大自然素食

营业中

休息中

間中靜心，去食齋真係唔錯。呢間嘢好多年，朋友話朋友推介。即係大家覺得唔錯啦！我其實都係睇openrice人地食乜叫，點左呢個柚子沙律，緊正，夠味，夠大碟，D菜夠新鮮，個沖係醋加沙津汁，好明自己調，而調得好好 味，食不停食到無。不過過百蚊貴左少少。西蘭花就麻麻地，硬左少少，上面金菇候頭菇絲無乜味。呢個咕嚕骨超正，齋排骨本人點整都好味 但佢好入味，仲有新鮮菠蘿，好fresh。炒金邊粉講明有點辣，確係有點啫，接受到吧。，呢個芋頭魚，無乜芋頭味，炸得好嘅，但芋香不足，加上甜酸醬唔夠酸甜囉。整體食物質素係好嘅，但....好快送上糖水，再個半鐘唔夠，就話訂枱嘅人到左，我都係訂枱喎，bbok嘅時無講過限時食，唸住坐下傾下計舒服D，點知係好快要走人囉。仲要好快吹第二次叫人走。整餐平均人均消費約$120多（有九五折卡下）

平時做做埋埋唔少陰質事，所以襯佛誕走去放生同食齋，扮吓好人！去大自然食齋係內子提意，佢話貪大自然泊電單車方便.去到大自然，佢話重有半個鐘先係 Tea Time 喎，細問之下先知原來 Tea Time 時段係半價！咁無計啦，落樓下睇吓電話囉....結果睇電話變上台出電話！洗費重貴過去大自然食正價餐！嗚嗚 ~~>_<~~pizza 一向係去齋鋪必點，所以點咗個香濃芝士 pizza，生煎迷你叉燒包，甘薯咖哩角，鮑魚雞絲翅同四寶翅.鮑魚雞絲翅/四寶翅：首先熱到辣咀，飲到尾都係辣咀，相信同個不锈鋼兜有關，我中意雞絲翅個湯底質感，但中意四寶翅嘅濃味，四寶翅有發菜同竹笙，兩個翅嘅配料如果多D更理想.熱到頂唔住，叫個椰皇先！生煎迷你叉燒包：外表可愛，入口同真叉燒包當然相差好遠，味道有D特別，相信同我少食齋有關.香濃芝士 pizza：點五款菜最好味嘅菜式，pizza內軟，邊皮位置脆口，餅底唔會太厚，而且芝士味夠香，滿分！甘薯咖哩角：外表炸到過咗火，問我介唔介意？我話唔介意，不過我寫食評會放相上網，反問翻佢介唔介意？佢聽我噤講，即刻換過碟！雖然望埋去炸燶咗D，但外皮香脆不減，內裡餡料不少，

星期六好朋友係太子行禮結婚，去觀禮之前上咗黎大自然素食食飽飽先~就咁嘅，聽就聽得多大自然素食呢間野D 服務好差，其實我又覺得唔算特別差，咁當然你唔好諗住佢會賣笑啦~野食方面其實好正，叫咗個黃耳素翅燉椰皇、竹筒飯、椒鹽淮山、西多士2件。坐底會有碟小食前菜，係大豆芽菜，唔算辣都幾惹味好食。個燉椰皇好足料，黃耳、素翅、紅棗、黨參等等，藥材料雖然比較多，但入口藥材味配合埋清甜嘅椰皇又幾正，藥材味唔會偏濃，而且個椰皇仲可以食埋肉~竹筒飯比較普通，而且份量偏細。不過都幾香幾好食。椒鹽淮山有趣嘅係要配合埋佢嘅脆卜卜碎一齊食先有味道，帶少少咸同辣都幾惹味，如果就咁食只會食到淡味嘅炸淮山~西多士見差唔多每檯都叫，但等得比較耐，催過一次個姐姐好似無咩反應，但之後都好快黎到，唔算無服務。西多士咬落有濃郁芝士味，而入面仲有啖啖沙律醬味，雖然芝士應該係假嘅又無拉絲，但真係好邪惡呀~~~

今日老豆約左朋友出去食素，跟住問我去唔去試下，而我今日又冇乜野做，所以跟米出去，偶然食翻餐健康餐都好😌我平時都冇點食素，對呢方面都冇要求，所以食乜都冇所謂，我乖乖地坐係度等食得啦😆上菜速度都算快，最先黎左個刺身拼盤🍣估唔到素食都可以做到有模有樣，仲要配上醬油同芥末👍🏻不過口感我就覺得一般般，唔係好啱我口味，之後仲上左個片皮鴨🦆新鮮滾熱辣送到，不過就覺得有啲乾身，唔係特別好食，醬汁還算可以。覺得最好食係牛油果🥑焗多士🍞香脆可口，越食越想食😋，之後仲有魚翅蛋白炒飯，真係估唔到宜家啲素食都做得幾好下，仿真度都高，創意唔錯。

服務差，侍應優先招呼比利是既客人，冇利是比都廢事招呼你。食物ok, 炒飯幾好食，70幾蚊小貴但都收貨。但d菇豆腐就麻麻，d豆腐係滑，但d菇酸的，個汁就咁用豆粉水開，加d鹽就算。d 阿姐冇心招呼人，問多兩句都賺你煩，服務真係差。

吃素, 是今時今日一個飲食大潮流, 大趨勢. 也由於有家人只吃素, 我們也定期會到不同地方吃素, 其中之一, 就是大自然素食.法式牛油果焗多士 $13.8 x 3 這裡的其中一個名物, 就是法式牛油果焗多士. 香脆的多士, 香濃的芝士, 健康的牛油果, 很吸引.蕃茄雜菌濃湯烏冬(跟豬扒) $78 小晴晴來到這裡, 主要就是吃烏冬, 蕃茄雜菌濃湯烏冬, 蕃茄加上雜菌, 自然是健康, 配上的豬扒, 當然不是真正的豬扒, 但也很香脆.原隻金瓜焗飯 $88 我就喜歡焗飯, 如這個原隻金瓜焗飯, 真的未吃, 已經聞到那濃濃的芝士香味, 每口飯也充滿香味, 令人吃到停不了口, 而且用料足, 很討好.原盅黃耳素翅燉椰皇 $48 目測差不多每檯也有點選的是原盅黃耳素翅燉椰皇, 火候十足, 湯頭味清, 下了不少素翅, 椰香突出, 受歡迎, 是有原因的.濃湯粉絲雜菜煲 $78 想吃得健康, 又怎少得濃湯粉絲雜菜煲, 基本上這個雜菜煲, CEO是搶著吃呢.即磨腰果露 $48 x 2 最後, 還有甜品, 就是即磨腰果露. 那又香又濃的腰果, 不算太甜, 很合我意.吃素一樣可以吃得美味, 如大自然素食就是一例.

對, 我真的很愛吃肉, 但人總要吃菜. 這晚就來到大自然素食, 吃吃素, 健康的一晚.原盅黃耳素翅燉椰皇 $48: 8.5分, 先來客原盅黃耳素翅燉椰皇, 是這裡的名物, 要吃就趁早, 這晚七點已經售罄了. 燉椰皇份量不少, 當然用上素翅, 味道清甜, 帶椰香, 愛喝湯水的, 值得一試.法式牛油果焗多士 $13.8 x 3: 8.5分, 至於法式牛油果焗多士, 剛剛焗起的, 熱辣辣, 相當香脆, 面層的芝士味道香濃, 加上牛油果, 又添上點點健康的色彩.濃湯粉絲雜菜煲 $78: 8.5分, 說真的, 我不太喜歡吃那些扮肉的素食, 還是這客濃湯粉絲雜菜煲合我意, 下了不少雜菜, 加上粉絲同吃, 就是簡單而有益的菜式.原隻金瓜焗飯 $88: 8分, 也要來點澱粉質的選項, 原隻金瓜焗飯, 用上大大個南瓜去焗, 面層舖滿呈金黃色的芝士, 飯粒吸收了南瓜及芝士的味道, 挺惹味的.蕃茄雜菌濃湯烏冬(跟豬扒) $78: 8分, 小晴晴的主食就是蕃茄雜菌濃湯烏冬, 湯頭跟粉絲雜菜煲的一樣, 烏冬份量不算太大, 但質感不俗.即磨腰果露 $48 x 2: 8.5分, 怎能不吃甜, 就來客即磨腰果露, 質

———————————————————朋友離港前點名想食呢間餐廳，我諗都無人唔識掛☺️✨大自然素食✨家中長輩直頭係常客!.$42 生煎素菜餃（8隻）最大推介係個點汁！濃稠得黎唔酸澀，我平時好怕點醋汁既都覺幾正😍.$13.8每件 牛油果法式焗多士（4件）麵包好厚但料好薄😢好可惜啊⋯⋯呢個回合我比膳德福贏，而且要2件2件咁叫，單數人去就分唔均.$118 大自然田園pizza反而pizza又真係有驚喜！ 先切好一拎起有滿滿既芝士，唔唔止淨用素肉，青瓜蕃茄都落勁多！高分！.$78 冬陰功海鮮雜菜煲味就足夠喇，但我嫌菜有啲老.....而且冬陰公湯唔濃，飲得唔過癮😣🥦.$88 北京片皮鴨（跟薄餅）呢個最高分啊！ 可以自己包好好玩🌯素鴨烤香左好軟淋有啲似之前提過既素叉燒，配埋青瓜絲，呢啲就係口感💃😌.$68 瑤柱福建炒飯穩陣之選（一定唔差😎😎）仲勝在個量夠大！講緊個盤平面都大過個pizza！5個人都食唔晒，個炒底仲好夠香添🤩.$78 香煎黑椒金錢扒 就係呢味，令我對猴頭菇改觀，唔止做「排骨」，仲可以做香軟扒添啊，仲好入味，香椒味😍.🥦大自然素食 (太子)太子彌敦道750號始創中心3樓335號舖💰Tot

今晚去大自然素食食飯，食完嗌多一個炒飯攞走，為左環保，俾埋自己既盒佢裝。落單果位已經好似手足無措敢，要個資深d既呀姐教佢。之後埋單，一睇張單連外賣都計落加一，雖然係幾蚊雞，但我既然見到就要出聲，我話佢外賣黎都要計落加一?個落單既呀姐依依哦哦，跟住資深d果個又黎依依哦哦，仲要話我做咩嗌外賣唔叫佢同事分單，好似我係你度打工一樣，要比你更清楚你餐廳點運作敢。其實你去改番張單咪得囉，點解仲要同我嘈，我見對牛彈琴敢，可能佢又懶得就懶，我費事再勞氣曬口水，幾蚊雞就豪俾佢（個呀姐仲要話咪就係囉）。但真係唔建議黎大自然素食食飯，其實旺角太子有好多其他素食餐廳，食物唔會比佢差，但員工質素一定比佢好幾班（同區素食餐廳既員工質素倒數第一，佢當之無愧，階因我本身食素已經食過曬附近既素食餐廳），大家一search openrice就搵到旺角太子其他素食鋪。

突然心血來潮想食素,呢間餐廳都試過幾次 ,好彩今晚再去嘅時候 ，可以直接入去可惜嘅係需要搭枱，二人座位的數目不多 如果可以改善下就最好啦 叫咗個招牌 牛油果焗多士多士都係脆嘅,不過可惜攤凍咗,唔係即叫即焗 有啲可惜芝士海鮮焗飯 呢碟菜夠曬過癮佢嘅海鮮有假蝦，假鮑 南瓜 等等配上我最愛嘅芝士焗, 正 所以我每次黎。都係叫佢架，haha呢個係蛇羹食落有啲似碗仔翅嘅味道 假蛇就食唔到啦，木耳就大把 ，普通呀今晚嘅糖水係 :雪耳燉 木瓜冇乜味 ,好似飲水咁

今晚去咗呢間大自然素食館，因為係初一齋期，好多人，我地早兩日前訂位但都要等咗三十幾分鐘！感覺座位安排次序並不理想，另外座位也覺得比較擠迫，樓底矮，人聲好嘈！終于等到了，怱怱點咗幾個小菜，話明素食，這裡沒有肉類菜式供應！我地點咗日式燒汁鰻魚飯、大自然燒味拼盤、招牌雀巢三色骨，松子糖醋魚！全部食材是植物裁料，改個名似肉類啫！鰻魚飯、D燒汁配合得好好味，真係好似D鰻魚味道，配上幾片酸羌羅白，如開胃！個素燒味拼盆，有义燒，有雞有炸大腸，好鬼似，味道都好好唔會寡囗！松子糖醋魚，色香味都好夠水準，正！三色骨，有三款不同做法的（排骨）實際是用猴頭菰做料，又做得好好味喎，估佢唔到！整體菜色好好味，不怕肥膩！

今天到太子分店吃午餐，而下午茶開始時間3:00同時是半価，我們沒有有等下午茶時間2:30巳入去午膳，當然沒有享用半価，但我和朋友閑談至大約3:15，女侍應叫我們結帳，我們感覺此店大部份女侍應黑口黑面，完全沒有笑容，我們問她為什麼要我們結帳，同時我們不是下午茶時間半価，我們是用正価午膳？誰不知她望我們一眼，態度非常差而沒有回答就離開了，現在做飲食業太多競爭，而她們這樣的態度對待顧客，就算全港你係最好食，我也不會再去，可況食物一般般，比個態度惡劣獎給這店😡😡😡

太子分店的份量一向很足料，俾人感覺好有誠意，店員好識招呼客人，仲會記住你要走蛋，可能我成日都去，記得我食開咩菜，有次我落錯單都好醒目同我更正返。但價錢方面就有少少貴，因為仲要收加一同茶錢。唔同分店有唔同廚師，有部分菜式係會用唔同材料，例如是田園柚子沙律，其他分店是用橙色的凱撒沙律汁(含蛋奶)，好像唯獨太子分店和馬鞍山分店用的汁才是自己調的，味道十分好，很特別，我問過店員這種汁料是全素的，適合全素食者，但如果用凱撒沙律汁就不適合了。食芋頭魚千萬不要光顧銅鑼灣，味道好怪，係太子呢間先好食。可惜大自然多款有名的菜式都有蛋奶成分，所以每次去都冇咩選擇。太子大自然我光顧左有5年以上了，很佩服佢地食物水準一直都keep到，每日3-5時的半價下午荼時段一樣係大大碟咁上，唔好因為特價就縮水，但係留意要收茶錯同加一，所以實際上唔係平得好多。大自然個老闆係好尊重素食者，佢地係唔容許店員在店在吃葷食的，餐牌上都有註明哪些菜式含蛋分份，不過就未見有註明含奶成份。我看食評很多人都話佢地服務態度有問題，但我暫時都唔覺有太大問題，相反我覺得佢地好有原則，例如有客人在半價時段叫好多野食又食唔哂，仲想打包拎走，店員可能

太耐沒有吃素菜了，因朋友減肥，要吃得清淡，所以選擇了到大自然素食。太子這間分店，要預先訂位的，因實太多人幫襯了，否則要等好耐位了。首先來杯蕎麥茶喝下先，好香蕎麥味，好清爽，很少地方有得喝。餐前小食是小小車厘茄，外面沾了些番茄汁，好好味，未見過如此整法，好特別。芝麻牛蒡絲，必食之選，難忘第一次吃時，感覺超好味，那時牛蒡絲未流行吃的，只有大自然素食才有。柚子田園鮮果沙律，份量中足，好多柚子，醬汁好特別，酸酸甜甜。芫茜麻香黃金糖心皮蛋，菜式特別，麻麻香香，配搭得出其地好吃。味菜鱔絲生根煲，雖是面粉做的，但超似海鱔了，妙極妙極。蘢仔荷葉蒸雞，用猴頭菇來代替雞肉，超嫩滑，也很入味。雖然吃的全是素菜，沒有肉，也吃得超飽飽了。

一直都有光顧這店，經常去尖沙咀分店，今次為了方便大家，光顧太子分店。今次點了琵琶豆腐，居然饀料無乜豆腐，只有類似糯米粉之類的食材😳😠水準比普通小店還差很多⋯⋯