大自然素食

营业中

休息中

好久不見的朋友，約出來聚會，我說近月開始茹素，於是大伙兒找個方便的素食餐廳。大自然素食的太子分店就腳也不太大，談起話來也清清靜靜。我們五人（四女一男），都不是大胃王，而且天氣熱，叫半席的套餐會太多了，決定散叫。我先叫了最多人喜歡的串燒羊肉（沙爹汁），再來芋頭魚，黑松露炒飯，上湯浸絲瓜腐竹，薑黃炒翡翠苗，和很受大家吹捧的金沙南瓜素蝦。串燒羊肉和芋頭魚果然名不虛傳，很快便吃了，炒飯香香的十分爽身，上湯浸絲瓜味道很鮮，我們連湯也喝光了。最叫人驚喜的是金沙南瓜素蝦，咬口很好，南瓜也脆脆的。晚後餐廳送上紫米露糖水，令這晚的聚會既健康又愉快。

今日係初一，同老公仲有屋企人一齊開餐，因為老公媽咪係信佛嘅所以約埋一齊食齋，其實都食過幾次，因為其實香港食齋嘅鋪頭我哋唔係識得好多，所以又來幫襯大自然素食，其實我覺得啲素食真係做得好似，不過今日個南瓜飯就差啲，燒味拼盤嘅炸大腸真係好似炸大腸，其他都像真度好高。唔知係咪隔離飯香，見到隔離嗌個啲，我哋都好想叫不過我哋已經嗌晒唯有下次再試。我哋嗌咗個類似珊瑚嘅物體，好似食膠咁，呢個唔推介，其他都不過不失。可惜今日九點鐘就話已經送完個甜品，有啲失望

上星期班朋友話想食素，平時好少食，不過有聽過大自然素食lee個名，近近地太子有間唔使煩，等位方面到dinner時間多人d，好在有朋友拎位先，唔使好耐就有位。五個人叫左粉皮，炸大腸，欖菜四季豆，粟米豆腐粥，蒸豆腐同素菜餃。叫嘅野普普通通咁。炸素值得一讚！脆得黎咬到中間有少少咬口幾過引。個雞絲粉皮整到同真嘅差唔多，唔講我真係分唔到！四季豆夠惹味。而其他嘅都正正常常咁，食得落嘅！食完有糖水送，次次唔同睇下撞唔撞正你鍾意食嘅，不過個人認為都偏甜。

朋友帶我食素，近近地去太子大自然，個乾炒牛河做得好好，夠哂獲氣，真係好似牛肉，羊肉串燒都唔錯，不過個吉列豬扒黑松露飯我嫌多汁得濟，蒜蓉包好好食，三文魚沙律個口感好得意，價錢唔算貴，都幾抵食！

今天是豆豆出世100日，由懷孕到出世，我都一直堅持素食撫養，因為我相信給最原始最簡單的食物，可以養出強壯的身軀，和善的個性，結果也沒令我失望啊，出世至今都沒有很難搞的問題，如濕疹，頭泥，尿布疹，最感謝素食這條道路，是我爸爸帶我走的。是日我們選擇一家人到大自然素食慶祝，位置在始創中心商場內，人流比我想像中多，我們坐下便點了以下的菜式：黑椒金菇牛柳卷，因為太肚餓的關係，我們吃了一半，才想起要拍照，醬汁辣度適中，不太愛辣也能吃胡椒芥菜雲吞煲，雲吞滿滿菜香，而湯底很香豆漿和胡椒味，非常暖胃太極炒飯，紅白汁的配搭令賣相搶眼，配上蛋炒飯，跟芝士，非常開胃酥炸素蠔仔，味道甜甜咸咸，炸得非常酥脆而不帶油膩感

母親節果日無訂枱，所以早少少到，5:30 未到食飯時間，但都好多人，原來下午茶時間有半價，限時入坐一個鐘，原來母親節都有八折，真係估吾到，滿心歡喜糖醋松子魚，好難食，塊魚好似一塊過期麥樂雞咁，又乾又鞋椒鹽豆腐好少少，算正常士多啤梨骨，好甜，肉質地比較淋，似肥糕質地，雖然知吾係肥糕，但口感好怪？素鴨，好乾，完全處於脫水狀態全晚最正常，又吾可以話好食，只係叫無咁難食老實就真係平，母親節三個人先係424，，但就真係好難食，無下次

今日一行四人到來食素作下午茶。下午茶三點開始，轉眼間全餐廳滿座，看來都有好多下午茶捧場客，可能因為下午茶收半價的關係。素三文魚，形狀味道都似，但口感奇怪黑松露牛油果炒飯，飯炒得香，乾身雪𥚃紅黃耳燒豆腐，味菜鱔絲生根煲，兩個小菜味道濃郁，熱辣辣，不油膩，好吃蒸菜肉餃，皮厚，味道普通，感覺麻麻至於服務方面，正正常常，有主動給我們多一張櫈放袋放雜物，亦有主動沖茶斟水，可能始終下午茶時段比較晚餐時段清閒。

二千年前佛教傳入，中國人漸間中茹素，香港第一代是齋舖，供佛徒或信衆齋戒，不加葱，蒜等食材，免挑起情慾。特色是重視(陳列出來)齋點心和重油，經典食品是齋燒鵝和芋頭魚。第二代是素菜館，與宗教信仰無關。坊間盛行菜式都會以素食材供應，所謂齋口不齋心，如三文魚，鰻魚，牛排都形似，味似，口感似。今日要遷就老人家，進食的是家常餸菜。雞絲粉皮是齋口不齋心式餸菜，麻醬，花生醬明顯不足，粉皮不滑，太硬身。靈芝茹豆腐煲是傳統式餸菜，夠鑊氣，不太咸，豆腐香口滑溜。最好食是車厘子茄，甜酸汁調教得惹味。最差是服務。屬舊式中國管理，無應有待客態度。茶芥偏貴。將來可能會被多創意，迎合年青人的第三代素食店淘汰。

食物味道和餐廳環境是可以的，可惜店員的服務態度係極之惡劣。昨日晚上我地一行四人到太子分店晚餐。到埋單時，我們一時忘記跟店員講我地有會員証，當時張單都未到，我地就拎出張証出黎問可唔可以俾返佢睇 ? 店員睇到冇睇就妙咀妙舌話:「車，得果95折。咪差果少少，又要去取消張單！你知唔知好麻煩？」之前就咁就行左去。 過左一分鐘，佢當無件事咁叫我地簽單，當然係冇會員優惠。 我地確實有點唔順氣，就照俾返張會員証佢叫佢出過張單。 之後佢大大話:「得果95折，攪咁多野。」整個過程語氣非常惡劣。是次晚飯是為我爸慶生， 最後卻因為這件小事換來一肚火， 其實我們都是太子分店的常客，眼見平時員工招呼都是很一般，但相比態度惡劣的尖沙咀店好一點便繼續幫襯。不過經過今次後看來這間公司的員工質素都是有過之而無不及，而我們亦都不會再幫襯大自然素食的任何分店，如果管理層仍然漠視民意無意改善，那我只可以勸你們心情不好時千萬別去，以免食素換來一肚氣。

繼續無限生日飯，有兩個極friend嘅朋友約咗成個月，終於大家夾到時間出嚟，咁我就揀咗我其中一間好鍾意食嘅餐廳叫大自然素食。前菜都幾好食。咁呢間大大自然素食每日三點至五點嘅時候都會半價 ，非常之抵食。咁我地就一人叫一兩個餸啦。咁我就例牌揀咗三文魚刺身，同埋牛油果多士。然後我的朋友都好驚訝點解可以整到咁似真嘅三文魚，咁牛油果多士都好香呀。又叫咗素湯，真係好清甜好好飲，完全係用足料。我朋友又想試新嘢，咁我哋就叫咗片皮鴨，咁食落去都好香脆，勁似真片皮鴨，包包都好軟好好食。另外一個friend就叫咗個意大利雲吞，好有芝士既香味，讚！

食物般般，職員一點笑容禮貌都沒有明明有吉檯都唔安排坐，係都要我地坐那張自己開出來的接檯，d職員懶懶閒咁，水又唔加想投訴職員竟然話沒有投訴，激死人了食物質量般般，那個楊州炒飯無乜味咁

這日來這間店，是因女食家朋友想起曾聽聞有間素食店，有「魚生」的素菜食，好特別。經一番google，就找到這間店來吃了。餸菜都各具特色，最後我們點了芝麻手撕雞($42)，三文魚刺身($68)，和一個忘記了叫甚麼名的飯。芝麻手撕雞，口感幾有雞肉絲感覺，不過味道就不是很似，不過都幾鮮味的，另有一番可口。飯都幾軟熟，不過不失，但又沒甚麼深刻印象。三文魚刺身($68)就是全晚的精華! 口感，味道和外觀都與三文魚極似，幾可亂真。入口那種軟滑即融的感覺實在難以言喻，味道也很鮮嫩。真以為是正在吃三文魚刺身。而且既然是素菜，食多些也不怕對身體無益呢。實在相當好味，價錢又不貴，值得推介比朋友。

下午茶時段半價優惠 必點木瓜沙律和牛油果多士 木瓜沙律是原隻木瓜 新鮮多汁 配上青瓜沙律 感覺清新 至於牛油果多士份量大 多士有大半個手掌大 食兩塊已經好飽 另外點左芋頭魚 略嫌太多粉

成班義工朋友聚會12人聚餐，要揀地點係有d困難，因為想成枱一齊食一齊傾。如果唔揀中菜都真係冇咩選擇，所以我地揀左食素～之前去過大自然素食，最令人印象深刻係佢d像真度高既刺身同壽司！今次黎因為有義工唔太好食d仿真食品，所以叫左d普通素菜比較多...以上係南瓜炒飯、炒雜菜、雞蛋煎苦瓜和素炒面，味道唔差，對我地依d齋口唔齋心既人黎講就爭d。而且食唔到餐廳既特色食品，好彩都有班未食過依度既仿真品義工又想試，所以我地叫左星馬小食拼盤、燒味拼盤、刺身拼盤、蛇（跟）......星馬拼盤樣樣都好香肥，白色個舊仲要係榴連餡，真係好驚喜！個燒味拼盤，除左個素鴨，當中有豬大腸個質感同味道勁似。另外一舊扮燒肉或者燻帝，佢扮肥豬肉個部份真係好似，一樣彈牙😋再黎次次都叫既刺身，睇個樣既像真度都幾高，加埋 wasabi 仲似！由於本人唔食真蛇跟，所以我講唔到有幾似，但老公話佢加左勁多胡椒粉好辣，所以都扮得到！哈哈，旁邊仲有菊花同脆脆送～我地仲叫左個士多啤梨骨，除左有士多啤梨味，個質感就爭d,但都好好味😋依度既食品大多都外觀吸引，味道哈差，但態度就好差，因為我打黎時佢話如果食7點只可以食1.5小時，如果食8點可能食到

零酒精啤酒，味道少左苦澀味，易入口不會醉的啤酒糖醋麵分量多(约好幾個朋友，終於可以一試)外表炸到金黄色，外表吸引糖，醋<自由加>口感好正！咬了一口，上下麵餅好脆中間有層軟麵(有3層woo)淋上糖再加醋，味道酸酸甜甜，好惹味，炸得好香脆沙薑雞外表排得好細緻，似原隻切件雞，外表有壓纹(扮雞皮)肉實左d(始終素肉)，但口感似肉淋上沙薑醬(像真度80%)好似食緊沙薑雞馬來小食拼盤炸得好靚(金黃色)咖哩角好香脆(咖啡不算太辣).春卷外表香脆(內裡有蘿蔔絲，好清新)😊有條似秋葵(炸面下有紫茶包住素肉，味道似肉絲woo)😃白色網面炸卷原來係榴槤卷(榴槤肉好甜)蒸菜肉餃外皮薄菜新鲜素肉滲出肉汁(好似真肉)好味！炒菜苗用薑蓉炒菜苗(好香口，菜苗鲜嫩)燒汁雜菌焗牛仔肉燒汁惹味，內有雜菇，青，紅椒……牛仔肉片(口感似牛肉)，味道當然無鲜肉的味道，整體不太鹹(燒汁惹味)雪耳红豆糖水(送)好甜呀😁 前菜的蕃茄有甜酸汁(好sweet)整體素菜惹味，炸的素菜(更加出色)，香脆可口，服務一般(晚市員工……趕收工，8点問是否加單，9点已折單，9:30要结帳，9:45已叫客人離座)店收晚上10:00😑如果