天天海南雞飯 (新城市廣場三期)

营业中

休息中

新加坡熟食市場既天天海南雞飯係去新加坡必食既午餐，過江龍開到黎香港之後而家先有機會第一次試吓。裝修同新加坡完全唔一樣，香港店豪華好多，感覺好似由古代發展過黎現代既老店咁。我哋揀咗新加坡米芝蓮二人餐，包左個沙律、一個小食、燉湯、海南雞、油飯、雜菜煲、仲有兩杯50年代飲品。🥗海南沙律主要係蕃石榴上面加左好多梅子粉，食落酸酸甜甜咁好開胃，記得台中南投果邊都好興咁食架。🐟班蘭汁椰香鱈魚炸到金黃既鱈魚柳，每一嚿都係一口size，另外餐廳附上一兜班蘭椰汁俾我地點，咁樣既食法甜甜鹹鹹，有啲似甜品，忍唔住一舊接一舊。🍲鳳梨涼瓜干貝燉龍骨龍骨即係豬骨，飲落係冇菠蘿味既，但成個湯都好甘甜，亦都冇涼瓜嘅苦，呢個湯好好飲，應該係下火嘅湯。🐔天天海南雞職員話天天海南雞啲肉會比正宗海南雞嫩，份量兩個人食都夠晒。🥬海南雜菜煲其實係粉絲什菜煲，入邊仲有好多菇類同埋好似有幾片鴨腎。🍚小煲雞油飯都幾大煲，兩個人食食唔晒🥤金牌咖啡 滋潤薏米水另外餐廳免費提供嘅茶係earl grey 黎架😍講真仲好飲過餐飲 添左好多杯咁多樣野加埋499食個晚市中菜算係幾唔錯，仲有得免費泊車添

今日去左沙田行街街，經過見到天天海南雞，就入左去食返個海南雞飯喇~天天海南雞係沙田新城市３期個邊，係正一田樓上，行完街過去好就腳~我地兩個人叫左個中份天天海南雞，雞油飯，參巴辣椒炒通菜，火焰椰子冬蔭公湯同埋泡菜大蠔餅~天天海南雞份量都好大，起晒骨，肉質嫩滑，配埋薑蓉、甜豉油、辣醬。各有風味同特色~雞油飯當然係海南雞既絕配~雞油飯粒粒分明，滲出淡淡雞油香味參巴辣椒炒通菜炒通菜爽口惹味，參巴醬帶微辣，比平時食飛天通菜別有一番風味火焰椰子冬蔭公湯椰子冬蔭公湯用椰子盛載住冬蔭公湯，裡頭亦十分足料，好好味泡菜大蠔餅煎到十分香脆可口既蠔餅，蠔肉大大粒，十分鮮甜，加埋泡菜估唔到咁夾！好正！食到捧住個肚走！

忍吾住要打返個食評自問我地吾係嘴刁既人對海南雞冇乜特別要求剛去完新加坡 喺果邊平平地一個海南雞飯都好好食公平啲 同番香港既比 出面$3X既海南雞飯都好食過佢 但佢賣緊係咁既價錢：天天海南雞$169細份/$279大份正宗海南雞$199大份自然會有少少expectation 不過都只係少少🤏🏻點知得到無限大既失望我地淨係叫左個二人餐可揀正宗/天天海南雞我地揀既係貴啲既天天海南雞最後$57X埋單諗住呢間餐廳啲野食都吾平以為服務會好啲但大家樂既服務都好過佢隻雞冇雞味不特止真心鞋到呀媽都吾認得我同朋友簡直呆左冇諗過可以咁差應該係我地喺香港食過最差既海南雞我地比佢既好評同名氣呃左仲話米芝蓮得過獎😅舊年有篇食評話係世紀騙案我都有同感吾明白點解間野會有排山倒海既好評「雞肉太滑請大力夾緊」？應該改為「雞肉太鞋請大力咬開」吾好叫hainanese chicken叫grandma chicken啦～我呀嫲啲肉仲滑過佢啲雞除左隻海南雞個油飯OK 個炒通菜都好食個湯好味但太咸了另外個豆腐冷盤同個炸銀鱈魚都幾差下真心吾值呢個價錢如果得個飯同菜好食真心吾需要比咁貴來食佢服務方面上菜係茶餐廳質素bing ling b

適逢一田減價日，掃完貨就直接上黎食埋晚餐佢地而家做好多唔同既promote有幾款唔同既二人套餐選擇困難症既我地揀左新加坡米芝蓮二人餐～海南沙律有無花果，士多啤梨同番石榴，酸酸甜甜，再配上南薑粉，好開胃斑孄汁椰香鱈魚鱈魚炸到香脆可口，加上斑斕混合椰香的汁估唔到又幾特別鳳梨涼瓜干貝燉龍骨一人一碗燉湯，清甜又滋潤，非常足料海南雜菜煲用蠟燭點住火，keep住熱入面有不同種類的蔬菜，湯底味道也一流健康之選天天海南雞雞肉皮薄肉滑，沒有太多肥膏，食落清爽雞肉較為結實，有嚼口，雞味濃再配上黑醬油，薑蓉同辣醬，更為滋味食海南雞當然要配雞油飯，雖然寫1-2人份量但3個人都夠食，飯用木蓋蓋著，飯粒香噴噴充滿油香最後仲有兩杯地道飲品，好抵食

心血來潮想食海南雞飯，就試間過江龍叫左個二人套餐，上菜好快唔洗5分鐘已黎左幾碟鳳梨涼瓜干貝燉龍骨湯湯夠清甜夠火喉蝦皮素肉鬆凍豆腐擺盤好靚，個汁較得幾好，唔會太鹹，都有櫻花蝦既香味黑松露墨魚蝦多士咬一口墨魚蝦膠煎得幾香連埋黑松露多士一齊食係幾夾個香味海南雜菜煲湯甜菜類都夠淋同入味，呢煲絕對滿足到鍾意食菜既人至於最重要既海南雞，揀左天天海南雞，雞好諧口，又冇味，好失望講真，作為海南雞專門店最重要就係海南雞，但水準係好麻麻，咁我做咩要黎海南雞專門店食至於個煲仔雞油飯，香氣唔太聞到，飯又好硬，都幾油，我食左幾啖飯已經好un胃，食埋呢餐我個肚都唔舒服左幾個鐘，返到屋企嘔同痾左幾次應該係我腸胃弱受唔到雞油同咁硬既飯(另一個朋友係冇事）呢間小菜好食，但海南雞好失色如你對海南雞冇要求係可以一試

聽朋友介紹沙田有間海南雞好好食，咁岩女朋友又係海南雞愛好者，緊係要帶佢黎一試未到7點已經好多人排隊，好彩我地咁岩有位，唔洗等好耐一坐低就有茶上，淨係個茶壺好靚最抵食緊要叫套餐，我地叫左個2人餐，好多野食湯勁之足料，入口好甘香，飲得出係花左好耐時間煲令啲食材味出晒黎凍豆腐上面加左好多肉鬆蝦乾，好有咬口，加埋啲蔥花豉油好夠味蝦多士，有黑松露醬係上面，好香，炸得又夠脆，入面又大大舊蝦滑，大大淡好滋味雜菜煲好大份，亦好足料，個湯好清甜唔會太濃，女朋友差啲想成煲啲湯都飲晒油雞飯，呢個已經係叫細份，但都夠裝到4-5飯碗，真係食飯都食到飽個雞好乾身唔會痴埋一舊舊，飯粒分明，食落好香雞油味，但又唔會覺得好油膩，落得岩岩好，係我食過最好食既飯無論味道定質感都無得彈天天海南雞，件件都勁嫩滑，一啲都唔鞋，配上佢個秘製辣醬酸甜得黎帶點辣，食得好過癮

天天海南雞最近推出左個$499嘅二人套餐，除左有主打嘅無骨海南雞外，仲有兩碗花膠蛇羮、雞油飯、雜菜煲、兩枝養生飲品。與四季芬芳crossover合作推出嘅花膠太史蛇羮有滿滿嘅蛇肉，仲有雞絲、花膠、木耳、蔥絲等料，飽滿滋味，絕對係冬日暖笠笠之選。質感較稠，味道鮮味，仲可加入香草及脆片，味道更為豐富。招牌菜天天無骨海南雞係必點之選，幼滑嘅雞肉配上香濃雞油，上菜時溫度微暖，口感一流，搭配三色醬汁，完美呈現新加坡風味。雞油飯絕對係驚喜之作，飯比雞更香，飯粒顆顆分明，香而不膩，戒澱粉都忍唔住食兩碗。雜菜煲含多款時蔬，上湯清甜，唔會太淡口。豆腐花非常奶滑，豆香濃郁，味道甜美，幾好食。跟餐價值$26嘅桃膠桂花雪梨茶都幾好飲，內含大量桃膠，口味微甜不膩，戒糖都唔怕飲！

◦•●◉✿✿◉●•◦ 👵🏻作為海南雞飯既粉絲 每次見到餐廳有海南雞飯都忍唔住想試😆呢間新加坡過江龍主打海南雞飯 👵🏻食左幾次都覺得幾好👍🏻介紹一下先～ 🤍天天海南雞 (中份) 👵🏻覺得海南雞最緊要夠滑，唔可以凍哂，同埋醬汁要惹味😌 呢份海南雞都做到～雖然價錢略貴但係岩👵🏻👴🏻口味! 🤍雞油飯飯亦都係海南雞既重點😆呢個雞油飯一定要點油份唔多 唔會食到覺得好油食食下就唔想食 飯既濕度都控制得好好 唔會太硬或者太軟木桶會有保溫作用愈食愈想食🤪🤍豆花恐龍美祿朋友之前介紹天天既豆花試過一次之後就返唔到轉頭 好滑而且唔甜加埋落恐龍美祿到好好飲🥰⁡😋: 𝟟.𝟝/𝟙𝟘

天天海南雞飯午市就食得多，晚市都係第一次食，都幾有質素。沙田店面係深藍色設計，顏色燈光和諧，位置都幾好坐。 今次嗌左個二人套餐（$499），餸菜基本上都係店鋪招牌菜，唔使自己諗啱曬我呢d懶人😝。 ❤海南沙律好清新開胃嘅一道前菜，有無花果、士多啤梨同番石榴，賣相靚之餘又好健康🥰 。❤黑松露墨魚蝦多士多士酥脆唔油膩，黑松露味道突出，入面蝦肉同墨魚兩層餡料彈牙味道新鮮，充滿膠質感👍。 ❤鳳梨涼瓜乾貝燉龍骨呢盅湯燉得好有火候，非常之鮮甜，入面有唔少豬肉同涼瓜，好足料同好入味。 ❤正宗海南雞正宗海南雞同之前食嘅天天海南雞有少少唔一樣，雞肉係比較有咬口嘅，但雞皮都一樣咁嫩滑。配上秘製辣醬、薑蔥蓉同黑醬油，係獨一無二嘅味道😋。 ❤雞油飯雞油飯簡直係呢間鋪嘅靈魂，一開煲就聞到濃郁嘅油香味，雞油飯粒粒分明，最中意係將沾上薑蔥同甜醬油嘅海南雞撈埋飯一齊食，令人食慾大增🤩。 ❤參巴辣椒炒通菜通菜炒得好有鑊氣😲，微辣口味，咬落有爽脆感。 ❤金牌咖啡見到呢款係招牌飲品，一定要試一試，係用煉奶沖嘅咖啡，炭香同奶香味並存☕。 ❤酸柑桔蜜酸酸咪咪咁，又有柑桔本身嘅果糖甜味，係開胃順口嘅一款熱飲。

正宗海南雞 $199雞件，靚仔、無瘀血！玻璃芡令每件雞充滿光澤感！望落已經夠晒吸引！🤤海南雞，好食！雞味濃！肉質好軟，極腍滑！似入口即溶的口感！估唔到雞肉都可以做到如此十分軟、腍、滑、易化的口感！！連雞胸肉都好軟腍！而雞皮，口感軟滑到似Jelly！金香雞油脆米叉燒 $89金香雞油脆米，香口！單吃都好食！將脆米沾滿味道甜甜的叉燒醬，似食緊香甜焦糖爆谷一樣！叉燒，厚切大件，唔嚡唔老，配埋濃甜叉燒醬，好食！啖啖肉的叉燒沾上香口的雞油脆米，增添口感！清爽紅蟄頭 $79比較少餐廳供應原片紅蟄頭～紅蟄頭，好爽脆！入晒味！醬汁味道甜甜酸酸又帶微麻，有陣陣花椒油香味！好食！十分清新開胃！ J特別喜歡！斑斕汁椰香鱈魚 $99鬆脆炸漿、魚肉入口軟嫩，似平時食酥炸九肚魚的外脆內軟口感！而且所用的鱈魚肉，有驚喜！每件都有好濃郁魚味，又唔腥！K特別喜歡不蘸汁、食炸鱈魚的原味魚香！😋而J就喜歡將炸鱈魚蘸上又香又濃郁的斑斕椰汁！豆花金牌咖啡 $32大杯！咖啡濃甘原味豆花 $19/份有豆味又極濃奶香味！好食！_______________天天海南雞飯 (新城市廣場) (沙田)沙田沙田正街18號新城市廣場三期 3樓32

好耐冇食海南雞飯啦，但又要揀一間好食嘅，都唔係咁隨便，今次嚟到新城市，梗係黎最出名嘅天天海南雞啦，因為次次見佢都係大排長龍，好多人食。以地方都真係幾寬敞，有好多卡位！坐得好舒服！我哋叫咗正宗嘅海南雞飯，例牌都幾大碟，兩個人share剛剛好！佢有三隻醬汁可以俾我哋點，有辣汁泰式醬汁同埋普通豉油汁，令海南雞嘅味道昇華。我哋叫咗碟通菜，份量都幾多，炒通菜唔算好鹹，味道剛剛好！之後我哋仲叫咗個冬陰功湯，雖然係一人份量，但係佢啲海鮮都好多好粥了，如果可以大碗啲嘅更加好，呢個冬陰功放多料！好好味！之後我哋仲嗌咗碟串燒，有豬牛雞，細細串好好食！仲有醬汁可以點！唔錯唔錯！呢度嘅環境都真係幾唔錯，坐得好舒服，座位好闊落，唔會同其他食客坐得好近！而這個位置方便，食完嘢已經可以落去一田行街！

💛新加坡米芝蓮推介 · 天天海南雞飯 (沙田)之前食過幾次，食物一直保持不錯的質素。發現佢Menu更新咗💁🏻‍♀️今次同友人一齊叫咗佢嘅二人餐試吓。📋新加坡米芝蓮二人套餐 $49◼️ 蝦皮素肉鬆凍豆腐 -餐前開胃菜，軟滑的豆腐配上微鹹辣嘅特製醬汁，五味俱全👍🏻再配上蝦米增加口感同香味😍◻️黑松露墨魚蝦多士 -上枱已經聞到陣陣松露香味～多士厚切分成四份，入口鬆脆，墨魚蝦肉也很彈牙👍🏻👍🏻◼️鳳梨涼瓜乾貝燉龍骨(兩碗) -用鳳梨的甜味中和了涼瓜的苦澀味，令湯味道很清甜。每碗湯裏都有三、四塊排骨，很足料。◻️天天海南雞 🌟推介🌟 -新加坡米芝蓮推介❣️每次去必要海南雞🙌🏻雞肉份外嫩滑，雞肉味道濃郁旦已經去骨，方便享用👍🏻另外三色醬用上新加坡出品的黑醬油、自家製薑蓉及辣椒醬。◼️密巴辣椒炒通菜-通菜爽口，加鹹魚茸等提升味道，更加惹味。◻️雞油飯(1-2人）-油飯，油而不膩，香噴噴，份量多👍🏻完全夠兩個人食。◼️包兩杯飲品🔸恐龍美祿(凍）🔸滋潤薏水(凍）💘 因海南雞出名嫩滑可口，餐廳其他菜式也很不錯，之前食過佢個蠔餅好出色，可惜而家更新咗Menu冇咗🥹設有二人餐、四人餐、不同的飯餐及單點去骨海南雞，選擇豐富👍🏻

就朋友下班，於是選中間點，沙田!最近成日西餐冇咩新意，於是想食下小菜，見二人套餐$499咁多餸，入去試下。海南沙律酸酸甜甜的生果，再跟話梅粉，作為前菜十分開胃呀!無花果很清甜又健康，士多啤梨又新鮮。黑松露墨魚蝦多士外層脆皮鬆化，多士不油膩內層軟底部是墨魚滑，食到粒粒墨魚肉，好味!鳳梨涼瓜干貝燉龍骨 X2好濃既湯，飲落好舒服，感覺無味精，一盅湯見哂所有材料，很足料。天天海南雞我地揀左無骨，貪佢啖啖肉，唔洗lur骨，雞肉很滑，有3款醬汁給你蘸，有薑蓉、醬油、辣醬而且有青瓜片伴碟，清爽!海南雜菜煲熱辣辣成個煲上，多花款，有木耳、小棠菜、娃娃菜、秀珍菇，蔬菜本身都新鮮，都不需要的煮法，食左咁多肉，食返多d菜，減去肥膩感。雞油飯 小煲好好味呀，粒粒分明，而且唔好俾個油字扼，食落去一點都不油，反正好香，很有咬感。50年代系列飲品 X2我點了奶茶，茶香奶滑，港式奶茶，唔錯!朋友點了凍檸茶，茶底濃。

成日都聽朋友講「天天海南雞」好食，今日終於黎到沙田新城市廣場試下啦🤩餐廳走型格路線，位置寬敞，座位坐得好舒服👍好Chill❤️正宗海南雞拼燒雞$299黎到天天海南雞，必點一定係「雞」啦🐔，果然係必食👍我地比較貪心，想試曬海南雞同燒雞，所以就order左雙拼😄海南雞肉質鮮嫩，皮薄肉厚，配上薑蔥蓉、泰式酸辣醬汁、甜醬油，提升雞嘅味道，尤其係酸辣汁，會令到更加惹味👍燒雞同樣鮮嫩，外皮燒得十分香脆，夠曬香口😍😍班蘭汁椰香鱈魚 $99一口一件size，魚質口感好滑，炸過之後更加外脆內軟，加上香濃椰奶覺得好match好夾，唔會太油膩😆超級水果茶 $38我睇OpenRice 好多人推薦必點呢杯水果茶🥰所以一定要返一杯黎試下🤩黎到後發現好大杯！入面有青蘋果、蘋果、橙、百香果籽，望望下應該真係有1公升😆好解渴，味道好fresh😍應該可以兩個人一齊飲🤣石榴紫背天葵山楂蜜（凍） $22四季養生系列😍，酸酸甜甜，令人有種好開胃嘅感覺👍P.S 每人會收$10茶位費用，枱面會有一壺茶，味道香濃好飲🫖另外，原來朋友之後問番店員先知道正宗海南雞原來係有骨，如果想食冇骨就可以叫天天海南雞啦～

沙田行街最開心因為方便，不論要想買什麼，也可以找到，行累了，餓餓地，就要食嘢啦。看見雞隊長，就要試吓啦。環境都舒服，食物種類多多多，我們點了新加坡米芝蓮2人餐，真係超級豐富…… 海南沙律：朋友點選時，就係見嗰名得意，原來是有特色的沙律，用士多啤梨及無花果伴碟，以蕃石榴為主要素材，加上新鮮沙律菜，正。 小食有黑松露墨魚蝦多士：多士超大份，仲要麵包有黑松露味，又彈牙又多肉的墨魚蝦肉係中間，真係要襯熱食，超好味。 廣東人最愛飲湯，是日靚湯係鳳利涼瓜乾貝燉龍骨：海洋乾貝味仲要夠清甜，我可以飲一湯碗。天天海南雞：就最穩陣，去骨方便大家食，仲要配上惹味黑醬油，薑蓉，辣椒汁，令海南雞味道再提升。本人最愛係参巴辣椒炒通菜：惹味，小辣，明顯用大火快炒過料頭，蝦乾，再加上參巴辣椒與通菜快炒過，食到小小辣，就一定要點佢。雞油飯：超大煲，好在朋友係飯筒，不然一定要叫定食物盒帶走，因為十分好味。 飲品方面以五十年代特色飲料，我們選了酸柑桔蜜及滋潤薏水：兩款飲品也有棉滑口感，可見花心機煲過，一款甜甜酸酸，一款滋潤清新，看看你口味愛那一種。 特別報導：原來有豆腐花送，只要你去goggle 搜尋店名，加嗰星就要……呵