唯一雲貴川風味

营业中

休息中

我己試過很多米線，每次都叫腩肉，但沒有其他店舖的腩肉好食過哩間，自此以後我只會係哩間order腩肉，其他就no way !

我好細個就食呢間.. 因為真係好好味... 佢之前係眾安街近大會堂個邊開..我已經成日食.. 我見到好多評語都話環境差.. 其實佢而家已經改善左好多.. 以前又細又黑... 而家大左又光猛左.. 不過仲有進步既空間.. 佢d腩肉米線真係好好味... 最好就係腩肉唔肥.. d 湯底又正..兩個人食.. 最好係加底.. 唔使叫兩碗... 我食開最好味既係酸辣腩肉加豬肚加雞翼.. 正!!

我覺得好好味...尤其係天寒地凍既時候食就特別好味~~以前我就經常食腩肉腐竹走芽菜...佢D腩肉好好味架..不過太辣啦..所以我之後都改食腐竹雞肉走芽菜~~我又唔介意果到逼喎(因為果到係一張圓坐5-6人)總之好味就得啦...理得佢地板有冇油漬姐!!再藉得一提既就係佢D湯底啦...酸酸地好好味(尤其係D酸菜)..可能我唔要辣..所以我唔覺得好多油喎~~

朋友介紹, 話呢度出名, 到見到人山人海, 仲有條好長人龍tim, 心諗應該好正好好味...蘿蔔雲吞小辣麻辣米線好大碗好多配菜好足料咁,但辣油偏多, 搞到成口油咁, 唔敢試湯底...先試米線, 有少少硬身, 有d 口感, ok ...再試蘿蔔, 唔甜唔夠淋...而雲吞就幾大隻, 都幾好味.係就係價錢貴少少, 但真係好大碗lor, 食極都食唔晒...寧願佢平d 細碗d 啦.最重要問題係, 小辣就真係小小辣, 仲要辣味係辣一辣就無, 咁d 麻呢?一d 都唔覺wo...但呢度唔係食麻辣米線ga 咩?

其實我都支持左呢間鋪頭好耐, 但係感覺好似越來越差咁, 因為地下成日都好油, 米線係幾好食, 不過雲吞多年都無變, 仍然咁厚皮, 唉~~ 如果可以改善下食市環境我諗會好d囉! 我最愛肉醬,腩肉,腐皮米線。

咁凍。最好除打邊爐之外，食碗熱辣辣米線亦係好唔錯。老老最愛呢度，我就嫌太地茂。不過都算好味，就算要排隊入，都無計啦。叫了魚蛋米線，有點失望，不是潮州魚蛋，是街邊魚蛋果種，有七小粒，算你啦。今次食有覺得好味過上次。但清潔問題嘛，我覺得還是應該搞搞佢。

朋友話呢度好食，於是尋晚同佢o黎下試。去到唔使等，諗住上樓上坐，不過佢地話就o黎收，跟住落返去。果度環境幾擠迫，衛生麻麻，有d油漬晌地！叫左炸醬、雲吞、腩肉配小辣米線，冇野飲，得罐裝同樽裝飲品另叫。碗米線幾大碗，幾夠料，但係d雲吞唔好食，唔知雲吞皮厚定係唔熟，唯一讚o既係d腩肉唔錯！食食下野，見到地下有灘漬，以為有人倒瀉野，原來係其中一格地板滲水！我諗下次唔會再去，去譚仔好過！

先前在七街時期, 好好味架, 現在都的無咁好食. 試過1次差d想反胃添.

我以前住荃灣，成日食。好好食。與眾不同。不過幾年，服務差到難以置信。食物大不如前。我試過碗米線有昆蟲類物體，收錢個女仔一手收我碗米線。換過碗。但收多$2。問佢點解，佢說我加多了酸汁??唔再去啦!好多好食過佢。咁油咁骯髒! 仲食?

雲吞真係勁難食嫁..唔知點解佢其他野我都覺得ok,唯獨雲吞真係唔得.d皮好似未熟咁

一個住荃灣既朋友介紹,話呢間野好出名,我每次行過都見到排哂隊都唔想入去...前日去開果頭,見到冇咩人排,男友話不如試下啦,咁就排左一陣入左去...入到去,環境勁差...迫到呢......未食已經想走..炸醬米線$22(me)雲吞+醬爆豬肉丸米線$26(him)碗野真係幾大碗,米線好多,都幾彈牙,但可能個人口味問題,佢個風味湯底我就唔太欣賞,食左幾啖已經唔想食,最大問題係佢既雲吞,真係好難食,塊皮係勁厚既水餃皮,一咬入去得d咁多菜+豬肉,成舊都係塊皮卷埋幾層...個醬爆豬肉丸入面得兩粒仔肉碎...真係幾差下..食既時候又唔覺係突別咸,不過食完後都渴左成晚。不會再去!!

我係佢舊舖已經幫趁LU(以前係禾笛街)唔....覺得呢排D野差左,作為老街坊,我希望佢會有改善啦,畢竟做出一個名堂唔簡單嫁.唔好就咁比佢差落去首先個碗米線落多左好多芽菜同其他唔知係9菜定咩.覺得米線既份量少左.都唔知自己係度食緊芽菜定咩.個湯底淡左啦,有時要佢小辣加酸先夠個種酸辣感覺.食左咁多年.如果新朋友去食就唔好叫雲吞.因為真係難食架.保險D叫豬利呀,豬頭肉,腐竹個D就OK既環境就有D DIRTY.同埋繁忙時間真係迫嫁.食得比較辛苦既價錢方面:佢係比人地貴嫁.

我五年前經朋友介紹下開始係度食，味道很不錯，特別是腩肉同雞肉，我到近年，味道大不如前，或者是換了廚師的關係，其實我都有同老闆講過這情況，都仍無改善！我現在去荃灣都會去另一間度食米線。

外賣左2 碗米線。我果碗係酸辣腩肉雲吞米線($28 + $2)，佢都無問我大/ 中/ 小辣，好怪... 另一碗係酸辣腩肉雲吞雞翼尖豬腸米線($34 + $2)，試左一塊豬腸一隻雞翼尖，豬腸幾爽，但雞翼尖麻麻地。腩肉味道唔錯，都幾塊多下。雲吞係失敗之作，好難食。米線ok 爽口，酸辣一般，唔覺得係坊間講的那麼美味。

經朋友介紹下，去到呢間舖頭試試，結果鐘意左食呢度酸辣米線，如果選擇腩肉+湯底小辣唔錯。但係唔係太鐘意要坐得迫。