唯一雲貴川風味

我去咗荃灣就一定會去依間食米線荃灣區作為米線舖多到眼花繚亂嘅地方，去呢度一定唔會令你失望.其實都唔使點睇餐睇,因為只係需要同阿姐講你想食嘅餸,佢就會幫你計好曬，個人首推腩肉酸辣大腸炸醬, 即叫即煮都唔使等好耐. 價錢親民，平均$50-$100之間, 性價比高到爆！雖然入面座位呢 就比較迫, 阿姐又會塞埋你哋一齊坐, 不過米線嘅味道又真係好好食. 唔使一陣門口仲已經排曬隊,不過朝頭早同夜晚個味道好似有啲分別,建議朝頭早嚟,十二點前基本上都唔使排隊㗎喇. 強烈推薦俾想食辣同埋食米線嘅朋友！⭐️⭐️⭐️⭐️⭐️🎉…查看更多

前往咗荃灣曼哈頓多年老字號－「雲貴川風味」，渠前主打雲南、貴州、四川風味米線，係當地人都熟悉的悲傷口碑之選。今次點咗招牌鼻子豆卜耳豬米線（其實應該系豬頭肉） ，湯底清甜中帶微辣，不會過鹹，飲曬都不覺口渴，真係有驚喜。豆卜吸滿湯汁，外表滑嫩，豬耳啖啖星，有咬口又不韌，配埋芽菜、酸菜、辣椒等小配料，每一啖都好豐富。米線系偏爽口喏種，不會一夾就斷，掛湯力高，送入口非常順滑。店內環境樸實，台凳密密麻麻，但食客絡絡不絕，都繫嚟食返碗關心靈魂感米線。一碗呢個質素嚟講非常抵食，難怪經年累月人氣不減。若你鍾意食辣或懷念滇味川味，值得嚟朝聖一下。…查看更多

平日放工基本上唔駛點排，排都係幾個人，好快入淨係腩肉米線都夠食，因為佢無論係米線定係腩肉份量都好多，只係$40真係超抵腩肉係瘦嗰種，有啲人唔鍾意，但我偏偏就係鍾意瘦嘅腩肉米線質地輕微煙靭順滑，軟硬適中雞翼相對冇咁抵食，因為剩係得兩小隻外賣有得揀分湯個米線可以俾你揀自己煮定係佢煮埋但我每次外賣嗰個米線嘅質地都爭啲，好似煮得冇咁淋唯一缺點係如果你唔食得辣又想食腩肉會食得好辛苦因為佢話就話個湯底唔辣，只係腩肉少少辣但我唔明白只係少少辣嘅腩肉，點樣可以令到成個湯底咁辣咁紅唔知係唔係佢放腩肉嘅時候，順手放左d 辣油😂絕對唔係偶然，因為我食每一次都係咁所以你如果完全唔食得辣就千祈唔好挑戰腩肉同埋個湯都幾油有人話佢態度唔好，但我食過好幾次都正常態度特別係收銀同電話落單個姐姐幾好人…查看更多

這碗雲吞炸醬蘿白米線真材實料，令人一試難忘。炸醬鋪滿整碗，鹹香惹味不油膩，與湯底完美融合，湯頭帶微微胡椒香，卻仍保留清甜。特別驚喜是湯裡加了大蘿白，吸收湯汁後更加鮮甜爽口，層次豐富。米線彈牙滑溜，不會過腍，吸湯力剛好。而大大隻雲吞絕對是主角之一，皮薄餡靚，鮮肉比例理想，每啖都飽滿滿足。配上香蔥點綴，視覺味覺都到位。平價抵食、用料足、味道有驚喜，難怪門口長期排隊，實至名歸的街坊之選。三餸米線56元，抵食！…查看更多

以前讀書嘅時候同啲同學去食，有同學仔鍾意食，我就不嬲都覺得一般。呢排又多咗人講，見咁耐冇食，所以就去食吓。其實佢嘅米線係唔錯，腩肉都好食，辣得來又甜甜地，不過我唔明點解酸辣同小鍋會係一個餸？呢個唔係湯底嚟嘅咩？因為唔想食三個餸，咁貴，所以我今次就叫咗腩肉同蘿蔔兩個餸，想知到底有酸辣同無酸辣嘅分別係咩？米線嚟到之後，腩肉係好食嘅米線都好食嘅，個湯底就一般般普普通通，蘿蔔唔好食，$49呢個米線我就覺得唔係太值，諗住下次食雞翼加酸辣，睇吓會唔會好食啲，點知食完之後返屋企肚痾☹️☹️ 下次都係唔再幫襯。…查看更多

每次嚟荃灣，都想食佢哋嘅腩肉米線， 今次叫了腩肉+豬大腸，小辣（$49）. 一時忘記了腩肉本身已有辣味，叫了米線小辣，好彩都頂得順. 米線內的配料有芽菜及鹹酸菜，腩肉唔會太嚡，豬大腸略嫌唔夠爽口，米線好滑，最喜歡湯底的辣辣味道，小小酸，好開胃. 這碗腩肉米線，百吃不厭.…查看更多

🍜🔥 荃灣唯一雲貴川米線荃灣唯一雲貴川米線招牌嘅腩肉炸醬米線，完全是地道雲貴川風味的精髓，食過又再食😍💯 🍜 腩肉炸醬米線湯底濃郁，帶有微微辣香，炸醬鹹香惹味，搭配軟嫩腩肉，入口即化，米線吸滿湯汁，滑溜爽口，每一口都充滿層次感！炸醬的香氣與腩肉的鮮味完美融合！ 除了腩肉和炸醬，仲有其他配料清新解膩，讓整碗米線更加豐富。湯底的辣度剛剛好，適合喜歡香辣又不嗆口的朋友！ 📍 唯一雲貴川米線 | 荃灣四陂坊——————————————————————— …查看更多

🍜 酸辣+腩肉+豬肉丸 3餸米線 HK$56＞ 小辣、走油・味道：湯底只有麻香，幾乎冇乜酸味，所有酸都係由酸菜而嚟，成個湯底啲麻同酸好似左一忽右一忽咁⋯⋯腩肉好厚但好柴好老，而且0脂肪，到底係腩肉定瘦肉？🤡・口感：餸菜多但唔好食，湯底都唔知搞乜差咗好多⋯⋯🥚 涼拌皮蛋 HK$28＞ 小辣、走油・味道：同朋友食到想lur出嚟🤢個皮蛋好似未烚熟咁，入口有浸唔知邊到嚟嘅鹼水味，同啲辣椒酸菜完全唔夾。・口感：好生⋯⋯冇食死算係咁了-_-・・・・・・・・・・・・・・・・・・・・🤰性價比：低～🤰9衝度：不了～🤰結論：幾年前食過一次正正常常，記得只係湯底油啲，今次唔知搞乜？！…查看更多

成日都好多人排隊既唯一米線，今日終於食到喇👏🏻👏🏻👏🏻唔知大家食米線係咪都會必定要食腩肉既呢🤔我係😂所以今日我叫左碗麻辣腩肉腐竹😍😍黎到聞到已經流緊口水🤤好好味呀，腩肉同腐竹都入哂味好正😊如果大家都鐘意食米線，記得要食唯一！ …查看更多

講到荃灣老字號米線，其中一間必定係「唯一雲貴川風味」，酸辣米線真的是超受歡迎！味道酸酸辣辣的，吃過一次就會想再來。腩肉偏瘦，炸醬惹味好食。今次試叫豬頭肉，有啲位置連埋豬耳骨，肉質飽滿偏肥，愛食肥膩嘅你一定好鍾意！😋米線煙韌爽口，又熱又辣會不停將米線送入口！環境上，空間雖然有點小，有機會碰到隔離客人隻手，但如果經過荃灣又想食米線，呢個係一個值得推介嘅選擇！…查看更多

唯一雲貴川風味米線 以其地道的雲貴川風味米線聞名，深受食客喜愛。今次食咗腩肉、豆卜、腐竹、酸辣米線腩肉經過長時間燉煮，口感軟嫩，入口即化，豆卜吸收了湯汁的精華，口感飽滿多汁，-腐竹柔軟滑嫩，與酸辣湯底完美結合，既能感受到腐竹的豆香，又能品嚐到酸辣的開胃口感，非常適合喜歡清爽風味的食客。搭配濃郁的湯底和彈牙的米線，味道層次豐富，令人回味無窮。### **其他推薦菜品**- **炸醬米線**：炸醬香味濃郁，與米線搭配，口感豐富，適合喜歡濃郁風味的食客。- **雲吞米線**：雲吞皮薄餡多，內有鮮蝦和豬肉，搭配清湯和米線，味道鮮美。- **豬腳米線**：豬腳燉得軟嫩，與米線和湯底完美結合，帶來滿足的口感。**價格** - 價格合理，大部分菜品的價格在$40至$60之間，性價比高，尤其適合喜歡嘗試多種配料的食客。…查看更多

見人地介紹左好多次既唯一雲貴川風味人氣米線，長期都要排隊，今次終於嚟到荃灣覓食，咁就要試下呢間啦！佢呢間既酸辣係超強勁又濃郁，顏色濃得不見底，而腩肉本身帶辣，肉質偏瘦，所以嗌唔辣配上腩肉都會帶點辣。另外佢個炸醬好特別，肉碎粒粒分明，炒香又入味，有似像泰式生菜包肉碎。而個米線偏軟身，而且吸湯算快，所以每啖都非常濃郁。價錢方面我覺得偏貴，因為連「酸辣」都要計一個配料收費，但勝在佢夠大碗！不過店舖既座位較窄，大部分都係圓枱，所以要同其他人搭枱。而味道方面偏重同辣，如果唔食得辣既朋友建議走辣！環境衛生方面一般，因為果度既裝修都比較舊式，所以坐得唔係咁舒服。…查看更多

氣溫驟降暖胃要緊一於去食，一碗睇見都流汗嘅米線！😅荃灣貴為米線之鄉梗有一間啱你口味唯一，始終都係，唯一最好味😋腩肉入味辣過隱小鍋肉碎銀芽爽腐皮順滑添口感最愛多蔥倍增香紅當當看到都流汗😅…查看更多

完全睇唔出邊度正宗，邊度好食，啲網站仲係咁sell評分，在場見唔到一個似樣嘅餐牌俾人睇嘢食價錢，我嗌咗一個米線+3個餸，佢哋話咁樣計我四個餸嘅價錢，要$67，服務態度又差，問佢問題勁唔耐煩，個阿姐問完我要唔要蔥，我話要，之後嚟到完全搵唔到一粒蔥，仲要勁難食，食咗幾啖連埋啲餸之後就擺低冇再食，果然係出咗名就會變差，我幾年前嚟食都唔係咁。仲要啲位勁窄，我孭住個背囊食，仲要入面放咗部好重嘅電腦，總之成個人感覺好差，真係食譚仔都唔會再食佢…查看更多

非常一般的米線店，腩肉硬又冇乜味，米線淋到我都唔知有幾耐冇食過，酸菜同湯只屬於正常水平，同屬荃灣區好味的有好多選擇好彩我只係路過入去食，理解唔到排隊個點店員阿姐非常不禮貌，好鍾意串啲客，只係食一碗米線嘅時間，已經聽咗好多次串客人嘅說話，「見到有位咪坐低囉」、「點會冇四個人呀？呢張枱坐兩個嗰張枱坐兩個咪四個位囉」、「落單又唔諗清楚而家講點幫你走蔥啊」其實咁樣又對你哋有咩好處呢？客入嚟食嘢係咪有錯呢？如果唔想做點解要開門呢？…查看更多