大自然素食

营业中

休息中

同朋友三個人去太子大自然素食食晚飯，大概7點3入座。食到八點左右，傳出手左邊枱嘅客不停鬧店員（當時冇特別留意內容）。等左邊班客走咗之後，啲店員就轉過頭搞我右邊枱客——不斷話人哋『由五點坐到而家，坐好耐喇』，仲要當面抱怨。其實我哋食飯中途，店員已經好快手收走啲空碟，中間仲要催我哋埋單！ 接近九點嗰陣，店員突然話『滅蟲公司就快嚟』，開始不停趕客。我哋應佢：『等滅蟲公司到咗我哋即刻走。』唔夠五分鐘，同一個店員又再過嚟催，我哋照舊咁答佢。成件事最離譜係：我朋友明明仲想飲個豆腐鍋入面啲湯，收碟個店員居然照伸手想取走個鍋，要特登叫停佢！ 整體感受：食物算OK，但班店員嘅服務態度真係令人好唔舒服。見到網上好多食評話呢間服務差，本來仲半信半疑，今次親身領教過先知誇張——食咁多年飯寫過咁多食評都未俾過負評，今次真係嬲到要寫！用盡方法趕客、瘋狂收碟，真心離譜。希望店家睇到呢篇文會正視問題啦！

25/3/25晚上六點半到大自然素食晚餐,當晚我是二人晚餐,因為我屋企人係需要食素的,所以我就揀這間店舖,店內黑色頭髮紮辮的女士,當我進入到門口他指示我坐門口的位置,但當時裏面的位置很吉,我就指示同他說我話我可唔可以坐裏面,他很大聲的說唔夠你坐㗎,（因為我身材比較肥胖,但也不至於坐不落的,我自己會因應需要我會坐在梳化裏面定係拉櫈嘅位置,但你也不能用一些歧視的眼光及說話去貶低我,我今日吃餐飯真的吃得不高興,我臨走的時候我直接走埋那個侍應和他說,請你說話放客氣點及禮貌一點他回應我知道,我再追看openrice嘅食評原來這間店舖真的很多不禮貌的對待

逢初一十五呢都會有好多人嚟呢一間大自然素食度食齋嘅，所以我哋都特登今次去咗彌敦道750號子俊中心嘅呢一間大自然食嗰度訂位，因為呢如果唔訂位嘅話呢可能要等好耐同埋都未必會有位俾到啲人即刻Walk in入去。今次我哋差唔多八個人就食咗八個菜啦，分別呢就有鮮竹粒斑腩豆腐煲，藍莓柚子田園鮮果沙律，鬆化芋頭魚，原隻鮮菠蘿咕嚕肉，蜜汁叉燒王，燒汁雜菌焗牛仔骨，豉油王雜菌炒麵，非一般芝士薄餅，咁全部菜式加埋一嘅服務費都係九百零蚊$1000有找。而野食方便其實佢都整得幾似嘅個樣，但係個味道方面始終都係用味精味素去搭救啦，所以素食呢啲嘢就真係見仁見智啦，有人喜歡有人不喜歡。我中肯d講一句就係話，素食嚟講佢都算煮得多樣化，有好多樣選擇，而且唔會食到成日味精嘅感覺！

有問無答，攞位無號碼票俾，問多次如何登記，叫我喜歡唔好入嚟食，叫曬門口一班人自律排隊，但無指示。到有位二人坐轉角位𠃊形坐，勁差到好似去咗快食粥或車仔麵。嬲到有位都唔想食，作為長素者係永遠都唔去，仲會分享俾大家知！我都係佢哋仲係得一兩間嘅時候已經有幫襯，手上有佢哋嘅VIP卡，越食就越差勁，服務態度超差勁，價錢又唔係平過人，到入去食就不停嚟個枱收嘢，食都未食完就想收，其實佢哋個老闆想點啊？！係咪諗住食素者一定要入嚟，非素食者就做生客唔諗住返轉頭呢！

之前只去過尖沙咀。想不到太子店侍應姐姐跟介紹青瓜仔炒菜，清新, 絕對冇錯，好介紹，跨啦啦之作。荷葉蒸雞好好味。必食叉燒夾餅非常好味。 合桃唔太甜好味。 幾位姐姐好好人，服務也很窩心。不久將來再會幫襯。

今次第一次過嚟太子大自然素食食素食朋友之前過嚟食過之後想試吓食天然素食所以推介我過嚟大自然素食館食素食今次食咗片皮鴨沙拉骨，蛇羹，珊瑚蚌，咕嚕肉，仲有椰青。我本身係滿心期待，因為我朋友話呢度嘅片皮鴨皮好好食🤤同肉食差唔多。但係試咗之後，我覺得有啲失望😞因為佢嘅肉色落去就好似麵筋咁樣，同真嘅片皮鴨差好遠呀！食蛇羹啦，個賣相都已經唔似蛇羹，剩係得啲冬菇，木耳嘅物體超級淡個湯底都唔得👎好食嘅就係珊瑚蚌同埋咕嚕肉沙拉骨，叫做正常返啲。

其實openrice話收1130pm何解0930pm就唔比客入？ok fine，即使係咁可唔可以答好少少？乜野叫無喇？而唔係答唔好意思收工了咁都叫人易啲接受呀！咁唔休做不如執左佢唔該

我錯, 真係我錯, 明係見到一地負評都走去食呢間野, D野一般啦,  未至於難食到嘔既重點係D伙記, 仲係一班趕收工既伙記未食完, 突然開大個冷氣, 見你仲未有意思埋單就出糖水, 再叫我地埋單 (果時8點仲有吉枱, 外面都冇人等位)朋友話想食甜品, 不情不願比個餐牌我地, 我順手叫D亞姐較細個冷氣, 佢一路行走一路講冇得較架, 唔係亞化,.........  D甜品到啦, 豆沙餅唔好食仲凍算啦, 合桃露上枱, 要出聲要比新既餐具, 仲要黑面當然, 上埋糖品又比張單黎叫我地埋單啦咩佢地唔係11點關門咩.................

今日去食，其間有職員隔離執枱，將食過碗筷杯碟及茶壼放入收集車，見到其中一個肥身型職員，叫執野同事等一等，之後在收集車取茶壼打開望一望就話呢個可以再用，隨手成壼(無倒之前剩番d茶)放回茶壼櫃，隨後有人入坐，用呢個壼倒d熱水就開茶😱😱😱唔怪之之前新開茶係暖。。。。。。。係咪間間係咁架？咁收茶錢咪好賺。。不停重用。

份量少，價錢貴，服務差…碟頭飯嘅水準，五星級酒店嘅價錢…四五嚿藥水味（草莓醬）炸牛頭菇，竟然可以收$166食物凍，半生不熟…同一碟既菇可以有軟過豆腐又可以石頭咁硬薄餅個底有污糟嘢..明明冇客有大枱，係都要俾細位嘢未食完夾緊餸嗰陣時收碟…門口一個客都冇…趕客….唔怪得冇人留港消費呢間嘢就係其中既經典。Openrice 既劣評我諗九成九都係真，因為浪費咁多時間寫夠200字，只係為咗留個劣評。可想而知呢間嘢真係幾咁令人不滿。

呢間位於太子始創中心噶大自然素食，真係好味，有時感覺真係唔似素食，已經唔係第一次來，有時還要等位，不過今日就不用，因為係過左食飯時間先來，但都係好多人，可以證明幾多素食愛好者，一來就送個涼拌雲耳，少少辣，都好爽脆，我們就點左麻醬雞絲粉皮，食落去超似真噶雞絲，配埋濃稠噶麻醬，底部還放左青瓜絲，配搭好好，第2個就係福建炒飯，用素火腿，素蝦，但食落去完全同平時噶福建炒飯無分別，炒飯都好有鍋氣，第3個就係每次都必點噶鮮竹銀杏湯浸翡翠苗，湯鮮甜，豆苗嫩，有銀杏腐竹，份量多，第4魚香肉碎焗棉花茄子，呢個都要比個讚，面還有少少芝士，裡面噶茄子是去皮手撕噶，唔會有平時噶皮，肉醬就好似平時食西餐噶肉醬，但係素豬肉，整體效果好好，第5就係生煎菜肉餃，皮脆，裡面有木耳加其它素菜，都超飽肚。整體來講素食不再咁單一啦！

細細個已經成日幫襯呢間💚而家越開越多西式素食店 間唔中食吓中菜 都唔錯😎呢到嘅食物種類超多元化 中西日式應有盡有✨.📌北京片皮鴨(跟薄餅) $106賣相真係好似片皮鴨‼️鴨肉似麵筋 不過係鹹嘅調味🧂微微炸過 外層焦脆 咬落帶韌勁🦆單食唔太似真肉 但用柔軟麼麼皮包埋青瓜同白蘿蔔絲 再淋上甜麵醬🫔都可以幾可亂真 唔錯👍🏻.📌大紅乳豬件(跟自製掛包)$126素乳豬係麵筋嚟 調味唔濃 冇鴨肉咁鹹 麵筋豆味重啲 口感出奇地似真乳豬 做到肉嘅鬆嫩 仲有啲酥香🐷如果加多層脆皮就perfect🙌🏻掛包有八件 份量十足 兩款都好鬆軟 原味似饅頭咁香甜 燕麥甜度低啲帶麥香🍞配埋爽脆青瓜同甜麵醬🥒口感豐富 輕盈又有飽腹感 推介💯.📌法式牛油果焗多士 $17/1最少兩件起嗌✌🏻多士係大片厚切法包 烘到外層超脆口 有餡地方就鬆軟濕潤🥖頂層係牛油果蓉加素芝士 軟滑creamy 鹹香十足 有啲似鹹蛋黃醬 香口惹味 但就比較油膩🥑🧀.📌鮮竹銀杏湯浸翡翠苗 $106翡翠苗好爽脆 帶獨特草青味🌱上湯味道好清 淡淡胡椒辛辣味🍲另外仲有滑嫩白果, 清甜百合同幾片鮮竹 好清新嘅菜式🌟.📌瑤柱金菇扒西蘭花 $106西蘭花勁大一

28/12號下午四點左右同家人去咗太子呢間大自然食嘢，當時去到見到門口有吉咗嘅檯，不過當時門口冇員工係度，出於禮貌都係要入去同啲員工講返聲，（我行咗入去問其中一名員工，我想食嘢可以坐係邊度，佢當時睇咗自己隻表，好似好唔想做我哋生意，我見佢猶豫咗一陣，我即刻同佢講我可以坐門口嗎？我食半個鐘都可以啦⋯⋯佢先問我幾多位，我同佢講二位，於是就坐喺門口位⋯）倆個人就叫咗三個餸，其中一碟餸裡面食到一條2-3cm長嘅疑似竹簽物體，當時諗住算啦，嗱嗱聲食飽走人⋯⋯點知開始食另外一碟叫琵琶豆腐時，開頭兩粒都算同平時差唔多，在食第三粒時覺得係食緊麵粉，在食多粒都係一樣，原來抱住唔好浪費啲心態想食晒佢，但係真的好難食⋯⋯好似食緊香口膠，幫襯咗咁多年大自然素食未試過好似太子呢間咁差⋯⋯未到五點就行去買單，個員工見我行過去就即刻幫我準備買單⋯⋯我就同個員工返應碟餸裡面根本都唔係果樣嘢，（因為本人有一個習慣就係無論去到邊間大自然都係會叫返同樣嘅嘢，本人平時食野不會挑剔）跟住個員工就重複答我「你覺得唔好食，你唔好叫啦，你下次唔好叫啦，跟住我同佢講我純粹俾的意見，然後佢同講講唔關我事架，你同幫你買單個經理講啦，當時我

明明入邊有好多位，但係要我哋坐出面窄到死咁 嘢食黎得好快，但係凍嘅跟住啲茶都係凍嘅做得越黎越差 埋完單仲要直接趕我走 坐咗一個鐘都唔夠 之前食都可以接受 但一日比一日差以後唔會再食

跟小學同學好耐無見，今次約左一齊食素。三點鐘開始下午茶，就吃下午茶啦！下午茶有半價抵食！（留意餐牌某些食物係無半價）麻煩同學先排隊攞位！坐低就可以叫野食。由於大家唔太肚餓，所以只叫了以下食物：麻醬雞絲粉皮$48：雞絲粉皮好食,份量唔小，麻醬如果多些更好。生煎菜肉餃（8隻）$48：煎餃子味道一般，底又唔係煎得好脆，也不太熱，調味又比較淡,唯一可取係夠大隻可填飽肚子之選。大自然燒味併盤$168：內有（叉燒、大腸、油雞、南乳燒骨、素鴨）。待應一拎黎真係眼前一亮，好大碟又靚。最愛素鴨，叉燒大腸，其它一般般吧！併盤好處就係乜都可以試，滿足！三個人計茶錢共$198（計法如下：$168+$48+$48+茶錢（無半價）$36共$300，加一/1係$30），食物半價$132，將食物$132+加茶錢$36+加1$30,最後$198,3人食每人60多元好抵食 服務：真係大開眼界，包括趕客唔好入座。當時未夠4點,收5點都唔想俾人入，勁！未夠4點要埋單，即係想加單就趁早啦！最過癮食左$198完全無人找贖，2元自動變貼士，妙！問都唔問未到五點立刻收晒所有未食晒的食物，咁都仲算有良心俾番杯茶你唔收可以飲下，一夠五點