影片
更多
2021-11-26
227 浏览
儘管未來嘅大圍會加速發展，但截至今時今日，大圍真係無咩特色野食（雖然平時啲人會話強記雞粥、燒鵝、椒鹽豬扒/肉餅、手撕雞腸粉、車仔麵等等，但住大圍嘅都應該知呢堆野好流，仲係流到不得了lol）大圍小館設於積福街，鄰近港鐵站A出口，平日飲茶/晚市都幾好生意，幾受街坊歡迎。價錢唔係平架，所以無實力嘅話唔會咁多人食。第一叉（$138/5件）：話就話五件，但每件都非常厚切，相當於平時嘅兩三件，所以五件都夠三個人食。其「第一叉」又名「勾魂燒」，特色係加上秘製陳皮燒汁即場以火槍加熱，醬汁香甜，富陳皮香，非常獨特。另外，碟上仲有大量脆米，增強口感，亦能減低油膩感。豆醬雞 - 新鮮雞（$198/半隻）：首先要讚下餐廳採用新鮮雞，其他地方即使同樣價錢都好多時會用冰鮮雞，食落的確唔同，雞味香，肉質亦十分細嫩，連雞胸都幾滑。豆醬雞係潮洲菜式，我自己都好少食，曾經食過嘅係味道較咸，但呢度個醬香而不咸，唔會太膩，幾岩送飯，同時亦唔會濃到遮蓋雞味。鮮菠蘿咕嚕肉：咕嚕肉味道酸酸甜甜，平時我都幾鍾意食，肉件夠香脆Juicy，醬汁夠濃，掛到汁。另外配有兩款脆米餅，食落無咁膩。炸瑤柱絲蛋白炒飯 - 配上湯（$198）：餐廳都
大圍小館設於積福街，鄰近港鐵站A出口，平日飲茶/晚市都幾好生意，幾受街坊歡迎。價錢唔係平架，所以無實力嘅話唔會咁多人食。
第一叉（$138/5件）：話就話五件，但每件都非常厚切，相當於平時嘅兩三件，所以五件都夠三個人食。其「第一叉」又名「勾魂燒」，特色係加上秘製陳皮燒汁即場以火槍加熱，醬汁香甜，富陳皮香，非常獨特。另外，碟上仲有大量脆米，增強口感，亦能減低油膩感。
豆醬雞 - 新鮮雞（$198/半隻）：首先要讚下餐廳採用新鮮雞，其他地方即使同樣價錢都好多時會用冰鮮雞，食落的確唔同，雞味香，肉質亦十分細嫩，連雞胸都幾滑。豆醬雞係潮洲菜式，我自己都好少食，曾經食過嘅係味道較咸，但呢度個醬香而不咸，唔會太膩，幾岩送飯，同時亦唔會濃到遮蓋雞味。
鮮菠蘿咕嚕肉：咕嚕肉味道酸酸甜甜，平時我都幾鍾意食，肉件夠香脆Juicy，醬汁夠濃，掛到汁。另外配有兩款脆米餅，食落無咁膩。
炸瑤柱絲蛋白炒飯 - 配上湯（$198）：餐廳都幾大方，落左大量，係大量嘅瑤柱絲，除左炒飯放嘅瑤柱絲外，亦有海量嘅炸瑤柱絲，整碟飯都非常脆香，即使無放肉，但又好夠鮮味。飯粒顆顆分明，夠乾爽。另外一食可配上湯，湯嘅味道唔會太濃，撈埋食又真係幾唔錯。
餐後每位奉送一碗腐竹白果糖水，係我其中一款最喜愛嘅中式糖水，甜度較低，適合餐後享用，怕肥人士都唔怕食，質感好幼滑，味道唔錯。
以下係餐牌資料：
张贴
