唯一雲貴川風味

营业中

休息中

我鐘意腩肉炸醬豬肚魚旦米線。。好食但太迫，地又滑

因為知道呢間出名，所以就去試o下啦我叫o左個腩肉腐竹小鍋米線小辣，第一次去唔知道小辣都會咁辣，可能因為係麻辣，再由於太辣o既關係搶曬d味，所以我第二次去就叫唔辣，佢個湯底都OK，不過就太油，不過都直得一試

呢間野~我由佢未搬去呢度食度而家~由細食到大~當然腩肉係必試啦~而佢既雞肉同腐竹咁配係好正囉~但...而家既質素就大不如前喇~因為佢而家加左味精~仲加得好犀利~每次食完我飲一支水都唔得~就好似上星期去食~嘩~~~打左個突~因為完全唔合格囉~~以前食開~成碗都煮到橙紅色混埋一齊~但...果日果碗係得d辣油係面~d米線又太硬~~好之唔識形容~仲有~其實所謂既小鍋~並唔代表唔辣咁既意思~~只係多左小小肉碎(而且仲好肥)~~其實可以就咁叫"腩肉米線唔辣"咁樣係23蚊~~但你加左小鍋呢~就貴少少~~所以d亞姐會話小鍋唔辣~咁....佢地咪賺多d 囉~~如果大家唔嫌遠既話~可以去紅磡果間~因為2個老闆都係係果邊~~比較冇咁差囉~~本人覺得佢地d酸菜比其他好味~因為自己醃架~!

見到咁多人話唔好食, 真係要黎個大平反呀~!! 我兩個月黎幫襯過兩次, 都覺得唔錯呀~!第一次去唔知佢個酸辣係咁辣既, 令食唔到辣既我好辛苦~!第二次去就唔食酸辣既, 淨係叫左兩個餸, 腐竹同魚蛋, 魚蛋就真係差左d, 只係一團粉. 腐竹就唔錯, 可能係我鐘意食d有咬口既食物, 反而唔鐘意食"林"架啦.唔叫酸辣/炸醬其實都好夠味, 因為有好多配料, 有酸菜, 芽菜等等, 令全碗米線都好夠味. 我同朋友都覺得d配料又多又好味, 好有風味呢~!服務就far from perfect, 始終係舊d既地鋪. 不過藉得欣賞既係排隊等位既時候已經有個阿姐幫我地落單, 所以有位之後都唔駛等太耐.

今日去左呢間野,食左個腩肉+腐竹米線, 而男朋就叫左個腩肉+酸菜+雞翼米線.仲有豆漿.就好似下面果位咁講.大家推薦的腩肉,真的不太合我地口味呀~腐竹硬硬地ge.....而個腩肉本人覺得普普通通...男友就話酸菜唔好食~服務方面...落單都冇咩~不過我食食下覺得有野整到我一下...之後我望一望,原來係條芽菜..咁我就好奇怪啦..原來係個阿姐同廚房位仁兄唔知玩咩...我聽到佢講:"咁遠你都掟到出黎"...個阿姐仲好似冇咩咁笑笑口玩...佢似乎唔知整到我喎!果陣咁多客,咁忙..佢都可以咁..唉我地都係覺得長沙灣ge四川同埋譚仔合口味d~仲有,以呢個價錢~係四川食開ge朋友都知,可以食2個套餐加埋野飲啦

我喜歡吃米線,看這麼多人給予甚高評價, 於是也慕名一試.眾人推介的腩肉, 對不起, 不太合胃口, 還是譚仔的好味一點. 其餘如湯底, 配菜等等, 也只是一般而已.

唔係好味到要咁多人排隊囉~~~坐得好唔舒服....d 阿姐好惡~~~

這裹的米線做得幾好食, 米線夠彈性又有口感, 雲吞同腩肉份量夠多又好食以不愛吃酸辣的我來說, 普通的酸辣湯底己算不錯唯有不足之處是地方污糟

很多人都說荃灣這間米線好好味, 但一直沒有機會去. 星期六去打波, 未有lane, 咪去試下. 下午5點鐘, 冇嘜人排隊, 但都full曬. 聽講這兒的腩肉好好味, 但不是我杯茶. 但一場來到, 總要試多d野, 於是叫了酸辣炸醬腐竹豬潤米線. 在等吃的途中,聽到有人叫蘿白大腸翼尖小辣多蔥, 我當場呆了一呆, 這裡是不是吃車仔麵的, 我找錯了鋪嗎? 再看單子, 沒錯呀, 但心已一沉.說回正題, 米線來了, 很大的一碗, 料很多, 但亦失望, 炸醬乾乾的, 酸菜粗粗的亦沒有多少條, 豬潤厚厚的滿佈一大碗, 賣相極差. 試了一口, 所有料都是涼的,有沒有搞錯. 心更冷了一大截.炸醬不香, 酸辣不辣, 腐竹硬得很, 豬潤莫說和維記相比就連深水步雲南風味也比不上. 好在米線尚可.好彩肥妹爸爸等lane沒來, 要不然就給罵一場.唉!又熱又髒又不好吃. 總之希望愈大就失望愈大.

唔止個湯底有分辣定清湯呀!!連某一d餸都辣ga~~~~但我又唔知邊d辣邊d唔辣wor!!!加上我又唔食得辣野, 所以.....不過d麵真係幾好味ga~~~

見有人讚得甘厲害，於是一試，叫了一碗魚蛋腩肉，我覺得很失望，首先魚蛋不是白魚蛋，而是超迷你的黃皮魚蛋，最重點是有浸腥味！！，而且碗野又肥膩，不知道有什麼好味，下次不會再幫襯。

好耐之前都去食過架啦~真係勁好食，我仲記得第一次去食~完全俾佢吸引左~就算勁多人排隊都會去食~宜家環境改善左，有得上樓，上樓既環境比地鋪更好，更乾淨~

我曾經食過幾次,好食and 好辣

好好味～我朋友叫ｏ左唔知咩酸辣米線…哇～辣到好正～！！因為本人比較食辣野！個一日我見到門口有大約１５～２０人等緊…＠＠但係大約係早上１１左右！！正～

當我第一次去過呢度食之後, 就完全被佢吸引住, 真係好正ar! 我最like腩肉, 朱腸同酸菜, 必叫, haha! 我試過食一次小辣, 辣到我飛起, 所以之後每次去都係食小鍋(即係唔辣), 但一樣甘正!我男友最怕食米線, 上海麵呢類易'林'同發漲0既麵, 但佢去呢度食過一次之後, 都話好味, 仲話再去tim!