大圍小館

营业中

休息中

餐廳一直以來口啤唔錯，更入選米芝蓮指南2022，絕對係必食之一。另晚市只有18:00或20:00兩輪，唔預約基本上好難有機會食到。💛勾魂叉燒 (5件)（$188）店員先為叉燒掃上陳皮勾魂燒汁，再用火槍將叉燒外層燒至微燶焦脆，之後連同奪命脆米一齊食；燒過嘅醬汁完全滲入叉燒當中，香氣更濃，另每件叉燒都好大件，肉質又腍又嫩，成功將食客勾魂😋💛蜑家鴛鴦魷（$208）呢款係水上人家名菜，鴛鴦魷即係土魷及鮮魷，前者爽而不韌，後者味清但鮮嫩，兩款魷魚均味香，互相輝映而且鑊氣十足😋💛原曬豆豉雞煲（$208）雞煲選用大孖原曬豆豉，爆香左嘅豆豉非常香，而且唔會好油；雞件係新鮮雞，雞味濃郁，肉質彈牙細嫩，豆豉味亦唔會蓋過鮮雞味，食材講究又高質😌💛金沙鮮魷（$158）看似平凡，但食得出廚師嘅用心，有別於平時食開嘅椒鹽／黃金鮮魷。外層咬落超鬆脆，肉質超嫩彈牙，名乎其實外脆內嫩，一啲都唔韌；鹹蛋黃亦好均勻，唔會一啖濃一啖淡，推薦👍🏻💛薑汁芥蘭（$128）簡單嘅芥蘭亦見用心烹調😌芥蘭已削去外皮，既鮮嫩又清甜爽脆，完全無草青味，另薑汁味亦突出，但唔會過濃或過辣😋💛砂煲蝦頭膏炒飯（$188）若果用名車去比喻炒飯， 呢款

勾魂叉燒 $188必點叉燒‼️💛叉燒大大件 半肥瘦 好淋好好食😋食法夠哂特別 會配上15年既陳皮醬再用火槍燒香 點埋啲脆米寓意愈食愈有米🤪口感味道同平時嘅都好唔同✨💛砂煲蝦頭膏炒飯 $188之前食過蒸蟹飯 個個係鮮味 味道較淡 呢個蝦頭膏炒飯好有驚喜🥳好香蝦膏味☺️炒飯好乾身 粒粒分明 飯粒煙韌 本身唔好食飯既我都忍唔住食左好多🤤沙薑鮮雞$248 用左百日雞 肉質好滑 有雞味 沙薑味唔會太鹽掩蓋左雞既味道 面頭好多蔥絲 配埋沙薑食好夾 😗啫啫芥蘭煲$138呢個味道較惹味 係蝦醬既味道😛 芥蘭爽脆👍🏼最後仲有甜品椰汁糕同椰汁西米露☺️✨

一年一度嘅父親節梗係要有老竇去食最好食嘅嘢住咗大圍咁耐都未試過呢間米芝蓮餐廳今次終於要去！果然係好難book位 晚市要提早一個月book位😂😂😂呢度裝修都算別緻 而且服務都好好父親節竟然有茶葉同埋即影即有送好有心思🥰先叫咗呢度嘅豉油皇魷魚同埋豬手仔魷魚好入味亦都有燒過好香不過豬手仔就略嫌散碎孜然豬髀仔賣相幾好不過肉質有點硬⋯黎得呢度梗係要食王牌勾魂叉果然係好好味職員先用火槍將脆米同叉燒輕輕燒下燒到變金黃色就可以食啦～叉燒肥瘦均勻 入口香濃 肥叉部份油脂滲入口中非常正意大利黑醋骨上碟嘅時候都仲帶少少脆比想像中好食鹹香牛骨髓煲都幾值得叫嘅雖然唔係好濃味但係口感好滑 而且出邊難得一見甜梅菜蒸茄子正正常常一定要三樣嘢一齊食先會食得出味道濃香腐乳蝦球炒西蘭花老實講唔係好夠濃😅不過蝦球好新鮮彈牙係真嘅一縷香其實即係瑤柱金華火腿炒蛋雖然用料冇乜特別但係炒出嚟好香最後個蝦頭膏炒飯好夠火喉同鑊氣 飯粒炒得好乾身👍🏻

中式預約困難店之大圍小館，需提早半個月，打電話接通困難，大圍人氣熱店。今次看看質素如何。勾魂叉: 用秘製陳皮甜醬，塗在上面再用火燒，叉燒雖然大件但是非常腍軟入味，肥瘦均勻。沙薑雞：本地農場新鮮雞，附有內臟，雞肉嫩滑出眾，有實體沙薑粒，惟沙薑味不重。豉油王鮮鵝腸：鵝腸爽脆，會議芽菜辣椒等等，但醬油味嚴重不足，比較淡口。蜜薯安格斯牛柳粒：牛柳質感腍滑入味，肥瘦適中入味，薯粒有炸過帶出香味，沾上蜜糖非常可口。啫啫生菜煲：先用鍋煮香醬料，再加入生菜在席前即炒，香氣四溢，蝦醬味濃，這樣把一棵$3的生菜變成$138元的菜色，哪個啫啫應真貴！三馫籠仔蒸飯：有白飯魚，蝦乾，魷魚，香蔥等等，飯本身也有調味，不愧為一度飽肚的菜式。完場還有甜品馬豆糕送。

知道依間小館存在好耐，亦都知道排隊起跳個半鐘以上，所以唔會期望會有機會食到。是日星期六，誰不知，1:45經過門口，見到冇咩人，即刻襟張飛，要等9張枱，於是周圍行下再行返去，2:15可以入座，冇期望得到嘅快樂係特別開心。一坐低侍應提我地快d落單，咁難得食到，緊係盡叫盡食啦。酥炸芋角炸得香脆，芋蓉五香粉唔太重手，虾米豬肉餡好夠味甜梅菜叉燒腸腸粉皮薄滑溜，梅菜味突出，叉燒大大粒，好足料鮮豬膶燒賣豬膶新鮮粉嫩，冇腥味，肉丸有冬菇粒，味道不錯金銀蛋莧菜餃餡料塞滿了整個餃，好似食緊一碟金銀蛋炒莧菜咁，味道相當豐富干蒸牛肉牛肉彈牙，加埋少少芫茜，正常水準流淚流沙包見到點心紙張圖（加油）字樣，真係即刻「見字下單」，見到實物，成個人精神晒。講返味道先，皮薄，內𥚃非常流心，唔太甜，奶皇味好夠👍🏻米芝連第一叉燒依度係半份，共5件，每件都非常厚切，肉質非常軟淋，醃料味道適中，蜜糖甜度剛剛好，果然名不虛傳因為太遲入座關係，好多點心都已經賣晒，下次一定要試莎翁、椒鹽九肚魚、煎糯米雞、仲有仲有...................下次再為大家報告

想試好耐既米芝蓮中菜館!🤤 夜晚6點同8點兩個時段都爆曬場 要預早book位先食到🫠 之前仲推出過醫護半價優惠 值得支持!🔥勾魂叉燒 $188第一叉原來只限午市供應 晚市呢個upgrade版勾魂叉 係即席加左15年陳皮勾魂燒汁同奪命脆米 用火槍烤到微焦糖化 更加有儀式感😇 店員仲教路話要痴埋d脆米粒一齊食 越食越有米咁話...😅 叉燒厚肉到差d夾唔起 靚梅頭肉質半肥瘦細嫩 啖啖肉大滿足 連個陳皮叉燒醬味道都有驚喜 絕非浪得虛名🥹🐷無花果肉排 $188酸酸甜甜幾惹味 肉排炸到外脆內軟 肥肉非常甘香🐮鹹魚三鮮牛骨髓煲 $238成煲都好邪惡 牛骨髓大條彈滑 芡汁帶有鹹魚茸既清香 唔會太鹹太霸道🥬籠仔甜梅菜蒸菜心 $148鮮嫩爽甜無渣 配上特製甜豉油 連平時唔食菜既同行都要表演食菜🫣🦐三馫籠仔蒸飯 $208啖啖充滿銀魚 海蝦 魷魚乾既濃香 炒飯底粒粒分明充滿蛋香最後每人會奉送甜品 係椰汁馬豆糕同西米露 超滿足🫠🫠

白色制服短頭髮既侍應你老闆請你喺門口趕客的嗎？啲野好唔好食唔知，未入門口已經俾你趕走，5點半去到未開門，問佢開幾點，佢只答你6點，我見其他人喺門口等緊，正常係咪企門口等？結果等佐半個鐘，開始派位佢先同我講無book位無位窩！點解半個鐘頭前唔講？點解你唔可以問多句有冇book位？我點知你地間餐廳要book位？你間餐廳寫住要book位嗎？你間餐廳有寫著唔book位就無位，我無book位企門口等位好正常啊!佢仲態度好差，黑起塊面：小姐你頭先無問啊！我book佐位洗乜問你開幾點？就算係，你唔係一早應該問我有冇book位？如果無book今晚無位，點解要我地一家四口有老有嫩等佐半粒鐘先話無？你老闆請你企門口趕客的嗎？

大圍小館 大圍小館一直有好多朋友都推薦我話聽好好好好食❗️所以我決定帶我寶貝媽媽👸🏻去試試😆平時經過佢都覺得門面非常sharp 醒😆門口都掛滿左紅通通既燈籠🏮🏮🏮🏮勁有中國古代感🤓每晚門口都一定有密集既人群喺度排隊等😂間餐廳勁有存在感🤣每次經過都會俾佢地既門面勁吸精咁望過去👀 心諗到底有幾好食🤔😂平日夜晚佢地係8:00入座, 非常爆滿🫣如果要walk in, 真係要睇運氣🤭想食嘅朋友記得要預約啦😊👧🏻 前菜 (銀魚仔 / 雲耳)超級…….好食!!好香脆❤️仲有滿滿既蜜糖🍯舖滿左係銀魚仔….好食到🤤 吾該上 10碟🙌🏻🙌🏻🙌🏻🤣👧🏻 勾魂叉燒 💵 HK$188必點❗️必點❗️必點❗️基本上每個人黎呢到一定會叫呢個♦️勾魂叉燒♦️係呢度最有名亦都係我自認覺得最有特色既一度菜😎厚肉既叉燒配上秘制陳皮醬🤤再用火槍🔥喺表面燒一燒令到陳皮醬更加入味配上米脆, 咬落去口感層次更加豐富外面脆卜卜再加上厚肉叉燒同汁, 真係一絕👍🏻叉燒肉質好腍❤️肥瘦都好均勻店職員話呢個勾魂叉因為有米脆😂所以亦都有稱 ^越食越有米^ 之説趁熱食個味道係最佳😍➖提外話: 店職員話我知最初勾魂叉係無陳皮醬既😎 但因為想俾顧客多一點新鮮感🙂後

呢一間人氣嘅米芝蓮餐館 坐落於大圍 平日嘅晚市都超級多人 一定一定要訂座 如果唔係基本上都冇得食🙈晚市分咗兩輪 可以6點/8點入座 唔可以提早入座 通常兩輪都坐滿晒人！佢哋以中式嘅粵菜為主 門面都充滿左古風客棧 古色古香 招牌嘅叉燒、蟹飯 全部都好吸引！🥦香濃腐乳炒蝦球伴西蘭花腐乳味唔算濃郁 淡淡的腐乳滿佈西蘭花 索晒啲汁好香 蝦球好爽脆大粒 咬落去啖啖肉 彈牙可口 必食嘅推介😍🐷無花果肉排呢款招牌嘅無花果肉排 酸酸甜甜嘅口感真係一流 肉質軟嫩 外脆內軟 真係食落啖啖肉🥰再加埋半肥瘦嘅肉質口感 食落真係好驚喜 唔會好肥膩👍🏻🦀薑米蒜香籠仔蒸蟹飯一上枱就見到好大隻肉蟹 足足有一隻蟹既份量 放喺啲飯上面蒸 令到個飯都好入味 淡淡既蟹香味 餐廳已經好貼心咁敲碎啲蟹鉗 唔使太費勁就可以食到蟹肉 蟹肉鮮甜 肉質好飽滿之餘 仲有好多蟹膏添😍荷葉飯嘅香味布滿左蟹飯裏面 飯粒粒粒分明 仲呈現金黃色 再加埋蒜蓉、蔥花一齊食 真係好滿足😍食完晚飯仲會有免費嘅糖水供應 係我最鍾意嘅馬豆糕同椰汁西米露 唔會太甜 味道香滑 味道唔錯！📍:大圍積福街92號地舖

⭐️大圍小館⭐️📍:大圍積福街92號地舖呢一間位於大圍嘅米芝蓮小館 一直都好想去試吓 難得自從開始返晚市堂食 都未同屋企人出去食過晚餐 所以今日就過到嚟呢一度😍試吓佢！佢哋呢度人氣爆滿 如果要食嘅話一定要訂座！！佢哋晚市分咗兩輪 6點/8點 通常兩輪都坐滿晒人！佢哋以中式嘅粵菜為主 有佢哋招牌嘅叉燒、蟹飯 全部都好吸引！🦆鮑汁天白花菇鵝掌煲呢一款好正😍鵝掌軟淋入味 索晒啲汁 食落都啖啖肉 每一隻都有我手掌咁長 仲有滿滿嘅骨膠原 裏面亦都有好大隻嘅花菇 好香之餘仲好鮮味 真係要值得讚下佢哋嘅汁 調味適中 都幾濃郁 再加埋落個蟹飯度食真係無敵😂👍🏻🐥沙薑鮮雞用咗本地新鮮農場雞去整 食得出鮮味十足 雞肉嫩滑得來充滿鹹香味 雞味好濃郁 雞皮唔會好肥膩 會有埋雞腎、雞肝同雞腸 加埋沙薑蒜蓉去蒸 真係好出色！🦀薑米蒜香籠仔蒸蟹飯呢一個招牌菜真係必叫 真係足足有一隻蟹既份量 放喺啲飯上面蒸 令到個飯都好入味 淡淡既蟹香味 蟹肉鮮甜 肉質好飽滿 仲有蟹膏添😍飯粒粒粒分明 仲呈現金黃色 再加埋蒜蓉、蔥花一齊食 真係好豐富！我哋四個人食啱啱好 好飽好滿足😍食完晚飯仲有我最鍾意嘅馬豆糕同椰汁西米露🥰暖暖地 真係

餐廳：大圍小館 (大圍)地址：大圍積福街92號地舖相信鍾意食嘅你一定聽過呢間開咗接近四年嘅大圍小館 @taiwaidining ，喺2022年佢哋仲成為咗米芝蓮級數餐廳🎖，佢哋嘅叉燒被米芝蓮推薦為香港必食叉燒😍大圍小館人氣非常旺盛🔥，差唔多每一晚都full Booking，晚市分6點同8點兩輪，我去嗰日喺平日，兩輪都坐滿晒人，book咗8點想早啲入座都唔得，去食飯嘅人記得提前book位喇📞佢哋以中式粵菜為主🥢，招牌名菜有第一叉、煲仔菜式同其他出面好少人會整而且工序繁複嘅手工菜等。老闆對食材要求好高，即使成本高都堅持用最新鮮食材，隔夜、冰鮮嘅一律唔用，醬料喺用本地出名品牌：余均益、大孖醬園等，海味都喺嚟自本地嘅老字號海味店，用料咁上乘相信質素都唔會差😎8點入座，先嚟咗兩碟前菜，有四大名菌之一嘅珍貴鹿茸菌🍄，食落帶有陣陣麻油香，另外仲有話梅苦瓜✝️勾魂叉燒(5件) $188基本上喺每枱客人都必叫嘅食物，所用嘅叉燒喺上等梅頭肉，仲要喺「第一刀」，即喺豬背向天🐖，起骨後第一刀切出嚟嘅部位🔪，喺屬於梅頭中嘅上肉，每隻豬得半斤重，肉質最腍，所以價錢相對較貴。先喺叉燒上面掃咗一層麥芽糖，上枱後再喺客人

慕名而來 ，終於去食訂了很久的 一餐晚飯。 門口充滿了訂了位的人，雖然等到很熱，但餐廳整體安排都可以。 叉燒好淋，口感係冇得彈。味道都不錯，有點貴，因為人多又想試下另外既小菜，只叫了一碟叉燒，所以只試了半塊，未能好準確形容味道。啫啫 菜煲 百幾元真係得幾條菜 ，一圍枱大概每人僅僅能分到一條 ，實在係太過份。整體餸菜的味道 正常 偏好，又未至於 會回頭再吃那種。 朋友說 之前的水準較好 ，份量亦比較足夠 。座位方面 係舒適的 唔會坐得太逼逼夾夾。最後有甜品送， 係椰汁馬豆糕 ，不太甜都幾好食。

朋友相約到大圍「大圍小館」吃中菜，一到達便看見食店門外高掛著紅紅的燈籠，非常搶眼，而且富有中國傳統古色古香的持色，據知此處最具人氣叉燒「第一叉」一定要好好品嚐一番。勾魂叉燒呢碟叉燒不愧為招牌菜，上桌時店員會幫忙在叉燒上，塗上以十五年新會陳皮製成的自家叉燒醬，然後用火槍於叉燒的表面一燒，之後店員建議配搭米通一齊食，寓意是越食越有米😃鬆軟既叉燒的確好好味👍👍🏻👍🏻！🥦香濃腐乳炒蝦球伴西蘭花蝦球和西蘭花口感爽脆且帶有微微的酒香！🦀薑米蒜香籠仔蒸蟹籠子蒸蟹飯份量很大，蟹肉鮮甜，而且肉厚膏肥，蟹膏滲入飯中，真是一道熱辣辣香噴噴味道俱全的佳餚😋！者唐生菜煲蝦醬香味四溢，非常惹味！意大利黑醋肉排酸酸甜甜，味道有點像生炒排骨，呢道菜採用意大利黑醋製成，不妨一試😃！椰汁西米糖水有驚喜的西米露，椰汁香味濃，西米又夠淋，是不錯的飯後甜品😋！ 總括餐廳食物夠鑊氣，菜式精細，店員服務夠殷勤👍！

呢間位於大圍米芝蓮餐廳「大圍小館」一直都好想試下，就一早打電話book位！黎到餐廳門外掛滿紅色一盞盞燈籠非常有特色👍餐牌上有好多菜式都好吸引好想試，店員就為我們推介幾款比較受歡迎菜式😋在等候食物上枱之前店員為我們捧上兩碟小食，雜菌和涼瓜，涼瓜加入了話梅汁酸酸地好開胃！勾魂叉燒一碟有五件，店員先把叉燒搽上十五年陳皮秘製醬料然後再用火燒就食得，簡直色香味俱全，叉燒沾上米通入口外皮香脆，淡淡的陳皮味道很甘香，肉質好鮮嫩，連米通一齊食口感不錯👍值得推介！香濃腐乳炒蝦球配西蘭花🥦蝦球大大隻好爽口，西蘭花亦好新鮮，加入腐乳做醬汁，好惹味！豆豉雞煲雞煲用瓦煲裝住熱辣辣香噴噴，調味適中，雞肉煮得好入味，入口好滑，味道不錯👍薑米蒜香籠仔蒸蟹飯一打開蒸籠蓋賣相不錯，飯粒好乾爽粒粒分明，用荷葉包住食到淡淡荷葉清香，肉蟹蟹肉結實鮮甜，啖啖肉帶點蟹膏嘅香味，基本上見到每一枱都必點的菜式！馬豆糕（甜品）馬豆糕好滑好香，每一啖都煙煙韌韌，好滿足！

大圍小館真係plan左想黎好耐…因為朋友試過點心晚飯都強烈推介。尤其佢地既叉燒。今次訂定位試晚飯坐低就奉上熱茶同兩碟餐前小食鹿茸菌同話梅涼瓜。呢度連個前菜都好好味…鹿茸菌好香…好爽脆…一d up味都無。原話梅同涼瓜好夾…話梅甜味帶出苦瓜既甘味…試過你就知今晚店員介紹左佢地既招牌叉燒…黑醋骨…蒜蓉蟹飯同嗜嗜生菜。叉燒好味…肉質又腍又鬆化…問左店員個醬原來係陳皮醬…叉燒又厚又大又帶肥…配呢個醬又好味又可以解下膩…一舉兩得…店員揸完汁再用火槍燒燒…真係香口左…仲有炸左既米係底點黎食豐富成個口感…黑醋骨…味道好香…店員介紹用左意大利醋。酸甜度啱啱好…帶微脆…每件都掛汁啱啱好薑米蒜香籠仔蒸蟹飯…呢個極力推介。呢個價錢…咁大隻蟹…隻蟹好新鮮…又多桑肉又多膏。飯粒粒分明…帶有荷葉香…加上索哂蟹既精華真係好好味嗜嗜菜煲上檯時先炒…所以熱辣辣同 …味道仲好惹味呢度無論食物同服務都好好。絕對推薦俾大家