唯一雲貴川風味

营业中

休息中

鋪位轉左(以前是戴麟寺<趾>對面)，伙計變左(老鋪的，得番一個由樓面轉做廚房;同埋依家有個串嘴的阿姐，以前新鋪剛剛開時，睇住佢單到未識落，到依家成日落單時串人)，老闆換左(以前招牌是沒有唯一這字眼的，同埋舊老闆是著背心，係廚房抛住個鑊下廚)言歸正傳，此店雖然有很多野變左，但食物味道沒變，風味依然，人龍長排長有，好辣者無不稱快，只係雲吞十二年來照樣厚皮，較為失色。極力推介組合︰酸辣炸醬腩肉腐皮米線小辣，此組合為小弟十二年所吃，集香、辛、清、辣於一身，可吃到此店食物的精髓，吃至一半時，不妨再加蔥粒及秘製辣油伴吃，讓風味再次提升，和味至極

呢間店係我個朋友帶我黎食的, 食過一次後如佢所講, 時不時都會心思思想來食, 每次經過荃灣如果不太餓都會走來食碗米線.每次門口都會排了一條龍, 其實唔駛等太耐, 因為坐得不太舒服, 一張枱坐五六個人, 通常一食完就會埋單走人, 我次次都會食腩肉(如果唔食辣的千萬不要叫, 因為腩肉辣的), 佢的魚蛋都好好味, 好細粒, 但好彈牙, 如果想清淡的可以叫腐皮, 吸埋的湯汁好正, 食得辣如我, 中辣巳好足夠, 湯底好入味, 一定要準備包紙巾, 一路食一路大呼過癮~

聽過有人話呢間雲南米線好食,就去試下時間為閒日晚上9點幾見到光顧既人客都唔少,以為呢間野特別好食點知..(1)睇唔明餐牌 (初次去到已經見到有人因為睇唔明而叫錯野)(2)價錢特別貴,一碗兩餸要$26,三餸$29,(禁講好似同其他麵店差唔多,但其實佢地"酸菜"當作一餸,即係若果你要一碗酸辣雲吞米線就要$26)而且米線加底仲要$10!!!(3)食物質素差 (米線--尚可,酸菜--無酸味,辣--亦都好差,雲吞--皮厚肉少,魚蛋--惡劣)難食到離哂譜!!(4)服務態度差 (員工做事馬虎,落單求其,完全不以顧客為先)承上,鄰座有一顧客叫左小鍋米線淨芽菜,黎左一碗<芽菜>,跟住個客人就問點解無米線.可唔可以轉. 個員工竟然大大聲話無..態度好差..仲要大大聲四圍同d員工講...攪到個客人勁無奈...其實個員工係有責任問一問清楚客人既order......而且做事醒少少都諗到,人地如果要"淨芽菜"就會叫"淨芽菜"la.....點會叫"小鍋米線"呢四隻字!!!我係旁觀者都好想走去罵佢!!

好多人話呢間好味，自己又住呢區，走落去試下啦一去到大排長龍，等左好耐先有位。一入到去......我見到d咁多油.....叫阿姐抹下，個阿姐好似好唔滿意咁抹左兩下就走左去環境比較迫.....我叫左腩肉豬腸米線，唔吃得辣，所以叫左唔辣但個碗一上又係呆左.....d紅色油浮響面，心知不妙！一吃就滿頭大汗，辣到嘔電@﹏@明明叫唔辣架嘛d腩肉就只係得個辣字，根本食唔到其他味.....到最後係放棄埋單走人-_-無謂貼錢買難受.....真係食得辣o既人先好去食唔食得辣千祈咪去，因你叫唔辣，但佢d腩肉都係辣，會攪到成碗辣晒

後補的食評..難忘的回憶..我同好友諗住一齊買野送俾人..見肚餓..佢就話黎食呢間..心諗..我咩都食咁濟..何況肚餓~~上到樓後..好逼..坐得完全唔舒服..我知我唔食得辣..所以我同朋友都一齊叫清湯..腩肉..炸醬..兩拼..仲叫埋加大..(+$10)黎到後..叫到都係好似好紅咁款..(湯底)心知不妙..果然中招......腩肉同炸醬都好辣..辣到我出晒汗......即使肚餓..亦冇再食落去既胃口..無謂俾成幾十蚊令自己難受..最終我放棄左..用左最大努力食左三份之一..叫埋可樂..埋單兩個人都成$90..可以選擇既多的是..如果唔好辣..受唔到辣..真係唔好去試..會後悔..

今次叫了(小辣) 小鍋 + 炸醬 + 雲吞一碗兩份食,小辣都幾辣,辣到個咀又紅又腫都繼續食,因為辣得幾過癮,...炸醬d味調得幾好,粒粒都超瘦,...雲吞就超差勁,個皮好厚,好硬,總知唔叫雲吞啦,超難食...食物味道整體ok,但服務和環境衛生就麻麻,地板油淰淰,坐位又超迫,個人認為,如唔使等位,都可試一試既

食過咁多間米線,最正係佢.好可惜我唔係成日出荃灣,不過一出去都會一定去食,就算要等都食~~~因為我去間間食米線都只係食炸醬,腩肉,豆卜.少辣呢間D腩肉好林好入味~~~~~~~加埋炸醬真係勁正~~~連D米線都好彈牙~~真係諗起都想食~~~~

1.環壞衛生惡劣地板污穢不堪，樓上也只是擺充滿油性的摺枱，已經倒胃。2.不值得排隊眼前只是一碗油浸米線，腩肉醃成很辣已經不是新鮮的肉，並且污染沒有辣湯底的米線，足以掩蓋其他餸料的味道，沒有任何味道。3.價錢不值，平均都要接近$30一碗並沒有特別好吃的餸料，湯底沒有賣點，如果要比較，這間米線只是將不同餸料放進碗內的車仔檔米線。我不明白由出世到現在都見每天大排長龍，只吃了一次，相信是最後一次。

前晚去食完! 去到o個度, 阿姐指左個位比我同朋友, 但係個位成地雞骨, 點坐?? 叫阿姐黎掃一掃, 佢話就黎收舖, 一陣先掃wor, 真係無言.....米線都冇以前咁好食喇

見有很多人排隊, 也試一試, 叫了腐竹腩肉米線, 不辣的, 很大婉, 但腩肉的汁令到全碗米線也很辣, 我唯有很小心不觸動那些腩肉, 以免污染其他未變辣的湯底和腐竹, 但也很好吃。但我見到鄰座女孩那碗過橋米線內有一些和腩肉一樣 look 但白灼的豬肉, 有沒有人知道那叫做甚麼, 是不是豬頭肉, 我想下次叫。

看過不少食評，對這家面店一致讚好。亦由我朋友口中推介過，所以尋日出開荃灣捐血，就順手去試下係唔係真係有甘好味我點左酸菜，炸醬同雲吞米線（由於我食得辣，所以點左大辣）。而我男朋友就點左腩肉同雞亦米線（佢唔太食得辣，所以就食少少辣）。兩碗米線黎到，只見有好多油。而且少辣都已經好辣．．我男朋友話根本就食唔到Ｄ野係咩味，得個辣字。而我個碗，一個字好油．．．而Ｄ送都唔係真係話甘好食囉（可能係我個人口味問題，我覺得紅磡既景霖好食好多啦）服務根本唔洗講，哈哈．．．班啊姐都唔休做，哈哈．．．我估都唔會再有一下次既幫襯啦

米線 - 好有口感, 唔會太林 配菜 - 同其他米線鋪頭相比算係比較多 湯底 - 唔錯, 幾香腩肉 - 好入味腐竹 - 有腐竹味地鋪座位好迫, 1-2位一定會同人搭枱員工態度未至於差, 個個都木口木面咁, 可能太忙啦

由中學幫襯到依家，但由於自己不太吃得辣，所以最多是吃小辣，每次都會吃到滿頭大汗，但總覺得好正。今次來回味一下，點了小窩腐竹腩肉米線，$30。以前問過老闆小窩即是甚麼，原來已經代表不辣，準確點是一堆肉碎。今次，水準依然。腐竹要$3，但份量多且質素好，最重要是吸到味，抵叫；腩肉很惹味，全因那香辣的辣油吧？之前睇飲食雜誌說它的辣油是自己炒的，是獨門秘方，但除此之外，還要用料好，平均質素好才吸引到那麼多食客吧？咁多年都依然保持到水準，難得。有機會來Encore！

係荃灣長大，由中學開始去e一間鋪食米線，由食第一次就已經上左引咁，一直由佢舊鋪幫襯到e家轉左新鋪。最愛食佢既炸醬+腩肉。炸醬同腩肉都好入味，同湯底十分之配合(好岩我口味! 但可能有人會覺得偏咸) 份量亦好夠多。咁多年黎當然見過間野唔少唔好既野，都係e一度講下。1) 曾經有唔少傳聞話間野底大麻之類既毒品去令人上引。(我諗係得淡笑既...)2) 某d員工態度唔好。間鋪大大話話total都有成10 staffs,係有一個半個阿姐唔太好，但整體上都叫ok gei,你都唔會要求一間茶餐廳比到酒店既服務你喇。3) 環境差。真係幾唔得，位於荃灣既小橫街之中。4) 等位安排差。阿姐一見有幾多人走就會安排返岩既人數入去坐，由於多數去食既都係1,2個人去，所以你1,2個人去食可能可以好快有位，但如果係3,4個人以上你就有排等。雖然間野有唔少缺點，但以食物味道黎講，真係我食過最好味既米線鋪!!!!

由初中學到宜家, 足足食左10年有多, 你話好好味, 又唔算, 可能我鍾意食濃味的food, 所以其他的米線我就真係唔多like, 話者係情意結啦...不過連陳生都食左8年, 哈哈... 算係咁啦講番轉頭, 星期日下午如果唔出去行街, 多數同陳生去荃灣食lunch, 近ma, 又多choose好, 尋日食左:我- 腩肉, 腐竹, 豆卜, 雞肉, 豬(share食),中辣, 勁多蔥陳生- 腩肉, 腐竹, 2隻雞翼, 云吞, 唔辣, 勁多蔥云吞lee度我就覺得唔好食, 因為皮厚, "ham"好少, 但陳生次次都叫, 各人口味啦.呵呵, 同阿姐好熟, 所以有勁多蔥, 好味好飽, 我又係食唔哂......提提大家: 樓下地鋪好多人, 又迫, 有一條秘密通道, 上一層, 就係紙紮鋪轉左, 跟住見到有一道鐵閳, 上樓就ok. hygiene 一般, 不過,不嬲咁多年都係咁. 如果怕就唔好去, 講真食二三十蚊, 唔好有expect依樣果樣, 咁多年我都見過唔少lee d 人. 我都成日去d 高級地方食飯, 各有各風味,但得lee d 地方就豁出去罷了...