大自然素食

营业中

休息中

唔知點解我d朋友大部份都係食肉獸, 所以約親食飯都係同肉有關, 但今次呢幾個朋友話想食d清清地, 咁我就提議食齋啦~~ 其實我都冇乜幾何食齋, 都唔知邊間好, 於是朋友們就介紹咗呢間..............之前一日book咗位, 所以一去到唔等就有位, 响門口見佢d枱好細張, 好迫, 尤其是左邊長枱, 差不多冇位涉入去坐, 咁啱近門口果張又係"留座", 幾驚係坐果度呀, 好彩亞姐安排我地入去中間d的地方, 係1張四方枱, 但都係好細, 好似只有兩尺闊左右, 根本唔夠位放餸, 搞到要玩層層叠, 同埋好危險地放响枱角, 我成日驚d朋友會一肘批咗落地, 好彩冇事發生........... 前菜拎茶嚟的時間, 會拎埋呢個青瓜, 係前菜嚟的, 青瓜切到三角形咁, 都幾爽, 但未至於好爽, 都有少少林, 唔知係咪放得耐呢? 涼伴牛蒡絲牛蒡絲好薄絲, 應該似係刨出嚟, 再加埋d黑芝麻一齊食, 好爽口, 好開胃, 因為有少少酸酸地, 唔知係咪加咗d醋呢? 五彩雞絲粉皮唔係好睇得出有邊五彩, 但就覺得佢太多麻油, 食到我成口油, 不過佢d粉皮又幾入味 金湯海皇翅金湯其實即係用南瓜磨成茸去煲,

難得的一家人晚飯，老爸和妹妹都愛食素，就訂了這店，未到七時已到齊，見班待應亞姐個個都黑晒臉，就不敢久留，立即叫嘢食。我們叫了八樣嘢，計有素蛇羹，蛋白炒素翅，燒味素拼盆，涼伴牛蒡絲，芝士焗素魚柳，鹽焗素雞，炒溫室豆苗和蛋白炒飯，太座另要一盅川貝燉海底椰與老爸兩人分享。當中燒味素拼盆，炒溫室豆苗和蛋白炒飯，這三樣賣相和味道都一般，可接受但無驚喜。太座要的川貝燉海底椰我試了一口，味較清淡，但香甜，可以接受，相對素蛇羹就比較濃味，外觀造型神似，但入口感覺稀了一點，似湯多一點，不像羹。涼伴牛蒡絲相比上次在荃灣分店食的為粗，口感仍很爽、入口很清香，味道略帶一點酸和芝麻的香，很醒胃，妹妹讚不絕口。蛋白炒素翅造型美觀，賣相一流，蛋白配素翅入口味清香、口感具彈性，加小量的黑醋更令人有吃真翅的感覺，小小的甘筍蓉更令入口有不同的層次感。芝士焗素魚柳給人一個西式菜的外觀，用麵根做的素魚柳入口像食真魚柳一般有咬口，表面的芝士焗得洽到好處，略帶一點焦，香氣四溢，入口芝士的香加上素魚柳的軟淋咬口，不知是否心理作用，老爸竟然說好像有魚味。鹽焗素雞上檯時用錫紙封著，打開後內有一張紗紙分隔開粗鹽和素雞，素雞表面廚師用了點

每次為了朋友慶祝生日都要諗去邊樹食飯而煩惱, 今次就比較好d了, 因為前排我都帶過佢哋去食, 連平時唔食素的現代女性對環境及食物都感覺良好, 所以今次都再重臨舊地.......... 今次我哋點了些新菜飾 (*其實係上次無叫的, 哈哈)! 雖然係素食, 唔係真嘢, 但每款都做到味道和賣相都好似, 無咩令人失望, 反而有驚喜添 ^^ 五彩雞絲粉皮# 雞絲雖然唔係真, 但味道及質感做得好似, 仲要係好食添, 好快就清碟了 馬來沙嗲串燒# 串燒我哋揀咗雞&牛, 外形似到不得了之餘, 依個不是重點, 最主要係唔食牛的人, 可以食牛肉串燒 ^^ 椒絲腐乳有機蕃薯苗# 薯苗好幼稚及青綠, 配合椒絲腐乳炒, 簡直一流 粟米粥(窩): 一般 牛油果法式焗多士 (7件)# 賣相好不特止, 大大件, 好好味 原隻鮮菠蘿咕嚕肉# 咕嚕肉又係不是真肉做, 但好有口感, 如果唔話你知, 依間係素食館, 我諗你都會以為係真肉嚟添呀, 勁呀! 鮮籚筍蟹皇燴翅# 味道幾好, 不過, 食咗都唔知係依道菜, 仲要問侍應, 點解無嚟.............因為係碟上, 唔係窩上, 所以大家都以為係小菜, 一場誤會 叫

上月約了朋友到太子始創晚飯我們選了到大自然素食用餐那天我們點了四個菜式南瓜素翅羹味道超淡, 需要自行下鹽提味一點都不覺得是南瓜湯芝麻牛蒡絲外貌不太討好不過吃下, 麻油味甚香濃質感像極了海蜇頭, 非常爽口蕃茄銀絲雜菜煲這味極之普通, 不吃也罷松子薑絲炒糙米飯配料十足松子香脆薑絲有點點辣, 但可以接受糙米飯炒下來有點硬但味道不錯

好抵食既素食店！同朋友一齊嗌左幾樣野食試下！香芋魚：好好食！木瓜沙津：成個木瓜仔咁上三文魚：咁多樣野食之中最難食！雖然好似真三文魚咁！睇得吾食得焗多士：好香口。仲好脆添每樣餸都係熱住出泥！好新鮮👍👍而且個度雖然員工少，客人又多，但發覺佢地每當您茶壼無水。都會好快裝番滿因為我地去個陣咁岩3點。有半價優惠！四個人食，每人只要60就得！好值得去試埋其他野食

多年沒光顧這店, 今次隨意挑選, 看看水準如何味道很濃, 濃的是麻油味, 有點濃得過分, 配料還可以, 似模似樣, 但真像一碗味精湯味道ok, 份量夠多, 伴飯一流四隻大水餃, 非常足料美味, 大大碗烏冬, 彈牙爽口, 三個人也吃不完呢蒸得剛好的水餃, 內裡有雪菜等, 爽口美味, 十分飽肚!

今天是令人氣結的一天。如果我是遊客的話，我永遠也不會再來香港。星期六的中午，我和太太到始創的大自然素食吃午飯。十二時，人不算多，門口可見範圍，只有兩檯食客。我們向店員表示兩位，店員用下巴指示我們入坐一張四人桌。我和太太喜歡都坐在一邊並排而坐，店員上茶我時候沒有表示不能這樣坐。點菜、上菜、進餐，這一桌一直相安無事。然而，新入座有兩位婦人，側聞報的是四人，所以被安排到我們隔鄰的座位。她們也像我們一樣同一邊並排而座。鄰座點菜時，又側聞下單的店員頗不禮貌地斥問(沒錯，是斥問!) 「你到底點咩呀?你岩岩話多士，但又話兩盅，盅係下面個樣喎!」量詞用錯了，要問清楚，態度也可以好點，對嗎? 儘管有點看不過眼，但事不關己，我們也只是繼續吃我們的飯。不久，那位惡店員已糾集兩位同事在聊「公事」(從她們的目光、表情，她們應是談論鄰桌)。之後，一個店員問那兩位婦人「幾多位」，婦人回答後，那店員大大聲「佢地話黎緊」「兩個人點解咁坐?如果兩個就叫佢地坐返面對面啦!」「佢地入黎個陣話四個人!」 雖然不和我們無關，但這樣實在非常非常無禮貌，而且當時還未坐滿，也沒人等候。不久，鄰桌多來了一個人。然而，經理店員們還在「公然

服務態度超差！……侍应会比説话你聽，成日吹你走，你加单時態度恶劣，然後大声講：「又加！」而家唔比加单架，仲要我地走既時候，好唔客氣咁講：「走啦走啦」……呢d鋪頭，又唔係特別好食，但態度超差，無下次lor…开齋铺，开到成间铺頭既人都既燥底…唉

家人介紹話 "大自然素食" 好好味, 所以我地一家大細去試下....咁岩我地既兒甥只係一個歲幾既小bb, 唔可以食街外野, 我地就帶左d 粥仔比bb 食....點知有個粗聲粗氣既店員姨姨即刻跑埋0黎, 好唔客氣又唔禮貌咁話 : 你d 粥無肉架, 我地呢度唔可以食肉架喎!! 如果有肉既, 你出去餵完先好入0黎呀!!我亞媽極唔好意思咁回答佢只係用粟米紅蘿蔔煲既粥, 個店員姨姨先好不屑咁走開...我亞爸馬上上火... 當然啦, 我都覺得個店員姨姨好無禮貌 以素食來講, 佢都算係貴價.... 不過同得屋企人去, 當然係咩都試下啦!!所以就算服務唔好, 我地都無理佢, 照點左好多菜色0黎試....當中包括有素食刺身, 雞絲粉皮, 咖哩羊肉麵包盒, 鹽焗雞等等...食物質素的確好好味, 唔似傳統齋鋪....而且素羊有羊味, 素牛有牛味, 鹽焗雞都有d 雞味, 的確幾得意!!以味道來講, 我可以比好高分... 大廚抵讚!!

味道：有特色，除假牛朱雞肉外，重有魚生！而且味道不錯環境：有大細枱，有啲裝修服務：個別服務員差，問完唔追不特止，重對客人「呼蜆」了事。衛生：ok,啲碗碟都係clean抵食：晩餐四人食，食咗$140@每人

7月1日, 晚上8點, 同呀菲同佢媽媽去咗食齋, 呢間大自然素食真係好多人, 原來今日係初一, 真係好揀唔揀… 但係既然癮起, 冇辦法啦唯有等咗30分鐘先有位坐~::: 2人套餐 ::: $148有2個湯, 1個小食同2個小菜~ 湯要咗竹笙雜菌豆腐羹, 真係好杰, 仲杰過獻~ 味道偏鹹, 但火喉十足~ 仲好足料添, 竹笙雜菌豆腐都好多, 唔錯~ 小食叫咗香煎菜肉餃, 即叫即煎, 有少少似炸嘅, 超級香口, 熱辣辣, 好美味! 雖然係菜肉餃, 不過菜比例好多, 肉就係豆乾嚟嘅, 外皮炸得夠脆, 又夠大隻, 正! 一個小菜點咗燒汁雜菌焗牛仔肉, 個燒汁嘅黑椒味比較多, 牛仔肉其實都唔算十分似, 但都好入味, 個汁撈飯係一流! 雜菌份量唔多, 仲加埋d唔係菌類嘅青椒西芹充撐… 另一個係濃湯粉絲雜菜煲, 呢個夠晒大堆頭, 乜菜都有~ 濃湯真係好濃, 但係好清甜~ 粉絲好爽口, 索咗湯好好味, 整體每一樣都好入味, 只係菜類好似煮過龍顏色有少少霉…::: 籠仔荷香茄粒蒸飯 ::: $68呢個荷葉飯仲係用籠仔上, 真係製作認真~ 打開荷葉, 好香嘅飯味~ 呢個飯用咗梅菜, 豉油去蒸, 食落味道有d

琴日同左幾個朋友仔出黎食晚飯， 咁啱行開始創見到有大自然素食， 忽然勾起早幾日喺美麗華都見到有呢間食店想試， 不過某些原因而失諸交臂嘅情景，所以就決定搏一搏冇頻撲啦！咩野叫做搏一搏呢？其實就話說我地想試呢間店嘅原因係因為佢有齋魚生，睇個賣相同真魚生有９分似，好想試下佢龍與鳳到底係咩東東黎！我地都算夜去啦差唔多８點半多ｄ，等左十零分鐘啦，唔算耐嘅。入到去坐底佢即刻幫我地預備好茶水，茶係全餐最好味嘅野，玄米茶黎嘅～好啦，到正題啦，我地點左：豆苗炒得唔錯，最好味係生炒骨，口感同質感甚至味道都同真嘅幾乎一樣。糙米飯就冇咩味，可能係我地食唔慣啦，間唔使食下當食麥皮都冇咩問題嘅．．．日日食就．．．芋頭魚係最期待嘅餸，不過食落好似炸得唔夠脆，好淋，味道只係一般。沙律＋木瓜味道有ｄ怪．．不過不失。好啦，我地嘅見標係魚生，咁夠竟魚生又點呢？講真呢，試下就無妨嘅，不過試完就算啦，幾十蚊叫幾塊魚旦黎浸壽司豉油真係貴左小小．．味兒似架，不過我諗可以試下叫碗魚旦河然後夾起塊魚片去浸壽司豉油差唔多～食完仲有糖水，食到十點四可能佢地差唔多close，所以我地就識做咁走啦。總括黎講，如果係食齋我唔會考慮呢間啦，仲記得

每次經過始創都會見到這間餐廳的廣告牌，今次終於的起心肝帶爸媽來試試。結果是一肚氣走！首先，服務態度方面真的非常非常之差！我們大約2:45 到那兒，發現原來3:00之後入座可以有半價優惠。那時店內幾乎有一半空位，而裡面的大桌更是完全沒有人坐。我跟爸媽行街行到有點累，問員工可否在這兒坐坐，等到3:00才正式當菜。我想這要求一點也不過份吧。但有個員工搶著說：「要3:00之後入座先計架喎！」fine! 這種回答客人的方式和態度已經令我感到不快，不過既然都決定試一試這兒的食物，那就忍一忍。於是我們到附近走走，3:00多之後才回去。這時候，店內的人較多了。剛好門口處有一張四人桌，店員就想分派我們到那兒坐。但門口位坐得一點也不舒服，作為客人，我們當然想找個坐得較舒服的位置啦。但店員一臉不耐煩，硬要我們這門口處。之後媽媽走進店內深處，發現三張大桌根本完完全全沒有人坐！明明有那麼多空位，為什麼硬要客人坐在不舒服的位置呢？我們決定坐在大桌，店員還不死心，還加上一句：「要搭台架喎！」而事實上，到用餐完走的那一刻，都沒有搭台的需要，而其他的大桌亦一直是空的。而用餐的過程，每一位店員的臉口都很差，令客人感到不快

好耐之前黎過食，都記得ok，今次同埋個囡同媽咪行完街就諗住早少少黎食，6點幾黎到都差唔多滿，門口無人等，就安排我地入坐，地方非常之窄，要打側身先入到去坐，呀囡就要抱起先入到，都幾危險！ 睇過餐牌價錢都幾貴，平均都要5,6十蚊一樣，於是叫左148元的套餐，包一個小食、兩盅湯及小菜或飯麵兩款，小食就叫左蜜汁燻方魚塊，前菜冷盤，唔好食，太乾同太硬 湯就唔記得咩金瓜翅，呢個都ok 小菜就點左雀巢海中寶，個雀巢超唔掂，無味，難食，淋既，同出面整法又唔同，入唔到口，入面d野都唔太得，無乜味，差！ 最後叫左個菠蘿炒飯，呢個係成個餐最好味個個！ 野難食都不特止，最差係出面多人等，d待應不停係你面前話呢張有5位等緊，又係咁埋黎收野，跟住仲話出面好多人等緊，叫我地埋左張單先！趕到乜咁！差差！ 好喇，到俾錢個時，發現原來要收成$10一位茶錢，都算啦，點知佢連我個只得2歲既女都要收埋茶錢，我即刻問佢啦，佢竟然答我，係一個人坐一個位就要計茶錢，哇，佢一啖茶都無飲過囉！有無搞乜錯呀！我去大酒樓都唔會收一個2歲小朋友既茶錢啦，下話？！ 呢間咁既呃人素食無樣掂，都唔明點解咁多人等？！ 食到我一肚火！十個差！！ Bla

　　待到母親放工時，已經九點了。當兒子的我當然心中早有計劃，不用母親費神。這次依著方便易去的思維走，結果選了＂大自然素食＂。　　對素食頗有興趣的我對這餐其實抱有期望，只是最後發現不太合自己心意。　　走入餐廳時已經九時半了，樓面極為冷清，只有兩桌客人。隨意坐下，環境時尚美觀，卻又不失傳統如酒樓般在桌上放上茶杯碗碟。　　因為人少的關係，餐點很快送到。我和母親選了＄１４８的兩人套餐，任選一道小食、一道湯羹和兩道小菜或粉麵。　　小食最先送到，這道菜名為＂蜜汁燻魚塊＂。一嚐之下，心中沉了半截。蜜汁夠濃，也夠甜。但問題是＂魚塊＂是冰冷的，設計不良。何況即使以齋菜而言，＂魚塊＂也太硬了，反而不似吃魚。　　湯羹隨後亦到，此為＂金湯蟹皇翅＂。味道不濃，不太感受到有蟹的味道，但素蟹肉卻下足，而且素翅甚有嚼勁，不過不失。　　兩道小菜最後才到，也是最令我滿意的。不能不提的是＂燒汁蘆荀牛仔肉＂，塊肉入口，牛味濃厚，極富牛肉質感，幾乎忘了自己只是在吃豆乾。另外再加上西芹、蘑菇、紅蘿蔔和名字上的蘆荀，配搭相得益彰，好菜一碟。　　另一道菜是＂欖菜金銀鴨崧炒飯＂。老實說，以一般炒飯而言，沒有可挑剔之處，但除了配料豐富外