大自然素食

营业中

休息中

我本身係一個 vegetarian. 大大話話幫襯左大自然素食都有三年, 而且仲係佢地新開張第一個禮拜就幫襯, 所以成為左佢地既VIP. 我覺得佢地以前做得好好, 真材實料, 新派素菜, 非常吸引! 但係尋晚既經驗, 真係令我對大大大.....x N次....大大大失望, 而且仲食到火都黎!!我同屋企人一行四人食晚飯, 我地叫左二人餐, 另加福建炒飯 and 潮洲糖醋麵. 我地滿心歡喜以為可以愐懷一下, 因為潮洲糖醋麵係我地細個爸爸時常愛點的一道菜............上菜了, 惡夢既開始...二人餐的水準大不如前, 那個素翅湯, 只是一碗"傑達達"既生粉糊. 其他的餸菜不過不失. 但是最令人氣憤的就是那個 "潮洲糖醋麵", 奉上來的竟然是一個炸得乾到不能再乾的疑似生麵 or 媽咪麵的物體, 另加一碟糖和一碟醋, 除了這些, 一粒調味都沒有. 這樣一碟糖醋麵, 盛惠$42!!! 我叫那個短直髮眼鏡女經理過來問問, 得到的答案更是意想不到?!我問: 這碟就是你們的"潮洲糖醋麵"嗎? 不好意思, 我以前食的潮洲糖醋麵不是這樣的, 它應該是黃橙色的蛋麵, 而不是生麵. 而且麵是煎成一邊金黃

星期一，三人行，憑口碑，晚上到大自然素食用膳。我們約七時十五分到達；店內已充滿食客。等了一會兒，服務員說搭枱不用等，我們都沒有所謂，搭抬便搭枱了，幸好坐得還算寬鬆。我早有準備，先行看過食評，於是點了沙嗲螺肉和芋頭魚，另加一道鐵板鰻魚和金瓜焗豬扒飯。沙嗲螺肉：無論賣相和味道均是仿真度極高--連螺肉的尾部那個較黑、較幼的特徵也能模仿；而且非常爽口！芋頭魚：炸得剛剛好，甘香可口，而且份量適中。鐵板鰻魚：很香，「肉」質不像其他鋪子的鬆散，但紫菜絲可拌的均勻一點，鐵板不夠熱。金瓜焗豬扒飯：飯質適中，而且夠乾身；金瓜是南瓜(他們都吃到南瓜味，我覺得也有栗米味)，很鮮甜；豬扒不小，同樣好吃~最後還附送紅豆沙~

一早BOOK 好枱, 一行7人, 安排了坐在店裡最入的圓枱,可能因為這樣, 環境算OK, 坐的都舒服, 而且服務很好, 我們吃到10時半才離開都沒被人趕.叫了滿桌餸, 炒鱔 = 一般, 不過朋友說是用冬姑做的.北京填鴨 = 鴨很乾- - 皮就沒什麼特別, 但整體來講不好吃.翅 = 比較淡味, 不過加了點紅醋,味道算可以.雞 = 算OK.抄米粉 = 抄的比較濕身,但味道很足,很好吃.蛋白扒豆苗 = 雖然說(今天無豆苗, 用了別的代替) 但蛋白好滑, 很好味!芋頭魚 = 這個好吃! 值得再試.乳豬掛包 = 超級推介! 個包好軟熟, 配上乳豬+那個甜醬,因為個醬令味道其實跟北京填鴨有點相似, 但個人覺得這個更好吃! 而且相對的不算膩吧.壽包 = 蓮容不算太甜, 包身好軟熟, 好味.好像還點了燒肉.. 不過沒有吃, 所以不知道味道.這裡的素食味精味不算多, 有機會還想再來.東亞信用CARD 有9折

好開心，今晚終於去品嚐大自然素食果然無講錯，佢地的素食不像其他食店的食品多油，易入口得多。6時1個骨同媽咪入座，已經約有7、8檯享受美食中。由於地方較窄，坐2人位就需要侍應小姐幫忙拉拉檯才能坐下。侍應小姐服務非常周到、非常有禮。起初想點148元的套餐，但最終改變初衷點了下列食品：- 蜜汁燻方魚塊($28) 前菜冷盤，凍凍地幾得意- 松子糖醋魚 ($58) 「魚塊」炸過不油膩，非常似「魚」，加上松子汁正﹗﹗- 薑蓉有機豆苗($52) 有少少菜香，這味道自己喜愛的，但未必人人都接受到。價格都正常因為「有機」二字- 鑊仔福建炒飯($48) 非常似酒樓版的同名飯，份量充足，好味原來晚市有糖水奉送，是晚為蕃薯糖水，好滋潤但略為太甜。整體好滿意(吃完唔口乾，應該無味精)，希望可以改善糖水太甜這點啦﹗7時1個骨走時整個場都座滿食客，都幾旺﹗Welcome 2010 & 媽咪Happy Birthday﹗

今天放假，相約好友總數4人，一同到大自然吃晚飯，今晚這一餐吃得極飽..(好滿足)，因為實在點了好多食物因為朋友們從未吃過這間素食店，當然由我介紹餸菜，幸好大家都吃得津津有味，當然我亦不忘照些相片給大家分享啦 !前菜~翠肉瓜小食~(1)沙拉豬扒小食~(2)手撕雞主菜~(1)金劍魚主菜~(2)薑茸炒有機豆苗主菜~(3)鐵板燒嫚魚粒主菜~(4)乳豬掛包主菜~(5)鹽焗雞(忘記影相)飯~招牌炒飯(忘記影相)飽點~壽包半打甜品~腰果露註~今次手撕雞咸左D..所以食唔晒..其餘的都清碟了..

今天又是齋期，令我想起半個月前齋期當天因假日不想自煮便拉了他去這間近期人氣↑的店子。十二點未夠到達尚算少人，但坐下不久便開始多人，可能因店面長廊式格局→很應聲很吵！因位與位之間很迫，坐貼牆的客人職員會很快手把小檯子拉出讓客人坐入去再拉好位子，客與客之間可能只容得下個袋位，很有壓迫感！講回吃的，因位子迫所以留意到多數客人也點了套餐，一個小吃要了雞絲粉皮，很淡粉皮面像coat了層油又不像麻油的味，湯要了個素翅因怕太熱飲故待涼吃時已有少許稀的感覺，主菜叫了個濃味的咖喱給他，這個是整個套餐最好味但很少份量（一個小甜品外賣盒已能完全盛載晒），因我叫了個炒烏冬但分了一半多給他幫忙，所以咖哩要打包回家加了些素料作晚餐送飯用。（以我超過十年初一十五吃慣素的人來說）整體來說味道不合格價錢又偏貴，叫食物職員又叫了多次才有一個理啋我地，環境又迫又喧嘩，以後初一十五想吃素還是返回附近的六榕或（舊嘉利大廈的）三德素食會稱心些！！！

今日係始創中心觀完禮，成班一齊去左食下齋；對於無肉不歡既我係一個新鮮新體驗。去到舖頭，估唔到都好FULL；好彩，佢比左張人地ｂｏｏｋ左既枱我地，不過要１個鐘頭後交枱，咁都好，唔洗等叫左幾樣野食：香芋油鴨煲一般，椰香味都好重；我個人唔太好椰香蟹柳西蘭花GOOD~~好清爽，蟹柳又做得幾真喎鮑魚雞絲翅合格以上，因為唔會一PETPET芋頭魚好好味，脆脆地；不過，上枱之後要盡快食，如果唔係Ｄ皮會硬串燒哇，好似；真係以為食緊肉，像真度好高炒烏冬OK；過得去埋單果時每人一張95折咭，叫你再幫襯

好耐無試過專食素喇, 好彩一早訂左位, 7點幾既時候, 原來都爆哂架, 佢比左sofa位我地, 但同隔離檯都幾埋下, 肥少少都入唔到, 可能佢諗住食素既人, 身形都比較fit喇3個人叫左2人餐另加一個菜螃蟹2人餐有: 蟹皇翅 (用南瓜蓉整成, d翅都幾真, 好有口感, 唔係粉絲果種林bat bat)雞絲粉皮 (如果佢用番真正既粉皮會好d, 佢地好似用魔芋咁, 太過爽口喇)海鮮雜菜煲 (入面有素蝦素帶子八爪魚, 八爪魚既質感好正, 帶子就爽口左d, d菜唔會煮到好黃, 有菜心, 西蘭花, 椰菜花, 白菜仔等等)芋頭魚 (呢個係我既至愛, 做得好香好脆, 好新鮮熱辣)菜螃蟹 (簡直唔掂, d蛋白炒得非常老, 熟哂, 一粒粒架囉) 蕃薯糖水 (呢個係送既, 正, 好夠薑)埋單會送張95折咭比我地, 每人一張, 都唔錯

好耐冇見我個老師啦,今日收工之後去左接missy去太子食齋~~~(因為missy食齋,普通見到肉既餐廳都唔好預佢)刺身拚盤:有假既三文魚, 吞拿魚同埋鮑片,真係整到同真既一樣!!!螺肉我同學仔黎到必叫的一道小吃~~~假的螺肉同真的都係幾分相似,配埋沙茶醬同青紅綠椒~~好好味!!咕嚕肉很喜歡咕嚕肉,因為有好多好多青椒~~~本人偏愛青椒,肉粒都整到好真~~~香酥芋蓉鴨Feel唔到鴨的存在,只係覺得底下層皮好厚~~~~不過佢芋蓉整得好香又入味,所以overall都幾好金姑牛肉卷今次有少少敗筆,因為金姑乾晒~~~搞到好似菜乾咁,個汁都偏咸,係咁飲茶補番~~~~其實最好係missy鍾意黎呢度食野就咁就傾計到佢收舖~~

是晚一行5人為 2個友人慶祝生日。訂咗7:00pm , 食飯地點為太子始創的”大自然素食”, 我地都係第一次去, 由於其中一個友人係”素食人” 所以我地的聚會都大多數會遷就他。店舖一眼望哂, 比較細, 但又唔會坐得迫喎。我地5個人叫咗個4人套餐+半打壽包。套餐我地選了：粉皮 (好味, 有d扮豬肉的東西, 都幾似)、海皇翅 (呢個麻麻)、芋頭魚 (我本人唔係芋頭, 所以無評語)、海鮮煲 (呢個個湯好味, 不過扮帶子&蝦就唔係咁似) 、油鴨煲 (內有芋頭, 我唔食；另外扮鴨d肉都幾似)、炒烏冬 (呢個好味), 另加的半打壽包 (我覺得ok, 其中一人話個皮比較硬, 可以”番蒸”得太多次)。再送糖水, 我就唔多鍾意食。我地7:00食到8:30pm, 出面好多人等位, 真係估唔到。除咗當我地後叫果半打壽包, 有個侍應勁遊雲之外, 其他侍應都ok。8:30pm個經理問我地介唔介意埋咗張單(其實我地已經食完), 又問我地有無discount card, 我地話無, 佢就一人派咗一個discount card比我地。侍應無講得咁差。總括嚟講都唔錯呀。

識左呢個朋友仔都成年~都係緣份黎。可惜~我今日先知你食素哈哈~~!今日得佢介紹黎左呢度食餐好既。兩個人叫左個套餐，有皮蛋湯﹑芋頭魚﹑松子炒飯...小食忘記左係咩野炸物。最後甜品都失億了。價錢可以接受，阿姐D服務幾好~幫我地影左幾次相，有傾有講。食物方面，無咩特別，係個飯炒得乾身好味，條魚麻麻地。其他也普普通通呢。HEY~朋友仔~下次入黎屯門食呢~~

9月10日我返黎大自然出糧，當然少不免要幫襯吓啦 !雖然我已經唔晌呢間公司度做，但係我真係覺得呢到d野好好食~~~當日，我同男友同埋我個皇帝肥仔點左一個2人套餐，小食~沙嗲串燒<---------廚師廚藝天又進一步，好野味湯羡~金湯蟹皇翅<----------既清帶甜，係我男友最鍾意食，讚不絕口。..^^餱菜~五柳芋頭魚，波羅咕嚕肉<-----------芋頭魚係我一路最鍾情的一味，真係好正，連男友話佢食過咁多間素食店，大自然既野食真係整得數一數二好食。反而今次既咕嚕肉就咸左d..(所以食剩左幾舊。嘻嘻~(贈送)一大碟魚生次身<---------不得不提呢個次身，我個仔次次黎親都一定要食呢個，我舊老闆知道我個仔鍾意食，私人醒左一大碟送比我個仔食，見到我個仔食得咁開心，我都跟住開心。但最好笑既就係..我個仔佢只係食3文魚既次身都唔肯食吞拿魚次身，我同佢講明大家都一樣係用整既，只係顏色唔一樣咋，味道係無分別，佢都竟然話唔係，因為佢話味道唔一樣，(因為肥仔佢好討厭食吞拿魚)總括黎講，我仍然覺得大自然真係好好食個人推介~1~五柳芋頭魚<---鬆脆可口，味

去完果頭剪髮,髮型師話呢間唔錯,不過成日好多人,排哂隊咁,但係我地去到都唔洗排就有位,可能夜LA,不過都坐滿哂,地方好細,但D野都OK好食,我地食左個刺身,片皮鴨&曼魚抄飯:刺身有三文魚,吞拿魚&鮑片,三文魚最似,加埋日本醬油& WASABI,一番ね........片皮鴨呢個真係估唔到咁好食, 之前見MENU個樣一D都唔似, 點G食落又真係好鬼似, 包埋塊皮唔講仲以為自己真係食緊片皮鴨TIM, 正!!!!!!!!!!! 曼魚抄飯曼魚個樣都唔似, 不過食落就好似係食緊魚既,都OK好味下次會再黎&試下乳豬,聽講都好好味

昨晚與家人去試這間,13個大人加2個BB(1個6個月,1個14個月),給了張8人桌,地方非常迫。因未齊人, 大家先坐下一邊睇菜單一邊聊天,服務員好不耐煩走來走去。2個BB夠鐘食野,我們自己帶了蕃薯粥及菜粥餵BB,店員走過來罵我們不準帶外來野食及肉食的野,我們解釋一來是給BB食,二來也是素食,應該可以通融一下,跟住她好惡話不可以,但我們照餵,不理她,跟住她拿茶及食具給我們的態度非常差,講野句句有骨,我們已經很生氣了。我們要求見經理,跟住一個自稱自己是老闆娘的女人走過來,我們要求可以換大少少桌子,因實在太迫,她說沒有,於是我們順便投訴她的服務員態度好差,誰知她叫我們如果不喜歡就走,還要我們收起粥。我們真的很火..開始跟她理論,跟住她站在我們桌旁不停講一大堆野,我們想息事寧人,叫她走開,不想跟她吵,見到她沒胃口。她又說我們無權利趕她走,要走也是我們走,要我們即刻走,她不會煮東西給我們吃的,她要報警,我們說好呀報警,她及店員及廚師全部圍住我們。警察來了,問了原因,我們照直說,因為她們服務態度差又趕人走,BB食自已帶的粥都不可以,警察了解後問我們想不想繼續留在果度食,我們說當然不要,一陣都唔知會

我個人認為，知客應該食返個月齋，見客就鬧，上個禮拜五，我一去到就見到佢鬧人，佢自己寫字寫唔好，個客就問佢寫乜，佢仲關返個客唔識睇，跟住個客火火地話，"哇！你自己寫得唔好仲話人！"跟住個知客就好唔老皮咁講："對唔住！對唔住！係我唔岩！係我唔岩！"態度勁差。跟住到我啦，我同佢姓鄭7點既，跟住佢鬧我，你個電話打極都唔通既？你想點架？！，哇！我心想，你唔駛用咁既態度嘛？？當然！我無出聲，我電話係公司收唔到，係我唔著，但唔駛咁惡嘛？講返野食，味道一般，無乜好講，小食:手C雞好難食，仲有就係佢有D咖哩食物都幾辣，金絲裹劍魚ok，真係幾似魚。環境就麻麻，地方少，坐得好辛苦，檯與檯間好接近，隔離講乜都聽到哂！服務：知客態度差，侍應好似無乜之機做咁，重有就係佢地有限時食個半鐘既，未食完就送糖水過黎，佢想點呢？價錢貴，每人比成百蚊，環境又差，野食又唔係特別好食過人，同類形既餐廳而家大把，佢又無乜特別之處，唔值得再去。