壹蒸鍋

营业中

休息中

聚會揀左尼一間 見到係蒸汽火鍋 又有食海鮮 同埋魚生任食 好似唔錯6點幾去到 我地5個人 2個煲 叫左鍋底後即刻蒸海鮮就送黎 等10分鐘就可以食啦！ 但十分鐘中間有fd為左影相 開鍋蓋 所以未熟 又等多3分鐘 終於食得蒸海鮮唔錯wor 有鮑魚 蟹腳 干貝等等 但如果三個人一個煲感覺唔夠食哈哈 唔洗點醬都夠鮮每人加30蚊就有魚生任食 有三文魚 甜蝦 鯛魚 希靈魚等等 但好似無吞拿魚魚生 太滿足了！出面食魚生都好貴！今日食到應該下星期都唔想見到魚生根住食完海鮮同魚生開始打邊爐 原來所謂的蒸汽鍋只係蒸海鮮 其他野食就好似其他普通打邊爐咁 任叫品種都算多 火鍋沾醬都可以自己加 但係火鍋湯底很鹹 特別去到最後 湯面浮左一層油 高鈉高油太唔健康啦 所以我無咩食打邊爐既野 keep住食魚生 打邊爐有幾樣比較好味 年糕丸 就係丸入面夾左d年糕 好特別！仲有紅薯粉烏冬都算唔錯 有彈性總體麻麻地囉 因為蒸只係有限量海鮮用到 打邊爐太鹹 落單成日都漏野 好彩有魚生加分 雖然魚生落單佢地漏得更加嚴重⋯⋯⋯ 人均230 尼個質素好似唔算平囉⋯

今日難得約到三五知己一齊揾食，於是就試下兆萬一間集海鮮蒸氣鍋、刺身放題和任食火鍋既食店。地方算寬敞而且乾淨企理，唔算好大油煙味。自助式醬油，唔需要下下要問先有得加。雪櫃任拎的飲品，各式茶、汽水同啤酒都應有盡有。刺身放題相當新鮮，幾欣賞佢個馬刀貝夠爽口鮮甜。(+$30即可享用)主角來了，我地選擇左豬骨湯底，店員先放兩層蒸汽海鮮在鍋上，大概十分鐘就可食用。第一層有額外加$30的原隻龍蝦，幾爽口鮮甜仲啖啖肉添; 蒜蓉蒸扇貝整得好入味但又唔會太un, 加埋蒜蓉粉絲口感仲豐富; 蒸蠔好大隻好厚肉，入口感覺好smooth.第二層首先有蟹腳，蟹肉幾鮮甜; 再黎有果皮蒸鮑魚，一d都唔un, 加埋果皮蒸更有層次; 花甲都幾甜，每隻都幾多肉; 蒜蓉粉絲蒸既有鮮蝦同魷魚，都幾香口同入味; 豉椒蒸白鱔味道非常濃郁。任食火鍋配料: 鵝腸幾爽口、豬肺好夾個豬骨湯、九肚魚好滑嫩。各式肉類、魚類、餃子、丸、粉面同蔬菜都應有盡有。美國肥牛超推介，睇相都見到色澤好靚，油脂分佈平均，入口即溶。整體都幾經濟實惠。

由於之前想上嚟旺角兆萬中心嘅「壹蒸鍋」食，但全場爆滿無位食，所以今日我們一早訂位，今晚終於可以食到！一開始店員叫我們講話揀咗個鍋底先，我們揀咗瑤柱蠔仔粥底鍋！一上碟嗰陣個蒸氣火鍋分別係有兩層，頂層係海鮮蒸氣火鍋，材料有蠔、蒜蓉蝦、扇貝、蜆、蟹腳、鱔、而且仲有鮑魚呀，全部都非常新鮮同爽甜彈牙！蒸完頂層嘅海鮮之後，啲海鮮嘅精華全部落晒底層嘅粥底入面，令到味道更加鮮甜！但千萬唔可以就咁食晒啲粥，因呢個係一個火鍋粥底，將所有材料放晒入粥底入面煮熟，材料沾上軟綿綿嘅粥，令到材料更加滑溜，而且更加食得到材料嘅原汁原味，唔會好似平日食其他火鍋湯底咁，祇係食到湯底嘅味道！另外！他們處理嘅食材都好乾淨衛生！

今日放工，成班同事約埋去shopping，之後又到晚餐時間了，就有人提議食日本放題，有人又話想要打邊爐，我就想食海鮮蒸鍋，但我們又不想分開食，甘岩經過兆萬中心，睇到有間叫壹蒸鍋火鍋放題，一次過有曬我地想食的食物，冇人有異議，一致贊同食壹蒸鍋👏👏👏首先上的是海鮮蒸鍋，鍋下面就是打邊爐的湯底，蒸鍋裏的海鮮好豐富，有：蠔、長腳蟹、鮑魚、扇貝、蜆和鱔。味道鮮甜,特別是蠔，大大隻好肥美，鱔也是蒸得剛好，非常彈牙👍食完蒸鍋海鮮就可以食火鍋，配料又新鮮又多種類，任叫任食，啤酒、汽水任飲，其中肥牛、脆鯇片、鵝腸和蝦是我最喜歡吃的😋每位加30元就有多款刺身任食。

一到冬天，唔知點解就會好想打邊爐！但男友又話最近個個都講蒸海鮮，想試下！為左一次過滿足我地哩兩個麻煩友既慾望，我最後㨂左哩間壹蒸鍋。$189 任食兩個鐘，另外加多$30，仲可以任食刺身，絕對係喜出望外。刺身都算新鮮，作為前菜黎講！都算唔錯！千呼萬喚，等左10分鐘，終於食到期待已久既蒸海鮮啦！對於兩個人黎講，份量都唔少。有鮑魚、蠔、扇貝、蟹等，非常豐富！第一次食蒸海鮮，味道相對黎講，較平日係餐廳食到既清新，比較原汁原味！亦都因為咁，如果海鮮唔靚，一試就知！餐廳願意做蒸海鮮，証明佢地對自己啲海鮮都好有信心！正所謂有圖有真相，海鮮大多鮮甜多汁，以這個價錢來說，性價比超高！吃完海鮮後，便到我的打邊爐了！我選了蠔仔粥作為火鍋湯底，其實粥底比起平時湯底來說，更能發揮食材的鮮味，而且比較易有飽肚感，對於啲食極都唔飽既人黎講，絕對唔錯！打邊爐既食材同樣非常高質，牛有牛味、羊有羊味，重點係任食！如果嫌粥底淡唔夠味，出面仲有個自助吧，可以自己加調味料，非常貼心。最後仲有任食雪米糍作為甜品，成餐飯非常豐富，而且全部都係高質，絕對值得Encore!

胃只得一個，想食蒸鮮、又想食打爐點算好？唔怕，呢間一次過滿足晒我！星期日至四：$189/位星期五、六、假期前夕：$199/位加$30/位 仲有任食刺身！都有成12款選擇，我地當然加左啦～客人可以去自助醬料吧選取自己喜歡既醬汁～隔離仲有雪櫃自助取飲品、雪糕同糯米滋～刺身好新鮮，馬刀貝比放題店更爽口鮮甜，有驚喜。最後encore左3次先開始食蒸氣鍋，哈哈！蒸鍋有3層，最底嗰層係火鍋湯底，我地揀左《珍珠馬蹄野菌魚湯鍋》，清清地無甘熱氣。另外兩層就係用於蒸海鮮。海鮮好足料，大隻又新鮮！最後到打邊爐時間！好似食日式放題甘多張邊爐餸料選擇！估唔到海鮮唔錯之餘，連佢地既火鍋配料都好讚！尤其是《雪花肥牛肉》，牛味濃、無渣又唔韌，色水又新鮮，我地encore左5碟！最後食埋雪糕同糯米滋真係滿足到爆！每人200幾蚊已經食到有質素既刺身、蒸鍋同火鍋，甘抵食仲可以去邊度搵？

朋友喺旺角開左樓上舖，於是今日就同另外兩個朋友去左襯下熱鬧同埋搵埋一齊去食飯。朋友做左旺角地頭蟲，就硬係識搵食啦！今晚就帶左我地去食呢間位於兆萬中心15樓既任食！原來係蒸海鮮加火鍋，岩晒我地！每人$189+10%，如果加任食刺身就每人加$30。好抵食下喎！原來火鍋湯底有粥底揀！但最後都係決定食魚湯底。上面2層鍋放滿海鮮蒸呀蒸，粉絲底下又係海鮮，鮮味十分，真係唔夠喉，但要留肚食火鍋！當然要叫肥牛啦！我地掃左8碟都有，因為肥牛既質素真係幾好！另外再魚皮餃、芝士腸、午餐肉、花膠同粟米。呢度仲有任飲同任食甜品（雪糕），我地幾個都話呢度好抵食！點可以唔嚟多幾次！

身為韓粉既朕, 好記得好記得好記得上一次係韓國食9層塔難食既程度係......畢身難忘而家係香港食海鮮一向都比較貴, 所以一直都冇去試過香港既蒸海鮮, 今次見唔係太貴就贍粗粗去試下~我地一早book左8點, 所以上到去都唔洗等就有位喇~坐低左d staff就講解一下點收費~我個個鐘數係$189一位, 可以任食2個鐘~ 如果想加龍蝦, 每位$30, 想再加食刺身, 每人再加多$30可以因為返工太忙個個都好似餓鬼上身咁, 所以咩都加~ 結果每人就$249~我地有5個人, 可以叫2個爐~ 今次我地就簡左胡椒豬肚雞鍋 & 珍珠馬蹄野菌魚湯鍋~溫馨提示: 佢上個鍋個時上面會跟埋蒸海鮮, 所以大家食海鮮食到60%到, 先好入打邊爐d紙, 唔係就會成張枱都係野食醬料同野飲都係出面任拎~醬汁方面都幾多選擇, 冇正式數過有幾多, 至少都有10款以上, 非常可以迎合到大家唔同既口味~野飲方面都係幾多選擇~有足足2大個雪櫃~佢既好處係, 唔會淨係得香港飲黎飲去都係似汽水, 佢仲有幾款唔同既韓國茶~就連啤酒都有提供~首先上既係刺身~ 分別有三文魚, 甜蝦等... (其實係朕都唔係好識分咩名打咩名LOL) 總之

天氣終於開始凍番啦，即刻約埋班Friend一齊去打邊爐。但係成日食黎食去都係得普通火咁悶，所以決定去試下D新野，食下蒸氣火鍋。8點去到，都坐滿左8成人咁濟，好彩唔洗點等就有張大台比我地坐。醬汁同汽水啤酒都係自己去倒，醬汁同野飲都有十幾款。8點入席就185蚊一位，我地就加左30蚊要任食刺身同埋加多30蚊每人加左隻龍蝦。刺身的質素都算唔錯，甜蝦大大隻都幾甜，三文魚同埋油甘魚都幾肥幾厚下，質素比得起不少既居酒屋。我地個煲足足有成三層，最高個層有龍蝦丶扇貝丶鮑魚，而第二層就有蜆丶海蝦丶蟹腳丶白鱔同埋蠔，都算好足料！等~~~~等10分鐘先有得食~唯有繼續瘋狂食住刺身先10分鐘左右食得啦！龍蝦肉質好結實好爽，夠哂甜。扇貝同埋鮑魚都好甜，唔會比次貨你！真心好食既！而蟹腳係肉蟹，所以啖啖肉。白鱔丶海蝦丶蜆丶同蠔都啖啖鮮，真心驚喜佢海鮮料係咁新鮮！用左15分鐘掃哂上面兩層海鮮料就即刻打邊爐啦！幾十款的火鍋配料真係唔錯！特別鍾意佢的羊肉，好夠羊味！點左個胡椒豬肚雞湯底，好香胡椒味，豬肚都幾爽，好味道！用黎整響玲特別吸味！特別推介，中間個個叫做飛魚子腸仔，係台灣的香腸款式之一。食落去一粒粒飛魚子卜卜聲，好特

一到冬天又係同Fd子打邊爐既好時候，今次朋友就Book左呢間除左打邊爐任食仲有埋蒸鍋同埋刺身既壹蒸鍋，原本心諗平時淨係出去食海鮮蒸鍋都係四五百，呢到淨係百令二百會唔會係唔好咪既，點知原來食物水準又OK架喎！先講環境，呢到都幾多卡位，就算唔係卡位，其他位置都好寬闊，唔會話擺完知煲放多兩碟野已經冇晒位。呢到係加30蚊就可以任食刺身，刺身種類都幾多。至於火鍋料種類就更加齊全，海解類，肉類，丸類，菜類都有好多款，而且佢有啲款既出面好少見既。野食未黎次前就緊係拎醬料同野飲先啦，我想講呢到既火鍋醬料真係好多，起碼有8 9 款，連日式既柚子醋同埋芝麻醬都有，真係好難得。 野飲選擇都有好多，汽水，啤酒，茶類而且款式好多，烏龍茶都有兩種，仲要有好多韓國飲品，連宋仲基代言既韓國啤酒，唔洗飲黎飲去都係知啲。 野飲選擇都有好多，汽水，啤酒，茶類而且款式好多，烏龍茶都有兩種，仲要有好多韓國飲品，連宋仲基代言既韓國啤酒，唔洗飲黎飲去都係知啲。 先黎刺身，刺刺身都幾新鮮，啲甜蝦大大條好鮮甜，我地點幾多佢真係拎幾多，一啲都唔孤寒，真係好過啲平價放題。之後就係上蒸鍋喇，因為我地有五個人所以佢分左兩個鍋，一邊一層，一邊兩

兆萬中心開左間新食店, 食海鮮蒸氣火鍋既同時, 汽水啤酒任飲, 任食打邊爐, 入座起計兩小時, Order時間為1.5小時~ 都係二百蚊左右, 抵食! 首先, 揀好個火鍋湯底, 然後海鮮蒸氣火鍋連同火鍋湯底就會一齊上檯~ 等8分鐘左右, 第一層既蒸氣火鍋就食得喇!! 第一層: 海鮮蒸氣火鍋包括蜆、鱔、蒜蓉蝦、蠔、蟹腳、扇貝,仲有鮑魚! 海鮮款款新鮮鮮甜~每位加HK$30, 仲有開邊龍蝦食tim!! 飽魚都幾大隻 第二層: 任食打邊爐火鍋湯底款式超過十多款, 其中一款仲係榣柱蠔仔粥底鍋.打邊爐之餘仲可以食埋粥~ 而今次我就揀左星加波喇沙海蜆鍋, 味道唔係好辣, 唔食得辣既朋友都食得到~ 混醬唔洗額外收費, 火鍋配料任食, 豬、牛、羊、雞、魚、蝦、丸類、餃類、蔬菜等, 一般平時打邊爐必食既都齊... 每位另加HK$30, 仲可以升級食埋刺身tim!!!每次Order刺身都有冰墊底~刺身包括: 三文魚、甜蝦、八爪魚、墨魚片、鮑魚片、油甘魚、馬刀貝、鯛魚、榮螺片、希靈魚、玉子、蟹棒甜品: 雀巢雪糕任食 ------------------------------收費(入座時間

天氣凍就最鍾意食火煱，但這幾年連快餐店也可食一人一鍋，所以齋打邊爐就變得太普通了。幸好近年香港流行食蒸氣鍋，所以就一班人柴娃娃的殺上旺角飲食潮流集中地的西洋菜南街一號兆萬中心十五樓的壹蒸鍋火鍋放題歎人氣火鍋。由下午5pm至9pm開始，每個時段二小時，星期一至四價錢由$168-$189,星期六或日就每位加$10,晚上10pm每位$169/$179，11pm後就最抵食，每位祇需$159/$169,這兩個時段皆任飲任食三小時。如果想食龍蝦或刺身，祗需每位加多$30蚊，咁梗係咪走鷄啦，加多$30就可以任食刺身咁着數。首先去醬油吧枱選擇自己喜歡的調味料，有麻醬，辣椒，沙爹醬，蒜蓉，辣椒油和醬油等等，再到雪柜取自己喜歡的飲料，有啤酒汽水，烏龍茶，雪糕多款選擇。先食一輪日本刺身。跟着一大蒸鍋上枱，蒸鍋分三層，最頂層有龍蝦(每位另加$30)，扇殼帶子和新鮮生蠔。第二層有白鱔，蝦，長腳蟹，花甲和粉絲，第低層是粥底或火鍋湯底，任君選擇，我地一班人就選擇繼續滾，所以就要了湯底作打邊爐。火鍋料亦是任叫任食，仲之兩個鐘頭內挑戰自己個胃口。湯底很清甜，原來其中一種湯料用了馬蹄，另外不得不讚厨房買手的誠意。新鮮的雪

朋友約吃火鍋 平靚正不二之選我會推薦兆萬中心的『壹火鍋 』最近集團的老闆 於樓下新開張『壹蒸鍋』趁還未家傳戶曉變成人頭湧湧的排隊店趁假期最後最後的一夜 立即拉賢內助來嚐新店店員招待有禮 食材.,刺身保持樓上一樣水準下次同學聚會不用諗爆頭食乜好

臨近年尾，工作量及工作壓力也倍增，真的感到吃不消。為了減壓，我決定化悲憤為食量，與好朋友一起撐爆肚皮吧！！$189基本收費後，加$30就可以任食刺身，超抵！三文魚新鮮肥美，甜蝦新鮮的；不過size 有點小，但以這個價錢來說，算不錯了！吃過刺身後，主角蒸海鮮出場了！！大大鍋，超吸引！上枱後，是需要靜待10分鐘的，旁邊會有一個timer 提醒你，以免蒸太久，失去海鮮的鮮味。好不容易，終於挨過10分鐘了！海鮮種類非常多，而且也頗新鮮。有扇貝、蠔、蝦、蟹等，更可以每人加$30要多半隻龍蝦，完全滿足了我們兩個對海鮮的渴求。蒸鍋的下層，是蠔仔粥來的，粥吸收了上層海鮮的鮮味，所以變得更鮮甜。不要以為這個粥是單吃的，實際它是一個湯底，用來打邊爐的這麼大個女，還是第一次吃粥底火鍋，感覺頗新鮮。打邊爐怎可以沒有肥牛？所以我們第一樣點的火鍋配料便是肥牛！肥牛脂肪分佈均勻，薄薄一片，沾著粥一起吃，肥牛味道更突出，也更有咬口，不錯！另外要提的，是他們的羊肉，超級羶！我最愛這陣羶味，非常吸引。還有一點我很欣賞的，是他們會根據每枱人數再分配食材。由於我們只有兩人，所以每款份量也會按比例縮小，減少浪費，不錯！一頓完美

火鍋平時食得多，蒸鍋真心少食。係旺角兆萬就有一間蒸鍋加火鍋的‘壹蒸鍋’經典火鍋店格局，都係卡位最舒服。今日目標係蒸鍋，先選湯底。配料食完蒸鍋再叫👍一點好湯底，蒸鍋經己隨後送上。而且俾定個計時器，等你不會錯過最好食嘅一刻時間一到就有專員幫你打開個蓋。湯底的蒸氣立馬四散，淡淡香味刺激食慾。蒸鍋海鮮有。鱔。蝦。長腳蟹。扇貝。蠔。蜆。魷魚。鮮鮑魚等。二人吃哂己經有少少飽當中最美味的必定是扇貝。除了鮮甜大粒美味外，粉絲的加乘真的很重要。粉絲吸收哂所有的海鮮精華。食完蒸鍋當然要點火鍋配料飽肚。首選肥牛😤不用解釋吧。以任食火鍋為標準，此肥午算中上之作。沒有過多肥肉，根。而且切得夠薄，一炙就熟👍我個人收尾喜歡點個麵或烏冬來食。今次選擇了比較少見的紅薯粉來食。不要滾太久，會變得太淋。最後的最後。甜品。糯米糍。有雲尼拿。芋頭兩種味選。汽水。可樂自選。有啤酒下次約好三五知己再上黎食過。性價比都幾高👏