天天海南雞飯 (ELEMENTS圓方)

营业中

休息中

圓方入面有唔同嘅餐廳選擇，但吸引到我入座嘅就係呢間藍色為主嘅新加坡餐廳。餐廳嘅裝潢設計都幾靚，簡約得嚟又有設計感，就咁睇偏西式風格，但又有中國元素👍🏻。餐牌上有好多選擇，第一次食嘅推介海南雞同燒雞雙拼。兩款都各有千秋👍🏻。天天燒雞$169外皮燒到香脆，雞肉鮮嫩而唔膩。蒜香西蘭花$99西蘭花色澤嫩滑、軟硬適中，蒜香味出眾。黑胡椒蘿氏蝦粉絲$149蝦超大隻，味道鮮甜。黑胡椒味又濃又香，而且唔會太嗆口。小籠包$59第一次食插住小管嘅小籠包，擺盤創意十足。小籠包多汁鮮嫩，咬落去口內充斥住香濃嘅肉汁。恐龍美祿$35美祿味濃，唔鍾意甜嘅朋友都可以選擇嗌其他飲料。選擇都幾多，有茶類/養生飲品，不防一試👍🏻。