天天海南雞飯 (ELEMENTS圓方)

营业中

休息中

黎自星加坡既過江龍之前食過銅鑼灣分店一直心心念念佢既海南雞前排約左朋友試埋佢尖沙咀分店環境幾舒服骨緻黑松露醬酥炸大生蠔 $69炸生蠔大大隻、漲卜卜，唔係得個樣，炸漿十分薄身，外脆內嫰。加左黑松露醬更顯蠔肉鮮甜細膩、肥美。黃金蠔烙 $99蠔餅脆卜卜，但唔會覺得好油膩，外酥內軟。蠔餅蛋味都幾香濃，仲食吃一粒粒既蠔仔，十分鮮甜！加左香蔥令口感更加豐富。喇沙海鮮小火鍋 $189喇沙湯底十分濃稠，椰香加上微辣既香氣。小火鍋十分豐富，有魚蛋、魚片、蝦、魷魚、青口、雞蛋各半隻等，仲有粉絲同埋芽菜，索哂啲湯汁，超級惹味。如果可以refill湯底就更加正🤣🤣。新加坡天天無骨海南雞 $169黎到一定要試埋招牌菜海南雞😆🐔！雞肉肉質嫩滑多汁入味，冇油膩感，伴碟有薑蒜、淮鹽同埋自家製辣醬，好滋味。

新加坡中米之蓮推薦餐廳之一，過江龍黎到香港都進駐咗一段時間，今日黎到圓方商場嘅天天一試究竟。黑松露鳳尾蝦多士係招牌之一，蝦中間再夾住墨魚滑嘅多士，再喺面頭加上黑松露醬，口感味道層次都頗為豐富🙂‍↕️迷迭香火焰黑金叉燒：店員會即席用火槍再燒香表面，炙燒味香，肉質屬半肥瘦爽淋口感，微微嘅蜜糖味亦唔怕會膩，推薦🔥黑胡椒羅氏蝦粉絲有4大隻羅氏蝦，粉絲夠乾身入味☺️酥炸椒鹽板豆腐，外脆內嫩有豆香味，主要配上特製醬汁一齊食，惟獨覺得椒鹽味可以重手啲🤔飲品選擇都算多，叫咗杯龍眼冰正常，另外可以留意返餐廳係有收茶位。

睇左openrice嘅介紹先去食嘅 見話係來自新加坡 不過個人覺得D醬汁食落去好泰式🇹🇭雞好嫩滑好好食 真係同去新加坡果陣食嘅海南雞一樣！真心有少少衝動問老細有無成隻雞可以比我買走😂餐有包免費野飲 送餐之前會比小菜（但唔知有無得續）食完印象中下午茶平過Lunch幾多下

今日放假同朋友去圓方行街食晚飯。 先前有人向我們推介有一間在圓方的餐廳，名天天海南雞飯；是新加坡過江龍嘅餐廳品牌，仲係米芝蓮中攞獎，當然要去吃啦! 它位於圓方水區1樓1050A號鋪，九龍站行出來就到。 餐廳門面夠大有氣派，招牌很顯眼。 裝璜簡約時尚，燈光柔和，加上可看到日落景色，環境高雅，座位寬敞，倍覺舒適! 餐牌內的食物選擇很多：海南雞、小食、串燒、燉湯、海鮮、特色飲品和粉麵飯等等。 🌟天天海南雞 (中份)海南雞用文昌雞，皮薄不油膩 。肉質香濃和嫩滑多汁。 去骨的雞肉真係煮得好滑，可加上特製醬汁：經典的辣椒醬、蠔油和薑蓉，可以更加突出雞肉的味道和層次感，果然是招牌菜，是必點的! 🌟班斕汁椰香鱈魚鱈魚炸得很鬆脆，入口又不油膩，肉質非常嫩滑。最正係個班斕汁，充滿椰香；帶些甜，和鱈魚球十分夾和好味道! 🌟羅勒海鮮什錦一上檯已有很香的羅勒香料味，湯汁非常濃郁，很地道。 內裏材料好豐富，有蝦、魷魚和大量配菜，青椒、粟米仔、蔥等。 食材非常配合，超正! 🌟酥炸椒鹽板豆腐板豆腐炸得超鬆脆可口，椒鹽好惹味! 最正都是個汁料，一口一件，吃到停不了! 這間餐廳食物質素很高，價錢相對唔貴，性價比高。

一個中意食雞料理既人點可以錯過依間米芝連既推介餐廳呢！😳 今日睇完戲即刻落黎試試佢😎👍天天海南雞（中份）依個招牌菜一定要點！雞肉超級滑，而皮因為帶有d 油脂，食落真係滑上加滑，一流！👍👍醬料方面個人最中意酸辣醬，酸酸地超級開胃，好食😋😋黃咖哩牛面頰肉黃咖哩好香，個汁好濃有少少辣！牛面頰係煮到仲有少少咬口既口感，吃落好正，加埋d 咖哩汁食正到爆😳 個人最中意都係佢配左好多配菜，健康度拉滿👍👍咖央炸饅頭因為唔想食太多碳水，所以無叫到油飯😂 叫左個細細地既炸饅頭。估唔到又幾好食，饅頭炸到金黃色，加上甜甜地既咖央醬，真係好滿足😎👍50年代奶茶豆花年代奶茶野飲方面叫左一杯熱奶茶一杯豆花奶茶，熱奶茶茶味好出，甜度好適中，like! 豆花就比較淡，估唔到豆花味同奶茶會甘夾，可以一試😋😋整體而言食物質素好高！一定要試海南雞🥳🥳 會再黎的👍

今日去咗圓方睇戲，睇完戲就順便食埋晚飯先返屋企，圓方商場餐廳價錢都比較貴，天天海南雞價錢比較貼地同味道唔錯嘅餐廳，所以毫無懸念咁去咗拎位今日兩個人叫左三碟野，食到飽飽都係五百蚊，以呢個地點黎計係幾抵食天天燒雞之前食其他分店食過兩次海南雞，今次試吓食燒雞，估唔到燒雞都好好味，外皮香脆，雞肉柔嫩滑，又有雞味，點埋嗰幾款醬汁，令味道更豐富同有變化海鮮炒貴刁海鮮材料新鮮同豐富，有帶子，魷魚同大蝦，貴刁上枱嗰陣熱辣辣，見到啲燈籠椒炒到有少少焦香，就知道鑊氣好足，而且每條貴刁嘅顏色都好均勻，師傅功力十足原條酸菜魚酸菜魚上枱時真係有少少嚇親，呢個價錢有原條魚真係幾抵食，酸菜魚嘅賣相好好，魚頭魚尾炸得乾身同香脆，魚塊啖啖肉又冇骨，仲有唔少配菜，例如炸枝竹同紅薯粉，調味方面比較溫和，啱晒一家大細食

環境(4分)—西九elements,位置環境都已經吾錯，服務 (3分)— 本來接待位小姐系吾錯，但其他服務員同茶餐廳差不多。— 好奇怪，一間米芝蓮高級餐廳，連 SINGAPORE 都寫錯做 SIRGAPORE.。衛生(2分)— 執檯同其他同茶餐廳差不多，搵塊布抹完就算，吾會之前噴野。— 收$10一位茶，但因為要等位，所以睇到壺茶估計系上一檯飲吾曬，放系門口張檯，不換茶包，有客就比下一台。抵食(2分)—本來價錢同分量系哩個地點都可以接受，但味道真吾得。迷迭香火焰黑金炒燒($109)1分—如果用傳統叉燒評價，哩個真系吾可以叫叉燒，似系煮好的鼓油豬腩肉，在客人面前用火熗燒幾秒，所以絕對沒有燒烤味道，肉亦吾系平時的梅頭，系一個好”鞋”痴口的腩肉。—迷迭香只是放在叉燒旁邊燒一下，所以叉燒系絕對吾會有迷迭香味，無意義。乾炒牛柳絲銀針粉($139)2分— 睇照片都知道絕對吾系牛柳絲，系好大塊的牛肉，—銀針粉太”林”痴口—太多油，比較油膩。桂花糕($49)3分—有3分主要系分量夠—桂花味好淡—米糕太“林”

之前喺沙田試過呢間天天海南雞飯記憶都幾好食嚟到圓方都再食多次亦都攞過米芝蓮餐廳嘅用具非常之精緻一坐低店員仲會即刻拎壺茶過嚟餐牌嘅選擇亦都非常之多我哋叫咗個古法肉骨茶湯嘅中藥味適中豬肋條非常之入味食完個肉骨茶之後超暖身跟住一定要叫天天海南雞拼燒雞擺盤非常之精緻無論係海南雞又抑或係燒雞都非常之嫩滑仲配有三款醬汁可以去點返再叫咗個雞油飯（細），油雞飯嘅香味配搭埋海南雞一啲都唔油膩之餘仲食極冇停口食完正餐之後，就梗係要嗌返啲甜品我哋嗌咗個桂花糕配斑斕醬冇諗過個蒸糕係咁大份桂花淡淡嘅香味，配搭埋斑斕醬甜味滿滿另外再叫咗個新加玻原味豆腐花加美綠豆腐花嘅質地偏布甸另外會有一大盒美祿粉俾你自己加落去味道亦都相當好食呢一餐真係相當之滿足

今日睇完戲喺圓方搵食～見到天天海南雞飯，之前都聽講過係幾好食見呢個鐘數唔使點排隊一於試吓佢啦：）入到去嘅座位都好闊落 餐廳係深色裝修深色嘅碗碟顯得好有貴氣😎一打開餐牌發現除咗海南雞其實都仲有好多嘢食同埋聽店員講剛剛換左新餐牌🤤 前菜➡️話梅聖女果夠晒開胃，我哋兩個人一人一粒食過唔停兩三下手腳就已經食晒。湯➡️木瓜花膠燉湯雞湯呢個湯有驚喜，濃稠度啱啱好，而且夠晒料有木瓜有花膠有竹笙，下次返嚟一定會再叫。主菜➡️天天海南雞（中份）雖然只係兩個人食，但係因為好多野都好吸引都想試，所以海南雞淨係嗌咗一份中份，另外再加多咗一個白飯（有油飯的，不過因為會叫其他小菜就白飯好送啲）。海南雞夠晒滑，醬料亦都好味，兩個人嚟講份量亦都足夠。本身想試試吓佢個黑松露醬酥炸大生蠔，可惜已經售罄，唯有叫黃金豪烙頂檔，點知一樣有驚喜。實物比起餐牌相片更加討好。夠晒脆口，蠔肉十足。出奇地，佢亦都唔係太鹹，雖然份量都幾大件，但係都係嗰句我哋兩三下手腳已經食晒。另外我哋再叫多咗個豆漿海南雜菜煲，正常發揮，用粉絲掃埋啲汁我哋全部食到乾乾淨淨。整體嚟講都幾滿意，食物有質素，餐廳環境舒服，希望下次返嚟可以食到佢個酥炸大生蠔，仲有其他湯

落錯單，叫豬手飯，黎嘅軟骨飯，白飯唔係即日煮，又硬，又唔熱，服務員行為好討厭，未開始叫嘢，睇緊，女職員過黎用手指督個餐牌，督左好多下，一D禮貌都冇，叫豬手飯，黎軟骨飯，問左佢三次，佢都話係啱…我話你睇清楚，呢個唔係豬手…跟著都冇講Sorry，仲話走去問下廚房，你返工發緊夢啊？還是你新黎？問我使唔使換，問左咁多次先問我使唔使換，我邊夠膽繼續食？個餐成$120蚊，，又貴又難食，食完之後仲要個胃唔舒服，D嘢食太硬，拉入黑名單

大家好今日到了Element圓方商場既天天海南雞飯食晚餐可能因為係米芝蓮推介店果日卜左晚上七點半客人都非常多這間店出名係海南雞飯我就點了天天海南雞(中份) 海南雞都幾滑而且有獨有既雞汁調味所以都幾鮮味仲有三款醬汁黑醬油 辣醬 同薑茸 用來點雞食可以食到三款味道我比較鐘意辣醬同薑茸另外食海南雞一定要配埋雞飯一碗本身淨係食個雞飯都有香料味同雞味用來送雞同三款醬汁食就更加好味另外我也點了蒜香西蘭花苗蒜香味都幾重同埋西蘭花苗比較嫩都係可以用來送飯既菜跟住我仲點了另一款我都幾鐘意食既新加坡福建蝦麵這個麵都幾多海鮮配料有蝦 蝦乾 蠔仔 同埋好多蔬菜個麵都有幾多黑醬油炒所以幾深色配埋各種配料一齊食都唔錯最後甜品點了豆腐花加美祿豆腐花加了美祿粉比較甜如果覺得豆腐花太清淡食呢個甜食都幾適合總括感覺這間店都係幾正宗既新加坡風味

隱約記得依度有一間天天海南雞，就決定過黎食啦～餐廳環境都幾舒服，侍應的服務都幾貼心，一見到我地冇曬茶水就立即幫我拎過一壺新的今次叫左佢一個中份的天天海南雞，雞肉好嫩滑，而且配左三種醬，有辣有唔辣，份量又夠兩個人食，岩岩好。 以前去新加坡的熟食中心食，份量會少好多，叫一個又唔夠，兩個又太多飯。而家依間就滿足到我，而且個味度真係好新加坡個d 一模一樣。我地再叫左餐牌的一個30幾蚊的油飯，其實如果唔係特別大食，依個份量夠3個人食lol如果細食的話都可以直接問店員上一碗（餐牌上冇的）我地除左海南雞之外仲叫多左個牛筋牛腩煲，牛筋同牛腩的份量都好多，而且又熱辣辣，正。 牛腩好軟腍入晒味，牛筋都係軟軟糯糯咁，就算係老人家冇咩牙都會食到。我地仲叫左個甜品，係桂花糕配斑斕醬，食口感會似白糖糕，但斑斕醬的味道都好出左黎，好有新加坡的風味。

Element這間餐廳我發現他們的菜式設計着實別具匠心!🤩首道菜式為「辣子金玉」🔥,外表看似普通炸物,但入口之後卻完全不同!粟米粒外酥內軟,辣椒粉和乾蒜粒的香氣與辣味完美結合了粟米的甜味,入口時先有一股香氣噴發,隨即而來的則是辣辣的感受,相當刺激味蕾!👌其次是「天天海南雞配石鍋油飯」👍,滑嫩無骨的雞肉沾上自家調製的海南雞醬汁,入味程度恰到好處,不會過於鹹腥,再配合彈牙有勁的油飯,真可謂是絕配!最後一道「花好月圓豆腐花」🥣則更加出乎意料!與眾不同的口感,就好似飲到冰涼的豆漿,解暑消暑之餘,仍保留著濃濃的豆香,實在是夏日消暑的不二之選!餐廳菜式設計都別具匠心,無論是味道還是外表都充滿了巧思,令每一道菜都有不同的驚喜體驗。如果你喜歡嘗試新鮮事物,我必定推薦👍

店長態度禮貌極差！！！！！！！！！！十分十分差，要我搭枱，但好泊，根本坐吾落. 要求佢掉位，話我吾早出聲!吾怪之得香港人吾留港消費啦！貼錢買難受!仲話米芝蓮，真係可笑!Extremely poor service... especially the shop manager. I don't know how this shop can be awarded by Michelin Star. Staff needs to re-training on his customer service skill.

下午2:40左右去食個late lunch。一入到店舖內，一陣霉味，應該冷氣不足加埋個絨面梳化撞出黎嘅味。叫左兩個set lunch 海南雞飯連糖心蛋…黎到見到個碟飯啲雞好似比人愉左兩件咁，其中有兩件係得塊皮，底下再加隻雞翼尖比你。食完唔知食左咩…雞皮？辣椒醬？好明顯煮房個位都無咩心機！唔好講份量，講反食物嘅味道，雞係無味，靠個辣醬去吊反個味先食得完啲飯，湯係室溫，蛋係無蛋味又得個咸字，好細隻。因為之前有聽聞佢係差，但想食海南雞又係附近就入去試試！ 食物真係差到爆！同水門雞差天共地！服務態度係預料中嘅。都唔好覺得食完會講句多謝或者Byebye咁囉…無咩心機無咩表情唔想撈嘅一班員工。食完9秒9埋單走啦！ 真係留多陣都唔想！