係平時淡某某，誠意十足天天海南雞主角天天海南雞，不愧係拎過米芝蓮，雞肉不肥膩，肉質鮮嫩，雞皮滑口，配搭三款醬汁，值得一讚係薑蓉入面有青檸汁，感覺清新。二人餐仲配一小煲雞油飯，飯粒分明，油香味重，必食之選蝦皮素肉鬆凍豆腐老公好中意呢個餸，醬汁有少少辣，加上蝦皮，非常送飯斑斕汁椰香鱈魚我好推介呢個菜，因為好特別。鱈魚炸漿薄，非常鬆脆。最特別係個醬汁，顏色好特別，非常綠，估唔到咁好味，椰香味好香，食落口會有淡淡斑斕味参巴辣椒炒通菜炒通菜發揮正常，少少辣好刺激酸柑桔蜜(熱)&年代奶茶(凍)我推介奶茶，茶膽特別香老公推介柑桔蜜，佢話酸酸甜甜好夠味道

今次嚟到沙田識飲識食，梗係要揀一間特別小小嘅餐廳啦，呢間係新加坡餐廳，出名海南雞，每次行過都會見到嘅好多人排隊，所以吸引咗我黎試！好彩我晚飯時間早咗少少嚟，都唔駛等好耐就有位啦，呢度環境都幾闊落，幾舒服！呢度仲有一壺茶俾大家飲，茶味好特別，好少喺坊間可以飲到！真係推介推介！之後我地叫咗新加坡米芝蓮二人套餐，其中有招牌海南雞飯，伴碟都幾精美，呢個二人餐都幾抵食，因為有好多前菜，包括斑斕汁夜香鰻魚，海南沙律，食落真係幾開胃幾好食！仲有燉湯俾我哋飲添，係涼瓜乾貝燉龍骨，好特別，好甜嘅湯水！仲有辣椒炒通菜，幾惹味，爽口好食！最後我哋仲叫咗兩杯嘢飲，熱嘅滋潤薏米水同埋竹蔗茅根馬蹄薏米水！幾清甜幾好飲！總括來講都幾好食！下次一定要再食其他嘢！