大自然素食

营业中

休息中

和朋友相約出來祝賀她生日，便來了這裏吃晚飯。剛好又有團購coupons，便是半價來吃了。第1次來這裏，沒想到這裏的素是如此味道之好，還有賣相也不錯，如果沒有半價coupons，感覺有點偏貴。******************************每枱都有此沙律小吃的，也沒有問收費如何，因為從沒有來吃過，所以沙律都要吃。味道是清新，芹菜和木耳入口都爽口。要了一份片皮鴨。看看片皮鴨外觀有點不太像。但入口的味道，真的很像，口感又有點吃肉似的。海皇蛋花伊麵。這伊麵麵底是份量很多的，可惜這蛋花味道有點偏淡無味。要了一條竽頭魚。切開看到外脆內軟，很香竽頭的味道，不錯。最後晚飯還送上紅豆沙糖水，不太甜，不錯。

今日同朋友決定去食齋 但今次我地簡咗一間比較新派嘅齊舖（個人認為）因為佢連齋魚生 鮑片都有 朋友未試過呢間齋舖 所以帶佢嚟試吓 今日好多人 竟然4  pair 人 每pair 兩個 去share 一張大枱 講真 真係好唔鍾意囉 因為佢張枱布無換過 客人食飽 埋單 第二批客人又用返同一張枱布 d汁係哂張枱布到 好唔衛生 真係要改善吓

食lunch...。 來到餐廳。。        落單時 侍應皺眉上下打量了我一下。。說。。"你把遮甘濕會滑倒人  "   我還來不切開口拎個膠袋佢已搶了我的遮放了出去 。。    ok..那落單後我出面拎個遮袋吧   其實我不止一次被偷遮了order 了 煎豆角。。菜苗。。同炒飯   這時侍應再藐視我朋友一下(但朋友已用遮袋。。由進店一直把遮放在一旁 )你把遮都濕。然後搶了出去                                  先來豆角                     很香口。。即煎即上夠熱       但心情已被大大影響。我們已出去取了遮袋。袋好再進店。。仍受白眼。。實在火都黎但菜及炒飯未到。。那侍應又事事針對。。還是忍吧。。   菜苗幾清無味精。。但有點老    炒飯沒特別  重點是出店之後。。       親眼見到有個男人。。由右邊經過急步拎起一把黑色長遮再乘左邊電梯離去       1.他不是由店內行出   2.他急步                                     很幸運地雖然我受盡白眼。。但我的雨遮健在      這店食物是

本人叫了一份二人套餐，共208元，加一份两面黃，二個小菜(西檸鴨片，青瓜牛柳粒)味道差，賣相又差，熏魚小食又難食，又鞋，但两面黃還好，夠乾夠翠，亞姐服務很好，這個可以比個like

本人是茹素者，外出用餐是大煩惱，因為本地素食餐館甚少，健康烹調的更少。後來知道大自然素食風評不錯，於是開始光顧。除了旺角分店，所有分店都去過好幾 次。整體來說是很不錯的：菜式有創意、材料新鮮、油鹽調味料不會太重手，不覺有放味精，份量很多，收費很合理，服務生人手足夠，態度有禮而且有效率。26-08-2014 二特地到旺角始創中心分店吃晚飯，上午訂了七點半三位，一小時後打去改為八點，回覆為「無問題」。7:55到達取位，侍應阿姐話八點訂位無我的資料，而我一眼看到她手上訂位記錄有本人的大名，不過沒有更改成八點鐘。當時已八點，等位的人不算多，侍應在二十分鐘後安排我們入座。點了二人套餐：包括羹湯-蟹皇冬蓉會翅、餐前小吃-涼拼珊瑚草，兩款小菜-秘製陳皮骨、招牌鹽焗雞。另多點了一份瑤柱福建炒飯。先嚐一口免費奉送的青瓜，發覺它沒有其他店好吃，只是辣辣的，也不夠爽脆。湯羹則不過不失，用料也夠。涼拼珊瑚草上桌，卻比其他店份量少了 四份一，吃進口裏更失望，濃重麻油味蓋住一切，其他店的好好吃啊！接著的陳皮骨是酥炸的，炸得過了火，所以有點乾！福建炒飯的份量又比其他店少，味道普 通，配料亦僅僅夠而已。總之不能與其他

大自然素食表面上似係中菜, 實際上都有很多西菜選擇既星期日family day就去左食素清下腸胃北京片皮鴨"鴨" 炸得夠乾身，配上青瓜絲同西芹絲食落都好match~~特別係個甜醬，真係好似正宗北京片皮鴨!清蒸雞個賣相有少少假...但食左件又係另一回事估唔到真係有雞味，亦都有雞肉既質感，口味清清淡淡，非常素食白松露芝士焗雲吞佢d芝士汁幾好味，外表真係滿分雲吞都幾似真既意大利雲吞，只係餡料唔係肉姐，係好味之選 蟹皇芙蓉翅味道清淡帶點蟹味，蛋白炒得頗鬆滑，仿翅造得有彈性，旁邊配菜用的蘆荀都很鮮味不過叫左太多菜又記唔哂，所以選幾個好食既講:個人最推薦呢度個芋頭魚!!!外皮炸得香脆，內軟有芋香食落一d都唔油，外皮層粉唔會太厚，好鬆化入面d芋頭蓉好有芋頭味，真材實料下面仲有少少菜墊底，賣相靚之餘仲可以連埋條'魚'一齊食，口味豐富健康三文魚刺身單看賣相，像真度已經有9分！再點上豉油及芥辣，味道簡直99%相似吃起來質感清爽，完成沒有魚的腥味，但有魚肉的質感，相似度十分誇張!!芝麻手撕雞一上枱已好香芝麻味!係落口感都好似雞絲，幾鮮味整體好有驚喜，唔似食緊素食，選擇又多，價錢都合理，下次都會再黎過!

今天難得的突然有半天假期，於是，立即想到和爸媽去太子tea一tea~ 本身不太嗜素食的我出奇地很喜歡到這間素食店，因為這裏的柚子田園雜菜沙律真的很美味~!!! 個人十分喜歡那個沙律汁，味道好像千島醬混合了柚子汁，酸酸地，頗開胃，而且，那些沙律菜一般在超市買也要差不多$40 (一pack)，但在這裏，$52就有一大碟了，還要是已經造好了的沙律! 感覺好抵~! 而且，由於是tea time，有半價優惠，所以感覺就更抵了~!! 隨了這個沙律，爸媽二人還order了"原隻木瓜蟹籽沙律"，他們一人一隻，我就因為今天胃口一般而沒吃了，因為要留quota吃其他東西~^^~隨了沙律，這個燒汁鮮蘆筍牛柳卷也是我常吃的~ 素牛柳口感有點"煙un"，配燒汁，很入味而且好味~^^~ 再者，很喜歡入面包着的蘆筍和金菇，蘆筍頗爽口的，而且，蘆筍、金菇、素牛柳三者味道好夾~!!隨了牛柳卷，胃口一般都要吃這個多士~hehe~^^"...這個多士真的很好味，有很濃郁的芝士和蒜蓉味，再配合熱烘烘的法包，很香脆呢~!!!最後，再吃一點菜吧~!說實在，個人不喜歡吃這種有機豆苗，因有點"菜青味"，但浸着豆苗的湯和腐竹也不錯~

依輪成日都見有素食既餐廳,一路都心郁郁想去試試~終於,今次同大隻仔去左始創依間試試~其實素食之前都有食,但一直都無咩話好食到想再去既感覺。會揀依間既原因係~~>因為成日都見好多人等位,應該無死啩!....等左大概25-30分鐘,入到去~係出面我已經係度諗緊食咩好~其實食素對我黎講,有兩樣有趣既地方:1. 估佢係咩,即係一睇餐牌上既野就係咁估下佢係咩做既~     等到食果陣睇下自己估唔估等中2.睇佢有幾似~ 明明唔係果樣野,但又可以變成另一樣既口感~    當然啦,大部份既素都唔係好似....坐低叫左4個餸,有玄米茶同前菜奉上~前菜係涼拌芹菜,以花椒,魚露等調味,類似四川風味,但沒有辛辣,清新可口!5-10分鐘左右,避風塘蠔仔拚脆鱔上枱所謂既脆鱔,係用冬菇沿邊剪成長條型,沾粉炸!香濃菇味!幾特別!而蠔仔係面根加味精....似蠔仔味,但相對黎講,冬菇比較有趣!總括而言,香口,賣相OK,只是有點油....為免每道菜都係炸炸炸,所以專登叫左碟焗既~燒汁雜菌焗牛仔肉牛仔肉係面根加重味精....係好似牛既感覺...但係令我有點討厭!就好似舊「牛仔肉」同你係咁講:「信我啦,我係牛,牛牛牛牛

還是因為十二月尾到台灣吃過上引水產，一直很膩，久久不肚子餓；所以今次與好友聚會，就一來吃個素吧。刺身 明明知道是蒟蒻，但卻有鮮美的魚刺身味道；其實比起真實的魚刺身沒有那麼油膩，相當過癮。金湯翅好像是南瓜，但湯中沒有太多南瓜肉，反而較適合我；翅不少，帶彈性。三色骨有一種是士多啤梨，比較明顯，因吃落會帶點甜；有種沙拉骨我認為還是不錯。底的的拓盤都很美妙，像鳥巢一樣，花枝招展。每種都嚐了一兩件後，突然想起，其實這「扮演」這骨的，很有可能是猴頭菇......炒飯很大個，梅菜不少在面頭，底下炒飯味道欠濃香。萄國雞有趣的友人又獻笑了，這咖哩雞不錯，沒辣味......味道不錯，用汁伴飯更佳。溫室豆苗清新、健康，略帶草青味，我喜歡。砂煲物像龍蝦的很像龍蝦，像馬蹄的不是馬蹄。$8蠔下單時，阿姐都服務都不錯，還會建議我們可試試當日優惠，$8蠔。雖然還是不知蠔用甚麼做，但像真度十足，其餘的「像是炸蒜」，懷疑是蘿蔔絲。 員工服務態度一流；印象中茶介$8-$10，較為離譜。

今天專登出旺角處理一下私務，差不多在中午一點半鐘就完成好了，於是便四處找吃。因為始創中心內有不少酒樓，本想去酒樓飲下午茶，但當見到上酒樓的電梯人龍是非常之長，於是便打退堂鼓。行來行去最後去了食齋，大自然素食這店子我一直都想到訪，但又是未有緣份下一直在等待。而令我最記得的就是下午茶有全單半價，走到門口看完餐牌後才知道，原來半價時間需要在下午三至五時入座。可惜我實在太肚餓了，等不了，幸好有便宜的午餐，還奉送例湯，我最喜歡飲素湯了，立即衝入去。阿姐知道人數後便帶位，而我坐的是出菜處通道唯一一個面壁坐位，哈...攤大份報紙都不怕阻到人，爽。阿姐隨後便奉上茶及小吃，原來茶只有一種，但相當好喝，有著玄米和殼物的味道，我本來好怕飲殼物茶之類，但這個是淡淡的，我很喜歡。不過我估不到會跟上小吃，心想不知道這碟小東東會收多少錢呢﹖小吃是青瓜﹑荀條﹑海帶﹑麵根等等來拚成，以甜甜的醬汁混合起來，可口亦美味。埋單才知道原來茶芥收$5/位，抵﹗是日例湯是粟米紅蘿蔔栗子紅腰豆湯，湯汁充滿瓜菜發出來的味道，清甜不油膩。而我最喜歡吃栗子，煲到軟淋淋的確好吸引。忘記影是日午餐牌，有六至七款的選擇，包括煲仔飯，炒粉麵及碟頭

食評店名：大自然素食Gaia Veggie Shop地點：始創中心3樓所進食的食物及價錢(如有)：(1)金湯浸有機菜苗；(2) 紅燒海皇豆腐煲；(3) 五彩素雞絲粉皮 (4) 素食海鮮豆腐羹 (5) 鹹魚蓉雞粒炒飯半價後該套餐未計tips售$122，偏貴。食物的色香味如何：所有食品跟同名的腥葷食物的味道和口感很相似，尤其鹹魚蓉雞粒炒飯吃了以後，感到真正有一粒粒鹹魚蓉混在飯裡，其且吃出鹹味盎然的魚味。如果不告訴你們，可能以為吃的不是素食。至今，素食海鮮豆腐羹的賣相跟腥葷食物宋嫂魚羹相似；味道則跟粟米羹相似。實在不明白他們如何神乎奇技，把素食做得這般神似! 金湯浸有機菜苗和紅燒海皇豆腐煲：味道鮮甜，賣相高尚。環境：裝修雅致堂皇，無論門面或內部環境都十分清潔，然而地方較淺窄，不宜久坐。。服務：普通。衛生：良好，沒有發現不衛生製作。抵食：一般。

夜晚九點三到 , 唔使等位 , 好 !叫左三味食送 -- 香酥荔芋球 , 燒汁鰻魚粒 , 雪菜火鴨絲炆米記得上次食芋頭魚麻麻地 , 所以今次轉試香酥荔芋球 , 內裡有蝦米 , 足料 , 可惜芋蓉唔夠幼滑 ...一碟六粒 , 好飽 ...... 建議最少三個人先好叫 燒汁鰻魚粒 , 真係好有鰻魚味架 ... 個燒汁 !! 不過個魚粒就唔似鰻魚啦 ! 但係幾香脆可口 , 大大碟, 算抵食 ~雪菜火鴨絲炆米 , 水準一般 , 最有趣既感覺係火鴨絲同鰻魚粒質感好似 , 只係一個炒, 一個炸 ...Overall 不過不失 , 唔特別推介 , 亦都無特別批評 , 只係環境有少少迫 , 想坐得耐就唔岩啦 ~

一行五人，選了這店，之前曾和家人來過，知道出品不太差，只是待應招呼十分麻麻，但今次來到感覺上待應阿姐們無咁黑面，有翻小小招呼，可能是平日，人不多，沒有做到抆吧。今次叫了木瓜沙律，涼伴珊瑚草，素魚生，三色素排骨，素乳豬，牛油果焗多士，羅漢齋炒麵和腰果露。木瓜沙律，口感尚算清新。涼伴珊瑚草，相對此店另一款涼拌牛蒡絲較爽口，但就沒有那麼清甜，味道也不夠香，還是喜歡涼拌牛蒡絲。素魚生，大部份新派素食店都有的菜，講真無特色，可能都是向外間同一批發採購回來的吧。三色素排骨，分別有沙拉骨、士多啤梨骨和話梅骨，沙拉骨較淋軟，沙拉汁太重，變成只有沙律味；士多啤梨骨似乎分開了士多啤梨和骨(猴頭菇)變成兩樣東西，味道尚算適中；最形似就是話梅骨，入口脆皮內鬆軟，梅味鮮中帶半點酸，醒胃味美。素乳豬，外型非常神似，用附上的夾包再加醬夾著食，入口咬口十足，味道和口感尚有七成似真乳豬。牛油果焗多士，味道濃郁，入口香脆，甚具法式多士風味。羅漢齋炒麵 ，麵不夠乾身，但勝在不太油，味有點偏咸。腰果露，略嫌稀一點和不夠香，可取之處是不太甜，總括來說，今次的食品水準比上次來時下降了，但尚可接受。

想食得清淡d, 最好就係食齋. 食開齋ge朋友應該都對呢間齋舖好熟識. 食過尖咀果間好多次, 太子呢間就第一次~前菜 送 車厘茄佢面頭有d甜甜地ge野, 同埋d車厘茄真係好甜, 應該浸過糖水…**睇過報導, 指出生車厘茄其實含微量毒素, 會令人噁心, 頭暈等, 但熟左d毒素就會分解, 所以建議唔好一次過大量進食生車厘茄!**雜菜褒入面有西芹, 紅蘿蔔, 粉絲, 菇, 菜心, 白菜, 雲耳等, 味道好清… 同一般齋舖ge唔一樣, 一般齋舖會落素魚湯粉去煮, 但係呢間無, 反而真係清湯.雲耳蒸雞見到有雲耳就即刻叫, 因為好少係出面食到.**中醫話每一個顏色ge蔬菜 (綠, 黑, 紅, 黃, 白)都有針對五藏ge功效.綠色養肝, 黑色養腎, 紅色養心, 黃色養脾, 白色養肺.以下係各顏色ge蔬菜, 可以比大家參考:黑色: 木耳, 雲耳, 髮菜綠色: 一般綠色蔬菜, 如: 白菜, 或節瓜等紅色: 紅蘿蔔, 番茄黃色: 金針, 南瓜, 老黃瓜白色: 白蘿蔔**味道做得晤錯, 醬料沾滿每一塊“雞”. 一般齋舖ge肉主要都係用豆做ge, 好小小ge會用猴頭菇做~ 而呢度ge “雞”係用猴頭菇做ge,

今天繼續和剛從法國回來的小龍仔第二次洗塵，由於剛好是下午茶時間，叫套餐可享有半價優待，所以叫了以下套餐 : 跟同名的腥葷食物的味道和口感很相似，而且十分惹味，比一般傳統素食店的素菜味道濃厚，反而覺得很有革新。烹調神乎奇技，而且製作精美；而且選擇頗多。 半價後該套餐未計tips只售$122，建議各位在下午茶時段入座會較划算。 雖然裝修堂皇, 然而地方較淺窄，不宜久坐。服務普通。