唯一雲貴川風味

营业中

休息中

我同媽咪share左個腩肉腐竹雞翼豬膶米線加底, 隻雞翼細隻左好多,腩肉亦唔再係一片片,係碎架,味道已不及早兩三年前,但都好食過出面果d張相係我個妹既腩肉雞翼雲吞,我食左佢一粒雲吞,係好厚既皮而餡就係勁少,五分四都係皮來架,以前都係皮厚,但餡都有好多,而家變晒啦!!我今日上左樓上坐,竟然要自己開檯開櫈,燈又唔開,唉...所以我都唔知點比分好啦

成日聽人講呢間d 米線好正,終於有機會試下,點知極度失望.1.人地$25已經可叫3個食送,o係呢度就只可以叫到1 個食送,都幾貴~2.地方細,又逼又焗,仲要1張細圓台夾梗坐6個人,點食呀?!?3.佢地好似唔憂做咁(有d想趕客tim),冇服務不特止,仲有少少惡&串tim4.講番主角-個碗米線-好難食(可能有期望所以好失望),成層油浮係面,仲有好多黑色一粒粒既野(好似燒焦左既蒜頭),仲有d苦苦地timp.s.如果想食米線,荃灣有好多間好味過佢,仲平過佢,同埋肯定服務好過佢多多聲

朋友想吃米線, 因身在荃灣區, 便帶他來這兒了. 和譚仔的風格完全不同, 但都好好吃, 算是各有千秋吧, 如果譚仔的湯底麻, 這兒的就酸一點, 但, 仍然很正~~可惜來晚了, 很多餸已經sold out 啦....飲埋可樂埋單70蚊, 不算平, 但物有所值.

已食了差不多三年了..其實我只覺得是今年味道變了.沒有以往那味道..不知是否出了名?!最好食的都係腩肉.以前我食小辣都覺得辣..宜家小辣同清湯好似無咩分別..完全無味..現在要食中辣加酸菜先叫返以往既味道來.但這店子已比出面其他的店舖好好了.

食呢間米線都有五年有多, 每個星期最少都食1-2次! 初時食食都好似湯底唔同味(無咁酸辣)但都可以接受, 但係食到上個幾個月我已經接受唔到已經轉去第二度食! 因為我覺得佢水準好飄忽, 有時碗淡到無乜味又唔酸又唔辣, 腩肉又唔夠入味, 有時就ok啦! 不過都食唔返佢以前水準之作, 真可惜!

每當路經呢度附近都好鬼多人排隊等食,今日因約左朋友o係附近就去試一試,去到都有差唔多十個客人等緊,從外望入店內環境比較細,街坊食店o係咁上下冇得要求d咩,排隊間有位阿姐過黎幫我地落定單,可以節省多d時間,但對於我呢d新客黎講因唔知有乜好食會比較麻煩,唯有偷聽前面食d乜跟手再望望餐牌加上自己喜好!!!我自己要左碗酸辣,豬利,豬腩肉,醬爆貢丸米線,碗米線一上(木台)都幾嚇人,因為真係幾大碗同個紅噹噹o既顏色望上去感覺幾辣,雖然我本身唔食得好辣但唔理咁多照食,豬利肉質幾軟同入味,唔同平時食開o個d硬實實o既質地,唔錯;豬腩肉雖然都夠入味但因肉質比較"鞋"感覺比前者失色;醬爆貢丸話明醬爆但咬落一d都唔爆只覺得同普通貢丸一樣,反而米線o既質地幾好咬落真彈同唔會浸得太耐而淋晒另個湯底都幾清甜,唔錯!!!朋友叫左個酸辣,雲吞,腐竹米線,兩樣材料都o.k.,但問題在於大家都一樣叫酸辣,但佢o個碗d顏色居然好鬼清,開頭以為唔記得幫佢加辣,細問之下先知我o個碗d紅噹噹原來出自d豬腩肉,如普通o既材料o係清o既,佢地話加下次可以落單時叫加辣就會同我果碗一樣,感覺奇怪要淨酸辣就好鬼清,加辣就會紅噹噹,都幾得意

每次去開荃灣個邊就忍唔住黎幫襯, 於是昨日我又黎食咧~~~ !! 雖然離屋企都幾遠, 不過呢三個月來都食左五六次!一如以往唔要辣既, 所以食左雲吞蘿白米線. 好大碗又有好多好好味既酸菜同芽菜, 食起黎特別開胃!! 米線好煙un, 而小妹最鐘意皮好滑既雲吞, 清甜既蘿白同唔係太散既腐竹~~我覺得雲貴川既米線係最正宗既, 而且又抵食, 廿幾蚊有一大碗, 連枝$10 既豆漿都可以兩個人分. 今次夜晚去食, 好彩行快幾步, 因為我地等位等左一兩分鐘, 後面已經有差唔多二十人排隊!

只想回應米線妹其中一點,就係你話"有網友反映鋪頭環境或者清潔程度唔好,你就覺得佢就係冇華麗裝潢，先至可以收咁大眾化嘅價錢",係無華麗裝修先可以收平d,但都要注意清潔呀!收費同清潔係兩回事o黎o架,唔可以混為一談,如果以你所講,咁酒店o既收費一定唔會食物中毒啦,但點解近排有依d新聞o架???食環署d職員唔駛check d平價食市啦,佢地收費平可以唔駛理啦!今次只是回應,不作評分

見到留言版呢排有好多"雲貴川"唔係太好嘅評語，所以專登為佢平凡。其實小妹支持咗"雲貴川"都有幾年時間，眼見間鋪一日比一日多人支持，雖然有時排隊排耐咗，但係我真係覺得你值得嘅　~我想回應一吓有網友反映鋪頭環境或者清潔程度唔好，小妹就覺得佢就係冇華麗嘅裝潢，先至可以收咁大眾化嘅價錢，廿幾蚊咋，你哋想有酒店級招待咩。點解咁多人鍾意去大排檔，都係因為鍾意佢感覺夠親切嘛。鋪頭內嘅姐姐雖然有時係會惡少少，但係佢哋絕對係稱職囉，你下次試吓同佢哋笑吓，佢哋都一定會以一個親切嘅笑容回應你呢。老實講，大把貴價餐廳D侍應咪一樣惡到死，又唔見有人講，因為貴，所以D人咪吹捧囉。小妹都算係熟客仔，每次去到，鋪頭嬸嬸連我哋食開咩都記得呀，咁親切嘅招待，你去幾貴嘅餐廳都未必有呀。亦有網友反映米線比以前冇咁大碗，我就絕對唔贊成囉，佢碗米線已經係荃灣區裏面最大碗啦，我覺得唔係而家少咗，只係以前實在太抵食，就算而家我去，每次都見到大把人食唔晒，好多人都係一碗加底兩份食，唔好雞蛋裏挑骨頭好嗎？我都去過荃灣其他米線鋪，叫埋同一D餸，但係少好多好多囉，我叫火腿，只係得3塊咋，雲貴川係成疊咁俾o架，咁都叫少？仲有話碗米線好多油，請

以前未搬新鋪時真係好好食o架,當你order完,老闆就會用一個小鑊即刻煮o架,不但止好好味,仲有一陣鑊氣tim,但依家可能間鋪大o左,為o左做多d生意,就開始大量制做, 心知道一大量制做除非管理得好,如果唔係水準一定下降,依間就係後者,至從搬到新鋪後,我都食o左好多次,但味道同一般的鋪頭開始分別不大,食完唔會令你心思思想再去食o既感覺(以前是有的),食唔食都得,真係估唔到一間原本好好食o既鋪頭會變成咁,真係好失望呀!!!!!!仲有佢地間鋪的確唔係咁乾淨,地板仲幾跣下tim

同事成日講哩間o野好好食, (21/8/05)終於幾個同事一齊去試喇! o個日有落雨, 一點半, 等左10分鐘左右有位。湯底可選酸辣、炸醬...我唔食得辣,所以叫小鍋。腐竹+醬爆貢丸小鍋。嚟到每碗都有肉碎&酸菜, 所以如唔特別喜好酸菜, 就唔需要把酸菜揀成一個餸。米線好煙un, 好入味。貢丸內有肉, 但唔醬爆feel的。同事叫左大腸、豬腩肉, 豬腩肉唔肥, 應該可以試試。哩度衛生係唔係咁好, 但咁好味, 無計啦。

琴日下午諗住食米線..但又成日去福來邨果間,,就諗住試下哩間啦!點知1入到去已經俾個環境嚇左嚇..個地下勁多垃圾-_-....我就叫左腐竹+蘿白..諗住清清地*點知碗野一泥到..就俾佢d油嚇左嚇..d油真係勁多-_-..我食左1半已經濟死..仲要食食下俾個呀姐叫我起身讓位俾第2個..d態度真係好差..環境又差..食得好唔舒服!!我以後都唔會再去食..

冇咩特別評語，質素比以前差左，細碗左同埋ｄ米線已經搵唔返以前彈牙的感覺，而家反而俾路德圍果間米線做得好過佢。同埋我覺得環境都冇以前咁好了，變返一間普普通通的米線鋪。

早幾日同媽咪阿妹一齊去食,我同媽咪叫左個腩肉腐竹雞翼米線加底,阿妹就叫左個腩肉炸醬雲吞米線,我地大家都叫左走油,所以成碗都幾清,食完唔覺滯住,要讚既係米線好彈牙,雞翼都幾入味個湯底亦好香,但佢既腩肉明顯比以前既失色,無咁香同入味,而個雲吞都幾咸,d餡又有少少爛,同埋少左芽菜酸菜,依兩樣野我最鍾意食,竟然少左囉..........

中午去銀行入完數跟住食lunch,去到門口己經有條龍排緊,有位阿姐就續個問食咩,我叫左酸辡腩肉.之後另一位阿姐幫排我後面的人落單,我聽到個阿姐問"要唔要辡?","多葱少葱?", 點解頭先幫我落單既阿姐無問我既....?!!!!講番米線,佢既米線都幾好,唔會太幼,本人並不喜歡太幼既米線,講真腩肉只可以話OK囉,一片片肉塊,有幾塊都幾"UN"下,同埋好鬼死多芽菜!酸菜食落冇咩味道,湯底都麻麻地,都幾多油下.我幾年前食過一次,嗰次就好D.