大圍小館

营业中

休息中

之前行過已被一整排紅色燈籠吸引，咁啱朋友約食飯揀呢度，估唔到幾有驚喜🤩🏮勾魂叉燒（$168）叉燒厚切有5大件，跟配陳皮勾魂燒汁及奪命脆米，啲名真係好架勢😆先將叉燒掃上陳皮汁，再以火槍燒至微焦，經燒過嘅陳皮汁顯得更香更惹味😌叉燒非常軟嫩且多汁，每件叉燒雖然好厚，但好腍好香。另店員提示食用時將叉燒沾滿脆米，脆米不但可中和油膩感，亦令口感層次更豐富，有心思，有技巧，真高質👍🏻🏮金沙魷魚（$148）鮮魷鮮味又夠腍，輕咬就可咬開，完全唔使用力咀嚼😋金沙脆皮非常金黃鬆脆，夠薄而且調味非常出色👍🏻坊間嘅金沙偏鹹香，但呢度嘅金沙脆皮無咁鹹，但同時亦保留咗原本嘅香，所以食多兩件都唔覺膩，好出色👍🏻🏮豉油皇鮮鵝腸（$188）鵝腸肥瘦適中， 而且好新鮮，烹調時間拿捏得好好， 完全無縮水嘅情況；豉油醬汁唔會太濃，輕輕為鵝腸調味，最鍾意配埋香蔥一齊食，口感清新爽口勁好食😋🏮手剁蓮藕餅（$138）手剁蓮藕餅內有粒粒蓮藕，令爽口度大增，肉餅本身都幾香脆，唔會太鬆散或厚實，能夠鎖住肉汁，各方面都處理得好好😋🏮薑汁芥蘭（$118）芥蘭好嫩，薑汁唔會覺得辣，最值得表揚係每條芥蘭莖都有削皮，入口時顯得更嫩更爽脆，簡單嘅菜式

儘管未來嘅大圍會加速發展，但截至今時今日，大圍真係無咩特色野食（雖然平時啲人會話強記雞粥、燒鵝、椒鹽豬扒/肉餅、手撕雞腸粉、車仔麵等等，但住大圍嘅都應該知呢堆野好流，仲係流到不得了lol）大圍小館設於積福街，鄰近港鐵站A出口，平日飲茶/晚市都幾好生意，幾受街坊歡迎。價錢唔係平架，所以無實力嘅話唔會咁多人食。第一叉（$138/5件）：話就話五件，但每件都非常厚切，相當於平時嘅兩三件，所以五件都夠三個人食。其「第一叉」又名「勾魂燒」，特色係加上秘製陳皮燒汁即場以火槍加熱，醬汁香甜，富陳皮香，非常獨特。另外，碟上仲有大量脆米，增強口感，亦能減低油膩感。豆醬雞 - 新鮮雞（$198/半隻）：首先要讚下餐廳採用新鮮雞，其他地方即使同樣價錢都好多時會用冰鮮雞，食落的確唔同，雞味香，肉質亦十分細嫩，連雞胸都幾滑。豆醬雞係潮洲菜式，我自己都好少食，曾經食過嘅係味道較咸，但呢度個醬香而不咸，唔會太膩，幾岩送飯，同時亦唔會濃到遮蓋雞味。鮮菠蘿咕嚕肉：咕嚕肉味道酸酸甜甜，平時我都幾鍾意食，肉件夠香脆Juicy，醬汁夠濃，掛到汁。另外配有兩款脆米餅，食落無咁膩。炸瑤柱絲蛋白炒飯 - 配上湯（$198）：餐廳都

原來大圍小館上個月已經有新嘢推出！係時令秋風起必食嘅臘味系列😍一見到佢Facebxxk個Post就想衝去試！仲見到佢哋介紹啲臘味係用「錦祥號」烹調😋呢間錦祥號係本地老品牌連家燕媽媽都話好！真係唔試唔得🤩一行四人我哋叫咗：金腿鮮淮山炒雞油菌🍄第一次聽雞油菌，即刻去谷哥search吓真係好猛料！係四大名菌之一！菌香！仲好好味😋完全冇比金華火腿嘅咸香蓋過！芋蓉臘味盒：外脆內軟！芋溶好棉，加埋臘味香，一流！甜梅菜竹笙蒸茄子🍆竹笙同茄子清淡但勝在夠索味，突顯甜梅菜嘅味道！贊油加豉油，撈飯無得頂！無花果肉排🥩無花果好味！唔太酸又好醒胃，睇怕菠蘿咕嚕肉都要讓路啦😋豆醬雞：寫明採用新鮮雞👍🏽黃豆醬都幾清淡，食得出好香黃豆味！勾魂叉燒：呢味無得輸囉！仲比以前佢個「第一叉」更出色！事關佢用咗十五年陳皮製成嘅醬汁，再用火鎗炙燒😋😋😋唔叫你一定後悔😎

嚟大圍同屋企人食飯，明智地揀選呢間品質保証嘅中菜。皆因呢度嘅菜式都經過精心烹調，而且夠特式，就連醬汁都寧舍不同。「金腿鮮淮山炒雞油菌」雞油菌唔係四圍都食到，加入鹹鹹地嘅金華火腿，令清淡嘅菇鮮味更出。必點招牌菜式「勾魂叉燒」店員喺厚厚叉燒掃上"15年陳皮燒汁+菠蘿汁"一邊用火槍燒，一邊介紹沾上脆卜卜米粒，令食客「愈食愈有米」好味又有心思。「無花果肉排」無花果嘅鮮甜味，溶入肉排一齊烹調，好醒胃。「芋蓉臘味盒」外皮酥脆，裡面採用新鮮芋頭釀製，口感豐富「豆醬雞」可以食得返小時候細細粒嘅黃豆，好味又懷念。新鮮雞...肉質鮮嫩，份量十足。「野生竹笙伴時蔬」喜歡呢道菜，使用新鮮茄子同爽口竹笙，吸哂湯汁嘅精華「腐竹洋薏米糖水」暖笠笠嘅糖水，為今個晚餐畫上完美嘅句號。難得遇上有質數．有水準嘅中菜，絕對能滿足對食物有要求嘅食客。下次一定再嚟

今次黎到呢間大圍小館，裝修好豪華，格局好有中式餐館味道，一家人黎食就岩曬喇。 裝修格調好柔和，而且座位又夠闊，夠曬一大班人坐。茄子豆腐煲，豆腐夠曬大舊，好足料，茄子好有咸香，用煲上夠曬熱辣辣，上枱仲有芝芝聲，感覺好正。本地農場，100日無激素雞，用沙薑既方式煮，食落好惹味，d雞好嫩口，一啲都唔柴，果然夠新鮮。食落仲好有雞味，沙薑味都好足，而且又唔會太油。陳皮火炙叉燒，件件都好大舊，食落好嫩口，夠曬油香，仲有少少焦焦地，特別惹味，大啖食落去口感都好滿足。陳皮味中和左叉燒既油膩感，食落唔會太油。豬肉好有豬味，而且肥瘦均勻，外皮炸得好脆，夠曬香口。三鮮荷葉飯，有魚仔乾蝦乾魷魚，排場好勁，用一大個蒸籠上，d飯吸收曬三魚既咸香味，食落好鮮好正。

一行四人同老豆食生日飯，老人家鍾意食中菜，但成日去酒樓食都悶悶地，今次轉食呢間特色中菜，老豆表示好滿意👍👍冇諗過，叉燒都可以係主角。食前都好有架勢，侍應姐姐幚手：1>叉燒掃陳皮醬2>用火灼叉燒3>黐炸米4>好食到不得了叉燒👍👍炸米夾半肥瘦叉燒，絕配🤤🤤🤤一定會再食蒸蟹飯都好正，够大份😋(蒸都幾耐，可以坐低就叫定先)薯仔牛柳粒有啲細碟，個份量似小食多啲，食唔够候呀😅豐富，份量都够食較咸，菜都唔係好多，揀雜菜煲好過好特別又香口既炸豆腐😚有飯後甜品送，大滿足啊💯嘢食，環境，服務一家人都好滿意，以後又多咗個聚腳點🥳

又係我推介一級正既中菜既時候啦作為九龍人既我, 其實新界真係比較少去而呢間中菜餐館係我家姐介紹俾我既我食完真係覺得呢間餐廳好有心真係好藉得上黎介紹下俾大家 你會見到第一頁好吸引你既眼睛係寫住 懷舊失傳菜呢D功夫菜係出面真係愈來愈少 有興趣可以係到擺個圍菜多人可以share多D野食 而我苜先叫左最最最出名既 第一叉嘩 講真 食左20幾年叉燒都未食過咁大舊既叉燒唔好以為佢咁大舊 肉質一定老佢當然唔係 厚過本書既佢竟然仲好淋 好易入口而佢配上陳皮汁 唔係得蜜汁個種甜 仲有一種香味呀!佢下面有脆米 員工同我地講 吒味餸又叫愈食愈有米嘩 真係不得了 仲唔食多幾舊咩我 下一樣就係 香濃腐乳炒蝦球西蘭花呢樣最出色就係佢蝦球 超大粒好明顯佢唔會炒到全熟 炒到岩岩熟先係最彈牙腐乳既感覺雖然好似好咸 但係佢炒得好清好好食 當然要整番個牛肉俾食肉獸既男朋友啦佢叫左個意大利黑醋肉排呢個汁我好少係出面食到應該話黑醋好少配牛肉可能係配沙律比較多而佢呢碟牛肉的確俾到驚喜我呀! 最後有個炒飯就係黑松露松子仁蛋炒飯其實食到呢到已經飽左但我都食左3碗炒飯原因就係因為佢好好好好食呀!每一啖都好重黑松露味 而且我覺得佢有減低

來到大圍，大到『大圍小館』，出邊的紅燈籠好易認，正如朋友所講，而且近MTR大圍站，行2分鐘就到。6點未到，已好多人等位，中式餐廳少見。『勾魂叉燒』5件喺出邊poster的推介，勾魂叉燒上台時配埋陳年陳皮醬汁，我定力够，未至於勾到魂，但真係好好味，跟住的醬食得唔好嘥，點埋『無花果肉排』的肉排都唔錯。食叉燒嗰時店員即場用火槍燒叉燒表層，好睇得來又好食，叉燒大大舊，但意想不到的鬆化，正吖。鍾意海鮮的我點咗同樣喺Poster見到嘅『薑米蒜香籠仔蟹飯』還有『香濃腐乳炒蝦球伴西蘭花』，蟹大隻新鮮，好鮮甜，飯有埋蒜香蟹味，口腔充滿美味，超滿足，而蝦球亦新鮮彈牙，食得好滋味吖。連送嘅甜品都好足料

好彩book左位，去到已經見倒門口企滿人😱茶我地叫左水仙，呢款水仙好特別，有好重既煙燻味👍🏻勾魂叉燒｜好有睇頭既一道菜！上檯個陣店員會搽上秘制陳皮燒汁再用火槍燒香，建議再灑上金鳳脆米食，真係一試難忘❤️叉燒好厚身但食落都係好腍，肥瘦均勻，加埋面層焦香同脆米，好有層次，仲食倒淡淡陳皮香，非常出色！鳳梨生炒骨｜餐廳用上鮮鳳梨令酸味更突出，生炒骨外脆內軟，肥膏炸過後入口即溶🤤底層有紫米同普通白米脆米餅，點埋甜酸汁一齊食好開胃！香濃腐乳蝦球｜用上過百年歷史既廖孖記腐乳，腐乳味香氣濃郁，蝦球大大粒好爽口👍🏻西蘭花炒過後都保持色澤翠綠，完全無草青味！蒜香薑米籠仔蒸蟹飯！真係成隻蟹😍😍😍蟹肉鮮甜彈牙，飯粒索哂蟹味，再加埋蒜，薑同蔥，超好味！而且粒粒分明，好乾爽。不過份量比較多，我諗三至四個人食先好叫🤣甜品｜餐廳最後仲送上椰汁紅豆糕同腐竹薏米糖水，兩者甜度都岩岩好，好完美既一餐飯🥰

大圍人一定都識大圍小館呢間餐廳😙門口掛左好多紅燈籠🏮外區人嚟到都會好易搵到佢😁 星期日排左1.5hrs先入到去食嘢😟真係估唔到要等咁耐🧐 入到餐廳覺得環境好清雅☺️枱與枱之間都分得幾開，唔會好似一般酒樓/茶居坐到好迫環境好嘈😎呢度夠晒空間可以好好咁enjoy呢餐茶😙呢度嘅叉燒係招牌菜，排左個幾鐘就梗係要試埋佢啦😜第一叉薑葱撈粗麵$168，睇個價格就似乎進取左少少🤏🏻但食完又會覺得值得😬原來個麵都幾大煲😮份量夠4個人分享👻叉燒厚切大大件，店員話呢個切法係為左鎖實d肉汁🤤叉燒都幾多肥肉😮油香充足😋咬落的確係juicy得嚟又帶點爽口😚再加上d燶邊入口就更香😋 陳皮豆沙煎堆仔都相當唔錯😚我本身係好憎食紅豆/紅豆沙🤭但呢個煎堆仔我都忍唔到食左2粒🤗陳皮味好出🥰豆沙蓉非常滑，無渣，炸物可以做到入口一d都唔油膩之餘居然仲有d甘香嘅感覺🤤另外三個點心鬼馬得意腸/奶皇千層糕/鮮筍蝦餃我個人就覺得符合預期，比起一般茶樓係做到above average，但就無話十分驚喜😇🌟推薦🌟第一叉薑葱撈麵陳皮豆沙煎堆仔

做咗咁多年沙田友，甚少去大圍食嘢，呢日就興之所至去呢間幾出名嘅中菜小館，一試佢哋嘅晚飯小菜餐牌甚多選擇，而且好多都好有特色▶️豉油王鮮鵝腸 - 有別於一般大排檔嘅豉椒炒鵝腸，先灼熟啲鵝腸，再以調制過嘅豉油拌碟，令鵝腸更入味▶️炸蟹鉗 - 爽口彈牙，亦食得出蝦肉嘅鮮味，必食之選！▶️柚蜜鹹檸無骨雞 - 西檸雞嘅變奏版，以韓國柚子醬製成醬汁，再用柚子絲鋪面，食得出柚子嘅香甜▶️海味雜菜煲 - 蝦嘅份量比較多，另外用上較多魷魚鬚亦非常吸引▶️飯後甜品 - 腐竹糖水/椰汁紅豆糕，腐竹糖水最特別係加咗西米，變得不單調，而紅豆糕就啖啖紅豆，誠意製作！餐後感：整體食物質素好好，製作認真有誠意，其實仲有好多特色小菜未試，下次約多幾個朋友再試埋去！

大圍好食嘅嘢有好多， 今日就畀呢一間嘅門面吸引到大圍小館就真係喺大圍裏面嘅一間小中菜館， 門外掛滿紅燈籠十分吸睛， 入面一張張圓枱用了膠片分隔， 這樣的裝橫令到整間餐廳完全沒有壓迫感。紅色這一款沒有價錢的餐牌， 每款菜式也令人垂涎三尺， 這店也有提供他們牌子的的濕紙巾可以用作清潔雙手。頭盤有白飯魚仔和木耳白飯魚甜甜的和木耳辣辣的， 香脆可口。鎮店之寶勾魂叉燒 現場專人用十多年的陳皮汁， 塗上叉燒上， 然後用火槍將叉燒的外皮燒得又香又脆。 店員推介把 脆米粒沾滿叉燒的表面再放入口吃會更可口。這個是豉油王鮮鵝腸， 雖然有芽菜墊底但份量也十足。 我想十分入味也十分脆口爽口， 用作送啤酒就一流了。香濃腐乳炒蝦球伴西蘭花賣相十足， 鮮蝦也十分新鮮， 可是我吃不出腐乳味， 唯一有點美中不足， 比較平凡。炸鮮奶香脆可口， 味道十分甜美， 如炸皮較薄會更加好最後還送了甜品椰汁糕及白果糖水， 已再剩不下其他東西了。

呢間餐廳係大圍好出名，食過既朋友都會介紹兩個人嗌唔到幾多野，每樣都想食😆即場燒叉燒表面，入口鬆軟，帶有焦香味😋😋😋柚蜜鹹檸骨 濃濃既柚子味，甜味味，好岩送飯😄薑米蒜香籠仔蒸蟹飯用料新鮮，蟹肉飽滿，肉味鮮甜👍🏻👍🏻👍🏻

懷著極度期待的心情，來到這家以懷舊失傳菜和自家燒味聞名的「大圍小館」，今晚專程來到就是為了一嚐他們的勾魂叉！未入到餐廳，已經被門外的燒味吸引著，看見燒鵝、油雞、還有一排排滴著蜜汁的叉燒掛在玻璃櫥窗前，真的，誰能抗拒 …勾魂叉燒（HK$168)厚切的勾魂叉燒先放在脆米上，然後侍者會為叉燒掃上一層陳皮勾魂燒汁，再用火槍燒一燒外層，吃的時候再灑上奪命脆米，這個就是傳說中嘅「勾魂奪命叉」。叉燒嫩滑並帶點焦香，加上香脆的脆米，外脆內軟，多重口感，令人一試難忘。金腿鮮淮山炒雞油菌（HK$198)一道清新的菜式，材料主要是雞油菌、鮮淮山和香芹，加了金腿絲令這道菜增添甘香的味道。無花果肉排（HK$188)肉排炸至金黃酥脆，加入了蜜餞過的無花果乾，味道甜甜酸酸，十分開胃，亦可解膩。三馫籠仔蒸飯（HK$188)三馫是什麼？這個籠仔蒸飯放在荷葉上蒸，飯面上的三馫是蝦乾、吊片亁和銀魚乾，惹味的海味令平凡的蒸飯添上三重香氣。甜品最後附上一凍一熱的甜品，椰汁紅豆糕和銀杏腐竹薏米糖水。茗茶/小吃（@ HK$28)不要少看這兩款小吃，話梅苦瓜和脆脆魚仔，兩款都很好味和甚具水準，從中可以看到廚師的誠意，即使只是小吃，也

好少去大圍食嘢，但之前聽朋友介紹過有間好食嘅中菜，就特登嚟試吓。晚飯六點開門，但五點幾已經有人喺度排隊，心諗應該真係唔錯！😆舖頭門口有特色，掛咗好多紅燈籠，內部裝修乾淨舒適，第一印象良好😊驚店員推介我哋叫咗：怪味蝦球半西蘭花 $168個名好似好怪咁，其實係用柚子同胡椒炒d蝦球，食落清新嘢味，重有啲芥末突出蝦嘅鮮味，而蝦球肉質爽口，感覺新鮮❤️勾魂叉燒 $168賣相同食法都創意十足，叉燒下面鋪咗脆米，再用15年陳皮叉燒醬查一查叉燒再用火燒燶個面，食嘅時候可再沾上更多叉燒醬同脆米，口感十足😋最正嘅係佢嘅叉燒醬中嘅陳皮味好甘香，留咗喺口到好耐唔散😋真係好好味！之後忍唔住要來撈飯😆金腿鮮淮山炒雞油菌 $198廚師用咗12年金華火腿炒雞油菌，夠晒鹹香，而且比較少有呢個菌，所以幾特別，淮山夠清爽！整體來講配搭得幾好！👍🏻黑松露醬松子仁蛋炒飯 $168呢個真係要特別推介！首先飯炒得夠乾身，而且成碟都充滿黑松露既香味，炒得好均勻，配上松子香，雖然只有少量配料，但整體都好夠味！證明廚師功力真係好😉最後餐廳每人送咗腐竹薏米糖水同15年陳皮紅豆糕做甜品，真係好滿足！😊總括嚟講餐廳食物冇得彈，店員服務態度又好，