大圍小館

营业中

休息中

勾魂叉🥢勾魂叉係第一叉嘅變奏，叉燒一樣用咗梅頭肉，肉質細嫩，輕輕就可以咬開，水準非常穩定！變奏係指侍應會即席搽上特製嘅15年陳皮醬，再用火槍均勻咁燒香，令叉燒表面更焦脆，而醬汁嘅香味亦可以滲入肉裏面，底下係金鳳脆米，將叉燒喺脆米上碌一碌，讓脆米包裹住叉燒，外脆內軟嘅口感真係食過返尋味，再加上侍應會好耐心講解菜式嘅特色，非常欣賞😋沙薑鮮雞🐓上次嚟食完第一叉對依度嘅燒味好有信心，今次試埋沙薑雞，雞隻係無激素嘅90-100日本地農場新鮮雞，雖然脂肪唔多但係肉質更嫩滑，連雞胸都好好食，仲可以食到罕有嘅雞雜😋沙薑粒亦係新鮮自家製嘅，所以味道天然，唔會過鹹，燒味功夫果然到家👍甜梅菜竹笙蒸茄子🍆調味適中，簡單而健康~ 蝦籽鮑汁乾燒燴伊麵🍜伊麵吸收晒鮑汁嘅精華，蝦籽份量多，令伊麵更具鮮味，另外附上香港老牌余均益辣椒醬🌶奉送紅棗雪蓮子桃膠糖水🥣

☕️ 食物：👍🏻👍🏻👍🏻👍🏻👍🏻 /5💰 CP值：👍🏻👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5平安夜的晚上，與家人一改作風去吃精緻中菜，這樣就可以避過滿滿吃西餐的人潮吧！真不得不讚自己實在太聰明！😆聰明的我早早就預訂這家剛榮獲《優秀開飯熱店大獎2021》的大圍小館，傳聞她專門做懷舊失傳菜之餘，同時會把普通的菜式發揮極致，轉身成為客人讚口不絕的佳餚！最後證實：那絕對不是傳聞，是千真萬確的事實！👍🏻👍🏻 加上餐廳傳統中帶摩登的裝潢、店員貫徹到底的優質服務和那杯⋯ 非同凡響的白牡丹☕️，我想就已足夠是他日回頭光顧的理由吧！💋 勾魂叉燒 ($168)「勾魂叉燒」這個名稱好像有點誇張，但吃過以後才明白箇中道理。一碟五件的厚切叉燒，以脆米墊底，店員先幫忙薄薄塗上以15年陳皮調教而成的秘製醬汁，再以火槍輕烤叉燒表面至略略燒焦狀態，最後可自行灑上脆米，或多加秘製陳皮醬汁後再品嚐。說實在，叉燒肉質軟綿，半肥瘦的厚切感覺很豐盛，而秘製陳皮醬汁味道能把肉味提香，再配上脆米同吃簡直令口感昇華到更高層次，真不愧師傅想到這種100分的配搭！它可算是我吃過的叉燒中極品 👍🏻👍

二訪大圍小館 上次係同朋友 今次係同屋企人做節 餐廳門口天花掛著好多一串串嘅紅燈籠🏮 非常易搵 ˜”*°•勾魂叉燒($168)🐷•°*”˜第一道要介紹當然係呢度嘅招牌菜勾魂叉燒 對上一次黎嘅時候都未有 真係估唔到叉燒可以有咁嘅食法 新奇之餘又真係好食 店員會喺你面前幫叉燒塗上15年嘅陳皮醬汁 再用火槍燒香叉燒表面🔥 之後再沈上脆米 叉燒又香又脆 仲有啖啖陳皮嘅香醇 唔鍾意果皮味嘅我都覺得好好食 真係好特別👍🏻˜”*°•豉油王鮮鵝腸($188)🦢•°*”˜用上佢哋特製嘅頭抽 豉油唔會好鹹 非常鮮味 鵝腸燙得啱啱好 非常嫩滑爽脆 連肥膏都去埋 一啲都唔韌亦唔覺肥膩👍🏻˜”*°•香濃腐乳炒蝦球配西蘭花($168)🦐🥦•°*”˜蝦球非常大粒 肉質爽口 沾滿惹味嘅腐乳醬 味道非常之夾 真係幾好食👍🏻˜”*°•桂花一樓香($238)🌼•°*”˜桂花炒得好乾爽 夾雜好多蟹肉同瑤柱絲 面頭仲有金華火腿絲 清得黎又好香 有水準˜”*°•九龍辣爆吊片($238)🦑•°*”˜低估左佢嘅威力 估唔到係咁辣 但係佢嘅辣又散得好快 辣到想飲水之際又消失左 好過癮🌶️˜”*°•薑米蒜香籠仔蒸蟹飯($258)🦀️•°*”

成日聽到人話呢間小菜好食 於是一早訂定枱同屋企人黎做節 果然冇錯啊 小菜全部都幾高質首先叫左呢度嘅招牌勾魂叉燒 真係估唔到叉燒可以有咁嘅食法 新奇又好食 店員會喺你面前幫叉燒塗上15年嘅陳皮醬汁 再用火槍燒香叉燒表面 之後再沈上脆米 真係好特別 另外仲叫左豉油王鵝腸 用上佢哋特製嘅頭抽 非常鮮味 一啲都唔覺鹹 鵝腸好嫩滑爽脆 去曬肥膏 一啲都唔韌之後係腐乳蝦球西蘭花 蝦球非常大粒 沾滿惹味嘅腐乳醬 真係幾好食仲有炒桂花同九龍爆辣魷魚 一個夠清一個夠辣 兩個都炒得好乾身 有水準最後仲有一個薑米蒜香籠仔蒸蟹飯 隻蟹夠晒大隻多肉鮮味 炸蒜撈飯好香 家人都食得好滿意 食左餐開心冬至飯

呢間上次食完講過一定會encore😋勾魂叉燒 $168必食！唔會食到一口油既叉燒😋肉質鬆軟，加上經過特別調製既叉燒醬👍🏻絕配濃濃的陳皮味&海鮮醬😋😋😋野生竹笙伴菜心 $ 158竹笙爽口，口感實在，好好食🤩豉油皇鮮鵝腸 $188都係爽口既代表，無油膩感，配飯食一流👍🏻👍🏻👍🏻臘味煲仔飯 $398一啲都唔馬虎，好足料🤩臘腸潤腸好香，肥得黎食落唔會一口油大部分落哂去飯底🤣🤣🤣油鴨髀、臘肉肉味香濃，鹹得黎好香飯焦脆卜卜，最後成煲飯食哂😋😋😋

今晚又再次幫襯這間出名食叉燒的中菜館，好彩一早訂位，8點時段都全場爆滿，見有walk in客都無位serve。幾好味的炸魚干。勾魂叉：眼見每圍都見有碟叉燒在枱，厚切肥叉搽上陳皮叉燒汁後再以火槍燒至燶邊，叉燒散發著陣陣焦香，再加上炸至香脆的米脆一起食，米脆吸收了叉燒油香，香脆又有濃濃肉香，叉燒十分juicy。沙薑雞半隻：用了90日大的無激素雞，雞皮皮下脂肪少而且很爽口，新鮮雞果然肉味較香，而且很嫩滑。大分菇蝦子柚皮：柚皮絕對是功夫菜，柚皮入口充滿湯汁鮮甜，炆至入口鬆化，帶淡淡蝦子鮮味及蠔王鮮，大分菇炆至腍身。最後食埋個椰汁紅豆糕，非常滿足的一餐。

每次去大圍約飲茶必定會揀大圍小館，貪佢啲點心夠出色又精緻，今晚約咗朋友晌大圍食飯，我又好想試下佢聞名已久的勾魂叉燒，因為知道好多人等位，我地6點鐘就去到，好快就可以安排入座！勾魂叉厚切半肥瘦叉燒，上枱時經理幫我哋用陳皮醬搽上叉燒，再用火槍燒得焦香，沾上脆米一齊食，外面脆口裡面陳皮味香，加上叉燒口感太豐富了，好味😋香煎百花羽衣甘藍羽衣甘藍沙律夠新鮮，配埋芝麻醬同食，煎墨魚餅略為太大塊，如果細塊點會更佳炸瑤柱絲蛋白炒飯 - 配上湯炸香的瑤柱絲配上蛋白炒飯，瑤柱絲非常香脆，炒飯炒得好乾身，娟覺得太乾可以加點上湯，少有的貼心蜑家鴛鴦魷新鮮和乾魷魚炒芥蘭，食落2種不同魷魚口感不錯，亦炒得很香

一年又差不多完結，趁冬至快到，同屋企人提早少少做節，這間大圍小館主打中菜，其中最出名就是勾魂叉。勾魂叉厚切半肥瘦的第一刀，加上秘製陳皮叉燒醬，再即場燒至表面焦香，叉燒入口甘香，肥而不膩，肉質嫩腍，有淡淡陳皮甘香。無花果肉排用了新鮮的排骨，無花果天然甜香滲入排骨內，入口清新，肉質嫩腍。鮮淮山炒雞油菌雞油菌真的很少見，用了金華火腿調味，令爽口的雞油菌及淮山增添風味。黑松露松子仁炒飯炒飯充滿黑松露香味，飯粒分明又爽口，加上鬆脆的松子仁，很有咬口。椰汁紅豆糕紅豆糕有淡淡陳皮香，還有點椰汁甜香，為今晚作結尾。

補寫翻食評，一個不錯的體驗。環境間隔幾好蜂巢炸芋角，35元。炸得好鬆膽，入口質感非常好，會翻嗌之選。鹿茸菌餃，43元。熱辣辣，皮略嫌有d軟，不夠彈，料得足，不過不失。辣䜴椒蒸鳳爪，35元。正常水準。奶皇千層糕，35元，正常水準。忘了這個叫什麼，但非常好吃，五星推薦！懷舊雞窩，43元。現代很少地方會有這種點心了！不管好不好吃，也值得一試，很特別。鵪鶉蛋燒賣，40元。水準還可以。川弓白芷蒸魚雲，46元。有一點苦苦的，家人很喜歡，我一般，比較喜歡吃辣的。環境最後埋單～

去到大圍你一定會留意到一間超搶眼的中菜館，外面掛著多串的大紅燈籠🏮好吸睛。餐前小食，今天是脆卜卜的小魚乾，好香口，送酒一流。勾魂叉燒(五件) ($168)店員即場將叉燒掃上老陳皮燒汁，然後用火槍將叉燒外皮燒得更香脆，增加香味，再附上一碗脆米一同進食，可以增加口感。厚切叉燒肥瘦均勻，肉質腍滑，入口鬆化，不愧是出名的勾魂叉燒，必吃。薑米蒜香籠仔蒸蟹飯($258）現在是食蟹的季節所以一定要叫個蒸蟹飯，上枱時香味十足，有蒜蓉的濃香更有蟹的鮮香，蟹肉結實鮮味十足還有滿滿金黃的蟹膏，飯粒充滿蟹味和荷葉味道，份量足夠三、四個人享用。薑汁芥蘭($118）只選用芥蘭最嫩的部分，炒得很爽脆，但價錢有點貴。酥皮炸鮮奶8件($128）這個菜式不是有很多酒樓供應，外脆內軟滑，要趁熱品嚐，年輕人想試下，年長的又想懷舊一下，好吃。

大圍我知一向都多嘢食，但係屋企太遠所以冇乜機會試，今日難得同屋企人入到嚟，就試一試頗有名氣嘅大圍小館門口都好有特式勾魂叉燒果然不負招牌菜之名，侍應先用火槍喺面前燒香燒脆個表面，燒嗰陣已經聞到肉香味，食落去厚切叉燒啖啖肉好有質感，而且好腍，底下啲脆米爽埋一直食仲有層次，配上自製梅汁真係無得輸啫啫唐生菜煲 ($128)天氣凍食個熱辣辣嘅煲好正，離遠已經聞到好香蝦醬味，食落好入味，送飯一流手剁蓮藕餅 ($138)蓮藕餅煎得好香，而且食得出唔係死實實，而係手剁嘅質感，仲要唔太油，所以話簡單嘅菜式更凸顯出功夫嘅分野黑松露醬松子仁炒飯 ($168)呢個炒飯真心推薦，黑松露味極重，而且唔好睇松子仁好似好普通，其實一啲都唔平，而餐廳都好肯落材料，所以松子仁味都好出，炒埋一齊好好食!最後仲有腐竹糖水送添!

大圍小館裝潢古色古香，相信不少人誤以為大圍小館只有老一輩才光顧，那就大錯特錯，大圍小館吸引不少年輕人光顧，每次來大圍小館用膳，食客都越坐越滿，我想大家應該跟我一樣，欣賞大圍小館對小菜堅持講究與細膩的味道。大圍小館的招牌菜第一叉一吃令人傾心，最近大圍小館又有新搞作，推出勾魂叉。勾魂叉比第一叉更迷人，勾魂叉採用15年的陳皮製成烤叉燒的陳皮醬，店員先溫柔地將叉燒均勻塗滿陳皮醬，然後再用火槍熱燒叉燒，讓陳皮醬容易滲透叉燒中。瞧瞧勾魂叉那油亮油亮的光澤感，是不是看起來超美味? 勾魂叉所用的陳皮醬味道獨特，有著幽幽的果皮香，叉燒外層香脆，肥瘦剛好，肉質軟嫩帶有彈性，我愛死勾魂叉呢。至於脆米則有畫龍點睛的效用，脆脆的咬感豐富勾魂叉口感味道層次。辣爆九龍吊片辣椒，芹菜紅紅綠綠的配色我先給滿分，吊片本身脆彈鹹鮮，經辣椒爆炒後香辣惹味，惹人喜愛，完全是白飯殺手，絕對不能錯過辣爆九龍吊片啊。炸瑤柱絲蛋白炒飯灑滿了金黃脆香的炸瑤柱絲，為蛋白炒飯添上幾分奢華瑰麗，炒飯粒粒分明，不會過於油膩，嚐到陣陣瑤柱的海味，蛋白細膩幼滑，我們都忍不住一口接一口。炸瑤柱絲蛋白炒飯還有另一個吃法，就是上湯拌炒飯，一飯二吃。清徹的

呢晚同屋企人黎到大圍既呢間大圍小館，未入到黎已經俾出面掛住既燈籠吸引住！好彩book定枱，平日都幾多人！入到去店員就問我地要咩茶，我地就叫左鐵觀音，佢既茶味勁香，比起出面D連鎖既茶樓感覺飲落好好多！我地叫左勾魂叉燒，無花果肉排，魚香茄子煲，沙薑雞，三馫籠仔飯，腐乳炒蝦球伴西蘭花～勾魂叉燒真係又食得又睇得，勁誇張，首先叉燒已經係厚切版本，店員仲要上埋陳皮醬，將陳皮醬查上D叉燒上面，最後用火槍燒一燒個面，陳皮醬既香味更加可以揮發到出黎，真係超好食，叉燒肥瘦均勻，咬入口又充滿油香，真係一食令人難忘！我地絕對會因為呢份叉燒而番轉頭！叉燒仲要伴埋脆米，撈埋一齊食又係另一番口感～無花果肉排既肉炸過黎，食落好脆口，配埋無花果汁甜甜地咁，真係超正！無花果好甜，食落感覺好養顏，岩哂屋企既老人家食！魚香茄子煲真係估佢唔到咁驚喜，可能你會覺得呢樣咁普通茶記都食到既野唔應該叫，但叫完先知真係冇叫錯，首先煲上熱辣辣，其次係佢既調味恰到好處，唔會死咸，仲要煲底唔會係聚滿油咁油lumlum! 送飯真係一流！食到停唔到口！腐乳炒蝦球伴西蘭花既蝦球夠哂大舊，食落勁爽口，蝦腸都挑哂可以放心食，夠哂細心，配上腐乳醬真係一流

位於大圍火車站附近的積福街有一間門口掛完紅色燈籠嘅中式酒樓 大圍小館，佈置充滿中式風情，古色古香，多排紅色燈籠引人入勝👍去到撞正晚飯時間，比較多人等位，要等一陣先有位入去。餐廳環境燈光明亮而且舒服闊落蜜芽糖魚仔乾（餐前小食）每一條魚仔乾都用蜜芽糖包住，食落又甜又脆口仲有少少魚乾本身嘅咸香，食幾條再飲啖茶🍵即刻開胃左，為大餐做好準備😝勾魂叉燒（五件）$168厚切叉燒，每件都大大件，而且肉質仲要分瘦肥瘦三層😋食之前先茶上一層祕製燒汁再用火槍燒一燒，再沾上脆卜卜嘅米通嚟食🍖味道甜甜地而且口感得意，每一啖都唔同，瘦肉軟綿，肥肉油滑入口即化，非常好食😍香濃腐乳炒蝦球拌西蘭花$168腐乳味香濃連我唔鍾意食腐乳嘅朋友都鍾意👍蝦球粒粒都同乒乓波差唔多大細只細少少🤏而且彈牙爽口鮮甜，再用清爽嘅西蘭花撈埋腐乳汁食，令人欲罷不能🤤無花果肉排$188外型似咕嚕肉，味道少少酸甜，無花果片令肉排多層香味同多一分口感薑米蒜香籠仔蒸蟹飯$258橙色大大隻蒸蟹差唔多覆蓋成個蒸籠，蒸蟹同蒜蓉嘅香味撲鼻以來，蒸蟹肉質鮮味十足，而且仲好多蟹黃😍撈少少蒜茸嚟食已經好正。不過重點在於白飯到，蒸煮期間蟹嘅鮮甜都滲透到米飯入面，加上

🌱前菜先有炸得乾脆嘅魚乾仔，入口甜甜地，好似有啲糖漿包裹著咁，內裏帶有一絲絲辣味，幾香口。另外仲有款冷盤菇菌，用簡單醃料處理過，有醬油麻油嘅香氣，凍凍地幾清新。🐖 勾魂叉燒師傅好風趣，表示要先為叉燒做Massage按摩下，塗抹上十五年秘製陳皮燒汁，然後再用火槍燒香表皮。食用前，店員教我地可以醬大大舊碌碌碌，沾滿金鳳炸脆米，然後按自己口味再加沾醬汁。一食落口，超級軟嫩，叉燒內仲有好多肉汁，肥瘦參半，而面頭焦香滿溢，配搭脆米食非常出色，多份脆身口感同米香，重點係每舊叉燒都好有份量，食完會有份大滿足！推薦！💐無花果肉排 🍖 幾有特色嘅一道菜，可以話係咕嚕肉同士多啤梨骨嘅變奏版，使用咗酸甜嘅無花果代替一貫嘅水果，而肉方面食得出係絕對新鮮嘅排骨，先用油泡再兜炒，口感嫩滑唔會過乾，成道菜式幾開胃，忍唔住好快就食完！🦐煎櫻花蝦餅伴羽衣甘藍好欣賞用到私心大愛嘅superfood伴碟，果然係創新傳統酒樓。蝦餅口感偏紮實，唔係落好多粉個種，食落完全無油膩感，咬開有好多配料增添口感，櫻花蝦味道都幾突出，係富有特色嘅菜式。🥬鮮腐竹魚湯浸時蔬魚湯熬得夠火候，毫無味精感覺，鹹度亦適中，配搭少許薑青提味，零舍鮮甜濃