大自然素食

营业中

休息中

一間名字不算特別的餐廳，但食物就幾特別....原來係一間新派齋鋪本人已在此店食過極多款既野，就連食物編號都大多可以背得出..^^今次我介紹自己最鍾意食既野，希望大家可以有機會試一試........1.魚香茄子豆腐煲呢道菜用黎送飯最好食...就咁樣我都可以食2碗飯2.靼茸炒有機豆笛食親飯我都一定會嗌呢個菜，因為真係唔知點解廚師可以整得咁好食..3.牛油果焗法包(可惜已經唔出了)呢個法飽簡直一流呀 !如果可以再出返就好勒 !因為真係好好味..^^註一:平時見到該店下午茶和晚市都爆晒棚，有時仲有客人晌門外等位，我相信除左食物好味之外，就係佢抵食..所以我支持你呀 !加上，個人頗欣賞侍應的服務態度，既親切又有禮，值得加分。註二:不過本人亦有個問題想知道..為何會有別間素食店的優惠咭在証此店能享有優惠，但大自然的優惠咭反不能在該店得到同樣優惠呢 ?差點令我朋友大出洋相

同學們上個星期帶左食齋既exchange student黎呢度食野,個exchange開頭點都唔信呢d係齋咁話啵~~今個星期又帶食齋既外國miss黎呢度一趟~~所以隨行試下呢度d野同學們order左好多食物,多到我都忘記了食左d乜,不過有幾想印象幾深刻,黑麥汁:傳說中無酒精的酒,我話似西梅味糖水多d吉列豬扒:我都係第一次0係素食店食吉列豬扒,同真既有90%似,個source都整得好好西檸雞:多謝佢冇將d sauce倒埋入個炸雞度,因為我好怕太多醬,anyway,個sauce整得好好,酸甜度好match,仲有陣陣新鮮檸檬味~~片皮鴨:就好似真既片皮鴨一樣伴青瓜同包,(當然冇京蔥啦)咖哩雞煲:極之敗筆之作,出晒水個sauce亦都做得好古怪蕃薯糖水: 冇薑味,100%得個甜字Anyway,對好多素菜館黎講,大自然已經整得好好食,如果唔係太picky既話,得閒黎食餐齋都係個唔錯的選擇是日老師食得好開心~~~都係搞手既功勞~~~~~

新式齋舖…黎過兩次, 食過唔同嘅野, 總括黎講, 都唔算差… 不過最衰就係無齋老味食… 粟米粥 – 唔錯, 唔似其他齋舖攞埋d 冬菇落去, 攪到有d 怪味.齋乳豬 – 最好味黎個, 個餸連埋d 包, 好香口, 有d 甜醬, 青瓜片, 包埋一齊食… 有d 食片皮鴨嘅感覺..南瓜汁焗豬扒飯 – 呢個都好味, 個汁甜甜地, 個豬扒個樣真係好似肉, 口感都似, 不過當然唔係喇. 呢個可以一試, 可惜製作雖時, 起碼要 30 分鐘. 落單時侍應會提….齋片皮鴨, 同齋乳豬類似, 不過佢係連薄餅.. 相比起齋乳豬, 呢個麻麻地…食完, 會有糖水送… 8 蚊一個茶$$唔錯, 唔錯

月頭時,我們三個契女為了和契媽補食年飯,所以由主腳點名到此家素食店用膳. 心想: 正~ 此家已是本人食過數家素食店之中最好味的一家.是晚菜餚有: 乳豬 -- 一般,,乃是炸腐皮,一定要沾醬食否則冇乜味道.沙拉骨 -- 好開胃,味道好,口感真係好像食緊好'嫩'豬肉.河塘豆腐 -- 清淡中有不會淡戌戌.豆腐又好滑.梅菜咸魚肉片煲仔飯 -- 咸魚是素肉,一d都唔咸,d飯好爽口再撈埋d梅菜,醬油一起食.正.金絲裹劍魚 -- 米粉圈素肉來炸, 入口鬆化.多食會較為膩.蛋白扒荳苗 -- 翡翠苗好清甜爽口,完全冇生食個種草青味.亁炒牛河 -- 一般,不夠香口,味道淡,河粉不夠軟身.

閒來吃吃素無book台, 六點鐘去到明明好多吉台, 都要我7點交台,不過唔洗等都好啦, 上菜都好快, 唔知係唔係因為得幾台客啦三文魚- 加左芥辣同豉油, d味仲似炒鱔- 好少鱔, 都好野味手撕雞- 完全唔掂, 樣同味都唔似, 似炸菜牛肉多d乳豬- 依個最好, 配埋d醬, 有90%似不過多人一定要book, 好少位.

三五知己在太子閒逛逛逛下去到"創興廣場"朋友話去過呢度食齋唔錯就咁決定啦嗰陣7:00p.m已經排晒隊店內坐滿食客我地等咗15分鐘就有位因為有客人訂咗位唔黎乍呢度嘅齋菜都幾好味上菜又快。價錢又經濟亦有碰見出家人仕在用餐食店內客人源源不絕進進出出相必有他的道理

假日和女友到了太子 , 途經這個商場午膳 , 連續多天假期已吃得過飽 , 今天想找清淡一點的吃 , 左逛右逛 , 終於找到這裡 , 餐廳名字吸引著我們 , 於是便身隨意動地走了進去 . 最初以為餐廳祇是長長的一個空間 , 原來裡面還有一個較大的方型空間 , 擺了四五張大檯 , 一點點自然光透過大窗滲入 , 感覺變得開陽 .因為真的不想吃太多 , 兩人祇點了清炒芥蘭和梅菜素肉片煲仔飯 , 另外店員推介了一個叫天然黑麥汁的飲料 , 喝喝試試看 .天然黑麥汁味道像是液體化了的麥芽糖 , 有汽 , 不難喝 , 但也不會想再喝 . 女友就完全不接受 , 即時另外點了 Cream Soda .芥蘭很爽口 , 不會有滿口油感覺 .最棒是梅菜素肉片煲仔飯 , 味道很好 , 梅菜不會太咸 , 有少少甜味 , 伴著白飯吃超配 !! 素肉片口咸不俗 , 有點像是咬真肉似的 , 但不明白明明是在吃素食 , 為何會發明仿肉類的吃法 , 要吃肉何不乾脆找肉吃呢 ? 所以大部份素肉片都剩了下來 , 淨梅菜伴飯已經很正 !!服務比較像街坊茶餐廳感覺 , 可以說是有親切感 , 有些時候可能會感覺有點沒禮貌 , 見仁見智

友人生日, 大家苦思合適的食肆, 但有些不會牛, 有些吃海鮮敏感, 有點怕熱氣…最後, 我拍板說那吃齋吧! 聚人和議便成同.是日連壽星女, 一行五人. 點了:剌身拼盤 : 有三文魚, 吞拿魚和鮑片. 自問孤陋寡聞, 齋剌身, 還是頭一次見到. 嘩, 賣相又幾鬼真, 仲要附上wasabi 俾你, 死未!? 前兩者口感就不似, 志在過癮. 但鮑片真係唔講得笑, 由口感, 以至味道都有九成似, 真係幾可亂真.生炒咕嚕肉 : 見過有些用合挑, 有點用面筋做排骨, 但呢度該用其他疑似肉類吧! 也說不清楚是什麼, 但質感跟咕嚕肉很相近, 像肉一樣, 炸得外脆而內裡有點軟. 酸甜汁沒有問題, 只係配料方面只有籠罩椒, 未見菠蘿芳蹤, 有點失望.鮑片豆苗 : 鮑片和之前一樣, 不贅. 但打咗獻的菜一向不是我那杯茶.鐵板鰻魚 : 用紫菜包裏著的疑似魚塊, 味道當然跟鰻魚一點也不像, 但賣相不錯. 加上少少燒汁, 幾惹味.河塘豆腐 : 其實跟平常吃到的差不多, 都係有芥蘭粒粒, 素蝦, 素帶子, 蘿蔔粒粒, 冬菇粒粒… 旦白幾滑, 清清淡淡而考刀功的一味菜式. 生炒糯米飯 : 用了素腸仔, 花生, 旦絲跟

見road show介紹得咁好.. 咁咪決定今日去試一試.. 似乎... ... 呢位"美食主持人"既"口味"都頗另類.. 雖然佢其他方面都另類.. 但估唔到連食野都... ... 唉.. 算啦.. 講下今日食乜先.. 有蜜汁燻方魚塊($28).. 係一個冷盤.. 味道唔錯.. 都值得試下.. 鮑魚雞絲翅($23).. 一定bad list佢.. 唔知佢係咪整唔切.. 完全係滾水翅.. 一d味道都無.. 金菇鮑片湯麵($36).. 味道一般.. 份量都算大.. 湯底濃過翅.. great.. 全餐最like佢d鮑片.. 最夠味.. 最想知係菇類定自製..p.s. 茶芥$8位.. 有加一..

This is NOT the first time my family has dined at Prince Edwards Gaia Veggie Shop and we even got the 90% discount card........but can't believe how bad the managements had became !!!It's meant to be a farewell dinner ....... however turned out to be a huge disappointment and I can not believe how RUDE the waitresses and managers are.I called a day before to make a 6.30 reservation, the waitress said need to return table at 8:00 I said fine. My family arrive early and got in ordered the 6 ppl m

上星期五老公早咗放工,一齊去咗食齋,叫咗個二人餐.頭盤叫咗三文魚,不講味道,剩係講賣相,已經要比一百分,賣相極似真的三文魚,驟眼睇落去真係以為係三文魚刺身,連三文魚的根及紋都做到十足十,仲係凍既,死未?當然,味道,就覺得有點不倫不類,古靈精怪.菜膽雞絲翅,湯算清,素雞絲及翅亦不少.金菇火腿絲扒有機菜苗,很大碟,菜苗很爽.荷葉飯,兩個人份量剛剛好,飯算淋,素龍蝦丸亦很好味.甜品還有綠荳沙,幾足料.

由於見到該店廣告牌,加上又已經好耐未食過素,於是入去坐低試下服務態度: 間鋪d伙記手腳真係慢左d,我企左門口一陣都無人招乎,到d伙記見到我地仲叫我地等,不過我又唔覺係d伙記少law!!!食物 : 該晚點左四個菜, 分別係1)手撕雞 2) 螺肉 3)沙拉骨 4)肉醬局意大利雲吞1) 手撕雞 : 不錯,爽口,有咬感,又唔油膩,估唔到素都可以做到咁!!!!!2) 螺肉: 有d幾煙韌,不過唔係粒粒都係咁呢,有d又軟淋淋,質素不一,個汁都比較弱,太淡而無味3) 沙拉骨: 真係唔錯,食落去重以為食緊真豬肉tim, 咬口與真肉無易,啖啖肉,同真沙拉骨有得揮 (如果唔鍾意食沙律醬就唔好叫啦,因為該菜會落好多沙律醬)4) 肉醬局意大利雲吞 : 局得唔差呀,幾大碟,不過個汁仲可以農D!!!!!甜品 : 最後送左個甜品 - 綠豆沙,呢個真係唔食都無咩所謂,無味又淡,d 綠豆又唔夠溶,好在係送者價錢 : 雖然已經有九五折,不過我本人就略嫌貴左d, 埋單成為$193

今日病病，2 號提意去食素... 但其實食素只係無肉食，佢 gei 煮法咪又係咁... 而且今日食到 gei 仲... 第一個劣評係你 la... 我o地叫o左個 2 人自選套餐，小食要o左 "迷你軟骨雲吞"，湯要o左 "金湯蟹皇翅"，再加 "紅燒豆腐枝竹煲" 同 "避風塘炒飯"，最後仲送o左碗紅荳沙。"迷你軟骨雲吞": 好脆口，但唔知點解要叫軟骨雲吞... 我只係食到有 d 菜，平時食 3 寶 d 雲吞仲好食過佢... "金湯蟹皇翅": 即係金湯即係南瓜湯，味道一般，可能我唔太好南瓜... "翅" 都有幾多... 但 d 蟹皇呢??? 食唔到呢種味 wor..."紅燒豆腐枝竹煲": 有個煲以為可以餸飯... 但... 成煲o野都無味 gei... 食唔到平時紅燒 gei 味道... 沒有煲o左種味道... 好似係就咁煮完放入個煲而已...""避風塘炒飯": 應該係指海鮮炒飯吧... 值得一讚係佢個蝦真係做得好似... 除此之外，就真係麻麻...食完，成個人仲唔舒服o左... @@... 個口入面有 d 怪味... 佢仲要加埋茶錢，成餐好貴o下... 下次都係去普通餐廳叫幾個小菜好了，

又是一大枱同事的lunch, 點菜時不停地sell野, 好煩, 雖然呢間素食店出名扮肉, 但正常成年人應該識睇餐牌啦, 請讓我們自行決定吧...客人已經少左好多喇, 再趕客就執得喇...食物如雞絲, 串燒, 雲吞等都不錯, 份量比從前少了一點, 焗飯也沒有炒底, 芝士焗南瓜很油膩, 拜託, 廚子多用心做菜, 侍應少說話多做事吧

職員係咪食肉架？定天口熱零舍躁？好差下喎，啲態度！打電話去訂位，六人枱，職員答：「畀半張圓枱你啦！」然後又話：「都係等我安排！」訂位都要搭枱，真係好想去食囉！當晚訂了位七點，六人中有人六點零去到，知客答訂左七點唔畀入，ok，佢係早左啲。之後再有第二個(係個細路女)六點半去到諗住入去先，知客開始發老脾：「都話訂左七點咯，頭先你地咪有人問左囉！」六點九又有人再去問：「訂左七點呀！」六點十，打電話去嗰個終於去到，大自然終於都放人入去喇。入到去，儘管冇半張枱，有張六人枱。但枱上放著一張寫上「留座」的紙牌.........眾人立即R頭----你地有枱點解唔畀我地入去先？早點食完早點走都得啫！座落職員即刻勁有效率，唔係過來SELL冬瓜盅就係咁過來叫你點菜.......咁好心佢地早啲放人入黎食啦！最想講知客態度勁唔得，你想做兩轉七點鐘先畀入唔係唔得，語氣好番點唔該。個人主觀地認為，係齋舖做既人應該祥和點囉！抑或早左去，問可否早點入去座都問題？