大自然素食

营业中

休息中

其實如果唔係最遲收11點既，就唔好寫收11點，食到9點鐘係咁叫人走，仲要過黎問左3次，眼見佢有客9點進店都話唔做生意，可能呢間野唔憂做，所以d服務員先會咁既。呢間野服務態度好唔好當d客係仇人咁架。態應該有下次

懶健康想食下素。同細佬黎左呢間近大家放工地點嘅試下啦！前菜車厘茄凍食車厘茄上加左半溶化嘅砂糖，稍欠試意。三文魚刺身真係勁似，連三文魚腩嘅魚皮都模仿得十足！口感9成同真嘅刺身一樣。。我覺得佢其實係蒟蒻。黑麥汁有汽嘅麥芽糖味道飲品。。唔算大甜，幾好飲嘅南瓜黃金蝦仁即係素食板黃金蝦！係好好食嘅。。好奇佢外層嘅蛋黃係點樣做出黎。手撕雞 講真，味道麻麻。。似涼拌豆腐乾成餐飯出於好奇心又想懶係食清啲而去，總結係幾得意嘅嘗試。。不過食左3樣野埋單都要3百幾，我唔知道出面食素嘅價錢。。不過我覺得有少少唔值。

服務超級差在本月十一日我地二人約十一時半到達這店。(這時店內約有三至四位客，而空檯非常多)。我地二人被安排坐四人細檯，我地講明合共三人。約五分鐘後，我地朋友亦到達，亦即前後三人。由於各人都有小背包及位置是角落，(這時店內約有六至八位客，而空檯非常多) 我們想換一張稍大的檯，但是店員不批准。我們說：你不準換大一些的檯, 我們會走。其中一位店員大聲說：走囉!我問這店員今時今日這種服務，仲得唔得呀？她說：我向同事講之嗎。之後我找經理投訴，但無店員應我。之後我地三個人無吃並離開。大自然這分店的服務員態度是將客人趕走, 不是賺錢。

一家三代同堂和朋友一齊食飯，我媽媽同朋友開位，我都奇怪，咁快有位? 我記得上次幾年前幫襯等好耐。叫左四人自選套餐，有湯有小食同四個餸/飯，落單對單跟得好足。上菜相當快，D 食物好食，我地都讚，阿姐同阿囡玩下，都好開心。我地食緊嘅時候，其實我地都奇怪，點解個小食「燒汁翡翠卷」咁大堆頭，用錫紙包，有三色椒有菇有燒汁，咁樣卷法....食食下突然，有個阿姐話同事上菜左個菜，果個係乜嘢燒牛肉，我地食緊，要計番我地錢。職員上錯菜，要食客俾番錢?????你上菜冇講菜名，職員自己唔對枱面張點菜紙，我真係唔會知你上錯菜喎，我同佢講我地已經叫突，四個大人一個兩歲小童，同你要左四碟小菜一碟小食一個湯。錯係你地我點會俾番錢。(咁你同運盤吉去人地鋪收錢果D爛仔有乜分別?)我同佢講，「你可以唔上番「燒汁翡翠卷」，我地唔會追。」阿姐話唔得，因為價錢唔同。我心諗相當離譜，不過成枱人有大有細，我真係唔想嘈，「你拎走個乜嘢燒牛肉啦」，個阿姐話你地食過攞番去都係倒GA LA，「你咪倒囉」，佢收左碟餸。從未見過咁嘅處理手法。你地職員上錯菜，蝕左碟餸，蝕左本來好好的氣氛。過左一陣，上埋糖水，我地問個「燒汁翡翠卷」，佢話你地食左

大自然素食下午3-5pm做半價,基本上每次食到飽都只係每人$120到今次又試左新菜式,素魚好香口,但好易飽左,pizza好好食,已經連續幾次都叫,不過都係鍾意食木瓜沙律強d,勁開胃。

無食物相，純粹想講服務。食過唔止一次，無一次係唔洗鬧人，會返去食因為阿媽食素同食物質素可以又就腳。試過追餐比啲阿姐西面，今日真係真心覺得你忙我明，我都做飲食，但係問完有仲有無得訂枱我都仲講緊咁我想問就已經比人cut咗線，想walk-in問下last call幾點都得掛？咁咪打多次囉，一打去咪問你地係咪今日唔做booking定咩都無做？佢就極度晦氣話唔係唔做係full咗，咁我就即刻問佢咁你full咗係咪我問多條問題都唔得要即刻cut我線呀？先識講返句唔好意思...

今日係農曆十五齋期，所以我們今晚去咗太子始創中心嘅「大自然素食」食晚飯！我們叫咗日式三色魚刺身、沙嗲粉絲鰻魚煲、野生竹笙上素炒麵、家鄉臘味糯米飯、籠仔荷葉雲耳蒸鷄同大自然田園Pizza！日式三色魚刺身嘅賣相做得同真係都幾似，因為係蒟蒻做，所以幾款味道都係一樣，口感都幾爽口彈牙！沙嗲粉絲鰻魚煲嘅鰻魚肉質非常腍身，無乜口感，芡汁亦比較稀同味道比較鹹！野生竹笙上素炒麵嘅炒麵都幾香脆，材料都幾豐富！家鄉臘味糯米飯嘅糯米並唔係糯米，而係普通米飯，仲要唔係好乾身，口感相當「嚡」口，味道係淡而無味！籠仔荷葉雲耳蒸鷄嘅鷄肉係用猴頭菇做成，吸收紅棗同雲耳嘅香味，感覺好似真係食緊真正嘅雲耳蒸鷄咁，不過口感就「嚡」口咗啲！大自然田園Pizza嘅味道好清新，批邊焗得好香脆，賣相都幾吸引！特別一提，其中一位店員大姐整晚嘅服務態度都極之惡劣，終於有一個男仔忍唔住要投訴佢，呢位大姐仲要鬧番呢個男仔，他們仲互相罵戰！唉⋯⋯今時今日咁嘅服務態度真係⋯⋯

一吃齋菜，多數都會想起這個地方，其中一處便是大自然素食，因為分店多，而且資素也不差～這次去了太子始創中心的大自然素食，感覺上是換了廚師，因為有些餸菜是好吃了，有些則。。。七個人，點了六味餸，一個蛇羹～陳皮白菊素蛇羹：合格的水準，平常的菊花及薄脆味，但味道不太似蛇羹牛油果法式焗多士（6件）：就跟以往有些分別，牛油果份量少了，而多士的份量很大很厚，差不多一吋厚，很令人讚嘆～豉椒味菜涼瓜腩肉煲：用了素牛肉粒，感覺不過不失，不太差，味道只是一般～ 因為我們對素肉的要求會高少少的～ 吃慣素菜的人都很留意素肉的味道與質感，因為素材都是差不多，然而味道往往會令我們很注意會否像普通的肉味，質感上會否很鬆散，其他配料如何等等家鄉臘味糯米飯： 比以前有改善，現在沒有那麼粘口，熱騰騰，很有質感，好好味柚子田園雜菜沙律：好好吃，每次我們都會點的，亦好想研究是用什麼醤汁，但研究不來九製陳皮骨：是炸猴頭菇，加上華梅粉，味道不錯，都幾香口，但沒有太多陳皮的味道，口感一向給人肉汁的感覺，份量亦很大碟大自然燒味併盤：很大碟，很驚訝，有素豬大腸，素叉燒，很肥美，有薫蹄，有其他素肉，但素縵魚真的好麻麻，太林了～一入來是有一

2016年2月26日因為朋友生日，又想食下新野，講左好耐話要食素，所以我地就去左呢間。我地三個叫左個二人餐，再叫多個飯同刺身。 整體黎講朋友好滿意，我同另一個就覺得麻麻。book左枱要係門口等一陣，佢會問你答唔答枱，我地都唔係太中意，對住唔識既人，唔知眼神放係邊好～個d啊姐會講兩句遊說你！服務都ok既。切蛋糕唔洗俾切餅費，但限食個半鐘，食甘飽都趕唔切切餅。上菜都快既。呢餐還可以啦。

去到餐廳,因為冇一早預約,等左半個鐘以上,入到去餐廳送前菜,有幾粒車厘茄,等左一陣先有餐牌。見到餐牌都幾多選擇,仲有套餐。3人行,揀左2人餐,有一碟小食,有2個湯,可揀一個餸和一個飯/麪。而我地揀左沙嗲羊肉串,鮑魚雞絲翅,西檸吉列炸蝦卷,菜粒臘味粒炒飯。再加一碟套餐以外既牛肉卷。首先黎左鮑魚雞絲翅先,食落去同真既翅冇分別,又唔似粉絲,調味好足,唔加醋都好夠味。之後黎左沙嗲羊串,一碟有四串,羊肉做得好好,唔講完全唔會食得出係齋,味道同沙嗲汁都無懈可擊。接住黎左炒飯,賣相同想像中都有d差別,臘味粒有d差午餐肉,食落去同個味道都唔似臘味。成個炒飯普普通通。跟住黎左西檸吉列炸蝦卷,d餡料同春卷冇分別,不過賣相幾好,真係似隻蝦,好脆。但係牛肉卷就有d失望,由於個牛肉用類似齋卷既麫粉做,食一啖就覺得好滯,而餡料都普通,都似春卷咁。最後竟然有糖水送,蕃薯糖水。整體黎講值得一試。

朋友晚飯，本來打算去膳德福，點知入到去冷氣壞了又熱又焗，於是轉場去了大自然。其實一直覺得大自然、膳德福和瀛素食等餐牌同出一轍，菜式有8成相似...大自然的環境舒適點，食物質素高些，自然價格也貴少許。點菜時我說想要香口我食第，店員呀姨就一一介紹，很可愛！木瓜沙律，本來不吃沙律醬，但超愛木瓜的我還是點了😊沒令我失望，木瓜甜得很，好味呀！蕃茄豬扒麵，這個素扒做得不錯，不鬆散夠香口，至於麵嘛😑討厭芹菜的氣味，只吃了少許，其餘朋友包辦...這個炸鰻魚不得了😍厚厚的大豆纖維加上紫菜炸香，Juicy香口！紫菜為大豆纖維加上點點海洋氣息，令人一件接一件 i love it!!!朋友沒吃過糖醋麵，點了一個給好試試，香口得很。這個菠蘿咕嚕肉....其實朋友主要想吃菠蘿，但這個菠蘿咕嚕肉，沒有菠蘿入面全是黃椒、紅椒和咕嚕肉，之後我們便向店員呀姨反映，呀姨就從廚房攞左D菠蘿出嚟。菠蘿咕嚕肉的重要在於菠蘿！！菠蘿！！菠蘿！！咕嚕肉整體味道不錯，就是太多黃椒、紅椒....從咕嚕肉入面挑出足足一碗送的綠豆沙，已經飽飽了，食左幾啖不過不失吧！

今次補祝朋友生日，大家食清d,就揀左食齋，我地點左芋頭魚，燉椰皇同咕嚕肉，先講芋頭魚，炸到好香口鬆化，入口啖啖芋頭香，唔好炸到好多油，都几乾身，加上個酸甜汁中和左油膩感覺，食完都飽飽地，之後就係燉椰皇，湯汁完全吸收椰皇清甜，好濃椰香，好滋潤感覺，咕嚕肉個味同口感同真都既雖然有出入，但都好味，酸酸甜甜几開胃，送埋白飯，飽飽!

去過好幾次. 同朋友一齊叫d假肉丶假魚生, 感覺怪怪的. 真係唔係幾好. 朋友未食過齋, 佢很驚訝肉的像真度如此高. （例如串燒羊.)鄰臺的素食外國人看了餐牌後很擔心是否真肉. 我向他們解釋是仿肉類而已.成個餐牌九成餸名都係肉類名, 頗令人混亂.又食過沙碢雲吞雞, 假魚翅羮. 非常麻麻. 唔知係咪味精太重, 食完後我的眼和面都腫了和很痕癢.今次又再試. 可能叫d正經齋菜 okay d.前菜: 青豆粟米粥 $48好特別, 第一次食粟米粥入面有豆腐. 加上生菜和薑絲幾好食. 比較"杰"燒汁鮮蘆筍牛柳卷 $68出奇地味道不錯. 燒汁惹味. 入面是金菇丶蘆筍. 外面是素火煺之類的, 也很較味道.野生竹笙上素炒麪 $68麫炒得唔較香口. 我們都比較喜歡東方小祇的炒麪.

係呢度食個兩次，兩次感覺都好好，所以才寫下食評，希望更多人來食和支持，因為香港好多小企業 小餐廳都敵不過成本貴。本人平時對素食真的沒好感，覺得好悶的菜式，但食過呢間令我改觀。我只講重點一啲好食會推介的。1.木瓜沙律，入面全都係青瓜素蟹柳，沙律醬，加上肉鬆。啲食材都好新鮮！ 評分7/102. 田園沙律，呢個大力推薦，個汁好特別，酸酸地好開胃，一大盆，夠四個人食，啲汁好多，啲沙律菜火箭菜好鮮，份量多到覺得好抵，我認為比起什麼凱撒沙律 更好味！ 評分8/103. 牛油果多士 呢個都好推薦！至少要叫兩塊的，一塊好大，比我既手掌仲大，呢個多士都好特別，鋪滿牛油果泥，雖然味道不太強烈，但依家啲牛油果甘貴，感覺好滿足，面包烘得好脆，食完已經飽左一半，我認為可以加練奶/ 酸酸地既汁 味道豐富一啲。評分7.5/10其他既菜都係中餐為主，質素中上，暫時未食到難食既難，服務方面，員工中年婦女為主，但佢地都好態度 唔會係啲冇咩禮貌 粗聲粗氣既呀姐，所以我仲會再來的，素食首選。

book左7點，點知一行6人個個都遲左，原本張枱比左人，所以就要等一陣。呢間素食餐廳d野食好新潮，好好味，但份量就少左d，價錢都貴左d。今次係呢到要推介其中兩款我覺得好amazing同好好味既小食！三文魚刺身，個樣真係可以以假亂真，咬落去爽爽地，明顯係蒟蒻，但竟然有魚味同海水味！amazing！串燒拼盤，雖然無法分辨咩肉打咩肉，因為全部都係麵筋，但佢果個汁真係好正，可以撈一碗飯！