唯一雲貴川風味

营业中

休息中

無論Lunch 定係晚飯時候，都會見到好多人排隊。通常排隊時會問定你要食乜野，入到去冇幾耐就會有碗米線遞到你面前，阿姐話：「呢d係效率黎架ma。」食過幾次，佢最好食既係豬頭肉、腩肉，雞翼尖；魚蛋都幾彈牙，有七粒，但魚皮餃都一般。份量都幾大碗架，一個女仔就應該食唔晒，可以三個人share 兩碗。不過，佢始終都係較濃味同埋偏油，所以食多會滯。

我早幾日入荃灣搵個FD,記得有間米線好出名,只係記得好似係掘頭巷,近德華街公園,就比我見到呢間好多人提過話好好食既米線LA..因為第一次黎,叫左個2餸既組合(酸辣湯底),一試個湯,超辣,佢又無寫明係會禁辣,攪到我要攞碗清湯,有腐竹&腩肉,腐竹好碎,無咩口感,又細塊,D腩肉好瘦,好似肉絲禁,個賣相都唔太靚,而且價錢都唔平,都差不多30蚊一碗,但份量小過雲桂米線一半,因為真係好辣既關係,食左半碗就走左LA..無下次囉,因為比雲桂米線差好遠...

有好幾次經過這裏，都看到有人在排隊，今天把心一橫，來試試米線究竟有多好吃。我倆大概等了十分鐘便可入座，在排隊時已順道落了單，一坐下便立即可以吃了。酸菜豬肚米線($27)︰原來酸菜是辣辣的，那種辣我都差少少應付不了(只是我吃不得辣)。自己就不太喜歡這種味的酸菜了。而豬肚份量很多，切成一條條的，吃起來蠻方便，不過味道我也只是吃到辣，很可惜﹗米線是粗身的，比起平時吃到的彈牙，是不錯的。炸醬腩肉米線($27)︰男友點了，這兩款配料都不錯。炸醬是甜甜的，很好味。腩肉只是少少辣，不算太肥，還是喜歡肥少少的。況且腩肉味道有點淡淡的，不夠濃味。湯底沒有喝，因為覺得只有辣味。這家米線不算便宜，吃兩個米線加可樂就$60了。環境當然不好，但米線的份量是很多的，所以都吃不完。配料沒甚驚喜，米線不錯。但是，真的值得排隊嗎？

本人起初對酸菜之類既物體,一向都係敬而遠之...但係自從食過e度d酸辣米線之後呢,原來....我都可以將佢放入口架!!!我每次去,都係叫腩肉豬腸小辣,極推介腩肉,佢係預先炒好,好入味,撈左落d米線度食,真係.....正!!!服務就真係.....不過講真,佢可以做到全日都長龍,你都真係吹佢唔脹XD

見好多人排隊, 諗住應該無走雞,雖然唔係排左好耐(5分鐘左右就上左二樓),不過愈排就愈有期待, 愈有期待就愈失望...整體黎講麻麻地... 可能未知有咩特色野食叫左個酸辣腩肉雲吞,竟然酸辣都係一個"送"...腩肉幾入味幾好口感, 雲吞皮就太厚喇,D 餡又多菜少肉米線粗但無咬口唔彈牙,加上個湯無酸味, 真係失望...臨食完先發現隔離檯有人叫既酸汁並唔係果汁類,係調味!而坐左咁耐都無人問過我要唔要酸汁...呢個年頭, 唔知邊度仲有好食既米線呢...

真材實料唔係淨落辣油既辣湯底好夠味米線口感適中不過小心番到屋企會胃痛, 因為好大碗推介豬腸同埋腐竹雞翼唔抵, 唔好點要食就早d 到呀因為好多人排隊夜少少會無晒蔥同豬腸P.S. 服務態度的確有問題不過為左食佢我都慣了

服務態度惡劣, 食品一殷, 相比深水步一帶既米線質素同服務態度差很多, 伙記上菜時, 手指公會浸在湯中. 去食野, 要受氣, 真的不去也罷.

投訴客戶態服務度惡劣由於本人素不喜歡在餐\店外輪候，故時先以電話落單，再親身到該餐\館自取食物回家享用。事發當日下午約一時十分，本人如常致電2611 9769致該餐\館落單。當本人約十分鐘後抵達該餐\館服務台欲付款領取食物時，一位收銀的小姐問我點了甚麼食物。本人覆述一次自己的菜單後，見她在一張落單紙上寫下本人所點的食物，然後遞給廚房，再向本人收款後道本人到外面等候。本人疑惑地問：「我係剛才打電話外賣o個喎？」那小姐回應：「我知呀。」本人逐問那位小姐：「今日咁耐o既？」那位小姐竟回應：「咁你要唔要丫，唔要我俾返錢你。」最後本人氣得馬上取回款項離開。首先，那位小姐明顯地忘記了為本人的電話外賣落單，本人尚能明白該餐\館每日客似雲來，漏單的情況非鮮有，情有可原。但那位收銀小姐不但未有向本人致歉，不禮貌地叫本人到外面等候之餘，還態度傲慢地向本人說話，實在令本人十分氣憤。老實說，本人本為該餐\館的支持者，亦常有向親邊友人推介該餐\館的食物質素，奈何該餐\館員工竟以如此態度對待本人，一時氣憤實難啃下。

首先想講返下2個食評．我post錯左～果個食評其實我係想比係呢間距離唔遠既【川味美食】..至於呢間【雲貴川風味】．其實我幫襯過好多次嫁喇.佢由小辣到勁辣我都食過晒．真係好辣好好味！我覺得佢係我暫時食過咁多間小窩米線入面最好味既一間~呢度d米線..佢唔會整到過淋．大大碗．連芽菜．酸菜呢d咁既配菜都唔會姑行淨係俾得果少少～所以就咁叫一碗小窩米線唔加餸都一定夠晒飽！雖然我自己本身都唔係話食得好辣．不過每次黎到我就會忍唔住要"整估"自己..,可以係辣到d鼻水係咁流．個咀仲辣到又紅又腫都繼續食得好開心-_-！為一我覺得唔好既~就係如果你碗米線愈辣．就會愈油..我試過一次叫勁辣～佢真係有勁寸辣椒油係面! (不過呢度d辣．絕對唔係只係辣椒油既辣咁簡單!)同埋呢度既環境一般．第一次黎果陣~感覺間鋪好似好污濁．同埋d碗搞到d米線好唔乾淨咁?

好耐無來了，每次去荃灣都一定要來食，今日.....呢間店依然係要排長龍。好掛住這裡的雲南米線，今日點了我至愛腩肉同腐皮(小辣)$26，湯底依然夠辣夠香，酸菜依然好好味，唔太淡唔太酸味道啱啱好，只見成枱人個個食到舔舔嘴就知有幾正啦！

星期六下晝放左工．咁岩經過呢度見到有好多人排隊．突然心郁郁又想食返碗紅薯粉～於是就決定試一試佢.睇下佢有幾大吸引力．吸引到咁多人排隊食佢?不過由於呢間鋪真係好細．所以佢為有擺多張台鋪頭係出面．而我咁岩就要坐係出面．一路食~排緊隊果d人好似係咁望住你食野咁..感覺好唔知咁..唔鐘意咁樣囉~請返野食．我叫左碗粗紅薯粉湯($15)+雞絲($3).每樣餸加$3～其實佢個紅薯粉湯本身已經配有肉躁．生菜．酸菜同芫茜..都算抵食～不過酸菜佢淨係比得果一.兩粒囉..另外~原來紅薯粉好"扇"嫁.搞到好難夾．成日彈到d湯周圍都係..同埋我叫左中辣都唔係幾夠辣．總括黎講．ok而已..未至於要排隊食佢囉!題外話: 同我同台有個女仔叫左碗面加海帶..點知佢食食下發覺海帶竟然先得一條咁大把-_-..至於乎佢同個阿姐講．個阿姐自己都突左突．之後話：唔緊要~我私人醒返碗海帶俾你..咁又幾好喎．起碼都唔會同你死橕先丫!

呢間我食左几次,始終都係紅磡個間好食d~對於我呢d食得辣既人黎講,我叫左勁辣都完全唔辣,反而紅磡個間叫左大辣就覺辣味,而且湯底好鮮好入味不過呢間d服務態度都幾好

首先想回應樓下Kitty對"小鍋"0既定義. "小鍋"並唔係細碗或細細鍋0既意思, 而係一碗湯底加酸菜,芽菜,韭菜同豬肉碎,所以收你$3當一個"食送".食過無數次,最鐘意點腩肉, 不過要分開上. 另外搭腐竹以經飽到上心口.

次次行過都見到好多人排隊，好似好好味咁，食完之後決定下次一定唔會再去。食左腩肉米線，無埋特別。環境好迫呀，又人多...

黎過好多次~ e道d米線又大碗又好味~ 但係次次黎到都好多人~今次叫左腩肉,炸醬,豆卜,雲吞米線~腩肉唔肥~好味~ 但雲吞個皮厚左d~