唯一雲貴川風味

营业中

休息中

我一人來到荃灣買東西,就順便來雲貴川食午餐,下午2點多去到,離遠已經見到人龍,已過食飯時間,都仲有咁多人,就知有一定既吸引力啦!!排隊時,呀姐會先幫係落單,可以慳番D時間,可能我一個人,好快就有位,入到去個個都係圍住一齊食,好快我既米線嚟喇~~~酸辣+腩肉+雲吞米線嘩..........好香喎好多蔥呀!湯係米王色,睇落都唔係好辣,搞"雲"D蔥和腩肉,我就唔客氣喇~湯底好好味,米線份量都幾多,芽菜又多,雲吞皮滑嘟嘟,餡料係菜粒,比較清淡,當然不及腩肉既惹味,腩肉一片片厚切,還有少少肥膏,好好食呀~~食食下都開始辣起上嚟,腩肉既辣油開始走上碗邊,越食越辣,相當刺激,但係越辣就越想食.........!!開頭我以為會分大,中,小辣,原來係無嫁,如果唔食得辣,就請早揚聲~~~

琴晚同女友來o左呢間店食野,一向都知呢間店多人排隊,所以已經有排好耐隊o既覺悟,但去到只係排o左5分鐘就可以入去之食,入到去叫o左一碗腩肉,腐觸加雞翼米線同一碗腩肉豬肉丸加貢丸米線,佢地d米線比人做得彈牙而煙韌,好食!d腩肉都好好,好大塊,d豬肉丸係包心果隻,所以都好好食,其他都係水準以上,但唯一唔好o既係,呢間店就算你叫唔辣都會有d辣,不過都仲可以接受.

星期六晚專登同男友黎呢度食塭左一陣先塭到呢度, 兜左個大圈, 原來遠在天邊, 近在眼前去到都有人等緊位喇, 好彩人唔算多. 阿姐臨入去前會幫你落單, 所以等位時最好諗定食乜喇!決定得有 d 趕, 我竟然無嗌到小辣中辣果d!! > < 結果只試到原味的湯底, 唉 (一心黎食辣架嘛...)坐低都唔知有無五分鐘碗米線就黎喇, 效率都幾高下! 炸醬貢丸米線﹕見到其他食評 d 炸醬都有好多鋪滿面的, 但唔知點解我果碗就唔多... 個人黎講覺得味道普通, 不算特別出色也不覺辣, 有少少失望. 反而貢丸比想像中好食, 係爆醬那種, 餡既比例剛好腩肉腐竹米線﹕腩肉好入味, 辣辣地, 而且份量相比其他鋪頭算多,推介! 腐竹ok 吧, 勝在夠索味米線份量比一般多, 食完會好飽. 距個湯底其實本身都有少少酸辣, 感覺偏向酸, 應該加了辣會好一點吧... (無辣始終爭0甘d > <) 唯有加辣椒油啦... 論湯既味道我地都係比較鐘意雲南桂林米線既湯底多d, 餸就好似呢邊好食d. 環境就一般吧.. 個位好似有 d 唔夠冷氣, 食食下都幾熱.. 但有機會都會再黎試下距既中辣!

自從男友帶左我黎食之後,我就上癮啦,耐唔耐就要黎食,佢地d酸辣味真係好正，米線又軟熟,0係出面真係搵唔到咁好味呀!!!我多數食腩肉,貢丸,,貢丸有野讓左0係入面,好好好好食!! 其他送就一般啦,男友話豬腸都好食,不過好快賣哂.我鐘意佢夠大碗又落足料.p.s.好惡果個阿姐好似冇做啦~ 近呢一兩個月去都見唔到佢lu..好事好事.

　這間舖頭我之前經常都會經過，但從來都沒有入內試過，一來係因為佢係巷仔入面，二來係因為個邊太多嘢食啦，點都未捒到個間．今次經高人指點便去試下，排長龍．　到我們了，都只是攝係一張已經坐咗３pair人的枱，我叫了一個辣的豬潤豬腸米線而老公叫了一個豬紅腐竹清湯的米線，等了很久本來見到他們這樣忙不敢打擾他們但也忍不住問有沒有漏單，但估不到他們並沒有態度差，反而侍應立即走入廚房端出米線，原來他們是一碗一碗的造．．．很厲害，這麼多人來吃，但他們堅持食物的質素，真係先要俾個叻佢先．　的確我的那碗辣的和老公那碗清湯的湯底完全是兩碼子的事，並不是將同一煲湯加辣就擺上枱，真的是逐碗煮的．掂！！真的很好味，湯底夠濃，豬腸很香又不會太腍，米線啱啱好．．．不過我同老公都覺得清湯比較好味．

未來之前也估不到,這間在四陂坊的雲貴川,原來是那麼受歡迎.七點多去到,已經有一條井然人龍在門外聚集.一邊排隊一邊落單,務求一上桌就做好碗米線奉客,快上快落,可做多幾轉生意,這是小店生存之道.我們一行五人,等一會便有位.我要的是豬潤,豆卜,豬肚,炸醬米線,辣度是中辣級別,但一上桌,友人說:{你呢個似係大辣.}心想:{唔係咁樣整蠱我呀?}去吃麻/酸辣米線,一向不敢自視過高,叫碗米線吃,極其量要中辣.每一間食店的辣度也不同,取中辣算是保守.友人見到我碗米線,說有點似爛泥.豬潤用酒煮過,帶有酒香,但豬潤質感較齦,豬肚切成細絲,很爽口,豆卜完全索盡酸辣湯底的精華,一口咬下,並不好受.而炸醬味可能因為湯底辣度強勁,所以吃不出本身的味道.說回湯底,中辣程度,對我來說是非同小可,每一口是火燙的感覺,吃到個人神情呆滯,手騰腳震,咀唇也變成烈焰紅唇,面對著火紅的湯底,什麼的柔情,慾望,統統迷失得徹底.麻辣同性愛,也是有點共通之處,就是明知過了火位,仍然無有識死,繼續越軌下去.幸好吃辣,極其量第二天早上火燒後面一下就算,但如果偷食的話,隨時要上身,到時想甩都甩不掉,就

下午2,3點同老公帶埋個女又走左去食米線...果陣已經見到要排隧啦...仲以為果個時間唔會咁多人添,我地仲要推埋bb車入去食...好驚阿姐會鬧阻住佢地方...但又冇喎...每次o係度食自己一個人叫一碗..未有一次試過食得晒,因為真係好鬼大碗..........今次我地學精左...叫左一碗加底2份食...嘩嘩...勁大碗ar...好彩老公夠大食,唔係分分鐘都食唔晒ar~~~~今日點左個腩肉,豬腸,炸醬...腩肉,炸醬次次都會叫...係必食o既...因為真係太正la.....另外就叫左豬腸...我就覺得一般般...都係普通食開咁囉..唔會話特別好正........可以一試啦~~~~~~~~~~

前 2 日同朋友去食左食呢間所謂的米線, 唔好食不特止, d 服務員又串, 問你食唔食得辣, 唔食得唔好食喇, 食第 2 d 喇, 見到同台的人要點食物的時候, 佢地講得快又叫人唔好講咁快, 又叫人逐個逐個講, 唔好係咁講喎, 心想, 你地都做左好耐喇, 冇理由聽唔切囉, 如果唔係上綱見到話好食, 我真係唔會去呀, 起碼我已經知道呢間唔好食, 我唔會再去囉, 唔知係咪呢間多人食, 所以好快就咁賣晒 d 野, 有 d 人入來就叫人走, 下次早 d 到, 攪到 d 人食唔到就一咁走喇.

呢間米線由佢在舊舖就開始食,仲記得第一次食就係'酸辣腩肉腐竹米線', 果陣時真係覺得超好食,碗米線當年有好多酸菜,芽菜,仲有九菜,湯底仲好濃添,但近呢兩三年去食,水準真係差左好多,碗米線無咗九菜都算了,湯底仲時濃時淡,又試過同樣小辣,一次辣到飛起,一次就淡到自己要加辣椒醬,仲有次食到豬肚係壞咗的,真係越食越失望,而家一年都會去食兩三次的,但真係覺得越來越差

幫襯呢間野係因為睇到ｏｐｅｎｒｉｃｅ咁多人話好食自己成日黎荃灣都未食過，６個月前左右就同男友黎試下我一向食到辣，本來打算叫中辣，不過叫人地碗野咁紅，所以同男友一齊叫左個小辣試下點知一試，哇．．．辣到啊，我男友直頭要唔該個阿姐幫佢轉清湯好在阿姐都幾好，肯轉俾我地，我男友又唔好意思，係咁話唔洗，個阿姐又好似睇得出咁喎，係咁話〔轉啦轉啦，唔得唔好勉強啊，我幫你轉啦〕哈～轉左之後佢都仲係話好辣好辣-.-而一向食辣ｇｅ我都頂唔順．．．食一啖停一啖咁．．．男友同我一志應同，一定唔會再有下次，係咁話難食，又唔明ｗｈｙ會咁多人黎食點知，下次一放假唔知做咩又走番黎食-.-好晨奇．．．誰不知，今次食又ｏｋ喎今次叫左唔辣不過炸張，腩肉都係會有少少辣ｇｅ從此之後，放假我同男友都會去旁邊間７仔買支水先入去食而家我一放學就直頭會沖去買黎食，之後山長水遠咁行番大窩口〕雖然夏天熱，有時都幾辛苦下，但係唔知做咩就係想食．．．每次必叫最鍾意ｇｅ炸張，腩肉，再加多一樣ｇｅ，中辣佢地ｄ貢圓都幾好食，爆張

近幾年平均每兩個月左右總會到訪一次，但寫食評也是第一次。每次出到荃灣，總會不其然的走到四陂坊加入其排隊行列，有時甚至要排上半個小時之多而且每次也必定吃到滿頭大汗，但總是滋味無比。是日下午一時左右到訪，可能是星期六的關係，排隊的人比較多，前前後後三人行也排了差不多半小時才可以入座。當初友人介紹時，據聞酸辣最好味，但奈何小弟不太吃得辣，從來也未試過，因為怕太辣自己會食唔到。較好食的有豬頭肉和豬肚，其次的有腩肉和豬腸，但水準則較為不穩定，要看看當天的彩數吧。今天要了個四餸的小窩米線﹙包括︰豬頭肉，豬脷，豬肚，豬大腸﹚，最好食的依然是豬頭肉，吃起來口感有點像豬肚，但比豬肚多了點肥肉和荕，味道更香。加上在製作時本身已加了些少辣味，吃起來更加惹味。豬脷水準則稍為失望，煮得太「鞋」口，而且唔夠入味。豬腸和豬肚水準也大不如前，唯獨是不太入味。吃米線最怕湯還湯煮米線還米線煮，米線便變得淡而無味。這裏米線則明顯是放湯煮過，才再加入配菜，所以米線能和湯底的味道融為一體，是一直以來最欣賞的地方。雖然味道仍是可以接受的範圍，但的確近兩次到訪時的味道已大不如前了。湯底比以前淡味了，以前單看湯底是不透光的，這兩次的

24/09 14:15 報告其實起度食咗好多次, 這次才第一次寫這個食評,這裡只有湯米線, 別無其他, 入去前請注意當日我和女友一同去食, 我自已本身不吃酸菜, 我女朋友食得辣, 而我就一般, 我們的食量都不大, 所以叫了: 腩肉, 腐竹, 炸醫, 豬肚, 走酸菜, 少辣, 加底(大食的自已獨立叫, 細食的加底就夠兩個人食, 因為好大碗), total $47元.這裡只有腩肉, 腐竹同炸醫的水準可以保持到, 雲吞, 丸類就免了, 其他的食物只有看彩數(因為真的很飄忽). 辣方面, 不是麻辣, 是普通一碗米線加上獨有的辣椒油(所以我至喜歡到呢間), 我自已少辣都ok, 若果兼不夠辣, 自已放辣椒油就可以(因為放在枱上的辣椒油=佢地落個d), 若第一次食不知味道的, 先叫少辣再自行加服務方面, 我覺得ok啦, 晚上個阿姐都ok喎, 不過環境方面真的比較差!!

本人住荃灣, 同埋特別喜愛食米線, 所以耐唔耐都會幫襯. 服務質素差不特止(試過叫走芽菜, 佢幫我走左米線), 最近連食物水準好變得飄忽. 湯底除左酸之外咩都食唔出, d米線又好似浸左好耐咁, 連之前鍾意食既雲吞都煮到爛晒) 如果食物質素無改善的話我相信短期內都唔會再幫襯.ps 唔明點解荃灣咁多野食 呢度都仲成日咁多人排隊

好多時也聽到別人及食評話這裡很好味，自己住在荃灣也不曾來過，所以來這裡吃一次，誰知就上檔了，那天去到有很多人在等位，我只好叫外賣回家品嚐，入內只見座無虛席，每張摺桌也坐了6至7個人，有很多人在伸俐及抺汗，又叫飲品，還有一個大聲的女人粗聲問你要什麼，又要$30元以上一碗貴米線，等了10至15分鐘才有外賣，回家吃才知道勁辣，全碗也是紅色的辣油及梓天椒，但我只是點了少辣，只吃了幾口就已經不能入口，全面通紅。當我回去更換時，有一個年少的、大聲、沒有禮貌及態度好惡劣的女孩不但沒有道歉更換新的，更說不是他們的問題，當我再追究她才說只能換湯，但我已經吃過幾口又如何只更換湯呢? 只會更難入口，但她怎樣也只肯換湯，待我等她更換回來，那碗米線已弄成一堆難看的東西而且湯也黑黑紅紅，我沒有吃，只有棄掉它。

今日放學同老婆去左荃灣~肚餓就諗住去食米線~因為老婆話雲貴好似好食就去左試下了~去到之後搵左個位~冷氣就幾夠~不過環境就同想像中有點出入~感覺有點不衛生~又冇餐牌~原來要睇wall=_=睇左成3分鐘~之後叫左個腩肉米x2~好快就到左~都幾多~d肉好入味~冇叫辣不過都好辣~=3=~食完~都幾好味~埋單48