唯一雲貴川風味

营业中

休息中

平時都會去隔離間d雲南麵店度食,有一次心血來潮去試下,但結果就...慘不忍"食"!D位坐下坐下會覺得周身唔聚財,好心佢地一日賺咁多,就換個曬D chair la~個老闆娘好似5休做,D態度衰到貼地!D麵又唔係大碗,連小鍋都要加$3,加多少少"肥PIG"肉咋,隔離幾間都無做到佢貴!!!D雞翼食下食下會有陣陣怪味~~~一句講曬,認真唔抵食!!!$$飛走曬~~~

從來對雲南米線的喜好只是一般，願意前來一試，只為龍很想吃碗熱騰騰的米線。來吧!　由於食客太多，店內折凳安排得麻麻密密，又嘈，環境比預期更差；亦因此對食物期待更高了。　見到米線都十分大碗，不想吃剩太多造成浪費，可店內又沒有其他小食供應，最後都是叫了兩碗小辣的。與平日吃到的不同，米線是粗身彈牙的那種，很有咬口，我覺得還不錯，不過幾款餸料都不太好吃：菜肉雲吞味道粉粉淡淡的，與酸酸辣辣的米線不太配。豬腩肉更難吃，有股淡淡怪腥味，只得韭菜、芽菜及腐皮好一點。向來粉麵飯都是我的弱項，我那碗好努力也吃不到一半，不過連龍都清不到碟，算是罕有。　下次還是去雲南桂林過橋米線，一來龍對其米線死心塌地，二來小食香辣羊肉串也很值得欣賞的!

當呢間舖仲未搬到現址的時候，我媽媽已經係雲貴川常客，後來當它搬來四陂坊後，媽媽帶我o黎食過一碗米線之後，好似上o左癮咁，周不時我都會心癢癢想食，仲會介紹埋男朋友同朋友仔o黎食不過，坦白講，近呢排佢米線質素真係變得好唔穩定，媽媽唔再係常客，我自己都少o左o黎食今晚男朋友突然話想食，差唔多六點到，都坐滿哂，開始要等位...好誇張！咁耐以o黎我每次o黎親都會點雞肉+腩肉加酸湯，今日見到有新款式推介，就點埋蘿蔔；男朋友就點炸醬+腩肉+醬爆豬肉丸加酸湯個人喜好，始終最鍾意都係佢加o左酸湯的湯底，好醒胃，而且碗米線會因為咁而變得無咁辣！(有時如果太辣食唔到，你可以叫佢俾碗酸湯你加落去o架！)蘿蔔好好味，好軟，帶甜，都有差唔多成五大舊...雲貴川腩肉一向唔錯，辣辣o地唔太韌！雞肉都幾好，無煮到老哂咬唔落男朋友好鍾意佢的炸醬，佢覺得炸醬的味調得好好，好o岩用o黎送米線食其實都抵食o既，碗米線超大碗，如果唔係好肚餓o黎食一定食唔哂... 不過...每次o黎親都坐得好唔自在，同四五個人搭埋一張圓台之餘，仲會好清楚聽到哂人o地對話，乜o野是非新聞都被迫要聽哂... 如果想靜靜o地食o野傾下偈，雲貴川一定唔係

一個既麻煩又挑剔嘅野蠻女友.2000年男友第一次帶我到此食店,記得當日還認定是我開罪了他,他要折磨我才帶我來!已經就快3點了(還未食午餐),去到門口已經唔想入去.人多~迫,摺枱~舊,膠櫈~糟,地面~油,就連飯都無得食,況且我從來都不吃辣......在還未搭枱前已跟他說明我什麼都不會吃.但他如常坐下來,<炸醬,腩肉,豬腸小辣>就點菜了.氣得我成個彈起來.當然他沒理會我,不久米線到了.「嘩!咁大碗?好香呀(心想).」當然我什麼都不會吃嘛!正是因為搭枱的原故,坐在對面男女的對話聽得很清楚,連坐隔離(相信係唔識)嘅呀巫也搭訕.話題全都是圍繞讚美此食店嘅米線及腩肉......望下隻碗,依?米線?腩肉?好肚餓...一試之下.從此...便上了癮.現在還食中辣程度。每週必定約三五知音來一同回味一番。發現原來搭枱也別有一番特色風味。讚美嘅說話不用多,只見在這七年內只要有開門的一天,都會見到有人龍的一天.開在隔壁的食店不停轉手粥,粉,麵,飯樣樣齊,但也捱不到一年定必倒閉。就知道無可厚非此米線可媲美各種美食。

果然如傳聞當中的人龍不絕。中秋節下午到荃灣辦點事後路過這帶已經打算來幫襯，站在門外看到這一字長蛇陣已經有打退堂鼓之意，好在猶疑之間肥老板說閣樓有位，可拐彎到閣樓安座而不需排隊。原來這閣樓是別有洞天，當時面積約八百多尺的閣樓已擺滿好幾張檯椅還是擠滿客人，但都可以找到位置安頓，靜候阿姐來下單確認！麻辣腩肉肥腸竹笙米線；米線上檯，份量是海量的，咱家最終都不能把整碗幹掉，而這裡的麻辣湯味道夠嗆夠濃，小辣程度都不能全碗招架，故只能幹掉大半而矣。說回腩肉，這裡是炆燉的那種烹調方法，個人來說較喜歡白灼的那種；而肥腸是正宗腸頭，脂肪多得可愛，甘香肥美，份量是長吃長有的，可說把當月的配額吃光但痛快；竹笙索盡麻辣湯精華，加上還是脆身咬口，用這來入肴，相得益彰。米線的食味反而一般，吃到後期已開始有點糊口感覺，還是喜歡有彈牙爽口的米線。光顧顧客很多，但招呼阿姐盡量滿足客人，另外亦讚揚落單阿姐的記憶力及跟單能力，是坊間小見的。

昨日我上網見到咁多食評都話好食,我專登走去試下,一入到去已經好多人la,我叫了一個蘿蔔腩肉米線,大辣,我一食已經好大陣燶味,又好傑,我只覺得我難食,我食左幾口,就放棄了....唉!譚仔好食過佢10幾倍,好失望ar~

食過無數次，覺得腩肉最好食，點解會食無數次?因為有令人越食越想食，越食越口渴，有些人更會有敏感反應的~味精．

都几大份,比o係其他地方o既米線店會酸得多.我叫左小辣同腩肉.所以會辣少少.可惜又要得位,地方又坐得唔舒服....下次都唔會選擇

友人推介下一試腩肉雲吞原諒我少見識, 從未食過全瘦腩肉諗都冇諗過少少un , 幾干下唔掂雲吞皮厚, 太淋係d 米同湯ok

先前舊址在七街(現萬景峰)時, 真的好好味, 現在無咁好食LOR.

見這店的顧客經常要等位輪候,今次襯時間早人少,特來試試!本來叫了豬腸,豬肚,腩肉,和蘿蔔四味.因喉嚨不適,不能食辣,早己對店員聲明,但上檯才發覺豬肚和腩肉是辣的,店員立即替我將這兩味辣的餸走,轉上酸菜重新再上,服務態度很好!食落覺得豬腸真的很好食,但酸菜太酸,蘿蔔不夠淋.但望同檯比我遲來,又不相識的幾位,人人都食得很滋味,是否因為我不能食辣,又不懂叫餸的關係呢?喉嚨復原後,定要再來一試,但一定不會叫酸菜!

前幾日約朋友出來食飯,約了去食米線.晚上7時左右好多人排隊, 等左差不多半粒鐘.叫了腩肉豬肚米線, 走spicy, 加一樽豆漿.湯底好濃, 腩肉豬肚好入味, 但炆既過程中加了spicy料. 所以食到好感動(眼水, 鼻流一齊流)好味~~又平又大碗, 抵食不過地方就細,dirty.....唔係太多人可以接受.服務: 沒有. d亞姐好似自由行.

如果不是我朋友說要吃，我一定不吃，一來環境不好，二來坐得不好，三來要等，都不知道為什麼那麼多人吃！我不吃得spicy的食物，所以已經點了一些最普通的米線，但我不明為何湯底可以這麼油，而且我一點都不覺得好吃，最慘就是吃完之後我肚子痛了很久，要吃兩小盒保濟丸加上去洗手間才沒有事！我一定不會再吃，見過鬼還不怕黑！

我剛搬往荃灣, 每天都經過見倒雲貴川成日都排晒長龍, 於是搵一次真係走去試吓。第一次叫左"酸辣腩肉腐竹"米線, 好大碗, 好濃味, 同埋啲腩肉好好味。啲米線又好彈口, 唔係果啲lum bat bat overcook咁geh質感。依家我成日食, 差不多一個week一次, "酸辣腩肉腐竹"米線依然係我favourite。試過唔叫酸辣, just腩肉腐竹, 啲味真係淨幾遠。都係有酸辣好食啲。價錢以佢份量黎講係好OK, 例如我叫"酸辣腩肉腐竹"米線(3餸)都係$27, 合理。環境真係唔係坐得咁舒服, 櫈係圓櫈, 又無位擺野。所以攞住好多野就唔好去果度。同埋佢開左個廚房門, 聽住廚房果啲爐geh聲, 好嘈吓。服務就當然唔會係5星級餐廳咁啦, 啲落單阿姐都幾rude, 不過lee啲咁geh地方, 我就唔會有咩expectation。但雖則佢成日排晒長龍, 我每一次都好快有位坐, 好少要等多過5 mins。所以就算見倒排晒隊我都照去。

腐竹腩肉雞翼米線始終係我首選,不過太大碗,下次都係叫佢少d粉,食雲貴川都依左好幾年,覺得佢比以前係遜色左,但比起出面既米線已經好食好多...