天天海南雞飯 (新城市廣場三期)

营业中

休息中

成日喺沙田行街行到攰，都搵一間位環境唔錯位置寬躺嘅餐廳，天天海南雞飯就係咁唔錯選擇，已經成為咗我嘅口袋餐廳。一入到去，即使兩個人都可以分配到四人枱，咁樣嗌嘢食就唔使就住就住，坐得都放鬆啲啲，戰利品又有地方放。坐得舒服食嘢先舒服。本身想嗌個二人set ，499蚊有多款主打，但係我個朋友仔好想食海鮮喇沙，變咗散叫。海鮮喇沙 有蝦，青口，魷魚🦑 食材有誠意，仲有啲豆泊吸收埋啲喇沙汁，仲有個朋友仔最鍾意食嘅粉絲喺底，超級入味。仲有必要嘅黑松露墨魚蝦多士，勁鬆脆，仲大量菜喺上面，食落冇咁油膩，減低返個邪惡感🤣最後仲叫咗天天海南雞，原來都仲有隻係文昌雞，不過今次試住半份海南雞，啲雞好滑好香，差啲想嗌埋個飯配住食。最後叫埋杯水果茶，勁大杯而且唔太甜。