國金軒

营业中

休息中

家有喜事，決定食餐好，揀左美麗華嘅國金軒。有米芝蓮星級加持，環境、食物和服務都有保証。周四晚，7:30是爆場的，有少少嘈雜，幸一早book了房間先上小食，海哲、木耳食完先記得未影相椒鹽豆腐，皮脆內滑，好味炸脆鱔，好好味，味濃乾身，汁醬封住炸鱔，但唔會攪到皮淋哂，屬頂級手藝燒味拼盤，叉燒一流，燒腩我覺得有少少太肥，但賣相靚仔乳豬，正常之後來的是 胡椒花膠星斑羹，個人非常愛這一味，花膠是很多，而且是厚身的靚花膠，星斑粒也是啖啖都有，絕不孤寒，淡淡胡椒味吊起濃濃的魚湯味，是我食過最好的湯羹之一，吃著真有欲仙欲死的感覺，哈哈。有別於一般的蝦球炒露筍，這一味加了黑蒜，是其特色，雖然我食唔出黑蒜對呢味菜味道的貢獻, 不過都係食的。炒東星斑，魚好滑，是我是晚第二滿意的一樣，伴碟的薄觤原來是白飯魚造成，很香脆有趣小炒皇，非常有驚喜，很惹味，換著平時可以送幾碗飯京醬海參煲，太飽，竟然食漏左呢味宮廷醬烤骨，係一大舊肉上枱，再由待應即場切開，肉質如東坡肉，配炸小饅頭沾醬吃，很精緻炸子雞，正常蟹肉炒粉絲，吃起來有點乾，比較失望事實上，不少米芝蓮星級餐廳都沒有想像中咁好食，但國金軒的食物沒有辜負這個聲名，廚師的

This is a nice restaurant with good private room for noisy family events with TV and private toilet. People can sing songs at the TVThe food is quite good, solid 4 star probably 4.5 star

一家人中秋佳節晚飯選了國金軒，因為覺得不但環境舒適，而且食物水準有保障，不會因佳節而濫做套餐，果然不失所望。片皮鴨可以話系必食之選，皮脆肉嫩，包在熱騰騰薄餅內，並配合京䈡，青瓜，紅甜椒和子𦍑，美味可口尼個糸巨地新菜式，除左基本既皮脆肉嫩之外，還配上特別的桂花醬汁，入口桂花香味濃郁，令人食指大動鱈魚件配柚子汁已經令人有酸酸甜甜的口感，還加上酥炸南瓜，實在口感豐富如果喜歡食濃味的食物，此菜式一定岩胃口

同家人每月1次的聚會, 今次選擇國金軒, 我推介比大家係北京片皮鴨, 又香又脆, 除左有紅蘿蔔, 蔥及其他配料外, 佢仲有薑絲, 我食過不同的酒樓, 好多都沒有薑絲, 配搭埋薑之後, 別有一番味道, 蜜餞叉燒皇, 半肥瘦的叉燒, 很鬆軟, 甜品湯圓杏仁茶, 有好香的杏仁味, 不太甜而且好滑, 其他小菜(如小抄皇)就一般般啦

昨天到美麗華國金軒吃了一頓極好味的百曰宴，主人家包了一個房間，訂了一圍是自家人慶祝，這裡環境舒適高雅，可以舒舒服服的在此享受美食，菜單如下：第一道上的菜是6小碟，值得一讚是蜜餞桂花脆鱔球，入口甜而帶有桂花香的脆鱔，正👍跟著要讚的是七味豆腐，外脆內軟，味道啱啱好。最值得讃的是㰖菜辣子鱈魚球，此菜是將欖菜炸，入口卜卜脆配鱈魚一齊吃，味道濃淡夾在一起，很特別令魚更加 juice.其他的菜做得很有水凖，唯一是龍蝦伊麵比較差，芝士汁稀，無味，伊麵碎濕濕。整體來說這一餐是令人很希望可以很快再來光顧

暑假期間與一後輩才俊約吃晚飯，他是食家，出入都是著名食府。當晚飯局訂在美麗華國金軒，餐廳很豪華高貴，典雅幽靜。我們剛坐下，部長立即送上每人一個小前菜，一粒去皮車厘茄，淋上酸酸甜甜的芝麻醬，非常醒胃。主菜方面，我們預先訂了一個北京填鴨二食，另加桂花糖脆鱔球及鮮茄魚腐泡菜苗。填鴨片皮配薄餅 — 師傅推鴨車到檯邊，即埸片皮。師傅手勢純熟，不消五分鐘已切了一碟全皮、一碟皮連肉，香氣四溢，我們立即趁熱打包，五種配菜—紅椒絲、青瓜條、酸蘿蔔條、大蔥及薑片，各適其適。鴨是很好吃，皮烤至微脆焦香，配上特製醬汁，入口甘香，惜薄餅皮粘在一起，又不夠熱，美中不足。生菜包鴨崧 — 大大碟，鴨肉粒配上筍粒、洋蔥粒及蔥花同炒，汁香味濃，以生菜包著吃，清新可口，不帶半點肥膩。桂花糖脆鱔球 — 這是該店主廚的名菜，鱔球肉質豐腴，腍甜香滑，入口溶化，淡淡桂花香，確是味蕾最高享受。鮮茄魚腐泡菜苗 — 紅茄綠菜泡在奶白鮮甜的魚湯裏，以一精美藍花邊湯碟盛載，賣相極美，令本來平凡的一味菜顯得不平凡了。吃完各樣美食，再歎杯熱騰騰清香烏龍茶，心滿意足了。

感謝家人花心思預訂了 「 國金軒 」替我慶生日！！餐廳裝潢甚有格調，環境非常舒適，座位十分寬敞，用膳氣氛很好！雖然價錢不菲，但食物非常有質素，味道佳，水準甚高！前菜 - 海捷，非常爽口！燉湯 - 螺頭煲鷄，超正！真材實料，味道清甜，無得頂，真係好好飲！主打菜 - 北京填鴨，我地揀了二食。烤製完成的鴨子，廚師會即場用刀削成小片，鴨味濃郁，配以大蔥絲、青瓜絲、甜麵醬，用薄餅卷著食用，推介！黃金蝦球，鹹蛋金香惹味！蝦肉彈牙！重有其他餸，但忘了菜名非常高水準的餐廳

國金軒出名,很多人都推介。今次專登黎The Mira試下係咪真係酒店出品,水準都有返咁上下!  睇下係咪名符其實(1) 第一樣就試左"雪山菠蘿叉燒包"! 外皮果然好脆,咬落去叉燒味道亦很好, 難怪是必食既點心之一(2) 燕窩蛋撻 - 蛋撻食得多, 咁珍貴有埋燕窩碎既真係未試過! 蛋撻皮好酥軟,好香口! (3) 鵝肝芋角 - 芋角入面居然係鵝肝! 外面炸得十分香脆,入面鵝肝既香氣亦十分強,配搭得天衣無縫(4)金箔蝦餃 - 蝦餃皮軟滑,蝦仁大大粒,有金箔作點綴,貴氣逼人!(5) 海皇西施泡飯 - 味道十分特別! 泡飯既米唔會太稔,反而頗有口感,食落好有趣!

國金軒@美麗華酒店前菜八爪魚海蜇頭薑蔥，原來薑蔥配八爪魚海蜇，好有新鮮感，每口都爽口，好食! 而且每一粒切到‘‘啱啱好粒粒size‘‘可以入口，呢個好細心想法，要讚! 軟殼蟹初頭以為係前菜就會好細份，點知原來係兩隻嘅軟殼蟹，好夠分量，而且炸粉亦都做得好薄身又好脆，蟹肉仍然有好多汁，物有所值!蝦子柚皮更加係一個功夫菜，可以做到 柚子皮表面好乾身，上菜唔會係好多芡汁。當食落去嘅時候，柚子仍然有豐富嘅質感。叉燒王果然名不虛傳，叉燒做得好林，而且份量亦都好足夠。一直以來，最欣賞係國金軒做嘅素菜， 因為每一個素菜都配合得好好，每款菜式的配菜都有新鮮感。每次‘‘千層‘‘菜式都會令我驚喜，因為每次都做得好精巧細節，食落口嚟食得出師傅嘅功夫。每一道菜都好特別，唔會失望。每一次選擇小菜，全部都係‘‘功夫鬥‘‘ 好犀利!

上星期五舊同事敍會，約會於美麗華洒店國金軒食中菜。入到餐廳已感覺不是－般中菜餐廳，有一種豪華氣勢。片皮鴨 - 預先－天訂，皮很香脆，肉質很鮮嫩，加上醬汁，京葱及黄瓜絲，用很薄的包皮包著食，好好味。另－食法係鴨肉切粒炒，包著新鮮生菜，食落很清新，不覺油膩。厚切义燒 - 义燒肉質很有鮮味，係定是用新鮮豬肉來燒成。义燒食落口很juice。炸鱔球 - 鱔肉起左肉，無骨。最後煲仔炒飯 - 粒粒飯炒成，很乾身，好味。這間中菜廳坐係度用餐，很舒服。

被譽為名人飯堂的國金軒是香港美麗華集團旗下一間高級食府，曾連續數年獲得「米芝蓮推介食府」的殊榮(2014-2017)。國金軒共有兩間，一間位於港島中環，而另一間位於九龍尖沙咀The Mira Hong Kong 的3 樓。尖沙咀國金軒裝潢華麗，雅緻時尚的用餐環境，餐廳更可欣賞九龍公園的翠綠美景。餐廳共有七間足可容納百位賓客的貴賓房，其中一間結合餐廳酒窖，展出超過 350屢獲殊榮的名酒。這裡除了裝修環境高尚外，食物水準和價錢亦相對甚高，由最基本的茗茶亦要用上礦泉水來沖泡。每天的富豪級粵式茶市點心雖然比較昂貴，但勝在食物質素、環境安靜舒適和良好的服務態度，所以擁有很多熟客光顧。大家若要吃點心吃得暢快，可以考慮這裡星期一至五由早上11:30分至下午2:30分供應的任食點心，每位只需HK$328! (公眾假期除外) 其中一間貴賓房結合了酒窖，展出超過 350屢獲殊榮的名酒 茶芥每位HK$26 (包括兩碟小食) 茗茶亦要用上礦泉水來沖泡 ▲X.O.醬炒蘿白糕 HK$62 ~ 煎得內軟外脆，很重蘿白味 ▲瑤柱鮮蝦菜苗餃 HK$63

今晚，係我新居入伙一週年紀念，所以同屋企人食好d，食豪d，就去咗尖沙咀美麗華酒店國金軒食晚飯慶祝。地點 : 尖沙咀美麗華酒店3樓國金軒時間 : 晚上7點整體來說 : 全部食品無論味道，溫度都好好味。服務員的態度非常好，而且又細心。環境方面 ：因為訂咗廳房關係，所以特別寧靜。可以同屋企人傾計，房間又比較大及寬闊。特別推介：北京片皮鴨，柚子汁燒鱈魚柚子汁燒鱈魚 ：酸酸甜甜，食咗好開胃，送飯一流。鱈魚沒有腥味，好食，令人回味無窮。

難得有信用咭優惠(85折)，所以便一嚐米芝蓮食府，而我地今次就試了平日午市點心放題，用膳時間由11:30~14:30每道點心都係即叫即整，所以落了單後，會較慢上菜，但每次上菜都熱辣辣，等一下都值得~點心款式不多，不過每款都好有水準，以下是特別推介：晶瑩鮮蝦餃，好足料豉味陳村粉蒸排骨，陳村粉吸收了汁，好正沙律明蝦角，脆口，不油膩，好好食咖喱蒸土魷，爽口彈牙！安格斯牛肉金菇腸粉，嫩滑不過，平日點心放題就無得叫招牌叉燒，要星期六日才有，就有點可惜…

有朋友提議去國金軒食飯，太好喇！想試好耐喇！蜜餞桂花脆鱔球 - 鱔肉都幾厚，蜜餞甜度適中，食完之後唔會覺得好膩，不錯！西檸麥片煎軟雞 - 麥片軟雞外皮香脆，雞肉唔會好乾，再配埋個好有果香嘅西檸汁，好開胃呀。醬燒西班牙豬面頰 - 牛面就食得比較多，我應該係第一次食豬面頰，煮得好冧好入味，不錯。瑤柱蟹肉桂花炒銀絲 - 銀絲即係粉絲，炒得好乾身，而且亦有適量嘅蟹肉。銀絲上有d好似魚子大細嘅爆珠珠，口感的確好似魚子，但係味道應該係醋，好有驚喜呀！松露野菌炒露筍 - 有淡淡嘅松露香，露筍炒得恰到好處。最後就係甜品喇，包括新疆棗皇糕，好香嘅棗味，唔會過甜，而且有少少煙韌，好味。另一個欣賞嘅甜品係荔枝蓉燉鮮奶，燉鮮奶好有奶香，入面有粒粒荔枝果肉，每啖都食到荔枝肉，好味。

近來愛上了寫食評, 固此用餐時會多留意餐廳的所有事物, 國金軒其實已光顧多次, 值得我多次光顧原因是其環境, 國金軒有別於一般中餐館,  其環境清雅, 座位寬闊, 食物質素也很好. 也不會因為要你快快交抬而菜式快上, 吃完快拿走那種想趕你走的行為. 所以絕對值得再三光顧, 今次一行三人. 叫了三款菜式. 蜜餞叉燒皇, 半肥瘦的叉燒, 而且燒得也很適中, 排列整齊, 賣相良好. 西檸麥片煎軟雞, 軟雞表皮是麥片, 很有肯德基的感覺, 加上西檸汁, 相信會大受外國人和小朋友的歡迎, 個人認為可以再提供多點西檸汁. 摩利菌竹笙燒豆腐, 是常見的中菜款式, 健康美味, 配飯一流.