天天海南雞飯 (ELEMENTS圓方)

营业中

休息中

環境(4分)—西九elements,位置環境都已經吾錯，服務 (3分)— 本來接待位小姐系吾錯，但其他服務員同茶餐廳差不多。— 好奇怪，一間米芝蓮高級餐廳，連 SINGAPORE 都寫錯做 SIRGAPORE.。衛生(2分)— 執檯同其他同茶餐廳差不多，搵塊布抹完就算，吾會之前噴野。— 收$10一位茶，但因為要等位，所以睇到壺茶估計系上一檯飲吾曬，放系門口張檯，不換茶包，有客就比下一台。抵食(2分)—本來價錢同分量系哩個地點都可以接受，但味道真吾得。迷迭香火焰黑金炒燒($109)1分—如果用傳統叉燒評價，哩個真系吾可以叫叉燒，似系煮好的鼓油豬腩肉，在客人面前用火熗燒幾秒，所以絕對沒有燒烤味道，肉亦吾系平時的梅頭，系一個好”鞋”痴口的腩肉。—迷迭香只是放在叉燒旁邊燒一下，所以叉燒系絕對吾會有迷迭香味，無意義。乾炒牛柳絲銀針粉($139)2分— 睇照片都知道絕對吾系牛柳絲，系好大塊的牛肉，—銀針粉太”林”痴口—太多油，比較油膩。桂花糕($49)3分—有3分主要系分量夠—桂花味好淡—米糕太“林”

之前喺沙田試過呢間天天海南雞飯記憶都幾好食嚟到圓方都再食多次亦都攞過米芝蓮餐廳嘅用具非常之精緻一坐低店員仲會即刻拎壺茶過嚟餐牌嘅選擇亦都非常之多我哋叫咗個古法肉骨茶湯嘅中藥味適中豬肋條非常之入味食完個肉骨茶之後超暖身跟住一定要叫天天海南雞拼燒雞擺盤非常之精緻無論係海南雞又抑或係燒雞都非常之嫩滑仲配有三款醬汁可以去點返再叫咗個雞油飯（細），油雞飯嘅香味配搭埋海南雞一啲都唔油膩之餘仲食極冇停口食完正餐之後，就梗係要嗌返啲甜品我哋嗌咗個桂花糕配斑斕醬冇諗過個蒸糕係咁大份桂花淡淡嘅香味，配搭埋斑斕醬甜味滿滿另外再叫咗個新加玻原味豆腐花加美綠豆腐花嘅質地偏布甸另外會有一大盒美祿粉俾你自己加落去味道亦都相當好食呢一餐真係相當之滿足

今日睇完戲喺圓方搵食～見到天天海南雞飯，之前都聽講過係幾好食見呢個鐘數唔使點排隊一於試吓佢啦：）入到去嘅座位都好闊落 餐廳係深色裝修深色嘅碗碟顯得好有貴氣😎一打開餐牌發現除咗海南雞其實都仲有好多嘢食同埋聽店員講剛剛換左新餐牌🤤 前菜➡️話梅聖女果夠晒開胃，我哋兩個人一人一粒食過唔停兩三下手腳就已經食晒。湯➡️木瓜花膠燉湯雞湯呢個湯有驚喜，濃稠度啱啱好，而且夠晒料有木瓜有花膠有竹笙，下次返嚟一定會再叫。主菜➡️天天海南雞（中份）雖然只係兩個人食，但係因為好多野都好吸引都想試，所以海南雞淨係嗌咗一份中份，另外再加多咗一個白飯（有油飯的，不過因為會叫其他小菜就白飯好送啲）。海南雞夠晒滑，醬料亦都好味，兩個人嚟講份量亦都足夠。本身想試試吓佢個黑松露醬酥炸大生蠔，可惜已經售罄，唯有叫黃金豪烙頂檔，點知一樣有驚喜。實物比起餐牌相片更加討好。夠晒脆口，蠔肉十足。出奇地，佢亦都唔係太鹹，雖然份量都幾大件，但係都係嗰句我哋兩三下手腳已經食晒。另外我哋再叫多咗個豆漿海南雜菜煲，正常發揮，用粉絲掃埋啲汁我哋全部食到乾乾淨淨。整體嚟講都幾滿意，食物有質素，餐廳環境舒服，希望下次返嚟可以食到佢個酥炸大生蠔，仲有其他湯

落錯單，叫豬手飯，黎嘅軟骨飯，白飯唔係即日煮，又硬，又唔熱，服務員行為好討厭，未開始叫嘢，睇緊，女職員過黎用手指督個餐牌，督左好多下，一D禮貌都冇，叫豬手飯，黎軟骨飯，問左佢三次，佢都話係啱…我話你睇清楚，呢個唔係豬手…跟著都冇講Sorry，仲話走去問下廚房，你返工發緊夢啊？還是你新黎？問我使唔使換，問左咁多次先問我使唔使換，我邊夠膽繼續食？個餐成$120蚊，，又貴又難食，食完之後仲要個胃唔舒服，D嘢食太硬，拉入黑名單

大家好今日到了Element圓方商場既天天海南雞飯食晚餐可能因為係米芝蓮推介店果日卜左晚上七點半客人都非常多這間店出名係海南雞飯我就點了天天海南雞(中份) 海南雞都幾滑而且有獨有既雞汁調味所以都幾鮮味仲有三款醬汁黑醬油 辣醬 同薑茸 用來點雞食可以食到三款味道我比較鐘意辣醬同薑茸另外食海南雞一定要配埋雞飯一碗本身淨係食個雞飯都有香料味同雞味用來送雞同三款醬汁食就更加好味另外我也點了蒜香西蘭花苗蒜香味都幾重同埋西蘭花苗比較嫩都係可以用來送飯既菜跟住我仲點了另一款我都幾鐘意食既新加坡福建蝦麵這個麵都幾多海鮮配料有蝦 蝦乾 蠔仔 同埋好多蔬菜個麵都有幾多黑醬油炒所以幾深色配埋各種配料一齊食都唔錯最後甜品點了豆腐花加美祿豆腐花加了美祿粉比較甜如果覺得豆腐花太清淡食呢個甜食都幾適合總括感覺這間店都係幾正宗既新加坡風味

隱約記得依度有一間天天海南雞，就決定過黎食啦～餐廳環境都幾舒服，侍應的服務都幾貼心，一見到我地冇曬茶水就立即幫我拎過一壺新的今次叫左佢一個中份的天天海南雞，雞肉好嫩滑，而且配左三種醬，有辣有唔辣，份量又夠兩個人食，岩岩好。 以前去新加坡的熟食中心食，份量會少好多，叫一個又唔夠，兩個又太多飯。而家依間就滿足到我，而且個味度真係好新加坡個d 一模一樣。我地再叫左餐牌的一個30幾蚊的油飯，其實如果唔係特別大食，依個份量夠3個人食lol如果細食的話都可以直接問店員上一碗（餐牌上冇的）我地除左海南雞之外仲叫多左個牛筋牛腩煲，牛筋同牛腩的份量都好多，而且又熱辣辣，正。 牛腩好軟腍入晒味，牛筋都係軟軟糯糯咁，就算係老人家冇咩牙都會食到。我地仲叫左個甜品，係桂花糕配斑斕醬，食口感會似白糖糕，但斑斕醬的味道都好出左黎，好有新加坡的風味。

Element這間餐廳我發現他們的菜式設計着實別具匠心!🤩首道菜式為「辣子金玉」🔥,外表看似普通炸物,但入口之後卻完全不同!粟米粒外酥內軟,辣椒粉和乾蒜粒的香氣與辣味完美結合了粟米的甜味,入口時先有一股香氣噴發,隨即而來的則是辣辣的感受,相當刺激味蕾!👌其次是「天天海南雞配石鍋油飯」👍,滑嫩無骨的雞肉沾上自家調製的海南雞醬汁,入味程度恰到好處,不會過於鹹腥,再配合彈牙有勁的油飯,真可謂是絕配!最後一道「花好月圓豆腐花」🥣則更加出乎意料!與眾不同的口感,就好似飲到冰涼的豆漿,解暑消暑之餘,仍保留著濃濃的豆香,實在是夏日消暑的不二之選!餐廳菜式設計都別具匠心,無論是味道還是外表都充滿了巧思,令每一道菜都有不同的驚喜體驗。如果你喜歡嘗試新鮮事物,我必定推薦👍

店長態度禮貌極差！！！！！！！！！！十分十分差，要我搭枱，但好泊，根本坐吾落. 要求佢掉位，話我吾早出聲!吾怪之得香港人吾留港消費啦！貼錢買難受!仲話米芝蓮，真係可笑!Extremely poor service... especially the shop manager. I don't know how this shop can be awarded by Michelin Star. Staff needs to re-training on his customer service skill.

下午2:40左右去食個late lunch。一入到店舖內，一陣霉味，應該冷氣不足加埋個絨面梳化撞出黎嘅味。叫左兩個set lunch 海南雞飯連糖心蛋…黎到見到個碟飯啲雞好似比人愉左兩件咁，其中有兩件係得塊皮，底下再加隻雞翼尖比你。食完唔知食左咩…雞皮？辣椒醬？好明顯煮房個位都無咩心機！唔好講份量，講反食物嘅味道，雞係無味，靠個辣醬去吊反個味先食得完啲飯，湯係室溫，蛋係無蛋味又得個咸字，好細隻。因為之前有聽聞佢係差，但想食海南雞又係附近就入去試試！ 食物真係差到爆！同水門雞差天共地！服務態度係預料中嘅。都唔好覺得食完會講句多謝或者Byebye咁囉…無咩心機無咩表情唔想撈嘅一班員工。食完9秒9埋單走啦！ 真係留多陣都唔想！

必叫既海南雞+油飯（1~2人份）份量足夠2人😍雞肉好好食 比起新加坡仲香滑 真誠推薦感覺到海南雞的肉質更加嫩滑，而且雞肉也不會太肥 岩岩好調味是三種醬料😃薑醬不會太鹹,剛好，有明顯的薑味中間的辣醬比較有特色,微酸辣 雞油飯的香氣四溢，有新鮮薑黃味呀老街坊牛筋牛腩 牛筋同牛腩都是小火慢燉兩者都非常柔軟同多汁牛筋有入口即化的感覺，超好吃湯汁濃郁香濃，重口味一定岩食牛肉的汁配上雞油飯滿足感古法肉骨茶與馬來西亞常見的肉骨茶不同肉骨茶的湯底顏色較深，藥草味很濃而新加坡風格的肉骨茶湯底較清澈，有淡淡的辣椒味排骨軟嫩，還加了豬肚、支竹、豆卜作為配菜，湯清味美。每次想食海南雞飯 天天一定係首選環境亦舒適👍🏼

香港嘅「天天海南雞飯」其實係一個集團，齊集「天天海南雞飯」、「老街坊」、「超好面」及「五十年代」4間人氣新加坡食店於一身。今次入到嚟圓方呢間分店食晚飯，試吓佢其他唔同嘅食物。天天海南雞就必點㗎喇．仲要加返一個石窩雞油飯咁先夠正宗。餐廳保留了新加坡本店的傳統製作方法，以海南文昌鎮正宗文昌雞及白羽雞烹調，配搭薑蓉、秘製辣椒醬、新加坡進口的黑醬油之外，仲有一樽蒜醬可以點雞食。另一道五十年代咖啡蒜香豬肋骨，肋骨爽彈，蒜香入味，點埋煉奶甜甜地，真係幾好食。另外佢哋個火焰沙嗲串串都幾好食，沙嗲汁加鐵板，熱辣辣，好香好惹味。

適逢母親節，我哋一家就提早左一晚去食飯！因為有孕婦，好多野都唔食得，但今次揀咗圓方嘅天天海南雞飯，大家都好滿意！ 口淡淡嘅孕婦都食左一碗飯 👍🏻我哋四個人，今晚叫左三個餸！確實菜名唔記得，大概係燒雞，黑椒花膠同鴛鴦菜！ 《 燒雞 》唔鞋！脆皮！覺得好唔錯！覺得比之前食嘅海南雞仲好食（之前喺同店食過海南雞）《黑椒花膠》 百幾蚊一個餸，花膠數量都好好多！性價比高！黑椒味濃！喜歡黑椒嘅朋友可以一試！《鴛鴦菜花》 我哋揀咗小辣！惹味香口好送飯！我哋今日揀咗油飯，，其實最後我哋叫咗一大一小油飯，大油飯分到四碗，小油飯其實都分到三碗！味道幾好，香而不油！大家可以一試！

一直都好想試呢一間過江龍米芝蓮餐廳，而今日終於有機會試到。餐廳嘅裝潢好有特色，有一種現代工業mix中國古代嘅風格風。除咗餐廳嘅裝潢，餐具都係主打藍黑色，非常時尚有設計感。十大招牌魚籽菠蘿海鮮炒雞油飯$149雖然唔屬於十大招牌，但味道一啲都唔遜色。飛魚子同海鮮令個飯生色不少，同平時食嘅泰式菠蘿炒飯唔同，呢個飯食落有鹹香，味道更豐富更有特色。天天海南雞拼燒雞$289比起海南雞更加令人驚喜嘅係燒雞，雞皮燒到好脆而恰到好處，食落好香脆，唔會太油膩或者太乾身。另外，加青檸汁會令味道更加新鮮，非常值得一試桃膠菊花桂花雪梨茶$26味道清甜，不妨一試椰奶炸龜苓膏$49味道有少少似紅糖糍把，因為有椰奶嘅甜味，食落唔會覺得苦。口感煙煙韌韌，非常推薦👍🏻。

米芝蓮推薦新加坡餐廳，過江龍來到香港開分店，除了海南雞飯出名外，還有其他特色小菜/飲品，之前喺銅鑼灣分店食過，已經回味無窮今日經過圓方再來探訪，超級水果茶🍹$42冰凍熱情果酸酸甜甜，香橙/蘋果切片，越飲越好味令人好開胃的飲品木瓜花膠燉湯 $79奶白色湯有香濃杏仁味，材料竹笙/花膠/木瓜/白菜好好飲感覺好滋潤迷迭香火灸黑金叉燒$129服務員喺客人面前，淋上酒在迷迭香上面，再用火槍燒散發出香味，而叉燒係用五花腩燒，入口即溶好味到不得了，南洋咖哩雜菜$99大大煲黃咖喱真材實料勁香，而雜菜超級豐富多，雞油飯$59 大勁香雞油味，除了配海南雞外，食其他菜式，都是相當絕配斑蘭汁椰汁奶凍$49濃香斑蘭椰汁味香滑奶凍味道層次分明

去完Sky 100之後就剛好到晚飯時間，同朋友開始覺得肚餓，就揾下Elements有咩好食，諗起呢間餐廳黎左香港咁耐都未食過，就同朋友去食下，夜晚7點到黎到好在仲有位，一坐低店員就俾左壺熱茶我哋，茶錢$10 一位又唔算貴。睇下個Menu食物都幾多選擇😍😍😍😍天天海南雞拼燒雞$298附有青瓜及三種醬料，分別係淮鹽，甜醬油，辣醬。海南雞雞味幾濃，雞肉嫰滑，雞皮做到好爽口；而燒雞，雞皮整到好香口，又唔會覺得好肥，食多幾舊都唔覺得漏👍迷迭香火焰黑金叉燒$129呢個叉燒好有儀式感，店員會落d酒去個叉燒到，再拎住個火槍去燒，聞落有一浸浸嘅酒香味，再入口食到個半肥瘦，口感好鬆軟，配以甜甜地嘅醬汁，送飯一流。雞油飯（細）$39兩個人剛好，啲飯粒粒分明，油香味十足，份量幾多。豆花年代奶茶$35豆味香濃😍😍如果個茶味可以再濃少少會更好。苦瓜鴨屎香檸檬茶$35夏天飲呢個好清新，苦瓜味道好出，但又唔會太苦，可以一試👍兩個人食到好飽，再飲返個個熱茶覺得好舒服🥰🥰