大自然素食

营业中

休息中

佢呢間鋪岩岩開個時我行過佢就比左張VIP CARD我~之後食過一次晚飯兩次午餐~如果午餐食佢D餐就真係麻麻地~食過炒飯炆米~炒飯就無咩鑊氣~炆米就剩係有豉汁味~除左佢個玄米茶我自己好鍾意飲之外~整睇黎講就真係一般~岩我地呢D食肉獸清一下腸胃囉~

首先，係未講食物之前，先講下服務態度…由於見過之前的食評都話他們的態度差，所以都俾定心理準備自己架啦﹗點知…一d都唔似之前d人所講咁喎…服務很好，又有禮貎，無遇到黑面或者不理會的狀態喎﹗(或者可能係因為櫃位有個疑似老闆娘的人坐鎮啩﹗) 不過，有一個員工極度熱心，我地一坐低，menu都未拎起，佢就經已係度sell我地食這樣、食那樣，有點煩呢﹗我地點了一個二人餐，另外再散叫了刺身拼盤及網紋瓜海中寶﹗這個二人餐我們的前菜點了一個類似燻魚的食物， 雞絲翅、主菜則選擇了陳皮東坡骨 & 避風塘炒鱔皮。那個燻魚…個人不是太喜歡，所以無咩野好講﹗雞絲翅雖然稀左一點，但係口感一流，有點似食緊街邊的碗仔翅，而那些雞絲仿真度極高，好有o趙頭﹗陳皮東坡骨，看那個賣相原以為是蕃薯類食物，食落覺得似係猴頭菇個類菇菌，薰上陳皮碎，酸酸地幾得意﹗避風塘炒鱔皮，那些一條條鱔片口感好得意，但分辨唔到佢係用咩製成的﹗而整個餸都偏辣，那些乾蒜更是致辣的原頭呢﹗同樣的刺身拼盤，係cw個間賣108，這間賣88咋喎﹗奇怪﹗兩間都一樣，三文魚太假，一點都不似﹗反而鮑片同吞拿魚像真度極高呢﹗美味﹗那個推介的網紋瓜海中寶真的好美味﹗雖然

我係第1次嚟"大自然素食"我哋一行5個人嚟食晚餐叫咗鮮蝦荷葉飯,,南瓜素翅,,醬爆豬柳炒烏冬,,忌廉芝士雜菌西蘭花,,鑊仔福建炒飯,,掠拌三絲粉皮,,糖醋魚甜品係花生麥米粥雖然係素菜但係個樣同口感都好似肉本人覺得都幾好味不過個烏冬有少少辣我阿姨就覺得糖醋魚d汁太酸同埋d cheese味太濃我就覺得d枱似乎太細唔多夠位擺餸不過呢間餐廳啲服務態度好差明明訂咗5個人AT 7:00pm我哋只係早到15 MINS佢哋竟然要我哋好逼咁坐住張4人枱要我哋等下一張大枱 .\/.我地點知要等幾耐嫁佢地淨係一味話等一陣咁都算喇到落單果個人唔識repeat 番1次俾d客人知佢地點咗咩餸仲連張落單嘅紙跌咗落地下都唔知好彩佢冇上錯餸不過慢咗d要人嗺d野先嚟到埋單我地碌卡啦佢地拎咗張卡好耐先捨得拎張單嚟簽都唔知間餐廳請咁多人番嚟做乜個個都苦瓜乾咁嘅樣d客見到都唔開胃啦

唔通真係d老字號既齋菜舖至好食?!今次係第一次幫襯"大自然素食",嗌咗以下野食:1. 粟米粥 ---> 淡茂茂,冇厘味道,好似一碗熱粥水只不過倒d粟米落去咁樣...2. 南瓜素翅 ---> 食落有好勁既南瓜味,除此之外,冇乜特別...3. 鑊仔福建炒飯 ---> 個汁不夠,顯得"白飯"位很多,所以又係淡茂茂的...4. 北京填鴨 ---> 呢個唔錯,個醬汁好夠味,係個皮略嫌"un"咗少少...5. 忌廉芝士什菌西蘭花 ---> 呢個最好味,d忌廉芝士好濃郁,什菌炒得好入味,西蘭花又夠爽口,係唯一一碟我食到停唔到口的!!!**雖然話食齋啫,但d野食都唔駛淡茂茂成咁架?!**侍應基本服務冇問題,只不過係一見你食完野,就即刻埋黎收野兼立即話要上糖水(但當時並唔係太多人之餘仲有d吉位tim!!!)**不得不提既,係個糖水好難食,雖然係免費啫,但都可以整得好食d架!!!

朋友逢初一十五要食齋，咁我就聽聞始創有間素食d野唔錯就試試啦~我地叫左吉列豬扒、三文魚刺身、飽汁饅魚炒糙米飯、蕃茄香菇烏冬。烏冬先上，淨係覺得個湯底好鹹，所以蕃茄d味變成好怪，烏冬亦唔夠爽口。而吉列豬扒一上檯就令人驚訝，真係好似真豬扒呀!!!連味道都勁似，而伴碟0既沙律醬味道唔同一般沙律醬，有檸檬味架。然後到三文魚刺身，嘩嘩嘩!!!如果唔係置身齋舖，單憑外觀同口感都幾難分得清係假0既，隔離檯0既姨姨們都好奇地問好唔好食，我地一致地話真係好神奇，竟然整得咁似。最後炒飯就有d失望，雖然粒粒米都夠乾身又成碟飯都色澤均勻，但每粒飯都好硬，食左一小碗已經令棚牙好攰，剩左半碟冇食，而鰻魚就幾細粒，都冇咩口感可言，總之呢樣唔會再食第二次，食完真係好攰，哈哈~0係呢度食野有樣野幾搞笑，我地會估下其他人d野係咩黎，會評價下似唔似，就好似餘興節目咁，都幾得意，好似隔離叫左八爪魚，我就覺得做得太大個，唔係好似，不過都真係要寫個服字俾個廚師，真係好有心機去滿足齋口唔齋心0既一眾素食者啊!!!呢度d侍應姨姨都真係要多d笑容先得，定係食齋係一件好嚴肅0既事呢?

尋晚冇乜 idea 想食 d乜, 於是走左黎大自然素食試下。我地叫左個二人套餐再加一個鴛鴦炒飯二人套餐 ($148) 包括:1) 蟹皇魚翅 "根" - 個湯好味, 好香南瓜味, d 魚翅都幾像真! 唔錯!!2) 雞絲粉皮 - 唔明, 點解雞絲粉皮會冇麻醬呢?? 問佢有沒有麻醬佢就話: "我地冇架播", 然後就俾左碟辣醬我。其實都唔係我地一枱客問丫, 唔明點解可以冇囉?? 乜食齋唔可以食麻醬架咩?? 碟野冇黎味道, 真係一 d 都冇, 我都唔知佢攪竟有冇落過調味料??2) 糖醋松子魚 - 個汁幾好味, d 魚 ok 啦! 3) 砂鍋菜膽雲吞翅 - 雲吞好難食, 個皮太厚, d 雲吞浸左落 d 湯度爛晒, 雖然個湯幾好味, 但係主角雲吞就完全唔得!!另叫: 海鮮鴛鴦炒飯 ($58) - 白色幾好味, 紅色太甜, 但係男朋友勁鐘意食佢個飯! 佢話呢味飯係成晚最好味既!!送: 綠豆沙 - 好正常, 冇乜特別$148 + $58 + $16(茶錢兩位) + 10% = 224.2

Honey send email俾我話今晚去APM食飯，因為佢要去買raincoat俾布丁仔，但諗吓去MK可能有多啲choice，結果泊架車係始創中心，買完野，再去大自然素食，貪佢食飯有２小時免費泊車。星期一再加埋成9點鐘，不用等位，兩個人可以坐四人方枱，幾舒服。我哋叫咗2人＄１４８套餐：１．炸餃子（冇咩特別，不吃一定不會覺得損失）２．竹笙素魚翅（有啲素蝦、素墨魚、竹笙及素魚翅，但一啲都唔好味，得好少素翅，湯無味，要加啲辣椒醬及醋，變酸辣湯先有啲味道。３．涼瓜豆豉魚柳煲（魚柳有魚味，但獻汁太多又稠，ok啦）４．羊腩煲（上枱時有燶味，蘿蔔已經過造，所以不甜，而且煮得唔林又唔入味，只有一點生菜，獻汁用素蠔油，如果用麵醬及腐乳，再加支竹／鮮竹及幾粒馬蹄就會好好多啦）５．再加咗碟雪菜鮮竹炒米（超唔得，米粉放咗好多油半煎炸，獻汁超多同稠，但又冇味，極少鮮竹，要加大量辣椒醬先有啲味。對面枱都要求要醬油）６．送的紅豆沙（有啲糠味，完全唔甜）剛剛開張時的確好好食，但越做越差，其實之前兩次都已經差，想再俾機會佢，但一次又一次令我哋失望，睇怕都冇下次。問過大家姐，佢話個廚師冇轉過，老闆去咗銅鑼灣分店坐鎮，

復活節假期第一日, 上午要返工; 放工打給阿媽, 原來她約了姨媽姨丈食飯。他們本想去新世紀廣場吃越南菜, 但想去的店關了門。我聽聞也想來一齊吃飯, 就提議去始創中心的大自然素食; 討價還價之下難得他們沒有異議, 就此敲定。我來到時爸媽姨媽姨丈已叫了些東西在等:玄米茶–這裡的指定茶款, 我喝慣就沒所謂, 他們就覺得很新奇, 認為炒米的味道挺特別, 但姨丈就似乎不太欣賞, 覺得像燶了般。有得散買,$32/包。前菜: 辣豆角–不過不失。沙嗲螺肉($28) –是用蒟蒻造的, 形神皆似, 食落味道欠奉(是本身使然), 要靠沙嗲汁提供味道。鮑粒鰻魚糙米炒飯–甚多油, 糙米有點硬, 得咬久一點。素鰻魚的質感不很似真品, 不過好食就得啦。日式魚刺身(三文魚, 鮑片, 吞拿魚) ($88) –個樣真係似到爆口架, 唔食落去真係分唔出! 食味當然有分別啦, 不過點了wasabi 都呃得下人口架。惹味銀魚仔炒有機山蘇菜($78) –山蘇菜是台灣來的, 阿姐話成日都斷貨, 今次都係兩日前先返貨, 極力推介云云。它應是芥蘭的親戚, 甚為青綠; 銀魚不知是什麼來的但幾香口, 不過整碟都非常油, 還有價錢偏貴。黃

星期六中午，沒有午餐供應，點了醬爆豬柳炒烏冬和炸軟骨雲吞。炒烏冬的素豬柳不錯，煙煙韌韌，很有口感，不過配菜只有椰菜和彩椒絲，無論是種類和份量都略嫌不足，醬汁只有鹹味，辣味不足。炸雲吞的餡料主要有菜茸和菇粒，餡料份量足，咬下去不會散，外皮炸得酥脆，但附上的醬汁像是黑椒汁溝鎮江醋的物體，稠稠的，與雲吞不太配合，還是附上五柳醋或錦鹵汁較佳。

小妹及家人經常到此店食素. 在其開業初期已幫襯...最初無論食品及服務質素都幾好. 但,近來就越見差劣!!1) 服務態度其差千祈吾好在齋期(每月初一, 十五)去幫襯, 無論有訂位與否, 一樣等到亞媽都吾認得!! 試過有次訂左dinner 台, 情況就如有位"食家"之評語...reception小姐語氣及態度都極惡劣,於訂台時間提早40分有多到達. 佢話未到booking time, 吾會比台我!! 要我在外面等!..但有人遲來先上岸. 有些更因是熟客, 傾兩句偈就有得入?! 何謂公平?! 仲有,如果你係"男客人-青春靓仔型", 亞"小姐"會排你做1st priority架!! 有次我訂台8:30, 我7點40到齊, 佢吾肯派台比我?! 我地等左40分鐘, 到我push佢取台佢就即比我?!到我入埋去order埋送菜, 仲要食緊野, 佢先識打電話問我到左未?! 當時已近8:50, 出面已無客等位...佢先識call我?! 又吾記得我已經取台?! 呢d係咩系統?!另, 在rush hours, 叫人落order,上菜, 等refill茶及埋單, 請先有心理準備...例必無人理你..等到你發脾

其實素食都很肥的不過吃得太多肉試一下素食也不錯座位是非常的迫行也行不動餐桌之間只有5-20cm 的距離叫了一個好實惠的2人餐咖哩什菜羊腩煲+南乳吊燒雞+三絲粉皮+2盎南瓜粉絲湯+2碗紫米露+一碗白飯味道真的不錯賣相精美三絲粉皮是最好味的好彈牙的粉皮^_^南乳吊燒雞是招牌菜很吃也有咬口不錯咖哩什菜羊腩煲咖哩做得不好太水了也不夠香南瓜粉絲湯淡淡的沒有什麼味道紫米露是送的比起坊間的素食店它算少油了而且埋單會附送一張vip卡雖然只是95折但也不錯

This was my 3rd times to go this restaurant. The first impression is very good but compare with the last time, it is too bad. Their service, foods and price are totally different with before. The desert is no taste, they add too much water. Even though they didn't increase the price but the portion is smaller and smaller. I hope their purpose is let more people to enjoy "VEGETARIAN FOOD" and let the people more healthy and don't kill the animals, so don't only conern to run the business-"MON

訂咗八點半兩位食飯，八點五去到，帶位帶領我到一張四人枱坐低。我研究完餐牌決定一陣叫乜餸之後，因太太未到，所以拎部psp出嚟打發時間，當我打打吓，有個侍應同我講：『唔好意思，你介唔介意調位？』我一望佢話嗰張又迫又窄嘅對坐枱之後，當然答佢唔調啦，点知佢竟然話：『呢張四人枱嚟個喎！』我啋都冇啋佢，繼續打機。明知我訂兩位，又帶我嚟四人枱？！家吓坐低咗，又叫人換位，仲講到好似我霸咗佢張四人枱咁，真搞笑！好勒，到講啲餸勒，我哋叫咗片皮鴨，黑椒牛肉粒同清炒芥蘭。片皮鴨都幾好食，好可惜個用嚟包住啲鴨嘅薄餅真係太過份，竟然用街邊愛嚟整懷舊糖蔥餅嗰種皮，咁仲唔止，啲皮可能喺廚房一碟碟咁叠起得太耐，啲薄餅個邊係黏住咗隻碟！要用筷子扯上嚟先扯得到一片出嚟！第二味餸，黑椒牛肉粒，好似之前啲食評咁講，造型唔似牛肉，但我一啲都冇怪佢，因為睇餐牌幅圖都已經有心理準備。最後一味餸，清炒芥蘭，今次真係太太太過份！嚟到碟菜竟然係清灼芥蘭！你冇睇錯，我亦冇寫錯，係灼熟放番喺碟嗰隻，同油菜完全冇分別！！我愈食愈唔高興，最終都忍唔住要同著黑衫（較高級）侍應反映，雖然佢好客氣地點頭接納我嘅反映，但佢解釋：『因為我哋落少啲油炒...

油:以素料模仿肉類的口感及味道都做得有相當水準,但實在太多油, 比吃真正的肉類更油膩.等:訂了7點鐘, 6點35分已人齊去到, 雖然內裡有位, 但門口阿姐說訂了7點就要7點才能進去. -_-7點, 阿姐說會盡快安排位給我們, 但卻繼續安排其他顧客入內. -_-7點10分, 眼見很多比我們遲到的顧客也已獲安排入內, 我們卻要繼續呆等, 當然上前問阿姐何解(很有禮貌地).阿姐說她要跟訂枱次序做, 但我看到訂枱紙上一些比我們遲的顧客也已入內. -_-7點15分, 所有其他顧客也已入內, 唯獨我們在店外等候.如此無奈, 我只好企在阿姐面前, 微笑望著她. ^_^她只是笑說"埋緊單喇"便回頭轉過身入店內...7點20分終於入座. -_-如果我的遭遇真是此店訂位安排入座既定程序的不幸結果, 我只可說此店的安排非常"白痴"...(註: 7點15分我對阿姐微笑雖然是有點諷刺她的味道, 但我的微笑也是十分有禮貌的. 而之前我們對她更是非常有禮, 等候時亦是非常乖乖的等, 絕無可能得罪了她.)懶:我們一行四人, 坐在一張近門口的四人正方枱.我們點了約六道菜, 來了五道菜後, 枱面已放得滿滿的.當第六道菜來

我地一家大細黎呢度做節,一圍檯,點左個套餐加一些散叫...全部野,無論味道定係大小等等,都比以往幾次無咁好,唔知係因為人多,定係師傅放假,定係轉左人做,佢地連menu都唔同左...好似上次點左個糖醋魚,係似條魚咁款,今次唔同左,係一大塊一大塊厚切...無咁好味,最後吃剩都係呢味。至於個湯餃呢,塊皮就厚到死。我地要左一碟炒烏冬同埋一碟炒飯,都係好普遍,但係勝在唔油膩,夠乾身!竹笙羹唔夠味,頗淡。沙律卷又唔係幾好食,因為太多沙律醬,而且味道好寡。比較好食既只係蟹肉扒西蘭花,佢又真係做得好鬼似蟹肉...個魚其實都好似,人人食過都話以為自己食緊膠魚。呀!係有一個值得提,就係燒乳豬,無論賣相定口感,都真係似到十足十囉!真係好厲害呢!同埋呢一味,係配一件件饅頭食,打開半圓形饅頭,放一片燒乳豬入去,再放醬,夾住黎食,味道都好味,而且特喇!食完之後,大家都覺得,係就係有新意,但係唔係十分好味囉!