天天海南雞飯 (新城市廣場三期)

营业中

休息中

今日同同事喺沙田呢邊收工，就一齊約去呢附近食飯，咁就搵咗呢一間天天海南雞試吓，座位好闊落坐得幾舒服。我哋就試咗佢嘅招牌之一天天燒雞，佢嘅份量比想像中多，而且佢啲雞都真係好滑，啲雞皮就好脆，配搭埋啲醬汁簡直係一流。同埋記得帶返個雞油飯咁就配返啲雞一齊食！另外我哋都叫咗呢一個九層塔炒小黃牛，佢啲牛肉嘅份量都唔少，而且件件都好滑，食落好救鑊氣，少少辣幾過癮！最後一個係呢個參巴辣炒通菜，咁呢一個就不過不失啦，佢嘅風味就似平時喺泰國餐廳食到嘅通菜一樣，都可以一試！其實呢一間在好多招牌菜都可以試，佢都算係米芝蓮餐廳推介之一嘅鋪頭，鐘意食雞嘅朋友絕對要嚟一試