大自然素食

营业中

休息中

去完大自然素食先知道乜野叫趕客!有日剛好行過太子，見到"大自然素食"個招牌，發覺都好耐冇食齋喇, 就打去BOOK位，FULL得7788,只剩番晚上6:00PM, 照殺!我地一行5人6:00PM準時到達，發覺原來冇乜人，只有小貓三四隻，其餘的枱 都是RESERVED，坐低冇耐便叫野食，突然有位侍應走埋黎話"呢張枱 有人BOOK左, 要6:30比番我地。"你們冇睇錯, 我亦冇寫錯, 係六點半!佢咁講，我地諗住轉枱，但係原來佢既意思係所有枱 都要6:30交枱!!我地聽到之後真係火都黎，當然要同佢理論，依家唔係食快餐呀小姐，你又未上菜，點比番張枱 你呀，食M記都唔得啦, 咪玩啦! 唔想做我地生意都唔駛咁趕客掛，如果你六點半D位咁爆, BOOK位個時就唔好同我講得番六點鐘啦，依家黎到, 點完菜, 之後叫我用極速食晒D野，真係聞所未聞囉。最後我地冇理佢，照食可也，食左成粒幾鐘先走。食物外表都唔錯，係就係做到唔似齋，但味道好一般，油左D，沒有驚喜。但以咁服務態度，一定唔會再黎呀, 可惡!!!

本人是為我媽媽和大眾市民去投訴大自然素食的。雖然本人並不在場，但經媽媽的轉述後，亦覺得不吐不快。事原在6月22日，lunch time，媽媽和幾位阿姨先去攞位，因尚有幾位朋友未到，所以未order餸菜，就在等朋友的期間，媽媽就拿了三份一個豬仔包出來吃(註:只是一個$2的豬仔包，三份一到底有多少，大家想一想)；及後一位坐在收銀處的高級職員忙叫侍應待為告知我媽"這裡是不能其他非本店食物"，當然這個道理我和我媽亦非常理解，但因我媽是糖尿病患者，不能餓過度，所以她經常帶備餅乾或麵包之類的食物，她亦即時告知侍應她是糖尿病患者。該侍應亦明白事理沒有再說什麼，但那個不知所謂的高級職員立即很悔氣的說了一句"呢到唔可以食其他舖頭嘅野架!!"老實的說，就算該高級職員不清楚糖尿病是什麼，也不可能不允許一位病人先吃一丁點東西吧。(連迪士尼的場務阿叔都知道患者的難處，批准她帶麵包入場，甚至一些食店更會主動催促廚房儘快上菜呢!)就是這間"大自然素食"!!當時我媽及阿姨們即時發難及反駁她說:"那帶個BB來,是否也不能餵奶!?"對方亦不能反駁，連鄰坐的食客也為我媽抱不平。最終擾攘了一會就算了。現在的素食店琳瑯滿目,

好出奇地咁多人話佢唔好食，我係呢度係過兩次晚飯，都幾好食呀，同埋D service 都無問題喎，我記得上次因為要得我個friend黎，我坐左係度無叫野食，都坐左成粒鐘呀，Ｄ伙計都無話成日吹我走喎（果晚都有人係度等位嫁）

今日初一,和媽媽一起食素.點了星洲炒米同煎菜肉餃子.先說星洲炒米,好辣,好刺激,嗜辣者的恩物,但太鹹,食完要常常喝水.至於煎菜肉餃子,唔熱,以為自己食冷盤,皮又厚,好似食吹波膠.服務嘛......比食物的質素更......

知道係禾之家老細開的新分店,抱住試下無妨的心情幫襯.第一次ok,第二次來,嘩~~係咪生意太好,唔志在呢~~預先一日致電訂位,6點半準時去到,居然要坐門口位!入面未滿座的呀~~張張4人檯都留座~~我唔係訂左位咩,咁訂來做乜?我家人叫我算.叫了四人餐.不能否認,經過精美包裝的素食,同一般的齋舖賣的大不同,賣相同味道都好吸引.但,只是食物有高水準,服務九流,又有乜用呢?幾個侍應姐姐仔,行來行去,叫斟茶幾次都視而不見.外面等位的人越來越多,我和家人一邊食,一邊被人眼望望,非常無癮.侍應不斷問:呢碟仲要唔要?然後係不斷想收碟.擺明趕客.成餐飯背脊骨落,我和家人速速埋單,走都走唔切.如果我趕時間,不如去快餐店啦,大X樂同美x的服務態度不知好幾多呀~~香港咁多素食店,駛乜要幫襯呢間!

二人餐＄１３８原來要收茶錢茶又無問要勿不公平食物一般粗米反又凍又乾食到胃都痛糖水超水多加一埋單差唔多＄１８０唔抵！！！

年初四約咗d朋友去食齌，６點半門口經已要等位．可以舖位細的關係，d座位都比較迫．由於朋友叫餸所以唔知道d餸個名．食咗個翅，一個片皮鴨，口感一般，不過包住鴨嗰皮就幾好味．其他的餸都係一般般．可能有人等位的關係，我哋還未食完，個待應就話上甜品俾我哋．個甜品係紅豆沙，不過食落就比較差，無嘜豆，水多好稀．

服務態度完全唔可以接受, 野食幾好食都假, 未坐低一直受氣到出門口, 意為係員工個人本身問題, 點知連老闆同老闆娘的態度都係咁衰!如果全香港得佢\一間鋪頭係食素的, 我會繼續去食, 如果唔係佢\一定會係最後的選擇!

唔知點解有食家會有唔係太好既經驗,但係晚我同屋企人去食,真係好ok喎!無錯,食物既size係的的式式,細左少少,但係味道係好味喎!我地要左四菜,個南瓜什麼人什麼魚好夠味,又有好多南瓜,的所謂魚既口感仲好似真係!不過,有個唔知什麼炒牛粒又真係唔太好,一點都唔似牛,連個look唔似,一就知係菇,哈哈哈!至於個豆蓉湯什麼時蔬不過不失,最美味竟然在於個浸菜既湯,真係清得黎好好好好味囉!而最美味既菜式係個什麼炒糙米飯,有唔同料,如青豆,粟米,蟹柳等,而且咁鬼健康,又好味,食得過呀!之後仲送甜品,係西米露,而且服務好好喎,所以我真係覺得推介得過呀!仲有,好多人呀,唔係我地訂左位都無位,我唔知係咪日日都係咁,但係大家下次黎,訂位可能穩陣的!

近年香港人開始較注重健康，多菜少肉當然少不免。不過，食素又唔等於瓜菜多，為什麼？這間店的menu菜式多蘿蘿，又咕嚕肉又雞絲粉皮又魚翅湯，牛肉煲，魚香茄子等等等，就像上了酒樓中菜館一樣。要想素食變得有酒樓小菜般好味道，調味醬油真的下了不少，還有那些加足味精和色素的素豬肉素牛肉和雞肉魚肉等等...味道真的似層層。同係金魚街以前係蘇杏旋開的多寶齋廚相比，呢度款式多係值得一讚，佢走既路線係以素來模仿肉類小菜，令人覺得唔悶，其他的素店多數用返素菜材料來做菜名，好似係南乳粗齋煲咁，一聽就覺得老土、一舊舊麪根食到口淡淡... 呢個可能就係佢受歡迎的原因，晚上只做booking而不會留返d位俾人walk in，出了家的何寶生都幫襯。話說回來，今日即日booking兩點入座居然有位，叫了二人餐，小食：雞絲粉皮，湯：南瓜魚翅湯，主菜：西炒飯、什菜粉絲煲，足夠四個人食，無誇張! 佢份量係唔算細碟，就係就認真肥膩，西炒飯d油真係反晒光......仲好甜，雖然係用茄汁炒者，但係好似落左糖咁，豆皮醬都係甜架...... 好似將d海鮮醬加左少少辣醬咁.... 個什菜粉絲煲呢.... 好似烚菜加湯咁，真係......