壹蒸鍋

营业中

休息中

食放題真係特別開心! 最近我相約了兩位朋友到 旺角壹蒸鍋 Sauna Hot Pot食佢地嘅 蒸海鮮及粥底火鍋！ 一次過可以滿足我們多個願望, 喜歡食海鮮的我又點會錯過呢！ 餐廳環境不錯, 坐位也舒適~ 食火鍋當然要準備醬油啦！款式有十多款之多, 可以自己隨意調配~ 飲品、雪糕、雪米糍亦是任飲和自助的! 還備有唔凍嘅飲品, 十分細心^^ 坐底即揀湯底, 係十多款裏面, 我們選了鰹魚清湯, 魚湯的確特別白淨， 魚味香濃唔會腥~ 接著就到重頭戲之一“蒸海鮮”出場! 佢分上下2層, 就好似坊間的 九層海鮮塔嘅精華版, 全部都係我好喜歡的海鮮嚟! 一層一層食, 下層吸盡上層啲汁液、 精華, 味道更上一層樓! 唔好多, 唔好少, 店員話我地呢鍋蒸8分鐘就剛好! 未開蓋已經聞到香噴噴喇! 上層係蒜蓉蒸龍蝦, 好鮮甜多肉~ 下層有蒜蓉粉絲蒸扇貝、鮑魚、 蜆、聖子、鱔片, 頗新鮮! 特別喜歡鮑魚的爽口味美! 食完扇貝我地連粉絲都唔放過, 因為粉絲索晒海鮮啲鮮美! 跟住又係我好鍾意嘅美食---刺身！ (加$30就可以任食! ) 有成十幾款可以揀, 我地就叫左幾款

一班朋友食飯 個個都有想食嘅嘢好難滿足個個嘅要求 畀我搵到啦 就係呢間 一次過滿足三個願望 性價比重好高添 主要係放題形式 一坐低就有大大盤刺身 刺身選擇多 而且新鮮 之後就有 蒸氣海鮮鍋海鮮分量多到食唔曬 意想不到 海鮮種類多 有專人為你服務 唔怕蒸得過熟 其實食完個 蒸氣鍋已經飽咗九成 最後最後仲可以打邊爐湯底入面全部都係海鮮嘅精華 真係好滿足 連湯都飲埋

這只是第二次蒸海鮮 感覺唔錯 海鮮都算新鮮 多款雖然是任食 但海鮮是人頭計的 一人一份但食完盤海鮮已飽左一半任食既其他打邊爐配料唔算叫得多不過配料質素對比其他任食算是中上了

話說 , 較早之前有報章雜誌評論過 旺角 的 兆萬中心 乃一幢 " 劣食塔 " ....其實一幢商業樓宇內有這麼多的食肆 , 當中良莠不齊 , 有好有壞確是必然的事 , 是否出現有一兩間不太有水準的餐廳 , 這樣子就要被批之為 " 劣食塔 " 呢 ? 是否有點以偏概全 ? 一竹竿打一船人又恰當嗎 ?某天 , 我就和太座到了 兆萬中心 的 壹蒸鍋 , 嚐到了性價比甚高的一頓晚餐 ~這間 壹蒸鍋 乃是放題式的 蒸氣火鍋店 , 除可選粥底外 , 還可選火鍋湯底 , 而且不同的時段 , 有不同的優惠 ~點單紙 ~飲品的款式甚多, 而且任飲 ~各款醬料都算齊全, 還有些是坊間較為少有的例如 牛肉汁、桂林辣醬 ~先點湯底 五香蘿蔔牛雜鍋 , 其味清香 , 牛雜也算是炆得夠腍 ~刺身 ( 另加 $ 30/位 ) : 這盤刺身的品質跟一般放題店的沒多大分別 , 算是沒有雪氣 , 魚件和蝦也吃得出有原本應有的味道 ~蒸松葉蟹鮑魚海鮮盤 ....鮑魚加入了蟲草花同蒸 , 肉質爽口彈牙 ; 北寄貝味道鮮美 ; 花甲鮮甜飽滿 ~龍蝦肉質爽口嫩滑又彈牙 , 味道鮮甜細緻 ~蒜蓉粉絲蒸蝦 , 蝦肉爽彈鮮甜 , 美

今晚與朋友Happy Friday，去咗旺角壹蒸鍋。由於擔心星期五晚會多人，所以預早book定位，雖然接線生話可能要等，又話只會留枱10分鐘，所以放工後急急腳趕去，幸好未見人龍，去到即刻有位。壹蒸鍋唔同時段唔同收費，早場同9pm後平D D，但我楝咗7pm入席，所以最貴。坐下不久店員會先叫你叫個湯底，種類算多，但以中式或日式為主，我哋叫咗鴛鴦鍋，豬骨加麵豉，味清不算濃，但我覺得配海鮮，清湯唔會蓋過海鮮鮮味。點完湯底，店員隨即送上海鮮拼盤，種類很多，有鮮蝦、貝類、帶子、魚，仲有鮑魚，好豐富，而且好新鮮。蒸海鮮不用擔心時間太久而過了火，因為店員會為你按下計時器，一響就食得。由需時接近10分鐘，所以可以趁這個時間到醬料bar「混醬」，然後去雪櫃棟埋心水飲品，返埋位，時間啱啱好 。店員聽到bee bee聲會走來為你打開個蓋，美味海鮮盡現眼前，而且每樣海鮮都蒸得時間恰當，所以很美味。不過食客不要心急，未蒸完便order火鍋配料，因為店員是不會幫你落order。火鍋材料種類算多，但材料是正常火鍋材料，沒有特別。雖然我係牛魔女，超愛食牛肉，但我個人不太喜歡呢度嘅肥牛，因為太薄同無乜肉味，反而推介炸魚皮

旺角係放題集中地，有日本野，有火鍋，仲有蒸鍋，蒸鍋出左咁耐都未試過，有日係油麻地開完會，就行去旺角睇下有咩野食，最後同女朋友會合試下蒸鍋雖然蒸鍋熱朝已冷，但呢間餐會依然人來人往，應該水準可以，有扁貝，鱔（仲要係豉汁），波士頓龍蝦（個人比較喜歡澳洲藍龍），蠔（加上蒜頭，味道尚可），鮑魚👍👍放題有田雞，好似比較少見，而我比較鐘意食其他食物，相比於其他放題餐廳，食物質素中上水平放題有海鮮蒸鍋作主題，價格比較合理，性格比高

識食緊係食蒸氣鍋🤣🤣🤣點解？！因為要食材新鮮先得！同埋原汁原味不加味精真係食咩有咩味🤣🤣🤣首有龍蝦🤤簡單用garlic 調味～～好鮮味～～～因為新鮮～肉質彈牙～～～有魚 蜆 中蝦 重點在粉絲粉絲索晒海鮮鮮味～～等食中滿心期待透明的蓋 睇住佢熟扇貝 鮑魚 蠔扇貝上的粉絲 吸晒扇貝的精華海鮮的原鮮味 帶進粉絲當中鮑魚肉質爽口 扇貝鮮味 蠔也不腥食唔停口呀蟲草花好像很滋補的樣子🤔蒸完海鮮 等待海鮮精華滴入粥底當中點了打邊邊的蝦自助蒸～～有刺身點所以都要試試🤣🤣🤣

由於之前嚟食過覺得幾好幾新鮮，所以今晚我們再嚟旺角兆萬中心嘅「壹蒸鍋」食蒸海鮮粥底火鍋！同上次一樣，我們都係揀咗瑤柱蠔仔粥底鍋，今次嘅蠔仔比上次肥美大隻好多，所以粥底嘅味道相當鮮甜！不過我們首先係要食咗頂層嘅海鮮拼盤，所有海鮮材料都非常新鮮，特別係蠔同特大扇貝，特大扇貝真係爽甜彈牙，而且味道超鮮甜！所有海鮮嘅精華都滲入晒去落晒粥底味道，之後再將食材放入粥底入面，每一樣食材都沾滿晒香滑軟綿嘅粥，而且可以食到食材嘅原汁原味！最後我們將南瓜壓碎至南瓜蓉咁，令到粥底嘅味道更加香甜！

今日同朋友行過旺角 佢話想食蒸氣鍋 見到兆萬有呢間好似幾好就試下我地加左$35要埋刺生一開始個刺生船幾靚 刺生都好夠涷同新鮮（確保新鮮 每人每次限點8件）我地嗌左麻辣雞鍋+蒸氣鍋有自助醬料吧俾我地自己調配打邊爐湯底放下面 我地食左蒸氣鍋先有差唔多十樣海鮮 有龍蝦 帶子 魚 扇貝 鮑魚等等份量兩個人嚟講都算多 下邊湯底d味都有少少滲左上去d海鮮到當中我覺得帶子同魚最好食 帶子好大粒 都幾鮮甜 之後就係食打邊爐 配料選擇都算多 個湯底略有d唔夠辣 但都夠味我地嗌左豬 牛 羊 同一d其他配料 佢上菜速度都算快 叫左5分鐘左右就上齊 肉都幾新鮮 三款肉當中牛肉比較好食其他食物蝦滑好食 好彈牙入味響鈴同山根脆身唔會放到好淋食完蒸氣火鍋都已經飽 我地只係叫左一輪火鍋配料最後食甜品 有雀巢雪糕杯同雪米糍 雪米糍有三種味道 食到有紫薯 芒果同雲哩拿 雪糕杯就有4-5種味坐位放面都算闊 唔會有好逼既感覺 整體都算幾好 下次有機會經過都會再嚟食😋

兆萬中心新驚喜！今日第一次同朋友仔食e間蒸氣鍋，本來就book左7點半，我地早左到。店員好好人咁比我地提早入座！成個裝修好有格調，位置之間都好闊落。個人就好鐘意佢d掛畫，係唔同嘅日本和服女😍野飲櫃有2大個，甜品都有各式雪糕可以揀。刺身。甜蝦大大隻凍冰冰，入口甘甜好味。希靈魚都好新鮮，魚彈粒粒彈牙。三文魚就有d細塊啦，勝在無乜筋。油甘魚係厚切架！入口甘香，有咬口。重頭戲！蒸氣鍋。有大概10幾樣海鮮，鋪滿曬成個蒸籠。貝殼類好大舊，食落無沙架，而且好有嚼頭，海水味重。大過我隻手嘅龍蝦，蝦肉砍件上，鋪滿左蒜蓉係面。肉質彈牙爽口。油脂好豐富嘅魚腩，蒸得岩岩好，都有好多蒜蓉係面。鐘意食蒜蓉嘅人一定要試！仲有我最愛嘅粉絲帶子，帶子好鮮甜而且大大隻，粉絲吸曬辣湯嘅精華，正😍仲長過筷子嘅長腳蟹🦀🦀店家好貼心提供埋剪刀，連我都可以好輕易咁成隻肉起出黎🤤點豉油食一流，好香嘅蟹味☺️☺️鮑魚脹卜卜，上面仲有一條蟲草花。鮑魚入口好稔身，唔會難咬。蒜蓉蝦開邊上，加埋粉絲一齊食好好味。鱔上面有豆豉同辣椒蓉，d鱔處理得好好，無泥腥味，都好食。湯底係水煮辣雞煲，一開煲已經聞到好香嘅辣味，仲勁過譚仔大辣！d辣椒同八角等等超足

夜晚等個新朋友放工，原本只係諗住打邊鍋，喺兆萬樓下見到哩間嘢有得食埋蒸海鮮，跟住就扑槌食哩間！一開始係食蒸海鮮先，有龍蝦，蠔，花甲，蟹腳，鱔，用蒜蓉粉絲同蟲草花蒸，哩個組合又穩陣又好味！而且啲海鮮都幾新鮮，好鮮味同有彈性。加多$30可以任食刺身，刺身都算新鮮，起碼唔會腥臭，而且夠凍！火鍋湯底要咗喇沙湯底，有少少辣味，由於我哋兩個食完個蒸海鮮同刺身已經開始飽飽哋，所以只叫咗少量嘅火鍋料，每樣試少少，唔駛浪費出邊有醬料區，而且好多配料，仲有飲品任飲同雪糕任食。埋單每人二百頭，有蒸海鮮食算幾抵！如果唔食刺身仲平啲！

第一次食蒸火鍋. 我地嗌左粥底...有魚、鮑魚、大條蝦...啲海鮮勁新鮮！個人最中意個魚！其他都好好味！十分肥美！放左上去蒸左一陣 期間啲海鮮汁一啲都唔會晒 落晒去個粥底度！ 魚滑都幾彈牙！打邊鍋當然唔少得響鈴啦哩個佢好少肥膏 切得幾薄下 所以唔可以放你去太耐個芝士魚蛋裡面啲芝士一啲都唔膠 咬開啲芝士不斷沈出黎 幾正！魷魚都彈牙！有花膠 就不斷encore 菜係成棵咁上😂😂刺身就要另加錢嘅！其實食完盤海鮮已經好飽😂 不過因為佢啲料不錯 所以會不斷又嗌飲品同甜品嘅選擇都唔少！ 會再encore哩間 cp值實在太高了！

其實想食蒸氣石鍋好耐, 聽過屋企人去某某酒樓食過, 依家好多酒樓都有, 但係唔平, 聽媽媽講佢上次同舅父去食, 5個人食左2千幾蚊, 酒樓有套餐set定左食D乜野, 主要有海鮮和菜等等, 媽媽話最好食就係個粥底, 食到最後D精華落晒去下面, 勁好食, 所以一直都好想食下...咁岩今晚朋友聚會, 佢地選擇左呢間, 其實好多時聚會都會選擇在旺角, 因為大家都住港九新界, 想約一個就腳的地方都以九龍為主, 旺角就最方便, 晚飯宵夜就算通宵都有車方新界, 就我, 哈...而且佢地今次居然選擇食放題式的蒸氣石鍋, 唔係化? 呢D都有放題, 所以心思思在幾日前知道會黎呢度食, 已經一定會叫海鮮, 因為海鮮先有鮮味落到下面, 令到粥更好食, 係媽媽教我的...入到黎見到環境唔錯, 一坐底就紙仔睇下有咩食, 咦... 都幾多野食喎...我就好唔客氣咁, 先劃左丸類, 腸類, 肉類, 菜類等等... 而因為想個粥底有鮮味, 我就提議叫小小另外比錢既海鮮, 朋友都好同意, 所以就加左2隻鮑魚, 半隻龍蝦啦, 大家都share一下, 都係為左吊味, 因為我最期待係個精華粥底...而入到另一件事就係拎飲品,

近排天氣開始轉返熱, 要快d係夏天黎之前食返次邊爐放題先~今次簡左地理位置超方便既壹蒸鍋, 集刺身 蒸海鮮 火鍋 於一身, 老套d講句 一次過滿你三個願望啦~醬汁區~ 選擇都幾多, 有d醬例如柚子醋, 牛肉汁都係比較少見既~我地每人加左$30要任食刺身 同另外$30要龍蝦刺身款式唔算好多, 但基本既都有齊, 而且質素唔錯, 拍得住平時既日本餐廳~主角黎啦~五個人有兩個煲, 個煲有兩層，有龍蝦 扇貝 鮑魚 蜆 海蝦 蟹腳 白鱔 蠔, 超級足料個煲上左之後要再等10分鐘, 鐘響先食得, 呢段時間就可以瘋狂食刺食啦~食完蒸海鮮, 最後黎到打邊爐啦我地簡左胡椒豬肚雞鍋, 胡椒味無得輸而且唔係味精湯底, 食完都唔會覺得好口乾肥牛件件肥瘦平均, 唔會太多脂肪, 岩晒女仔食~超多配料可以簡, 而且上菜速度好快叫左咁多都無miss order, 非常唔錯!侍應服務態度都好好, 好主動幫你收野換碟等張枱唔洗七國咁亂!總結黎講呢次放題的確幾唔錯,不論係服務, 食物質素, 價錢都絕對值得encore~

旺角兆萬樓上的放題店可說是要幾伏有幾伏，唯獨是這間火鍋放題我覺得可以返兜，取價公道而且海鮮質素不俗！好友告訴我最近推出了坊間流行的海鮮蒸鍋，食完海鮮仲可以打邊爐，所以這天晚上就約了愛吃海鮮的朋友來一試！人少打邊爐食放題最好，每樣都可以點少量不浪費。除了打邊爐，加＄30仲可以升級刺身任食，我地每樣點少少試試質素，所以相片有d零清，雖然提供的都是大路的三文魚，甜蝦，蟹柳等，但食味算是不俗。至少三文魚不會有怪味，甜蝦亦不會有霉爛肉質，尚算彈牙，可以放心升級。打邊爐的醬料及飲品都放在自取區，任飲飲品除了常見的茶，可樂外，仲有韓國的果汁，都算幾多元化。另外仲有雪糕櫃呢～海鮮蒸鍋以人頭定價，每人取價二百樓下。已包了粉絲扇貝，石蠔，大蜆，蟹腳，沙白，小鮑魚，鱔片等，足足舖滿了整個鍋底，我們再加 ＄60 升級 1/4龍蝦。把海鮮蒸盤放到火鍋上，蒸盤有小孔，透過密封加熱，把海鮮蒸熟的同時，亦把海鮮的鮮香倒流到下層的湯底中，吃完蒸海鮮仲可以用下層湯底打邊爐，不浪費海鮮的精華！店員會幫手計時，最佳煮食情況下，當然是超好味，又不會過老！頭盤是海鮮真心爽YY的。龍蝦肉質彈牙，貝類大大隻海水味十足，鮑魚略細口感略